火氣十足既韭菜豬肉水餃

尋日喺公司又無野做...所以可以準時收工走人...其實我覺得好鬼尷尬架...因為公司又靜英英....一起身係人都知....好肉酸架....但唔走又唔知做咩....妳有無野做人地知家嘛....所以我都豁出去lu....唔理得咁多....早d番屋企煮定飯比里奧大人食飯好過無無聊聊扮有野做呀......

尋晚兒生女祺祺話上黎食飯....咁我就整韭菜豬肉水餃.....方便嘛....一落車以9秒9速度去超市買豬肉 ($12)...要攪碎既...費事 dir 到頭痛...之後再去買水餃皮 ($10)...韭菜 ($4)...再買左恐龍旦 ($10/7個) ...我仲特登去左 7 仔買左支 perrier 比祺祺添呀...$11.9 呀 (我覺得自己好鬼豪呀...因為我自己唔會飲咁貴既"水")...之後即番屋企預備晚餐...醃好 d 豬肉同韭菜撈勻就放落雪柜做其他野喇...話哂有人....點都要掃下塵...執得整齊 d 咁既...

搞掂哂之後就打比祺祺...點...知...祺祺話佢個同學同埋同學既媽咪去左去屋企...咁啱佢地又開飯...咁祺祺話媽咪話人地喺度食飯...妳走左唔係咁好...咁咪唯有聽媽咪話囉...咁...即係放左我飛機啦....好唔開心呀...預備好哂家嘛...咁里奧大人番到屋企就問祺祺係咪唔黎呀...我話你又知...里奧大人話因為唔見祺祺...之後我好嬲話係呀...俾佢放飛機呀...仲係要我打比佢先知道佢唔黎得呀....咁里奧大人就話咁點得架....要早 d 話比人聽唔黎嘛....唔可以等人打比妳先至話唔黎咁無搭圾...之後打比祺祺要佢親自同我 say sorry...我話唔洗啦...算啦...祺祺都唔想既...

雖然嬲嬲地...但煮 d 水餃又好好食喎..."火氣"夠呀...好食過之前煮果兩次...唔知係咪 d 皮唔同左...薄左....因為睇到裡面係綠色既...好靚呀...今次里奧大人連續食好多隻...仲話如果再煮多幾隻都食得落添呀...見到里奧大人食得咁開心我都好開心呀...(好似 d 亞媽咁)...

尋晚天氣係焗d....但好在無落雨....所以就同里奧大人散步....散散下有個好朋友imen打黎傾計....好耐無同佢傾計喇....所以好開心....好似有講唔完既話題咁呀....

番到屋企就沖涼睇電視...睇亞視訪問 co co 呀...佢話對唔住屋企...同埋唔想俾家人知道佢做呢行...咁妳比傳媒影到既時候妳就掩瞼啦...仲喺度笑...又着埋 d 咁既衫做訪問...鬼信妳唔係出黎做咩...不過我覺得最好睇既就係個主持同 coco 係妙問妙答...笑死...

今朝食左個免費早餐...就係家鄉雞既焗鬆餅....因為之前買左 d 現金劵送埋既 coupon...番到公司再飲罐 nescafe...死啦...今個星期飲足4日咖啡呀...

做咩咁既...點解我 msn 既 "我的表情符號" 無哂架...我嘔心瀝血搵番黎既 icon 做咩一下子消失架...比番我呀...唉...黎緊既日子又要好忙...因為我要 search 番我好 like d icon 呀...

晏晝同 vv 食潮州粉麵....同 vv share 食左五香切腩米 + 紫菜三寶米 + 通菜 + 涷奶茶...合共 $43...每人$21.5 好抵呀...又可以傾下計...唔錯唔錯...

今晚又要再去 nokia 整電話喇...麻鬼煩...上星期整完第二日又影唔到相又 hand 機...有無搞錯架...如果仲係咁既話...trade in 好過呀...

晨早溜溜見到小小強

尋晚家姐陪我睇中醫...真係好溫馨呢...仲陪我等左成半個鐘車呀...我話唔洗陪我啦...妳番屋企食飯好過啦...喺都要陪我等多兩個字先肯走...到我差唔多番到屋企佢先有車咋...好可憐呀...陪我等車而等到自己無車...我忍唔住同家姐講對唔住...下次唔好陪我喇...妳早 d 番到屋企他他條條休息下好過啦 (雖然佢都係會陪我)...我真係好開心...因為我家姐真係對我好到家零一...諗番起以前細細個成日蝦佢都覺得自己好鬼衰...所以依家知道佢鍾意食既野會買比佢食...食到驚為止...

我覺得自從結左婚同屋企人加朱朱相處時間小左勁多既關係...所以次次見親佢地都勁勁勁勁勁開心...諗番起未嫁前成日淨係顧住拍拖行街...唔願番屋企食飯陪屋企人....依家結左婚就好想同屋企人多 d 相處時間...犯賤呀...結婚初時...每次約媽咪飲茶...走果陣時媽咪係眼濕濕鼻紅紅想喊咁架...梗係擔心我無飯食無湯飲...依家知我咁鐘意煮飯煲湯就放心哂...有時仲問番我點煮添呀...

不過...我都好享受我既婚姻生活既...因為多個人錫到加零一嘛...

尋晚無咩胃口食飯...所以同里奧大人食車仔麵...我就食左油渣麵...勁難食呀...d 豬油渣黑掹掹既...望真 d 係炸左既薄身豬腩肉...再配 d 東菇絲 + 唔熱既白蘿蔔就當係一碗油渣麵...唔係呀化...咁里奧大人叫左杯熱豆漿...話 $3 好抵....見到用個膠杯黎裝既...肯定係用 mircowave 叮...因為飲果陣時係暖既...又無豆漿味...下次唔好貪平喇...食完碗麵好想反胃...但唔食又嘥鬼哂去...yiyiyi..

今朝出門口時見到隻小小強喺個柜面...叫里奧大人打死佢...但打唔到...之後入左柜入面...里奧大人話噴殺蟲水...點知佢打開柜桶黎狂噴...大佬呀...柜桶入面裝左錶呀...眼鏡呀...記事簿d雜物家嘛....點可以咁噴架...佢話下次用之前洗下去咪得囉...鬼記得咩...之後話下次等我噴喎...衰人...

今朝好眼瞓...唔想食三文治悶上加悶...所以食左精選早餐 (珍寶腸 + 餐肉 + 旦 + 牛油方包 + 熱央 $15)...好飽呀...食剩一塊午餐肉同半塊方包...食食下諗起係唔知咩牌子既午餐肉就好驚唔敢再食 lu...

晏晝同媽咪飲茶...因為媽咪煲左愛心湯 (北芪南早豬展湯)...而我地就淨係食左一碟勝瓜鱸魚片炒麵 + 馬拉糕...我飲湯都飲飽 lu...而媽咪就因為尋晚食滯左...所以就係食咁多喇...

諗埋今晚煮咩....就係整韭菜豬肉水餃...叫埋 "兒甥女" 黎食...因為講左今個星期搵一晚上我屋企食飯呢...

死火啦...我真係得閒到咁呀...我今日都係睇人家既 blog 過活咋...睇到眼都痛呀...

開心又一日...唔開心又一日...係咪應該要揀開心呢...

尋晚好開心呀...因為放工可以見到我深愛既朱朱...但...因為媽咪陪婆婆出去食飯...家姐又要開 ot...所以得番工人同婆婆工人同我食飯...

見到兩個工人坐埋一齊食飯...頓時覺得自己好孤零零添...好在有我鍾意既餸同湯 (白切雞 + 炒西生菜 + 煎紅衫魚 + 紅蘿蔔合掌瓜粟米栗子豬骨湯)...唔係仲慘...

尋晚咁啱家姐要我朋友幫手整野...所以佢就車我同工人去家姐屋企度...太好喇...唔洗搭車轉車咁煩...佢等埋家姐番黎就走 lu...家姐成 10:45 先番到呀...難得我去佢屋企瞓嘛...佢又要開 ot...不過無辦法啦...老細指定要嘛...見到佢 ot 到咁夜先番到屋企...我覺得家姐好慘呀...好心痛呢...

之後沖埋涼同家姐一齊食零食傾下計就 12 點幾 lu...非瞓不可呀....因為聽朝 7 點要起身同媽咪同深愛既朱朱食早餐呀...其實同家姐一齊瞓真係有 d 唔慣...因為我驚郁黎郁去呀...訓到 5 點幾我要搬遷喇...因為工人 5 點幾起身整早餐俾姐夫食...(姐夫係開夜班既...所以 6 點幾就會番到屋企)....咁所以我要去工人間房訓....一晚要瞓兩張床呀....搞笑....好在瞓得都 ok....唔係就慘喇.....

7:00 起身刷牙洗瞼就打的番媽咪屋企附近同埋深愛既朱朱食早餐 lu...好好好開心呢..同家姐食左沙爹牛肉米太陽旦湯米 + 奶油多 + 吊命涷央...媽咪請...

之後上番屋企...同婆婆傾下計...佢話好悶...隻腳又唔行得...我話咁多人陪妳周圍去...又有工人推輪椅同妳散步去街...妳應該開心...悶咩喎...之後婆婆話家姐做野咁辛苦...話好唔安樂...我話做咩唔安樂喎...妳應該開心家姐有賺錢既機會同能力...之後又話自己好多野諗...諗 d 仔女呀...d 孫點呀...我話妳諗黎做咩丫...妳有妳諗...佢有佢做...個個咁大有自己思想架啦...好在婆婆都識得話時代唔同...唔輪到妳諗啫...

做人應該開心過每一日...做咩咁蠢揀唔開心黎自怨自艾啫...同埋凡事最緊要兩面睇嘛...開心時同人分享...唔開心時亦要同朋友or親人分憂...咁可以令到大家了解自己...溝通都方便 d 啦...我依家就係咁做....但唔知老左係咪會變既呢...好...驚...啊...

襯有時間...幻想下我同里奧大人老左唔洗做野會係點樣生活既呢...

.唔知係咪會好似大部分老人家咁...每朝晨運....飲茶咁他條呢...我已經諗過如果我同里奧大人有精力....就會去做義工...因為幫到人真係好開心...而有時間既話...就同 d 仔女孫聚一聚...但又唔可以咁密喎...因為每個家庭都有自己既時間嘛...每季同里奧大人去下 short trip 旅行...(因為我覺得里奧大人老左會無咁大力幫我拎咁多行李)...唔知老左仲係咪咁想買野既呢...我相信都係會...只不過買既野唔係買比自己...係買比 d 孫啫...不過...講左咁多既野都係依家既諗法...唔知老左果時都係咪咁諗呢...希望係啦...我唔想變左係d古古肅肅既老人家呀...

諗下寫下已經食 lunch 喇...食番尋晚 d 愛心飯餸...一樣咁好好味...今日好在有 d 野做...無咁悶...

放工又要過海睇中醫呀...好辛苦呢...之後同里奧大人出街食...我估里奧大人會話食壽司 or 越南野...因為我鍾意喎...其實係諗唔到自己想食咩就真...

漂流寢室

尋晚唔知點解好攰...喺車度訓到唔想起身...又唔知點解...尋晚架車又快左好多...所以好快就番到屋企附近...悶悶地去左 7-11 買野...因為同事想要叮噹印仔...咁就買左 $30 雪條同甜筒...有 4 個 chop 呀...但真係見到堆野食都唔知點算...人家想減肥家嘛...

番到屋企灘落張梳化度...望到個鐘都嚇左一跳...咁早既...可能因為唔洗買餸既關係...唔洗買餸係因為之前我已經醃定左 d 雞扒...入味 d 嘛...

呢排成日出暗蒼...加上里奧大人今日要上大陸開月會同過夜...費事煮黑椒雞扒咁熱氣...所以就煮左茄汁雞扒 + 灼通菜... 我煮既茄汁獻係用薑同蒜頭加喼汁一齊兜既...酸酸甜甜好好味架 (我覺得)...食完飯個天仲落緊雨...所以無得跑步 lu...無野做就食生果...就係孖蕉...因為 d 蕉熟得好快...唔食就要掉...咁...唯有掉落自己個肚度無咁嘥囉...但今次里奧大人又唔瓜瓜叫喎....因為次次買親蕉都係臨尾要連哽幾隻...真係好驚架....大家都知蕉係幾飽肚架啦...

今朝食左芝腿治 + 熱檸茶...$13...但唔記得話要烘底呀...個侍應問係咪我既時候我話唔係呀...後尾先醒起自己無叫烘底呀...yiyiyi...不過算啦...慳番$1 囉...

晏晝又食番尋晚既飯餸...好悶呢...但可以慳番 d...無計...成日喺公司真係好悶...又唔想睇報紙...又訓唔到....所以....決定出去行下....行新開既 Market Place...車車車...又吹到好多日本野買...搵笨既...真係好失望...令人沮喪...行行下見到 "First Choice" 品牌 d 野添...點解咁熟口面既...哎呀...原本係百佳自家品牌呀...cher....之後諗住買下d調味料...但無理由山長水遠咁拎番屋企家嘛...屋企附近果間仲係百住超級廣場添...但...入得去...無理由空手而回...所以買左 2 筒萬樂珠 (mint) + Snyder 粒粒 + 辣味卷 (5條) 比家姐...又大拿拿洗左 $32 呀....里奧大人...對你唔住呀...成日亂用錢...可唔可以比番我呀...

由於今晚里奧大人會喺大陸開月會同過夜既關係...又由於婆婆同工人又去左媽咪屋企訓...所以我無定訓呀...好在家姐有地方我訓啫...所以食完晚飯就會出發去家姐屋企 lu...而我已經 plan 定好哂到時一齊食薯片 + 睇電視 + 玩 nds...

唉...但其實我無時無刻都想見到我深愛既朱朱呢...雖然佢係好早訓...但望下佢既睡姿同熟睡既樣...好 kawaii 呢...我仲會同佢影好多相 (但個個見到都話張張一樣)...但我真係用唔同既角度影架噃...悶悶地既時候攞部電話黎睇...真係好開心架...我...

今日有 d 野做...都好...但都仲係有好多空閒既時間...所以我就 set 下我 d 目標...就係...

每星期做兩次 mask

每星期飲一次綠茶溝益力多

每星期燉一次肉汁

每晚要跑步 or 做 15 分鐘運動

每晚要睇一節聖經

戒食零食

戒飲咖啡

戒亂買野

勁...勁...勁...勁...勁聊

咁快又一日既

尋日朝早要番教會...所以 10:00 要起身....同里奧中人食豪 d...去左太興食左黑椒雞扒拼腸仔配多士 + 熱即磨咖啡...里奧大人食左火腿絲通粉拼滑旦配多士 + 熱檸茶...食完番教會 lu....講道內容係...溝與通...慢慢的說...慢慢的聽...慢慢的動怒...好啱我聽呀...我要好好咁學習呀...

番屋企途中見到有間幾吸引既家品店...入去行左轉...買左一個直身油樽 + rubber 就走喇...望下錶...原來已經一點幾...終於可以食到涷既亞婆豆腐花喇...真係好正架...滑到好似飲水咁...食過亞婆豆腐花...再食其他舖頭整既豆腐花....水準真係差幾千倍呀...

橫掂有個行街 mood...所以周里奧大人去左 columbia 睇下有無野執...嘩...里奧大人好大手筆買左兩條衭呀...仲每人買左件格仔恤衫...夫妻裝呀...

之後再去買左 preious moment 化妝袋...再去另一度買左一個變色鐘同一個 超迷你 locker 柜裝濕碎野...所有野都係里奧大人用私己錢買架...wakakaka...

見里奧大人咁好...就整左個丁丁同煎雞尾包 + 涷檸樂做 tea 比里奧大人嘆下啦...

之後表妹打黎傾左半個鐘...講既話題係星期三所有人要同婆婆食飯聚一聚喎...最慶係婆婆無問過任何人得唔得閒就訂左枱...大佬...個個有野做...唔係話黎就黎咁簡單家嘛...係咪好應該要尊重下人...問下人邊日方便先出黎聚一聚先再訂枱呢...聽表妹講話果日好小人會到添...梗係啦...人地一早已經 planning 好哂家嘛...好似妳咁話約就即刻黎咩...唔係黑...我覺得咁仲好...等佢知道唔係妳話咁就咁呀...傾到我同表妹都"慶合合"呀...

傾完計就睇下報紙...之後又開始煮晚飯 lu...煲左花膠淮山茨實鱷魚肉瘦肉湯...煎魚餅...蝦醬炒通菜 (本來想買菜心...但 $12/斤呀...顛咩....咁貴...所以買通菜喇...$5/斤咋...仲可以分兩日食添呀)....我第一次炒通菜咋...好在都 ok....食完飯同里奧大人去跑步...雖然好熱...但出身汗郁下好 d 既...番到屋企即刻沖涼....因為趕住睇亞蘇呀...唉...咁又過一日 lu...

加速燃燒脂肪法...不用錢的...只要慶就可以了...

尋晚起身去左幾次廁所...又發惡夢...所以好似無訓過咁...十萬個慘慘慘呀...

今日早餐係腿旦治 + 吊命熱央...$13

晏晝約左表妹食 pizza hut...一去到表妹就送左本書比我呀...呢本書對我讀輔導初班有幫助...好感動呀...我地食左 2 人餐 (忌廉雞湯 2 客 + 意式風情 (迷你) 批 + 焗釀蟹蓋拚魚圈 + 百事)...再加多個三文魚卷...但點解我都係麻麻地飽既...梗係慶得滯喇...

加速左燃燒脂肪既速度...因咩慶...咪又係婆婆單野囉...講下講下...原來個個都好不滿婆婆 d 所為...好心做仔女既就開門見山講婆婆有咩唔啱啦...成日鬧人係咪情緒有問題呢...係就拿拿聲去搵 d 專業輔導幫下...唔係越黎越嚴重就大穫架喇...仲有一樣仲慶呀...就係表妹話今朝青打電話比婆婆...話果晚因為要喺屋企教琴...所以要 9 點先到...問下有無問題...點知婆婆發脾四話咁遲...食咩呀...食屎啦...之後仲 cup 線...有無搞錯呀...好心問下妳...妳咁既態度仲 cup 線...有無過份 d 呀...話哂都係你個孫丫...洗唔洗咁呀...尊重下人好喎...我表妹好唔開心...眼濕濕好想喊...好驚呀....我第一次見佢咁澈動架咋...最後我咪話唔想去咪唔好去囉...事實真係有野做...又唔係特登唔去...亦係話比妳知妳所做野行為令到我好不滿呀...最頂癮係表妹同我講婆婆都知好小人會到...話不如取消...點知舅父話唔好喎...我想請問點解唔好呀...無謂嘥左張枱去丫...而去既又唔係好開心咁去...係被迫咁去 (因為要取消原有既約會)...咪食得唔開心...都唔知 d "大人"諗咩既...

之後表妹陪我行番公司...又要開工 lu...不過又係無野做...所以就寫 blog 過活...

今晚應該灼通菜同整雞扒...但仲未諗到點煮件雞扒呢...

很累的一天

尋晚食食下飯里奧大人突然間打比我...話走喇...原來唔洗喺大陸開月會同過夜呀...因為老細仲同緊個客開會...所以同唔到香港黎既同事開月會...顛架...唔洗開會就唔好叫里奧大人上去丫嘛...嘥哂 d 時間...

雖然里奧大人會番香港...但我都唔番屋企陪里奧大人喇...因為話左陪媽咪同埋又約定家姐今朝食早餐...所以費事騰黎騰去 lu...

唔洗煮飯洗碗既日子真係要好好享受同珍惜呀...真係嘆到丫...一坐埋位就可以即刻食...very very good...尋晚媽咪煲左雞骨草豬橫脷豬骨湯...要煲成四個鐘頭架...去陰毒同清肝喎...所以媽咪係都要我飲四碗...餸就係蒸新鮮沙猛 + 炒白菜 + 蠔油東菇瘦肉節瓜 + 燒排骨 + 橙色d生腸 (電視節目話係豬既子宮喎...但我唔知有無記錯)...所有野我都好鍾意食呀...唔知係咪因為好 relax 呢...

食完飯仲有切埋既生果食呀...太好喇...覺得自己好幸福...好似回到未嫁時咁呀...食完就同家姐玩 nds...太鼓好好玩呀...比家姐試下玩...玩到身又郁又係咁 fing 部機...我真係好驚會整爛部機呀...but 家姐唔 like 玩太鼓...所以玩番佢既至愛右腦達人...又話好攰...仲玩埋 d 咁聚精會神既 game...傻架...

之後家姐番屋企...媽咪同深愛既朱朱又訓覺...所以我就睇電視同玩 nds...十點幾已經好攰...所以上床訓 lu...不過無覺好訓...因為我深愛既朱朱成晚喺度吠我...無覺好訓呢...7 點鐘又要起身同家姐食早餐...仲同埋媽咪同朱朱食添...very very very 開心....食完番上去沖個靚涼就走 lu...去幫朱朱攞藥...之後去 nokia 度整手機...話一個鐘有得拎喎...咪去油麻地既陳枝記逛下囉...買左 d cookie 同旦糕既用具...以防萬一...我仲 pro 到買食物用既溫度計添呀...一係唔做...一做就要跟足...

之後再行去永安買 stick 型枴仗...有就有...但無得調教高度呢...所以無買lu...再行下食品部...買左 d 野就夠鐘就去拎番部手機 lu...yiyiyi....又話一個鐘有得拎...等左一個半鐘呀...又熱又肚餓又急 vv...激到爆炸呀...拎完即刻搭車番屋企同里奧大人食 tea 呀...去左極品快餐店...大家樂....我食左蜜汁燒雞脾 + 紅豆冰...里奧大人就叉燒湯瀨 + 可樂...食完即番屋企放水呀...

今晚又唔洗煮飯...因為姑奶佢地幫里奧大人搞生日 party...唔洗做又有得食...感謝神呀...

一個人的安樂窩

尋晚好開心呀...因為去左媽咪屋企...又可以見到隻超無敵勁可愛既朱朱...可惜家姐要開 ot 啦...如果一齊食仲 perfert 呀...尋晚媽咪為我特登煲既加零一愛心皮旦豬潤瘦肉魚滑粥...仲有韭菜豬肚炒麵...白灼蝦...灼芥蘭...煎雞亦...d 粥超超超超超超超好食呀...好綿呀...我一口氣食左 3 碗添呀...就咁食粥都食飽 lu...仲食到好鬼熱...無咩必要都唔好係大熱天時食粥喇...

之後再食多 3隻 蝦 + 3 條菜 + 1 隻雞亦...因為真係食唔落...咁我又帶番公司食呢...所以都唔會嘥既...haha...

見到媽咪成晚搓住個胸口....嚇死我...問媽咪咩事...原來係胃痛...因為要睇住煲粥...又要教過工人煮麵...(平時媽咪會任由工人發揮)...唉...搞到我十級心痛...下次都係唔好話想食 d 咩喇...次次一話想食既野...媽咪就會親自督工...唔敢比工人煮...驚唔好食喎...愛心餸喎...梗係唔假手於人啦...

媽咪...我愛您...下次黎我屋企我會整 d (我認為) 既拿手小菜比妳食架...

里奧大人尋晚本來 meeting 完要同客食晚飯...但因為個客太多野做...所以 meeting only...唔食晚飯 lu...咁即係得里奧大人一個人食飯啦...poor poor 啊...仲要係食麥記既包包餐添...不過里奧大人肯定好開心...因為有 free time 喎....yiyiyi...有好野都唔識欣賞...

其實里奧大人唔洗同客食飯都好既...因為可以 join 埋我一齊搭車番屋企嘛...

番到屋企第一件事係洗衫...之後喇喎...咪就係食埋尋晚食剩既 chesse cake 囉...好漏呀...我真係見到 cheese cake 都有 d 驚...不過自己整既點都要食哂去既...因為里奧大人要出 trip (開夜會 + 過夜)...所以我要幫里奧大人執衫同埋幫自己執衫...因為里奧大人出 trip 我就會番媽咪屋企訓既...有人陪我嘛...同埋里奧大人知我好鍾意見到朱朱呢...

今朝食左多豉油小辣既燒賣粉果 $10...自己喺公司沖咖啡...好好好好好飽呀...杯咖啡成 10:00 先飲到...今日有野做喎...不過好快就可以做完...效率高嘛...

晏晝o係公司食...食番尋晚既野...都好好味...之後去左馬莎小 shop...買左 d 日用品...hand cream 比自己...再買包果汁硬糖比媽咪...又洗左錢喇...可唔可以介紹份 part time 比里奧人黎幫補下我呀....

好朋友 cc 逢星期五下晝就要做 report...唔得閒同我 msn...所以次次星期五我都好慘架...

睇依家情況...都應該無驚無險可以準時放工...今晚會番媽咪屋企食飯同訓覺...仲有係我聽日day off...好開心呀...希望里奧大人可以趕得切同我食晏啦...難得唔洗番工嘛...

里奧大人生日飯

我們的枱號

午餐 - 椰汁燉雪蛤 (涷)

午餐 - 煎餃子

午餐 - 蜜汁叉燒腸

午餐 - 金銀蒸蝦丸

午餐 - 素鵝拚海哲

午餐 - 酸辣魚腐湯米線

晚餐 - 乳豬 (例牌) 

晚餐 - 金銀旦芫菜 (左) / 梨山醬汁肉排 (右)

晚餐 - 忌廉 (左) / 可樂 (右) ~~~係人都知啦

自制心型藍梅芝士旦糕 (生日旦糕) - 正面  ~~~ 我很醜..但我很好味

很久不見的晚餐

嘩哈哈哈...唔寫 blog 唔得喇...因為老細出左去呀...太好喇...

今朝食左奶油多 + 熱檸茶..$14(唔知係咪杯熱檸無落糖...所以好澀...飲到想反胃呢)...

今日如我所料...又係無野做...所以都係睇下 blog 同報紙...msn 咁過日囉...死未...

尋晚食滯左...所以想食 d 刺激味蕾既野...就叫左外賣...酸辣魚片 + 麻辣牛丸米線...$23...好貴呀...不過個衰鬼米線又係好好食既...好滑嘟嘟...而個湯底又係唔錯既...

今晚里奧大人同客食晚飯...所以我就趁機番媽咪屋企食晚飯...見下家姐...同埋見我深愛既朱朱呢...我叫媽咪煲豬潤瘦肉粥...媽咪第一句就問 : 妳唔舒服呀 ?!?!我話唔係...因為好想食豬潤補下血啫...唔通真係從古至今都係有病先食粥 ??之後媽咪打黎話 d 粥加江瑤柱同皮旦一齊煲喎...我話加咩都好啦...唔洗我煮就咩都好架喇...由於今晚又食又拎 (帶飯番公司食) 既關係...所以媽咪就叫工人煮多幾樣餸...就係炒麵...炸雞亦同菜心...我仲會買油炸鬼同油脷酥添...太開心喇....因為唔洗煩食 d 咩呀...不過里奧大人就慘 d 喇...因為唔可以同個靚靚靚老婆食晚飯...無辦法啦...social 嘛...邊樹叫我又大洗又大食咩...里奧大人...辛苦你喇...

給里奧大人的生日詩

里奧大人既生曰...

靚太做野好穩陣...
7 月已經送禮物...

銀包送禮唔核突...

生日唔要電話入...

費事激到眼突突...

股票投資賺到突...

讀書考試無咁密...

去下旅行夠充實...

份工穩定好過日...

生活過得好安逸...

里奧大人的生日

今日好開心呀....因為係我深愛既里奧大人生日呀...作為一個好老婆既我...當然要請假同里奧大人慶祝一番啦...而我喺 7 月果陣時已經送左個銀包比里奧大人喇...所以正式生日果日係無禮物架...尋日雖然落雨...不過唔緊要...因為里奧大人一早諗左 Plan A (戶外), 同 Plan B (室內) ...所以都無咩影響既...

今朝 10:00 起身...個天仲係落緊雨...其實想去嘉道理農場架...不過無辦法啦....唯有plan b囉...就係去睇恐龍骨喇...諗住同里奧大人去飲茶...因為好小機會朝早去茶樓飲茶...點知要等成10張枱呀...點等呀...咁唯有失望地去大家樂食早餐啦...不過我都好鍾意食既...我食左既至愛牛扒腸仔配蘿蔔糕 + 熱央...里奧大人就食左牛扒旦 + 多士配麥皮 + 熱檸茶...好好味呀...之後番屋企沖番個靚涼就出發喇...

第一站 : 1:00 到科學館睇恐龍骨...正呀...因為未試過咁近距離睇恐龍...骨...影左唔小相呀...遲 d 睇里奧大人過相比我就 post 比大家睇...

第二站 : 2:30 lu..近近地去左港晶中心間彩晶軒飲茶喇...haha...因為實在太想同里奧大人飲茶呀...環境唔錯喎...我地叫左蜜汁叉燒腸...煎鍋貼...金銀蒸蝦丸...海哲拚素鵝...酸辣魚腐湯米線...雪蛤燉椰皇 (涷)...呢度既野食通通都...難食呀...好唔開心呀...估唔到好彩集團會有 d 咁差既水準呀...之得去表哥茶餐廳食好過啦...之後行去加連威老道附近食番 d 好野...就係專賣韓國野食既舖頭食番支雪條喇...

我食哈蜜瓜味...里奧大人就食士多啤梨味...兩款味都好好食架...順便買左兩個辛辣杯面番屋企...行行下見到我想買果鞋好...所以試完就買 lu...唔係一陣里奧大人會依依俄俄趕住走咪咩都無?!?!因為里奧大人知我買野既性格係...兇狠型既有殺錯無放過...對鞋喺里奧大人送比我架...邊樹好意思呀...生日要送野比人喎...

行下行下又見到防刮腳..又忍唔住自己比錢買左兩對...其實之前買左都未用...不過見有就買囉...費事後悔嘛...

第三站 : 去海港城 shopping...突然間里奧大人有電話入...係講公事架...有無搞錯呀...請左假家嘛...里奧大人一傾公事就會忘我境界連行錯路都唔知架...不過錯有錯着...行左去 zara 果邊...橫掂無咩人咪行入去睇下囉...比我見到有件 tee 唔錯喎...再等里奧大人過目一下先...yi...里奧大人居然話抵呀...買囉...仲同我揀 size 添呀...唔通生日洗錢真係特別開心 d 既?!?!?!之後乘勢再睇下 d 褸 (難得shopping唔洗自己)...唉...雖然自己有美好既身材...但都有缺憾美...就係隻手唔夠長呀...件褸人地好鍾意家嘛...個袖長 lai lai 點着呀...唯有放棄囉...

臨走發生左件好樣衰勁"火羅"爆既事呀...就係我離遠見到有件好 sharp 既碎花衫...拚上埋身睇下...之後里奧大人走埋黎細細聲講話...妳呢件係 kids 既喎...嘩嘩嘩...勁"火羅"呀...都唔知有無人睇到添呀...

第四站 : 行我既至愛...city'super...不過今次居然無咩野特別想買喎...真係估唔到估唔到....之但係諗住番屋企之際...就入左去 zone 度共下...買家品既舖頭...嘩...比我發現左有special price 既野呀...仲係我想要買既 item 黎架...開心到顛呀...行左大半個鐘...買左兩隻漱口杯 + 梘液樽 + 透明玻璃兜 + 黑色膠兜 + 三張好 sharp 既 placemat + scissors + 切餅刀 +  有蓋玻璃樽...里奧大人仲買左 zone 自家品牌既筆...見里奧大人咁鍾意支筆...橫掂埋單五百幾蚊咁抵...我話我簽咭找數啦...同埋送比你做生日禮物嘛...點知里奧大人話唔洗...唔比我簽...話之前已經送左個銀包做生日禮物...唔洗再送喎...太好喇...里奧大人...我愛您...

第五站 : 搭車番屋企...里奧話去屋企附近酒樓食飯...我話點解既...你想食咩...里奧大人話係因為我鍾意食乳豬...所以去酒樓食喎...嘩...好好好好好好好感動呀...想口水鼻涕一齊流咁對住里奧大人喊呀...自己生日想食既係老婆鍾意食既野...真係好好好好好好好感謝好感動呀...我地食左...例牌乳豬 + 梨山醬汁肉排 + 金銀旦芫菜 + 一碗白飯同十蚊三支既汽水...飽到震呀....

番到屋企就做下家務咁啦...而里奧大人就例行公事...就係入房 check 下 公司 d email...之後我入廚房"鄧"個心型 cheese cake 出黎...因為我唔係用 cake ring 呀...所以要係好大力喺度係咁"鄧"係咁"鄧"呀...好在里奧大人無問咩事咁嘈咋...之後我捧住個旦糕一路行一路唱生日歌...里奧大人望到個樣好 surprise 呀...個心應該係開心到跳左出黎呀 (我估...但未必係)...因為真係估唔到我會咁有心思整旦糕呢...之後就影下相就食 lu...但我覺得個賣相麻麻地...同埋有 d 漏...不過愛心搭夠...hehe...在此鳴謝好朋友 cc 提供左個 blueberry cheese cake 既recipe 比我...如果唔係我就整唔到呢個 cake 架喇...cc..多謝妳呀...

後記 : 里奧大人主動問我食個蘋果好唔好...梗係好啦...唔洗自己切...不過都係切片唔係切粒既...

今日真係好開心好滿足...因為全日有里奧大人喺我身邊陪住我呀...

辣椒梅菜炒豬肉 + 白灼菜心

尋日成日都無野做....點知臨放工我亞頂比野我改...做咩早唔比遲唔比....要臨近放工先比我改架...搞亂左我放工即走他他條條去買餸既計劃...唉...我個人責任心咁重就梗係做埋先放工啦...O 左大拿拿 6 分鐘呀...我 5:36pm 先放工走呀...人地諗住去馬莎小 shop 家嘛...不過我最後都有去到...快 shop 囉...買完野即走lu...

尋晚坐架車真係好辛苦...又快...煞車又煞得衰...可能我住喺對住司機個位啦...最難頂係司機個樣 cool 到爆...到某一個車站時...突破行到最尾...心諗唔係車尾出煙呀...但出煙既話應該開門比我地走丫...所以我既就一路目光跟住佢...哦...原來係有個亞姐無入錢...叫人入番錢...嚇死咩...

落車即刻飛奔去買菜心 (里奧大人想食)...之後就去日本城睇下有無旦糕模買...因為里奧大人就黎生日...所以想整個 chesse cake 做生日旦糕...去到得番心型...唔係呀化...有無 d 大路 d 架...唔通整比人食又係心型咩...撞鬼...不過最後我都買左 last 果兩個...因為實在唔想再嘥 時間去搵呀...心型 cheese cake...里奧大人仲以為我突然間變得咁浪漫添...

番到去即刻收埋個心型模就煮飯喇...煮辣椒梅菜炒豬肉...灼菜心...嘩...好似好簡單既餸...原來我都要整成個鐘呀...菜心浸左半個鐘...d 梅菜又要浸...浸完又要切...又要用砂糖炒乾去...之後再加 3 隻指天椒同枚頭豬肉去炒...辣到氣咳呀...菜心喇喎...灼完點蠔油就算喇...(註 : 其實因為我係唔識炒菜)...開飯喇...里奧大人話好正喎 (未食已經話正...信唔信佢好呢)...食落又好正喎...梅菜夠甜又唔辣...d 豬肉又爽...very good 呀...

食完就老規矩我洗碗...

拿拿聲洗完碗就開始整 cheese cake 喇...又唔想比里奧大人知我整 cake...唯有快手快腳...但就變左論論盡盡...里奧大人見咁情況就想幫手...我話唔洗喇...(其實真係好想)...之後又問我整咩呀...好驚佢知我整 cake 呀...所以我話整 cookie 算喇...整呀整...終於搞掂哂...希望好食啦...希望里奧大人鍾意啦...

做完野去沖涼...之後問里奧大人幾時食生果呀...里奧大人話我切比妳食丫...哇哈哈哈...

係切比我食呀...機會率仲難過仲六合彩呀...(如果里奧大人知道我咁講佢...可能以後以後都唔會再有此情此景發生架喇)...umm...坐喺梳化好期待有人遞個蘋果埋黎比我食...睇里奧大人好有心機批皮個樣...真係心甜...但...天呀...里奧大人居然係成個蘋果隊埋黎...咁大點食呀...(註 : 我批生果比里奧大人食係用心去切成一粒粒...再比牙簽桔住遞比佢架)...做咩佢咁對我架...我要咆哮話咁大個點食呀...佢先拎番去切開一塊塊比我咋...(唔係切粒呀)...唉...算吧啦....我個里奧大人係咁架喇...一 d 都都唔細心既...

今朝食餐旦治烘底 + 熱茶...$14...太飽喇...食到好想嘔...

番到公司坐左成個鐘都唔想飲水...死未...估唔到今日有野做呀...有d唔慣添...

今日好充實喎...因為有野做...同埋又同cc...茄子佢地msn...好忙添呀...放工即走lu...趕住睇中醫呀...之後就同里奧大人去元祿食壽司...正...

聽日放假同里奧大人慶祝生日...好期待呀...希望唔好落雨啦...

突然的感觸

昨晚乘車回家途中的時候...突然很感觸...感受了神真的給我很多很多的恩典...

感謝神 : 給我一對很好很好...很愛很愛我的父母及一個很好很好...很愛很愛我的家姐...

感謝神 : 給我在一個很愉快很溫暖的家庭中成長...
感謝神 : 給我每一份工作都是我喜歡的...給我每一份工作都是安穩的...讓我可以養活自己...

感謝神 : 給我曾經背棄祢...讓我現在更加依靠祢...仰望祢...焦點歸向祢...榮耀祢...

感謝神 : 給我一個很愛很愛我的丈夫...一個很溫暖很溫暖...有神保守的家...
感謝神 : 給我一間合適的教會...一班滿有關懷與愛心的弟兄姊妹...
感謝神 : 給我一些不愉快的經歷及挫折...讓我從這些經歷中學習成長...
感謝神 : 給我身體有點兒毛病...讓我知道要愛惜身體...
感謝神 : 給我住院的日子...讓我學懂珍惜眼前人...
感謝神 : 給我做每件事情都得力...因為神必帶領着我...保守着我...
感謝神 : 給我人生每一個階段都是美好的...沒有任何掛慮...

阿門

詩篇 91

91:1   住在至高者隱密處的, 必住在全能者的蔭下.

91:2   我要論到耶和華說, 他是我的避難所, 是我的山寨, 是我的  神, 是我所倚靠的.

91:3   他必救你脫離捕鳥人的網羅, 和毒害的瘟疫.

91:4   他必用自己的翎毛遮蔽你, 你要投靠在他的翅膀底下, 他的誠實, 是大小的盾牌.

91:5   你必不怕黑夜的驚駭, 或是白日飛的箭.
91:6   也不怕黑夜行的瘟疫, 或是午間滅人的毒病.
91:7   雖有千人仆倒在你旁邊, 萬人仆倒在你右邊, 這災卻不得臨近你.
91:8   你惟親眼觀看, 見惡人遭報.
91:9   耶和華是我的避難所, 你已將至高者當你的居所.
91:10   禍患必不臨到你, 災害也不挨近你的帳棚.
91:11   因他要為你吩咐他的使者, 在你行的一切道路上保護你.
91:12   他們要用手托著你, 免得你的腳碰在石頭上.
91:13   你要喘在獅子和虺蛇的身上, 踐踏少壯獅子和大蛇.

91:14    神 說, 因為他尊心愛我, 我就要搭救他, 因為他知道我的名, 我要把他安置在高處.

91:15   他若求告我, 我就應允他, 他在急難中, 我要與他同在, 我要搭救他, 使他尊貴.

91:16   我要使他足享長壽, 將我的救恩顯明給他.

元綠壽司 @ 大埔

星期六下午放工就同媽咪食車仔麵...都好味既...可能因為熱...食到半路都唔想食...好嘥野呢...

之後上婆婆屋企...同媽咪..婆婆打三腳呀...原來仲刺激過打四人麻將....因為食糊個速度係快得驚人...真係人都顛呀...我好孝順...亦唔偏心...因為媽咪同婆婆係大嬴家...好心痛呢..._{打左3個幾鐘就走 lu...因為媽咪要趕住聽粵曲...而我就約左里奧大人食晚飯...好充實呀...}

由於番到屋企要7點幾...又想食元綠...又驚多人...所以叫里奧大人早 d 落去攞定位...因為突然間實在太想食喇...食咁多次元綠...任何一間d飯都係酸同埋涷既...但今次 d 飯唔酸仲微暖添呀...好正呀...咁就同老公食左下列壽司...有三文魚...蟹子...蟹子沙律...素魚翅...螺肉...天婦羅蟹柳...炸蝦...另外加碟牛油粟米同炸蠔手卷...一杯巨蜂蘆薈同紅豆綠茶...勁勁勁勁勁勁勁飽呀...

食完8點幾...走果陣時...突然間好大風好大雨...好恐怖呀...好在呢個時勢我會帶家縮骨遮啫...唔係就慘咯...之後就行下 d 家庭用品店同超市幫左下消化...同里奧大人食完飯多數行呢d地方...因為買野既話都係用於屋企既...咁里奧大人佢就會十分十分樂意比錢....如果係買衫喇喎...就會 e e 俄俄...俄到妳心煩意亂...無心機買...佢呢 d 攻勢好有效架...萬試萬靈呀...

今日...星期六既時間都過得好充實...希望可以一覺訓天光啦...

其實今日真係好開心好開心...因為一日之內可以見到我最愛最愛既人...媽咪同里奧大人...美中不足係見唔到家姐呢...如果見埋就好喇...

甜麵醬蒸鯇魚 + 鹽焗雞翼

今朝 10 點起身...同里奧大人落麥記食早餐...我叫左個超肥煙肉旦漢堡...而里奧大人就叫左個火腿扒通粉餐...我好耐無食呢款飽 lu...所以覺得好好食...而里奧大人果份通粉既火腿扒就超咸呀...好在各自食啫...如果 share 就慘喇...

之後同里奧大人行路番教會...大概要 10-15 分鐘到啦...嘩...真係熱到叫救命呀...不過算啦...當做運動囉...其實啱啱沖完涼...唔洗兩分鐘已經香汗淋漓...好慘呀...

今次講道內容好啱我聽...所以無出現過"打喊露"既情況...

大約12:25pm 同里奧大人走lu...之後去大埔墟既"亞婆豆腐花"度...睇下有無涷既豆腐花食先...不過如我所料...係冇既...要1:00先有喎...唉...咁唯有買支豆漿試下囉...好過無收穫啦...嘩...原來豆漿都好正架...好似食緊液體既豆腐花咁........正正正呀...不過再涷 d 就更好...

星期日喇喎...梗係要做番 family day 做既野啦...就係...買家庭用品買餸煮飯再加做家務喇...

首先第一步去日本城睇下野...比我搵到筍野呀...就係啫喱杯...同放糯米磁 d 紙杯仔呀...第一步已經有咁好成績...真係令人好振奮呀...第二步去超市買豬骨同鯇魚...5 包出前一丁...5包福字麵...2 pack 膠盒...再買左 3 個大既膠柜桶...d 人唔知仲以為我地新居人伙呀...第三步去街市買蔬菜同生果...

搞到成2點幾先番到屋企...已經攰到半死架喇...但都煲左菊花茶比里奧大人清熱氣...同埋醃好 d 餸去...之後再煮丁丁 (五香肉丁 + 出前一丁) 同冰涷既藍梅汁做 lunch...食完野洗完碗就開始我既 family day 節目喇...就係執野喇...因為想個廚柜整齊 d...所以特登去買膠柜桶黎 pack 好 d野...唔洗亂租租...執完都成5點...又要 le le 拿拿煲湯...煲南瓜粟米栗子湯 (因為無買菜...所以煲南瓜)...南瓜批皮切粒...粟米切開去一粒粒易食 d...栗子烚完再搣穀...豬骨出水...加多兩粒蜜"早"...水一滾就放哂 d 料落去......搞掂...然後去燙衫...執自己柜桶...之後就睇下報紙  relax 下...救救救救救救救救命呀...點解d時間過得好快架...咁快到7點既...yiyiyi....又要煮飯喇...好在今晚煮既都係用蒸既方法...一穫搞掂...唔洗洗咁多野...如果唔係人都顛呀...

首先蒸鹽焗雞翼(其他係用鹽醃既雞翼)...之後再蒸甜麵醬鯇魚...見晏晝食剩左d五香肉丁...就整多味五香肉丁炒旦...perfert 呀...今晚食紅米...好健康呢...

洗完碗...之後走去沖涼...又忍唔住洗下個企缸...擦到好乾淨呀...不過好攰呀...因為係要用陰力擦 d 漬架...都唔敢咁博命呀...因為好驚大細手呀...

一日既辛勞終於結束...可以安安樂樂睇亞蘇....正呀...

大家有無發覺得我一個做哂 d 野呢...其實里奧大人都喺屋企架...但點解里奧大人會咁忍心唔幫我手既...唔通里奧大人真係以為食哂我煮 d 餸就等如幫我 ?!?!?!?!?!?!?! 唔好喇化....

尋日做得咁辛苦...所以里奧大人用佢d私己送左個碎銀包比我同埋扭左兩隻旦...好開心呀...

今朝好趕呀...成9點2先去到公司附近...唔理喇...食埋早餐先番工...今朝早餐係芝腿治烘底 + 涷央 $16...實在太趕...唯有涷飲....番到公司又係無野做....慘...好在好朋友cc可以抽空同我msn 啫...如果唔係d時間都唔知點過...多謝 cc...

韭菜豬肉水餃 + 番茄煙肉意粉

尋日晏晝天氣真係唔錯...唔係太熱...陰陰天但無雨落...所以可以同到朱朱食 lunch...好開心呀我...

之後去覆診喇...喺醫院等左1個鐘頭45分鐘呀呀...

不過都預左既...政府醫院嘛...覆診結果係...甲狀腺無翻發呀...感謝神...

之後睇到差唔多 5:45...好緊限呀...因為又要 le le 拿拿去買豬肉同韭菜整水餃呀...今次仲試下買半斤南瓜整水餃添...

番到屋企就接到里奧大人電話...話已經番到香港 (註:里奧大人這天要北上工幹)...嚇到我心都跳埋出黎呀...因為驚佢肚餓...又驚整唔切呀...好在佢話唔肚餓啫...hehe...

dir 呀 dir... dir 豬肉真係頭痛...可能我用好似瓷既針板...嘈到顛呀...之後就蒸南瓜...再醃肉...之後就再壓爛 d 南瓜變成蓉...好忙呢...yiyiyi...

尋晚姑奶上黎我屋企食飯...心諗...韭菜豬肉水餃唔夠食喎...好在之前仲有d 煙肉剩...可以煮多味番茄醬煙肉意粉...果一刻覺得自己好叻呀...可以喺係短時間內諗多一樣野煮黎食...  

開始煮野喇...包韭菜豬肉就無難度...但包南瓜就死火喇...d南瓜蓉好多水呀...包左兩隻就放棄喇...原因係唔夠雲吞皮呀....天呀...咁辛苦壓成蓉...又要特登買南瓜...又要買多 d 豬肉...最近要掉左去...唉...算啦...橫掂都整唔到...

我份人喺完美主義者...咁呢..就做死自己喇...因為意粉係西餐...所以要用碟同叉...水餃係中餐...所以要用碗同筷子...所以就每人有一隻碟...一個碗...一對筷子...因為 d 叉唔夠...所以用筷子黎食...美中不足呀...

唔係讚自己...我煮既野真係唔錯...今餐既水餃同意粉...里奧大人同姑奶佢地都話好食...因為d水餃好多韮菜好健康喎...又有人讚自己...好開心呢...

不過可能突然有人黎...時間太緊迫..所以好緊張...餐飯食左兩隻水餃同一撮意粉咋...但佢地就食哂 d 水餃...唔係點食碟意粉...我話特登煮架...要食哂去呀...不過最後都係比佢地拎走...(因為我前晚既慘痛經歷...食漏左...所以唔想再食...)

前晚買左香蕉...尋晚已經熟到非食不可...里奧大人輕輕佻佻話夜 d 食香蕉船先...都唔知係咪借 d 意講比我聽...想我整...

不過我作為一個好老婆...當然會係咁yi認佢...但就會整比佢果隻啦...我仲好布心機...將香蕉切片"舖"滿隻細碟...再放三個藍莓雪糕球...想唔肥都幾難呀...

今朝同里奧大人去 oliver's 度食早餐...我食司華力腸 + 雙旦 + 兩片麥包 + 茶包奶茶 $26 ...里奧大人就煙肉 + 雙旦 + 薯角 + 咖啡 $26... 好貴呀...不過大家都勁飽...都抵既..hehe...

今日 sat...下晝唔洗番工架...太好喇...

焗番茄煙肉意粉

尋日 lunch 同媽咪飲茶...(前晚等我仲特登炒定飯做 lunch添)...唯有帶埋個飯盒去酒樓食囉...唔想浪費嘛...因為媽咪又煲左愛心靚湯比我補補...因小肥肥貧血呀...所以媽咪會每星期煲一次南"早" + 北芪 + 當參 我補下既...媽咪實在太好喇...我愛媽咪...

飲茶 d 點心真係麻麻地...真係至在飲湯同傾計架咋...媽咪話我 d 炒飯好香好好味呀...問左幾次都係咁話喎...我估唔係呃我掛... 

尋晚放工番到屋企都幾他條 (意思係唔洗趕頭趕命去買餸)...去左超市買左幾罐 ABC 雜菜湯 (里奧大人鍾意飲) + 五香粉 (用黎醃野) + 自發粉同朱古力粒 (唔分氣...因為焗左兩次 cookie 都唔掂...blog 友話用自發粉 ok 喎)...

番到屋企第一時間去雪柜冰箱拎 d 煙肉出黎...硬崩崩...所以用開水浸軟去...之後切粒...再拎4塊超脂芝士出黎切絲 (因為唔想一塊塊放喺焗爐黎焗...覺得唔均勻同唔靚...所以就切絲...)其實可以用芝士粉既...不過想食哂 d 超脂芝士...唔想眼冤囉...

今次唔用茄汁煮...用茄膏...意粉有d顏色係靚好多既...

炒完意粉咁就好有心機放喺錫紙兜到...先放一層意粉...再放芝士...再放意粉...之後再"舖"餘下既芝士...今次焗出黎個芝士煙肉意粉樣好靚喎 (我覺得)...但食起黎較為乾身 ...(應該淋 d 茄膏落意粉度黎焗)...再加多碗...

ABC 雜菜湯同檸檬茶 (250ml)...好西餐 feel 呢...

食完無耐就死喇...點解???????? 因為好"漏"呀..."漏"到我好唔舒服呀...要里奧大人切個酸酸地既水蜜桃黎食...再飲多包 250ml 檸檬茶先至好 d 咋...不過原來飲完仲死多幾錢重...因為...訓唔着呀....

好在今日晏晝覆診...唔洗坐喺公司度"洽"眼訓咋...

今朝同同事vv食早餐...餐旦治烘底 + 熱檸茶...$14...都係好抵好豐富...但係開始厭呢...

晏晝無落雨既話...會番媽咪屋企...同我既心肝寶貝"朱朱"出街食lunch...好開心呀...(朱朱同我)

水餃餐

尋日真係驚左成日...驚 d 咩...咪驚無雲吞皮買囉...之前咪話想整水餃既...連發夢都夢到自己整餃子呀...仲係買漏材料果隻添呀...妳話係咪好驚ya...死未...整餐餃子啫...洗唔洗咁緊張呀...

一落車我就飛奔去超市買左一包已 pack 好既枚頭朱肉+多梳香蕉啦...因為見到 d 香蕉好靚...所以就買埋喇...再 le le 拿拿去街市買韮菜 ($2)...之後再周圍搵下睇下邊度有買雲吞皮買...媽咪話買河粉呀豆腐呀 d 舖頭就有喎...講真...又幾何買河炒食丫...又唔識整...又肥...終於比我見到喇...走去問...有呀...真係開心到暈呀...咁我就買左圓既雲吞皮 $10 / 斤 (50 塊)...之後又 le le 拿拿番屋企整餃子喇...

番到屋企唔理三七二十一... 攞幾張包餃子既 recipe 黎睇...綜合哂所有既野...就開始整喇...今次淨係買左韭菜...原本想買多棵大白菜...但個心淨係諗有無雲吞皮買...所以唔記得買多樣菜黎包餃添...不過好在無買...因為枚頭 ($10) 同韭菜 ($2) 已經可以包到 20 隻...因為 d 皮都好有份量...所以如果再整埋大白菜既話...我唔想第一次整就已經食厭呀...

包餃子真係 very very easy...比煮飯方便好多...dir 完d肉同韭菜...係咁包係咁包...勁 easy 呀...最緊要係一個穫搞掂丫嘛...唔洗洗九萬幾樣野...妳知啦...又煮又洗真係好辛苦架...一餐飯既背後...真係有血 (心血) 有汗架...

我因為想帶飯既關係...就整多兜炒飯...臘腸切粒 + 菜甫切粒 + 小小蔥粒...用老抽同生抽炒呀炒呀咁...估唔到又好好食喎...最緊要係可以慳番廿幾蚊lunch 錢...haha...

7點幾里奧大人一番黎見到碟水餃已經係度笑...唔係開心既笑喎...係嚇到傻笑呀...因為覺得好鬼大隻同好鬼多呀...不過我話放心...d 水餃係多菜小肉既...唔會太飽既啫...(我覺得)...最搞笑係里奧大人唔知係咪太肚餓關係...一見到炒飯就即"畢"左 兩湯匙落自己個碗度想刻食 (咩唔係應該見到水餃開心 d 既咩...佢又唔記得祈禱喇...唔通 d 飯真係咁吸引 ??????

9點幾食埋個叫里奧大人切既水蜜桃...今晚真係好滿足...

呢幾排煮新野都好好味...真係好開心...用愛心黎煮野真係事半功倍架...

今朝食左旦牛治 + 熱央 $13 ...好飽呢...

今日好朋友cc晏晝放假...無得同佢 msn...今日應該都係o係苦悶中渡過喇...yiyiyiyi...

今晚想煮焗茄汁煙肉意粉...因為 d 意粉既 expiry date 好似係8月...

食棧 @ 大埔

尋朝趕住去餐廳食早餐...突然有人叫我...好驚呀...擰轉頭望...原來係我第一份工既同事...大大話話都有十幾年無見...佢居然認得我...我覺得佢好勁...因為記得個樣唔出奇...記得埋個名先勁呀...之後傾幾句我就話趕時間食早餐呀...byebye...其實唔知同佢講咩好... 

尋晚過海睇中醫...同醫師講心口有時會痛...醫師話可能胸骨發炎同拎得重野多喎...鬼咩...要買餸煮飯唔重就奇咯...同埋自己拎個袋又係好重呢...其實我唔係放好多野啫...銀包 + key holder + 化妝袋 + 記事簿仔 + mp3 + tissue...係咁多啫...但唔知點解都係好得重...


同里奧大人講...醫師話我唔拎得重野呀...里奧大人就話第時重野等去攞喎...心諗係咪架...

點知我一落車佢真係第一時間搶左我個手袋 + 裝飯盒既布袋 + 裝中藥既紙袋 (7包中藥)...真係好感動...好心甜...覺得自己好幸福...但又好心痛喎...因為加起黎一齊攞真係好重...咁點解佢唔分開兩隻手攞呀...因為果隻手要拖住我囉...

次次睇親中醫都煮唔到飯...所以唯有出街食...我一早已經諗左食越南野...因為好想食春卷同蒸粉包...再加多碟菜同炒飯...真係勁飽...好在食唔哂可以留番比我帶飯...唔洗浪費d野食...一舉兩得....哈哈哈...

今朝又係食三文治...腿旦治 + 熱檸茶...$13...豐富的早餐啊...

已經諗埋今晚煮咩喇...就係水餃...因為里奧大人想食呀...希望成功啦...

中式牛仔骨

唔知係咪呢排成日落雨既關係...好似悶悶不樂咁...所以可能令到我想煮野時有 d新 款玩下...無咁悶...

尋晚又整左個新餸...中式牛仔骨...平時我煮牛仔骨係就咁煎...再點泰式甜酸醬黎食就ok...但呢排好想整d新款野...所以試下用中式汁黎整...最好係材料用洋蔥同番茄...咁帶飯番公司食咪當有菜囉...

今朝食吞拿魚烘底 + 熱檸茶 $14...好豐富呢...

lunch...咪尋晚果 d 囉...不過唔洗錢出去食...都係好既...

蜜糖雞翼 + 腐乳唐生菜 + 蘋果栗子粟米紅蘿蔔湯

尋日星期日...10點幾同里奧大人落麥記食早餐...我食左個魚柳包套餐...魚柳包要多醬...因為好食好多...食完之後就番完教會lu...散會就番屋企抖抖喇...


3點幾開始肚餓...煮左丁丁 (五香肉丁既 出前一丁) ...唔係自己讚自己...真係好味過出面好多... at least d 五香肉丁係熱同埋 d 麵係真正既出前一丁...再加多杯 mocha...真係 very very 滿足...如果不用洗碗更好

難得假期...多數煮 d 我覺得認為比較花時間煮既野...而呢排咁啱成日都好想食雞亦...所以就試整左......

蜜糖雞翼...第一次整...慢火慢慢煎香去...好好味呀...(里奧大人食左5隻呀..平時最多食3隻...因為我地唔係太好食肉)...

加碟清灼唐生菜 (用腐乳蓉點黎食)...
再整多煲清潤湯水...(煲湯係睇 blog 度學架...真係好清好甜...因為不用豬肉黎煲)...呢餐晚餐有菜有肉又有湯...十分十分正呀...

最開心莫過於係里奧大人食得好開心...希望下次煮新野時都煮得好食啦...

只要用愛心黎做飯...真係好好好好味的...