打邊爐 @ home

尋日放工即刻飛奔番屋企同里奧大人一齊 tea 喇   

番到屋企抖陣又番教會 lu  

一早諗好打邊爐   所以番完崇拜就一齊去街市買材料  再去超市買西柚味汽水   打邊爐唔飲汽水真係唔似打邊爐呀  

湯底係芫茜皮蛋 + 老李沙爹火鍋湯底   我多數會將蘿蔔切片一齊煲   所以 d 湯底會比例甜呢   

今次好快手  整埋影埋相   50 分鐘就搞掂 

喺屋企打邊爐真係幾舒服   無時間限制   又可以睇電視  睇 dvd   食下停下又唔會比人望住    最正係食唔哂可以留番唔好 sai 嘢嘛

今朝里奧大人又無啦啦腰骨痛   所以買早餐嘅重任就交喺我身上喇  

買咗腸粉燒賣魚蛋    我之後再食碗麥皮   降下膽固醇   其實我好怕食麥皮   但為咗健康就無辦法啦   

鄧媽媽過橋水餃 @ 葵涌廣場 + shopping

之前托朋友  cc 買 skin care   所以尋晚放工就約佢交貨　順便一齊去葵芳嘅葵涌廣場 shopping   雖然山長水又遠   但係 d 嘢平靚正    都值得嘅 

我好怕好怕搭地鐵   特別係放工時間   真係想迫都迫唔入   同埋 d 人好勁   真係可以夾硬攝入去   塊面真係貼住玻璃門架    其實真係幾恐怖   我指果樣喎  

仲有最憎 d 人唔係出  但又企喺度阻住哂個門口    好心就出去門口  讓下人    等人出哂咪入番去囉    企喺到唔郁比人撞撞共都辛苦啦   真係丫 

好在尋晚同朋友一齊搭地鐵   可以一路傾計   唔覺唔覺就到目的地 lu 

去到第一時間由上至下    左至右咁係咁行   行到第 3 間舖已經有收鑊   所以好有原動力再行呀   

今次收鑊唔錯   1薄褸 1裙 1裇衫 1背心 1袋    埋單 4 百咋   邊度搵呀    我自己買嘢係會買平嘢   無咁肉痛   同埋可以豪 d d   但買貴嘢就會 .. .. .. .. .. .. .. ..

我覺得好奇怪   就係永遠想買嘅嘢就無   但無諗過買嘅又會買到喎   今次我就係咁喇   一心買 1 pc   點知一條都買唔到  反而買到其他嘢  

買完就食嘢 lu     9 點幾唔想食咁飽   所以試下 " 鄧媽媽過橋水餃 "   我食嘅 ?? 醬排骨都幾好味  甜甜地又唔肥  唔錯唔錯  不過我覺得連米線一齊食就有 d 怪   因為我唔鍾意有汁嘅餸同濕濕地嘅粉麵一齊食呢   

次次去街都係里奧大人喺屋企附近巴士站接我   所以我都唔想話太夜番   最好 11 點前番   可以早 d 休息嘛  

平時慣咗 10 點 9 左右瞓   尋晚沖埋涼  執埋嘢 me me 摩摩搞到 11 點 9 先瞓   好辛苦啊  

         

    

    

   

   

   

    

今朝約咗家姐  朱朱食早餐   所以要早 d 起身   落到街又唔係話太凍咁噃   可能唔大風啦  

星期六番菇場真係無 mood 做嘢    再加上里奧大人今日off   個心仲更加唔會響菇場度呀  

雜錦小鍋

尋晚里奧大人探奶奶    所以我放工行下 jusco 就番屋企開餐喇   

因為好攰   求求其其淥幾粒嘢就算喇  橫掂得我自己一個人食  

夜晚凍咗 d      諗住懶勁唔着褸去屋企樓下嘅平台跑步  點知凍得滯  跑 3 個細圈就走喇   同埋得我一個人  又大風  地下 d 樹葉吹到 d d da da 聲咁好恐怖呀  

今朝凍咗好多   勁開心呀   

星期五喇   可以食早餐食飽 d   食芝士腸蛋出前一丁 + 奶茶 ($20)  但見到又唔係話太想食喎  

番到菇場呢    無嘢做   唔駛點郁   所以越坐越凍呀  

晏晝同里奧大人去茶餐廳食 lunch   因為想食炒麵同飲奶茶   再加多個雞翼牛扒意炒意粉 就啱啱好  

今晚同朋友去街   煮唔到飯    突然覺得里奧大人無住家飯食好似好慘咁   我真係有 d 想喊出黎   唔知點解   呢排唔知點解眼定定望住里奧大人就會好想喊   我覺得佢做嘢好辛苦     我又幫唔到佢    只係聽佢呻    再加上佢之前病到面無血色    所以我係好計擔心佢    我之所以堅持要煮飯   係真係想里奧大人食得健康 d    我辛苦小小無所謂    等佢食完就睇下報紙電視 relax    將公司一切嘅煩惱都拋諸腦後   番到屋企永遠係開開心心咁就得架喇