年初一 至 年初六

年初一

朝早去媽咪屋企   再一齊出發去婆婆屋企拜年食飯   本來開開心心   但比婆婆催催共   所以成朝都係火 ~ 

里奧大人唔舒服   所以喺屋企休息   番到屋企里奧大人仲瞓緊   瞓到 5 點幾先起身   所以我就早 d 煮飯 ~  

是日晚餐 - 鹵水雞翼 + 腐乳生菜

食完飯去租碟   租詹瑞文嘅 "玩得喜"   當中知道詹瑞文為讀演藝   一年時間內學好多嘢黎充實自己   真係好值得欣賞呢 ~  

~~~~
年初二
同里奧大人喺屋企附近食完早餐   梳洗後就去媽咪屋企食開年飯喇   不過 feel 到自己開始唔舒服   無哂心機 ~ 

去到媽咪屋企   d 餸已經整到 7788 喇   唔駛幫手就諗住同朱朱玩   點知朱朱都凍到唔願郁呀 ~ 

食完我就要瞓喇   因為感覺到開始發燒   又越瞓越凍   喉嚨又痛   不過又唔可以瞓得太耐   因為要趕下場去奶奶屋企食開年飯呀 ~ 

去到都無心機   而且太多人   費事傳染比佢地   喺房休息到開飯為止 ~

上年年初二就傷風   今年就感冒   年初二好黑呀   choichoichoi ~

~~~~
年初三 
食完早餐就即刻睇醫生   睇開嘅醫生又休息   不過唔理喇   未睇過都照睇   因為實在太辛苦喇   咳到甩肺 ~ 

想去食嘅餐廳要初八先開   所以晏晝去大家樂算喇   最緊要係唔駛行咁遠呀 ~ 

 

屋企有好多糕   里奧大人話見我唔舒服   想親自煎糕過我食喎   是但啦   難得有人開口話煎    唔通話唔好咩   一話唔好   以後就唔駛旨意再有機會呀 ~ 

~~~~
年初四
放埋今日咋   所以要好好珍惜呢   同里奧大人去太興食早餐   食完兜個大運就番屋企喇 ~ 



晏晝唔想諗   所以又去大家樂   其實我好鍾意去大家樂   因為我好鍾意柔和嘅黃光架 ~ 

食咗藥   個人好似好番小小   所以就煮飯喇   今次只係煲飯同淥菜心   因為個餸係 3 姑奶喺初二嘅時候比我嘅   所以唔想嘥嘢就煮埋囉 ~ 

是日晚餐 - 梅菜排骨 + 菜心 

~~~~
年初五
今朝 8 點半前要番到菇場   知道菇場附近好多餐廳都未開   所以去麥記食早餐 ~



番到菇場都無心機   一對住電腦   d 眼水即刻標哂出黎   雖然勁辛苦   但又好開心喎   因為去美心皇宮食完開年飯就放工喇 ~ 

里奧大人仲係 OFF   所以約去尖沙咀   陪佢食完酸辣米線   再行一陣就睇戲喇 ~ 

今次嘅戲飛係 free 架   揀咗 "馬利與我"   里奧大人強調話上網 check 過 "馬利與我" 係 happy ending   呃人嘅   喊到豬頭咁呀   都唔知里奧大人 happy ending 嘅定義係咩 ~ 

病緊   所以呢樣唔得果樣唔準   無可選擇之下就去太興   想食果 d 又無喎   勁唔開心呀   求其叫燒肉燻蹄飯 + 上湯雜菜煲 可能感冒嘅關係   覺得樣樣都無味 ~ 

~~~~
年初六
要番工   但真係唔願起身囉 ~ 

無咩胃口   所以去 KFC 食牛角包 + 奶茶    越食越眼瞓 ~ 



番到菇場靜英英   真係唔明點解可以咁靜   靜到想瞓覺 ~

六六無窮

年三十晏晝去街市   一心諗住滾魚湯同煲雪梨水   點知去到咩都無   無哂心機 ~ 

番到屋企又要執嘢   之後就全心全意整晚餐喇 ~

是日晚餐 - 六六無窮

茄汁蝦仔 - 嘻嘻哈哈

墨魚卷 - 年年有餘

螺片生菜 - 和氣生財

撈麵 - 長撈長有  撈到風生水起

蕃茄薯仔排骨湯 - 鴻運當頭


腐竹湯丸 - 富足團圓  

行年宵 Part 2 & Outback Steakhouse @ 銅鑼灣

因為家姐想買花   所以行埋濕檔   地下又無想像中咁濕   同埋原來有好多花睇架   再幻想自己屋企有個大花園種哂所有花   真係諗下都開心呀 ~

行咗兩個幾鐘   對腳同條腰開始痛喇   所以買完花就走喇 ~  

其實臨走前好想買呢隻電動小吉   但我又唔多鍾意佢係電動   所以最後都係唔買喇 ~




今次又去 Outback   等咗 40 分鐘先有位   不過都預咗去到邊都要等 ~ 

9 點幾食到 11 點   對於一個早瞓嘅我真係好辛苦呢 ~

~~~~
預咗 One Day 大掃除   所以今朝真係唔番得教會喇 ~

食完早餐   買埋餸就番屋企大掃除   屋企細細   但要執要抹真係幾辛苦   好在平時我都鍾意整整齊齊   如果唔係就大鑊喇 ~

奶奶比咗 d 水仙   但都未開花   天氣咁凍   唔知會唔會開呢 ~  



喺年宵買咗個五代同堂   顏色非常之 Colorful   我勁鍾意架 ~  



晏晝同里奧大人食完酸辣米線   再行大埔嘅年宵市場   簡直大開眼界呀   因為從未見過咁細嘅年宵市場   又無嘢睇喎   行唔夠 5 分鐘就可以走人 lu ~