祝大家新年快樂 每日都開開心心 健健康康
尋晚無煮飯呀 所以去食味千拉麵 依家味千 d 食物縮哂水呀 除咗餃子外 其他樣樣都細碟咗呢
雖然細碟 但食食下又幾飽喎
里奧大人呢排咀腫 所以又去許留山食特種龜零膏 我又食兩啖 食完見暈 我暈就大鑊喇 依家唔係昔日嘅葫蘆身型 所以暈咗里奧大人根本絕對無可能扶得起我 so 我決定 2009年開始減下肥 但又唔可以減得太犀利 因為我要有肉地先靚女架
今朝番工居然車等人 車程又順 所以勁早出到去
難得咁早 所以去遠 d 嘅地方食早餐 沙爹牛肉米餐 勁正呀 因為我好鍾意用有耳嘅杯飲奶茶架
番到菇場忙到爆 但好開心喎 因為除夕 4 點可以收工喇
同里奧大人去茶餐廳食 lunch 佢話食過好好味 所以去試下
里奧大人要剪頭髮 所以有過份充裕嘅時間比我 ready 晚餐 橫掂有時間 行下惠康 買咗 6 盒粟米湯 1盒 $4.8 咋 平時好似要 $7.x 架 再經過買燒味嘅地方 拎起盒豬腳薑黎聞 好香呀 所以買埋佢啦 之後再去街市買菜就番屋企喇
是日懶餐 - 黑椒蜜糖雞翼 + 菜心
黑椒蜜糖雞翼 - 本來想焗 但唔知焗幾耐 所以都係煎算數喇
菜心 - 超大條超甜 但美中不足係有渣
豬腳薑醋 - 聞落去好香 諗住好好味 但 d 醋好酸 唔掂呀
依家 d 手提電話真係用 2 年就玩完 所以我都要換電話喇 我好 "鏡錫 " 部電話架 不過舊電唔聽話咋 但又唔想買舊新電喎 橫掂聖誕多 further sale 所以順便叫里奧買埋比我囉 佢橫掂買開電腦 唔爭在買埋電話比我啦
之前用咗白色電話 所以今次用紅色 無咁悶呢
我其實鍾意 LG 同 sony ericsson 嘅電話款 但有 d 係無 3G 有 d 又太貴 所以都係揀番 nokia 因為用慣 nokia 嘛
本來想陪里奧大人徑步 但已經 10 點 2 所以索性叫里奧大人都唔好跑步 早 d 瞓好過
今朝落雨 所以天氣開始又凍咗 d 喇 咁搞法真係好計易病
早餐食芝腿治烘底 + 奶茶 佢地落單無幫我走牛油 不過有牛油真係香好多 但就肥好多囉 所以係唔會要牛油嘅
里奧大人番咗大陸 晏晝自己買車仔麵番菇場食 今日無咩人喺菇場食飯 所以靜到有 d 耳鳴呀
當諗唔到食咩嘅時候 就特別零舍想食辣嘢 所以就去食酸辣米線喇 如果屋企附近有埋麻辣米線就更加正喇
行行下無啦啦落雨 所以覺得好凍咁呢
次次諗住去百佳買小小嘢 但就覺得好似比人落咗降頭咁 咩都買一餐咁 今次仲 so 因為買滿 $100 有 9折 所以一路買一路計數 好計忙架 好在喺超市買嘅嘢都多數有用啫 唔係就好 sai 嘢架喇
是日晚餐 - 粟米龍脷柳 + 香草牛油粟米 + 豉油王蔥粒炒飯
粟米龍脷柳 - 臨近歲晚 想清哂雪柜 d 食物 所以又整龍脷柳喇
香草牛油粟米 - 之前煲湯淨嘅 所以炒埋佢 多碟餸就無咁寡呢
豉油王蔥粒炒飯 - 其實單單用豉油 + 蔥花炒飯都幾好味喎
假期唔想做平時會做嘅嘢 所以食,下芝麻糊同唔徑步喇
今朝覺得有 d 熱同有 d 焗咁啊 唔知係咪 "吽" 雨呢
本來想去遠 d 食早餐 但諗諗下都係唔好 費事落雨仲麻煩
所以都係喺公司對面食芝士火腿菠蘿包 + 凍奶茶 食完好飽好想瞓呀
番到菇場仲屎火 唔知點解提唔起勁做嘢 因為一諗起星期三 ( 應該 ) 可以放早
1月1 日又放假 就勁有 holiday mood 呀
晏晝同里奧大人去美心 食 六寶飯 好耐無食燒鴨 (鵝 ? ) 覺得好好味 不過最好味都係 d 酸梅醬 食咗 3 包呀 幾驚比人鬧拎得多呀
