food court @ APM + 瑜珈 + 爆水管

尋晚同家姐   朋友 cc 一齊去工聯會中心上瑜珈堂   好開心呀   因為可以見到家姐   朋友   又有得玩   一舉兩得   不過有 d 動作都好高難度   其中一個係坐低攬住右腳   然後伸高掂左邊耳仔   第一堂咋   點做呀   掂人地嘅耳仔就得 


最慘係個環境好靜   我做唔到 d 動作就忍唔住笑   唔出聲咁笑到好辛苦呢   同埋又聽到自己 d 骨頭喺度 " 烈烈勒勒" 聲咁   好肉酸啊 

做完瑜珈就同家姐去 APM   諗住去板長   點知好多人   所以唔等   但又唔知想食咩好   所以最後去咗 food court   估唔到都要等位   好在等咗一陣就有位   食越式雜錦湯檬 + 雜錦壽司   家姐太想食壽司   但呢盒壽司係前所未有咁難食囉   d 飯又涷又硬   家姐一路食一路好唔開心係度話 d 壽司仲衰過百佳果 d 呀   咁又係呀   好想好想食   點知咁難食又真係好唔開心嘅

食完就各自歸家喇 

一上車就有個 voice mail   原來里奧大人話佢依家放咗工等車   咁即係佢等緊架車就係我坐緊架車啦   所以我地就係咁一齊坐車番屋企喇   真係好搞笑呢

      

今朝好大鑊   因為屋企附近爆水管   所以短短一條馬路已經塞咗 20 分鐘   見 d 水湧出黎咁   真係好恐怖 

出到九龍已經 8 : 52 am   就係咁   我要急急腳去 kfc 食鬆餅 + 奶茶 ($11)   再急急腳行番公司   因為我想食勁多蜜糖嘅鬆餅啊

晏晝里奧大人同同事食 fairwell lunch   所以我又去媽咪屋企食飯喇

番到屋企好開心   因為朱朱撲我呀   同埋依家唔肯咁 "順灘" 比我抱好耐喇   係都要逃上媽咪張床呀   咁即係代表佢有番 d 氣力喇   真要感謝神啊 

睇午間新聞嘅時候   睇到大埔寶鄉街爆水管導致地陷   好得人驚呀   


大埔寶鄉街爆水管地陷封路

(明報)7月31日 星期四 12:45

大埔 寶鄉街今早近8時爆水管，導致路陷，介乎廣福道與太和路一段寶鄉街，來往方向全線封閉。
封路期間，多條巴士線要改道。

菠菜豬肉餃出前一丁 + 腐乳通菜 + 跑步機

唉   煮咗兩餐雞   之後諗唔到煮咩好喇 

呢排真係比 d 天氣焗到腦閉塞呢   所以就算去到街市都唔知想買咩   諗住買粟米   點知無喎   勁失望   唯有買通菜 ($5 / 1 大份)   買完就番屋企 lu

一路行一路諗去唔去做機   但為咗身體好   又比咗錢   所以都係去做機喇 


是日懶餐 - 菠菜豬肉餃出前一丁 + 腐乳通菜

菠菜豬肉餃出前一丁 -  唔好以為好似好簡單咁呀   我係將出前一丁先煮一次先   之後再淥餃子同麵   都幾辛苦架   因為 d 蒸氣蒸哂上黎   好熱架

腐乳通菜 -  唔知點解 d 通菜咁快變色嘅   但街果 d 係好綠色咁   唔通未熟 ?!?!   本來想整蝦醬炒通菜   但時間關係   所以點腐乳算喇 

沖完涼   食碗芝麻糊就即刻做 mask 喇   年紀越大就要勤力 d 做 mask   唔係第時乾爭爭咁唔好睇呢   所以我依家就會低市入貨    唔好比自己藉口唔做 mask 呢
   

      

今朝天氣都係唔好   又落唔出雨   煩到嘔

去到茶餐廳   又多人   又裝到老細喺度   所以拿拿聲走去另一間食奶油多 + 奶茶 ($13)   真係滕到周身汗呢

番到菇場又係忙   不過時間就真係好快過囉

晏晝同里奧大人食粉麵   水餃粗麵 + 墨丸牛腩粗麵    太熱喇   都係食濕濕地好 d   之後再飲杯楊桃雪梨汁   好清潤呀

   

醫 學 Online
常 飲 果 汁 容 易 肥 胖

美 國 一 項 研 究 發 現 果 汁 與 汽 水 一 樣 ， 是 導 致 肥 胖 的 元 凶 ， 並 增 加 患 糖 尿 病 風 險 。 研 究 由 95 至 05 年 追 蹤 44,000 名 黑 人 女 性 的 飲 食 習 慣 及 健 康 狀 況 ， 發 現 一 日 飲 兩 罐 或 以 上 汽 水 的 女 士 ， 患 二 型 糖 尿 病 的 風 險 ， 較 一 個 月 只 飲 少 於 一 罐 汽 水 者 高 24% ； 一 日 飲 兩 罐 或 以 上 果 汁 的 女 士 ， 更 會 增 加 31% 患 上 二 型 糖 尿 病 風 險 。
專 家 解 釋 汽 水 及 果 汁 均 含 有 高 糖 份 ， 故 容 易 引 致 糖 尿 病 。