2007年10月31日星期三

~ 醉福樓 @ 大埔

   
尋晚放工即走喇...因為趕住去抽血...又唔知要等幾耐...所以索性唔煮飯出街食嘆下算 lu

不過...一樣要煲藥...唔可以懶...真係好煩厭呀...又要睇火又要分兩次煲又要洗煲...我仲要飲多個半月...好好好好慘呀

番到屋企原來都係好早...但一早諗左唔煮飯就唔想煮...而且又突然好想食生炒排骨...咁等埋里奧大人歸家就一齊出發食飯喇...由於落雨關係...所以只係去左屋企附近既醉福樓食晚飯....叫咗生炒骨 + 豆腐火肉斑腩煲 + 兩碗白飯 + 一罐忌廉...唉...食左兩件生炒骨覺得唔對路...無骨既...原來係咕嚕肉...無就早 d 同我講嘛...最憎食啖啖肉...不過好在都好好食 (d 汁)...本來想叫多個菜...但里奧大人堅持話唔好...驚食唔哂呀...點知個豆腐火肉斑腩煲有驚喜喎...因為有好多白菜仔...唔洗特登再叫菜...兩樣餸都好大碟...連埋帶飯都食唔哂呀...最正係可以用 $15 換購原價 $39 既 李錦記 xo 海皇醬....又食野又買野..埋單 $130...估唔到連酒樓都有平野買...不過我只係買一樽...因為 expiry date 係 march 08 呀

做女人真係好好...可以任意買野....平呀貴呀咩都買一餐....平既自己比....貴既人地比....依家又突然鍾意煮野...所以又咩都買一餐...唔用既會買 (備用)...要用既買得更多...我格言係 "有殺錯無放過"...只要比我一瞄到係我想要買既野 (雖然無用)...我就會即買...因為我會唔買唔安樂架...連里奧大人都好羨慕女人買野唔駛原因呢...

番到屋企好攰...可能公司太多野做有 d 唔慣呀...人家嘆慣家嘛

今朝食左吞拿魚治烘底 + 熱朱古力 ($15)...好滿足呀...如果有里奧大人相伴更好...因為可以唔駛錢...wakaka

番到公司又忙到爆...做做做..做到 lunch time 先停咋...又係帶飯...所以好悶



開工喇...又係忙忙忙...但...我都會抽時間同朋友 m 一 m 的...唔係會悶死

感謝神

真的感謝神的醫治與保守及弟兄姊妹的代禱....讓我在短短兩星期的甲狀腺及血液含鐵量的指數回復正常....真的感謝神....讓我得到極大的平安與喜樂....

在人是不能, 在 神卻不然, 因為 神凡事都能. (可十:27)

2007年10月30日星期二

磨豉醬炒脆肉瓜肉碎 + 火腿炒旦 + 字母湯


尋日喺公司忙到都無諗到夜晚煮 mood 好...所以坐車時就喺度慢慢諗...終於諗度煮磨豉醬炒脆肉瓜肉碎 + 火腿炒旦 + 字母湯

由於淨係買瓜...所以去到街市就慢慢 look...順便再諗埋第晚食 mood 好...最後買左 4 條脆肉瓜...$3/份...勁抵呀...之後再買牛仔骨...$30...歸家...
磨豉醬炒脆肉瓜肉碎 - 肉碎 一早已經醃好...所以就咁切瓜...本來想自己 dir 豆豉如蒜頭...但見有樽磨豉醬喺度就費事煩喇...唔係唔用一陣過期就激 c...我多數先炒熟肉碎再加埋瓜同磨豉醬一齊炒...再加水焗多陣...搞掂

火腿炒旦 - 火腿唔用就到期...所以用黎炒旦就最好...very 簡單

字母湯 - 想飲湯但唔想煲湯...所以罐頭湯係屋企既必備儲糧

同場加映 - 亞婆腐乳...真係超好食...無渣又好滑...我覺得好味過"廖孖記"

今次覺得個脆肉瓜好好食...夠爽脆...因為之前整親都煮到"林"哂...毫無口感可言...唔知點解次次食完腐乳個身就好唔舒服...唔通食物敏感??

又唔知點解次次洗碗都好掹...唔用熱水又好似唔乾淨...但用熱水 d 蒸氣就蒸哂上我塊粉臉度...點好呀...里奧大人又唔係咁想洗

依排里奧大人都好細心...知我欠鐵就成日要我食蘋果...仲切開一片片添...而個芯就自己啃...好感動呢...希望以後樣樣都咁細心好啦...例如開燈就有手尾熄燈....開冷氣時要關房門...燙完衫要摺埋 d 衫同收埋燙衫板同摺摺板...飲完野要洗杯 (唔好話留番啖比我飲)...洗碗時要洗埋爐架之後抹地...掃完地要將掃把放回原位處...etc...應該仲有其他野...但一時間諗唔到

唉...呢期無線無咩好睇...d 劇集簡直悶到爆炸...好在有有線多個選擇咋...初初諗住 cut 有線...d月費太貴喇...依家幾大都唔 cut...唔係喺屋企就悶 c 呀

今朝好鬼肚餓....所以食左無沙爹味既沙爹牛肉麵 + 熱咖啡...$16...尋晚瞓得唔好...所以想飲咖啡提神...但又唔想飲 1 杯...所以飲左半杯就算喇...好唔捨得呀

番到公司勁忙...咁啱朋友又勁忙...大家上msn 打個招呼再傾左 1 句計就做做做喇...不覺好充實...i like it...

晏晝又係帶飯...之後就要睇陣書 ready 做功課喇...嘩...亞頂比左成半吋既單我做呀...今云真係忙忙忙喇

呢排又帶藥 (2 支)...又帶飯...又帶書 (1.5吋)...再加埋銀包...碎銀袋...key holder...日記簿...紙巾...披肩...加加埋埋都有成 10 幾磅呀...顛架

2007年10月29日星期一

韭菜豬肉雲吞




雖然係星期日...但係 d 時間都係好似唔夠用咁既

一早諗好星期日煮韭菜豬肉雲吞...所以已經醃好韭菜豬肉同粟米豬肉...尋晚就咁包雲吞就得....預左半個鐘頭比自己包...點知用 15 分鐘就搞掂...勁...今次用雞粉做湯底...其實想滾 d 菜湯做湯底...但唔識呢...煮既時候就 very good...但一撈起時 d 粟米豬肉雲吞就散哂...無一隻係完整...激 c...上碗時里奧大人仲以為係粟米湯底添呀...搞笑...今次又係好好食..但本人就開始有 d 悶喇...但黎緊都會有呢個雲吞晚餐...因為包左 40 隻都仲有成百塊喺度...一係掉左去 (無眼屎乾淨盲)...一係就食哂去...我咁慳家就梗係要食哂去啦

食完野洗埋碗就同里奧大人跑步...我跑親都心口痛...所以其實係徑步...跑左半個鐘就番屋企 lu...因為要飲中藥同食生果 lu...里奧大人依家要我一日一蘋果呀...因為我貧血..欠鐵...所以要食蘋果喎...其實醫生都開左鐵丸比我架啦

尋晚睇有線...肥媽訪問何鴻燊同三太...肥媽話佢地幸福喎...又話次次約親三太飲茶都係要喺三太屋企...因為唔知何生會唔會番屋企食飯....所以要等電話囉...又話何生一打電話比三太話番屋企食飯...三太就會好鬼開心同人講 : [佢番黎食飯呀]...講真...我一 d 都唔覺得好幸福....第一唔知個老公幾時會番黎...要等老公電話...妳話幾慘呀...第二同人 share 老公仲慘...肥媽公開佢地好幸福??肥媽幸福既定義都幾恐怖...唔係有錢就代表幸福架...唔好咁膚淺啦

今朝食左腿旦治 + 熱朱古力...$14...番到公司又係忙...晏晝自己出去食牛筋米...$14...之後去 delifrance 換免費咖啡...正呀...我唔係咁鍾意晏晝飲咖啡...但我再唔換就會唔記得...而且 expiry date 係月尾...唔記得就嘥哂架喇







番到公司前所未有既忙忙忙

2007年10月28日星期日

開心元綠壽司


尋晚好開心...因為家姐特登入黎同我地食元綠呀...因為之前申請左元綠 visa card...所以有張 free 刺身 coupon...成 $200 架...但我同里奧大人就唔係咁好魚生...所以一早已經預左同埋家姐一齊食架喇

家姐好小食迴轉壽司...因為佢同朋友多數去日本居酒屋嘆刺身...所以佢覺得好新鮮....而我同里奧大人啱啱前幾日先去完...所以今次好 d 喇...多個人食可以食多小小野嘛...食左刺身 (21片) + 蟹子沙律腐皮壽司 + 天婦羅蟹柳壽司 + 素魚翅海哲壽司 + 蠔情卷 + 冷辣辣麵 + 帆立貝比薩 + 炸雞軟骨 + 兩杯蘆薈涷飲...辣辣麵突然有番隻蝦呀....仲以為自己眼花添...前幾日先話完無左隻蝦家嘛....唔通比人投訴食物與相片不符??由於星期六關係..只得 88 折...好過無啦...埋單 $151...都抵既...3 個人都好飽嘛

食完同家姐...里奧大人逛陣吉之島就番屋企 lu...家姐好攰呀...所以一上到我屋企見到部 iSqieez 就好開心...按左 30 分鐘....期間又一齊傾計睇電視...所以好快就過左一個鐘...之後家姐就番屋企休息 lu

今朝同里奧大人 10 點起身食早餐...去大家樂食左牛扒腸仔配多士 + 熱好立克...里奧大人就食牛扒旦配多士 + 熱好立克...$36...食完就番祟拜  lu...聽完祟拜已經 1:00...但又未餓...所以周圍逛下...見到有 sell 花灑既檔口...聽到個o靚仔 sales  話點 "dum" 落地下都唔會爛...吉之島買$298...依買 $80 好似好吸引咁咪去睇下囉...個o靚仔講野都幾搞笑...佢話有個亞婆問 : [個花灑係咪可以用成世架??]...個o靚仔就答 : [我唔知妳幾長命...但 3.5.7 年都得既]....我覺得妙問妙答好搞笑呀...最後我都買左個...$80 用 3.5.7 年都抵啦...橫掂里奧大人正想買花灑...之後再去 A-1 bakery 買細法包 ($9.5) 就番屋企 lu

難得星期日...就煮里奧大人既至愛丁丁比佢嘆啦...而我就食超甜粟米 + 蒜蓉包...今次 d 蒜蓉包失敗左...焗得太耐...仲聞到有陣燶味添...好彩都入到口咋...










食完諗住睇下電視就做功課....點知睇睇下瞓着左....好在瞓左20分鐘左右....唔係瞓得多夜晚就失眠架喇....

2007年10月27日星期六

急速車仔麵


尋日又開心又攰...因為可以同媽咪去美心皇宮飲茶...食左雞絲粉卷 + 干蒸牛肉 + 菠蘿叉燒包 + 臘腸糯米飯...飽...其實美心真係無咩好食...不過媽咪話坐得舒服所以先去咋...同埋我覺得都幾貴...4 碟點心 + 2 位茶要 $122...唔係咁值囉...但媽咪鍾意就算啦

嘆完之後就即刻番屋企附近覆診 (甲狀腺)...我比預期早一個鐘到...諗住博下早 d 到早 d 睇...點知都係無用...一樣要等到原定既時間...好在帶左 notes...可以一路等一路睇...咁 d 時間先過得快 d 咋...不過有時等叫名都幾好笑...因為有 d 人名好特別...尋日聽到有個叫 "吳開登" 同"杜友 "...好搞笑...唉...等左個半鐘終於叫我名喇...一入到醫生房...醫生仔就小小奸笑咁問 : e排妳覺得點呀 ?? 我答 (心知不妙) : 係咪翻發呀...醫生仔 : 係呀..比預期高左1x %...要食藥喎...我 : 知啦...不過我e家食緊中藥喎...醫生仔 : -_-...而姑娘就好緊張咁問 : 妳做咩食中藥呀 ? 我話調理身體囉....姑娘 : 哦(其實我都知唔應該同西醫講自己食中藥架喇..無聊想睇下佢地有mood 反應啫...不過佢地又比我想像中無咁偏激喎)....醫生仔 (笑笑口) : 但妳知應該點做架啦 ????我 (苦笑) : 知啦...食藥嘛...其實我係唔會食甲狀腺藥...因為我依食緊中藥...又中又西想 c 咩....而里奧大人就話 d 西藥好似唔係咁好咁既...3 月 停藥..10 月又翻發...等埋下星期睇中醫先再作打算...順便自己再驗血...睇下食左中藥有無改善到...因為醫院驗血報告係我睇中醫之前驗既...當時仲未開始食中藥調理...唉...希望d中藥有效啦...

咁啱里奧大人見完客番左屋企...咁我拎完藥就同里奧大人快快脆食個晚餐喇....得半個鐘頭咋 (因為要趕住出九龍城番學)...所以只可以食車仔麵...里奧大人食左牛腩 + 魚旦 + 生菜 + 米粉...而我就食豬腸 + 炸菜 + 生菜 + 米粉...$34 咋...又平又好味...食完里奧大人可以番屋企嘆 (但要煲完中藥先)..我就即走喇...成日樸黎樸去真係好攰...我居然喺車度瞓添呀...可能食飽想瞓啦...落車時見仲有小小時間...所以急腳去九龍城廣場既 "阿里爸爸" 買朱古力...諗住 $40/100g...求其買十粒八粒....點知成 $76 呀...好心痛呀...唔好食就 c 喇..之後即刻打比里奧大人...話買左d好味既朱古力比佢...博佢比番錢我啦



今期至愛既公仔



尋晚係學校既中期測驗...15條題目我答啱 13 條呀...very 開心呀

放學打比里奧大人...佢話有 d 餓喎...所以又去食宵夜喇...就係腸粉 + 魚旦 + 牛丸 + 炸魚皮 + 燒賣...order 果陣時就好興奮...但食果陣時就覺得痴左線...叫咁多做 mood...兩個人差唔多食到反白眼出去呀

今朝好開心...因為可以同里奧大人去美心食早餐...我食至愛既吉列魚柳腸仔配多士 + 熱朱古力...里奧大人就食牛扒煎旦配多士 + 熱華田...好好味呀...因為有我至愛既酸瓜粒沙律醬呀

番到公司好多野做...搞到咩 mood 都無哂...我發覺次次都星期六先特別多野做架噃...激 c...
唉...里奧大人又要番學喇...晏晝得番我一個人喺屋企食晏...為左慳家...所以自己炒飯...用蔥粒同火腿粒做配料...食落又唔錯噃...之後就好忙忙忙...因為要拖地...開機洗衫...燙衫...煲中藥...好攰呀


2007年10月26日星期五

懶人餐 (灣仔水餃 + 米粉 + 菜心)


尋晚真係黑仔...因為巴士爆呔呀

其實我放工期間都會有吉車既...但尋晚好攰想早 d 番屋企...所以唔等吉....見巴士有位就上....咁啱我又一袋二袋...所以坐下層...想瞓又瞓唔到...咁就睇下書咁啦...去到隧道入面突然聽到好大聲 "pop"...果刻好驚...以為前面發生嚴重車禍...但聽到隔離個女人同電話中人講 : 慘喇...架車爆呔...我個心都定 d...好在架車去到隧道尾可以捱到埋站咋...如果唔係就真係慘喇...又好在個站有幾架巴士可以番到屋企...唔駛等死一架...就肯定要企囉

落車即去街市買左 1 斤菜心 ($8) 就走 lu...番到屋企即刻洗菜浸菜...仲好有心機咁拻埋 d 衣...食落口無渣真係正好多架

喺里奧大人回家途中我已經開始煮野喇...務求里奧大人一番到屋企唔駛等就有得食...尋晚既飯餐真係好簡單...灼菜心 + 灣仔水餃 + 米粉....灼完菜再煲水再煮水餃米粉...便又簡單...而我既午餐仲未落格...所以剩食水餃 + 雙丸 + 菜心...但原來都好飽架...hahaha...
之後同里奧大人散步...再去 jusco...日本城...mannings 買野...又用左百幾 lu

番到屋企就即刻沖涼...睇陣電視就即刻瞓喇...因為之前一晚瞓得唔好...要瞓幾晚先補到呀....

今朝早左番到公司附近...所以可以慢慢嘆早餐...芝旦治 + 熱杏霜...$14

番到公司有野做喇...今次要快 d 做先得...因為晏晝同完媽咪飲茶之後就要去覆診呀...今晚又要番學...所以覆診完又要出番黎番學...樸黎樸去...攰死

呢排天氣又熱番喇...諗起之前果個星期有 d 涼意幾正呀...估唔到咁快就無