粟米磨菇粥 + 雙肶腸蛋菜飯

放工趕住入荃灣睇中醫   因為今次要食兩個星期中藥   所以醫生建議打成粉   但需時要個幾鐘   我又唔想食嘢   所以買本雜誌坐喺度等就算喇

好在等咗 50 分鐘左右就完成   埋單 $2700   今次算平 lu   因為可以飲兩星期呀
之後里奧大人買外賣番屋企食   我每月一到唔多舒服   食完沖涼瞓覺喇 

赤丸烏冬 + 麥當勞芥末魚柳包

尋晚又約家姐去麥當勞食個包先去做瑜珈   試個新包   芥末魚柳包   我覺得炸魚柳同芥末麻麻地夾   都係沙律醬好味 d 

食完就做瑜珈   不過可能食咗藥   個人好攰   無咩力   但見尋晚係 last 果堂   所以咪番埋囉  好頭好尾嘛 

尋晚放學唔去媽咪屋企食同瞓喇   費事將病菌惹到媽咪同朱朱都病就唔好啦   不過唔去又真係又 d 唔慣喎 

同家姐去 apm 赤丸食烏冬   好在排第 3 就到啫   食咗冷烏冬 + 天婦羅南瓜 + 餃子 + 煎肉腸 + 八爪魚丸  埋單 $86   裝修之後每樣加多兩蚊   如果唔係仲平呀   不過 d 冷烏冬真係好正   勁煙韌   超好味   因為九龍灣果間一 d 都唔煙韌呢 
食完家姐送我搭車就走喇   我地由細到大都會一路揮手   bye 到開車為止   同媽咪都係咁   d 人就會覺得我地好怪   駛唔駛 bye 咁耐呀  哈哈 

頭先無食菜   所以番到屋企就食生果   食蘋果夾芝士    又甜又鹹又爽喎   真係無得頂架

 

      

今朝天氣又係有 d 涼   好舒服呢 

依家麥當勞 d 早餐有特價   所以試下熱香餅 + 奶茶 ($14)   個餅都幾煙韌   唔錯   但 3 塊實在太多喇   雖然我大食   但我都食咗 2 塊咋   因為我覺得牛油太肥   蜜糖太甜呢   頂唔順呀

番到菇場勁充實   簡直連 m 都唔得閒 m 呀

晏晝 very 開心   因為同媽咪 里奧大人去正斗    食雲吞麵 (大) + 泥掹粥 + 炸兩 + 鮮蝦腐皮卷 + 流汁叉燒包   大碗雲吞麵搵笨   根本一 d 都唔大碗   炸兩就完全唔掂   隔夜油炸鬼   個叉燒包又係唔掂   但碗粥就好真材實料  因為我好小見咁大條泥掹魚   之後再陪埋媽咪去奇華買嘢就番菇場喇 

咪走雞 @ 大埔

尋晚繼續唔煮飯   因為想抖多晚先再發力

 

雖然無煮飯   但有做家務架   又洗衫又熨衫   攰到丫

 

同里奧大人去咪走雞 ( 扮太興果間 ) 食飯   食夜晚飯係第一次   試下好無食   好食會再翻單呢 

叫咗咪走雞飯 + 泰醬炒什菜 + 魚香茄子煲 + 熱檸蜜    埋單 $109   其實真係抵    因為唔駛加一可以食到小菜   同埋估唔到又幾好食噃

  

      

今朝出門口有陣涼意   希望日日都係咁啦   唔想沖完涼就咁快立痴痴呀

早餐食腿蛋治烘底 + 奶茶 ($16)   其實真係唔想食咁多蛋   但又唔想成日食麵   又唔想一早食咁多肉   所以三文治就係最好嘅選擇喇

旺季喇   番到菇場忙到嘔茄   不過時間就過得好快呢

晏晝同里奧大人去餐廳食粉麵    墨丸河 + 魚片頭牛腩河 + 熱央 ($50)   食粉唔落辣椒油真係無哂靈魂咁呀

呢排唔舒服   心情唔多好   再加上睇親報紙同聽新聞都係 d  唔好嘅消息   真係 very down down down 呀 


經文分享
耶穌又對眾人說 :”我是世界的光.  跟從我的, 就不在黑暗裏走, 必要得著生命的光. ( 約翰福音 8 : 12 )