2009年12月31日星期四

譚仔 (三哥) 雲南米線 @ 大埔 ( 31-dec-2009 )

酸菜腐竹麻辣米線

豬潤牛肉麻辣米線



土匪雞翼


( 31-dec-2009 thu )
今朝食蛋牛治烘底 ( 小蛋 )    呢個三文治真係半年食一次好喇   因為實在太漏喇 !



番到菇場忙到震    忙到 lunch    諗住一陣可以早收    所以買菠蘿包 + 半杯麥皮   無咁飽嘛   可以同里奧大人 tea  點知原來無得放早   餓到震呀   放工即刻買個芝麻餐包頂肚呀   要一路行一路食  唔係就捱唔到番屋企咯 ~



突然好想食麻辣米線   所以同里奧大人去譚仔喇 ~

同里奧大人一把年紀    所以都唔會出去倒數  未迫過咩   喺屋企睇碟靜靜咁過就算 lu ~


哎呀  2009 年最後一日 lu   真係不經不覺咁過咗呢一年咁   年紀大咗    覺得 d 時間好似過得特別快咁架     呢一年真係麻麻地開心    因為我最愛嘅朱朱離開咗我     不過我好感恩就係當我唔開心嘅時候   會用另一個想法黎諗呢件事    人生常有不如意事發生    所以任何事都要用積極開心嘅態度去面對嘛       我仍都好感恩    我有個對我唔係時時太好   但都唔係差嘅嘅里奧大人陪住我    讓我每當有困難唔開心嘅時候   佢都會安慰我   氹我開心呢     " 人生有不如意嘅事有十之八九   倒不如多看那如意嘅一二件事   如此 我們就會知足常樂啦 "           

2009年12月30日星期三

住家飯 @ 媽咪屋企 ( 30-dec-2009 )

豉油王蝦碌
黑椒牛仔骨
蒸紅鮪
蒸蟹
炒豆苗
當參鳥雞湯
飯後果 - 菠蘿
飯後甜品 - 恆香老婆餅
飯後甜品 - 美心荷蘭撻
( 30-dec-2009 wed )
今朝超想食糯米雞    其實呢間嘅糯米雞真係唔好食   d 飯唔煙韌架   但好想食嘛   無計啦   照食可也    不過唔會再食下次囉 ~
菇場超靜   因為好多同事出 trip   如果老闆一齊出埋 trip 就更好啦  ~

唔想出街    所以食即食粉絲     3 點幾個胃有 d 唔舒服    但又覺得好肚餓喎    都唔知係乜 ~

里奧大人今晚約全男班朋友打邊爐     所以我就番媽咪屋企食飯喇 ~

番到屋企第一件事就煲菊花茶比里奧大人清熱氣     佢話聽到都好感動喎    唔係嘛    我平時好多嘢都以佢為出發點架啦    真係   難道男人真係唔可以下下對佢咁好嗎 ~

2009年12月29日星期二

打邊爐 @ 媽咪屋企 ( 29-dec-2009 )

雜丸
魚蛋
魚片
蟹仔 
瀨尿蝦
泥猛魚

肥牛
豆苗
腐竹 / 蟹柳

芋絲
炸魚皮
粟米蘿蔔芫茜皮蛋湯底
蒜蓉辣椒豉油
紅醋

飯後果 - 蕃石榴  


( 29-dec-2009 tue )
今朝一樣咁凍    不過又無想像中咁凍喎   但落毛毛雨就好煩囉 
車程又係非常之暢順    仲要隔雜位係無人坐添     但得我隔離無人坐咋   我即刻拎塊鏡出黎   照下自己係咪披頭散髮嚇親人先    但又唔係丫  好端裝整齊喎    只係黑眼圈比較深小小啫  好得人驚咩        
早餐食三文治   方便嘛   唔駛咬咁耐 


尋日無做嘅嘢   今朝要做番哂 lu    依家真係好小寫字     真係有 d 唔慣囉     
今朝腦海成日諗起咖哩烏冬    所以 lunch 即刻去 7-11買黎食   d 咖哩真係好香好辣   烏冬又煙韌喎     便利店有呢 d 水準算唔錯架喇
今晚即興去媽咪屋企打邊爐    所以放工就約埋里奧大人一齊去街市買丸丸   之後就齊齊去媽咪屋企開餐 lu    好小一家人一齊打邊爐    所以好開心呀 ~


粟米龍脷柳 + 香草牛油粟米 + 豉油王蔥粒炒飯 + 芝麻糊








當諗唔到食咩嘅時候    就特別零舍想食辣嘢   所以就去食酸辣米線喇   如果屋企附近有埋麻辣米線就更加正喇 ~   






行行下無啦啦落雨   所以覺得好凍咁呢  

次次諗住去百佳買小小嘢  但就覺得好似比人落咗降頭咁   咩都買一餐咁   今次仲 so   因為買滿 $100 有 9折    所以一路買一路計數   好計忙架   好在喺超市買嘅嘢都多數有用啫   唔係就好 sai 嘢架喇   

是日晚餐 - 粟米龍脷柳 + 香草牛油粟米 + 豉油王蔥粒炒飯
粟米龍脷柳 - 臨近歲晚   想清哂雪柜 d 食物   所以又整龍脷柳喇  

香草牛油粟米 - 之前煲湯淨嘅    所以炒埋佢   多碟餸就無咁寡呢  

豉油王蔥粒炒飯 - 其實單單用豉油 + 蔥花炒飯都幾好味喎  

假期唔想做平時會做嘅嘢   所以食,下芝麻糊同唔徑步喇  ~

今朝覺得有 d 熱同有 d 焗咁啊     唔知係咪 "吽" 雨呢   

本來想去遠 d 食早餐   但諗諗下都係唔好   費事落雨仲麻煩 
所以都係喺公司對面食芝士火腿菠蘿包 + 凍奶茶    食完好飽好想瞓呀 






番到菇場仲屎火   唔知點解提唔起勁做嘢    因為一諗起星期三 ( 應該 ) 可以放早 
1月1 日又放假   就勁有 holiday mood 呀 


晏晝同里奧大人去美心 六寶飯   好耐無食燒鴨 (鵝 ? )   覺得好好味   不過最好味都係 d 酸梅醬   食咗 3 包呀    幾驚比人鬧拎得多呀 ~

2009年12月28日星期一

韭菜豬肉水餃 + 徑步







晏晝食車仔麵   好耐無食   所以覺得好好味咁   特別係雞翼尖呀   好計入味呀



習慣咗食完嘢要行一陣   所以點都要喺屋企附近兜個圈先番屋企

是日懶餐 - 韭菜豬肉水餃
韭菜豬肉水餃 - 今次買瘦肉番黎自己 dir   但 dir 得唔好  所以好多時都一大舊肉    不過都好好食嘅 

食完抖陣又徑步喇 


今朝晏咗起身   所以無番教會   同里奧大人落樓下食早餐算喇