變形薯仔餅

尋日同里奧大人去大家樂食 tea...因為驚落雨麻煩...唔想行咁遠呀 

食燒鴨瀨同叉燒瀨 ...d 皮好好味呀

之後同里奧大人去買零食就番屋企喇 

是日懶餐 - 薯仔餅
薯仔餅 - 唔知點解...媽咪煎嘅係一塊塊同煙煙韌韌...但我煎親都係 一 pat pat 咁嘅...離遠睇仲以為係糯米飯呀

一路食生果一路睇獎門人...不過麻麻地好笑...失望失望 

我勁鍾意食大樹菠蘿...今次買 $20 / 盒...但唔係咁甜囉 

里奧大人覺得大樹菠蘿有陣味...所以唔食...咁就食龍眼啦...我會拻好放入雪柜...雪涷好好味架...不過我好憎拻龍眼...因為拻到手指好痛架

食開有條路...再食馬仔...齋雞粒同檸汁薑...嚇到里奧大人暈咁滯...因為佢話食完飯無幾耐可以食咁多嘢喎 

今朝無啦啦落狗屎...好在長期帶備縮骨遮...唔係就慘喇 

尋晚食得飽得滯...所以食奶油多 + 奶茶 ($13)

番到菇場又忙喎...今日我會努力工作...因為我受人錢財

晏晝同里奧大人去茶餐廳 lunch...食鹹魚叉燒粒炒飯 + 鴛鴦腸 (叉燒 / 牛肉) $48...我好唔鍾意食叉燒...但里奧大人就好鍾意食...所以我要成日就佢食叉燒...真係覺得自己好好呀 

發

粉絲焗蝦煲 + 腐乳炒通菜 + 跑步機

粉絲焗蝦煲 + 腐乳炒通菜 + 跑步機

尋日同里奧大人食完 lunch...番到屋企抖一陣就一齊做機 lu

唔知點解...個人呢排好唔願郁...家務都唔願做呀...但唔做又唔得喎

係咁易洗衫熨衫簡簡單單就算喇

平時星期六我多數會煲湯...但里奧大人呢排熱氣...所以改煲菊花茶同埋煲定腐竹糖水...咁應該夠清潤喇啩

是日晚餐 : 粉絲焗蝦煲 + 腐乳炒通菜
粉絲焗蝦煲 - 第一次整嘅...原本 recipe 係要用日本長蔥 / 中蝦 / 辣椒 / 蒜頭 / 豆豉 / 粉絲同埋係焗嘅方法來煮...但我懶...唔想開爐...唔想買多樣嘢...所以用急涷蝦 (因為已過期 1 日) 走蔥走辣椒!!就咁用蒜粒 / 豆豉 / 蝦 / 粉絲同金菇加大量辣麻油一齊炒...我覺得超正啊 

腐乳炒通菜 - 我成日覺得炒菜好煩..驚炒極都唔熟...但 recipe 教灼完再炒...咁就好好多喇...咁樣唔會唔熟嘛 

洗埋碗同里奧大人睇 scanner 再行百佳...終於忍唔住買 4 排益力多...因為 $15.8 / 2 排...最主要係益力多溝綠茶粉可以清宿便 .. 所以耐唔耐都要飲下 

番到屋企沖涼之後就食齋鴨腎同飲腐竹糖水喇...唔係太甜...飲完覺得皮膚都滑 d 咁呀

   

 

      

今朝 10 點起身喇...因為要番祟拜...梳洗完就打的去教會附近食早餐...食餐蛋麵同丁蛋麵 ...食完番教會喇

之後同里奧大人去街市買嘢就番屋企等食 tea 喇

車仔麵 @ 旺角花園街 + 行街

尋晚要陪朋友 cc 出旺角花園街買滕藍袋...同埋要比 d mask 比我..但佢要 7 點先到...所以我自己出旺角行一陣先

太熱喇...又勁多人...所以我都無咩心機行...但去親花園街...我必去買燒餅嘅...今次仲一連食兩個無餡嘅 ($4)...又平又飽又好味啊 

之後 cc 黎到...去咗旺中睇下先...再殺入花園街...行咗陣 cc 話有 d 肚餓...所以去咗買夾餅 ($8)...咁我當然又試下啦...真係超好味呀...軟軟糯糯咁架 

食完行陣無收穫...所以去食車仔麵醫肚...食蘿蔔豬腸麵...但食剩 1/3...真係食唔落呀...可能之前食咗燒餅同夾餅飽咗...同埋覺得個湯底無味唔好食呀

唉...cc 係一個買唔到唔心息嘅人...所以同佢再去旺中買番一個滕藍袋就各自番屋企喇...番到屋企即刻用 DHC 嘅 eye mask...超正呀...因為可以敷成晚嘛...

      


今朝落大雨...但好在番到公司附近無落雨咋

早晨食芝蛋治烘底 + 奶茶 ($15)

番到菇場都係忙...不過...holiday mood 唔願做囉 

放工即走喇...因為里奧大人喺屋企等我呀...又係去茶餐廳食 tea...我食魚皮餃墨魚丸湯金邊粉...里奧大人食肉絲炒麵 ($46)...食完又係去街市買生果...唉...里奧大人快 d 做完功課快 d 讀完書啦...咁就可以出去行街睇戲食飯喇 

發