黑椒雞扒炒意粉 + 西蘭花 + 隔夜湯 + 跑步

食到咁飽 .... 係時候要做下家務喇 .... 就係拖地喇  

不過拖完有 d 後悔...因為天氣潮濕...好難乾呀...所以開行風扇吹乾去...大家都咁大年紀...跣親就無謂啦

里奧大人埋頭苦幹溫書...我就埋頭苦幹睇報紙...如果唔係晏 d 要 ready 煮菜會分心...無心機睇架...六蚊份喎...唔好嘥嘛

做下抖下又到食 tea 時間....同里奧大人去餐廳食咗炸龍脷柳薯條配咖啡同雞寶雜果沙律配咖啡 ($53)...之後再去超市買米同沙糖就番屋企喇 

星期日已經預咗無線同 atv 無嘢睇...但估唔到連 cable 都無...所以索性執 file...因為好多係 n 年前嘅文件...就咁一執...個 file 已經薄咗一半...早知早 d 執...唔駛 "牙" 住哂 d 位啦

噢...又到煮晚餐時間喇 

是日晚餐 : 黑椒雞扒炒意粉 + 西蘭花 + 隔夜湯 
黑椒雞扒炒意粉 - 雞扒一塊...洋蔥一個...意粉 1 / 3 包...諗住雞扒一塊過靚 d...點知好似煎成世都唔熟咁...已經多油...雞皮又要埋...涷鑊落油細火煎都會痴底...真係扯火呀...之得雞絲好過啦...洋蔥爆香...之後加埋雞扒...意粉...黑椒汁一齊炒...好惹味呀

一睇見個鑊就掹喇...成日痴底... 

西蘭花 - 無時間呀...就咁烚就算喇

隔夜湯 - 超級清甜

里奧大人唔抵得我個五花腩細咗...所以好好人咁話陪我跑步喎 


 

      

呢排天氣真係古怪...一日熱一日涼咁...真係好鬼易病

今朝食芝蛋治 + 咖啡 ($15)...番到公司又要扮嘢...慘啦...聽日 y blog 暫停服務...真係唔知點捱喇...

晏晝帶飯...同尋晚一樣咁好味呀 

韭菜豬肉水餃 + 鯪魚餃 + 合掌爪紅蘿蔔粟米豬展湯 + 芒果糯米糍 + 黑心型曲奇

尋日番到屋企...里奧大人即刻休息...而我呢...真係瞓唔到...所以就去街市買餸...履行做妻子嘅責任...買咗林肉 ($12) + 豬展 ($20) 粟米 / 紅蘿蔔  / 合掌瓜 ($19) + 韭菜 ($4) + 鯪魚肉 ($5) + 水餃皮 ($5) 木瓜 ($12 / 3個)...重到丫

見里奧大人成口痱滋...所以就煲菊花茶比佢清熱氣

熱到爆...唔沖涼唔得呀...之後比自己他他條條睇報紙喇

2 點半就同里奧大人去茶餐廳食 tea 喇...我呢...食紫菜四寶湯金邊粉配雪碧 ...里奧大人就食鹹魚雞粒炒飯配檸茶再加件油醬多 ($52)...之前食多士係特價 $4...依家無特價...要 $7 呀...真係咩都費哂...
食完咪又係番屋企囉...里奧大人四月中考試...平時又忙...只可以星期六同日專注溫書...本來想約媽咪或者同朋友出街嘅...但自己去街...里奧大人無飯食...我又唔忍心喎

唔知點解好有 mood 整嘢食...所以整咗芒果糯米糍...賣相唔掂...但就超級好食囉 (我覺得)...  

整開有條路...順便整埋上次焗曲奇剩咗嘅麵團...再唔整驚壞啊...唉...今次無聊...所以 "給" 心形圖案..."給" 出黎又薄又靚...諗住好睇又好食...點知焗耐咗...變咗黑心曲奇...個底係黑色添呀...嘥哂 d 心機

里奧大人好有誠意咁話陪我跑步...但想早 d 食晚飯囉...簡直係無形壓力啊

是日懶餐 : 韭菜豬肉水餃 + 鯪魚餃 + 合掌瓜紅蘿蔔粟米豬展湯
韭菜豬肉水餃 - 超市 d 免治豬肉好肥...所以迫於無奈買林肉番屋企自己 "dir"...最驚用菜刀 .... 但又無可能唔用...韭菜切粒 (淨係要尾部)...豬肉用豉油 / 糖 / 麻油 / 胡椒粉 / 生粉撈勻黎醃...very easy 

鯪魚餃 - 用鯪魚肉做餡...口感好得意...但里奧大人話都係傳統韭菜餃好味 d 喎

合掌瓜紅蘿蔔粟米豬展湯 - d 合掌瓜超難批皮...好多刺呀...吉到好痛...下次咪搞...除非菜檔肯有批咗皮嘅合掌瓜賣都會考慮嘅...因為煲湯實在好清甜喇

抖一個鐘就同里奧大人一齊跑步 lu

睇拜仁睇到十二點幾...好在贏波...咁都開心 d... 

      

今朝十一點先起身...預咗唔番教會會遲 d 醒...但估唔到係十一點咁晏囉...之後拿拿聲叫里奧大人去太興睇下仲有無早餐食...唉...點知都係失望已回...咁...即係我要煮早餐啦

算啦...橫掂都想煮丁丁同 mocha 比里奧大人嘆...而我就食十個月前買落嘅小饅頭...就咁食好寡...試下加芝士...原來好漏...我一個人食咗八個饅頭...好好好好脹...所以最終都無食到 d 芝士呀