不得不感動 尋晚同里奧大人探完奶奶之後 里奧大人見到一個心儀而久嘅皮袋 但佢唔捨得買 係都要話 50 % off 先肯買喎 ( 根本無可能 有 5% discount 已經偷笑 ) 呢一刻我覺得里奧大人對我真係好好 因為佢送個 LV 比我時 話買就買 仲叫我多 d 用 用爛再買好過唔用擺喺度 但佢自己呢 幾千就覺得好貴 唔捨得 又唔肯比我送喎 ( 老規矩 佢簽卡先 之後再分期付款還債 記得就還 唔記得就算 )
不過唔緊要啦 就黎到聖誕節 大把平嘢執 到時可能仲有其他選擇呢
行行下里奧大人話好掛住椰汁大王 所以買完椰汁順便食晚飯
里奧大人話有間 up up dup dup 嘅舖頭嘅煎餃巧巧食 所以就去試下 間舖頭喺佐敦某個小巴站隔離 舖頭名好似叫唯真 老喇 點記都記唔到係咩名 但印象中好似叫唯真囉
食咗煎餃子 + 蔥油餅 + 豬扒粗炒 + 肉汁白菜 樣樣都熱計辣辣 脆卜卜 巧正呢 又好味又飽肚價錢又平 埋單只係 $56 咋 笑爆咀
不過唔知係咪熱氣 我食 d 蔥油餅覺得好鹹 但里奧大人話一 d 都唔覺鹹 之後仲慘 食咗小小炸豬扒之後就覺得個 " 吸塵機 " 巧慶 巧熱氣呀
尋晚見落車附近就係平時跑步嘅地方附近 所以索性同里奧大人一齊散步當跑步 因為我唔想上屋企換衫 又上又落嘥時間呀
今朝天氣 very 清涼 巧舒服呢 秋天來臨了
又係好早番到公司附近 不過今朝無咩胃口 所以食花生醬多士 + 熱央 ($13) 就算 lu
邪邪邪 成日話無嘢 do 點知今日功忙啊 得閒呢家嘢真係唔好亂講咯
晏晝同里奧大人去下村興記食豬扒麵餐 唔食就無機會食架喇 因為好似就黎要拆 佢地又好似唔再做 所以我地就作最後衝刺喇 個餐 $25 但就好豐富 食完真係頂到上喉嚨呀
