金菇牛肉卷 + 牛油炒粟米 + 四寶珍菌湯

星期六同媽咪 朱朱一齊食早餐   見到佢地真係好開心架   所以幾早起身都無問題呢 ~ 

菇場好多人 A/L   有一半又 day off   最正係老細又 day off 嘛   真係 free 到爆呢 ~ 

晏晝同里奧大人食 tea   雖然食黎食去都係果 d   但又覺得唔悶喎   可能因為係星期六開心啦 ~  

食完番屋企煲湯   之後就番教會   見仲有時間   所以去食碗熱辣辣嘅亞婆豆腐花   真係超滑架   $5 又平喎   所以次次都好多人排隊架 ~ 



是日懶餐 - 金菇牛肉卷 + 牛油炒粟米 + 四寶珍菌湯 

金菇牛肉卷 - 赤手包牛肉卷   包到隻手好油   好多肥膏痴住隻手   立痴痴咁   極到討厭呀 ~ 

牛油炒粟米 - 好耐無食   所以覺得好好食   哈 ~  

四寶珍菌湯 - 包裝註明 "此湯清心養胃   有助於増強身體免疫力"   材料有蜜棗 + 茶樹菇 + 黃金菇 + 雲芝 + 冬菇絲 + 舞茸 + 白背木耳絲   我加埋 1 條大嘅紅蘿蔔 + 2 條粟米   唔落肉   就咁齋湯   唔錯唔錯 ~ 

~~~~
星期日同里奧大人 9 點幾起咗身   所以去大家樂食早餐   一見到 d 他他醬就開心   再加埋塗滿牛油嘅厚多士   真係食得好滿足呀 ~ 

番到屋企勁喇   因為想洗抽油煙機嘅 "葉" 呀   洗咗一個鐘   勁攰勁攰 ~ 

晏晝食酸辣米線   酸酸辣辣好啱女人食呢 ~  

生日第二擊 @ 和民居食屋 ( 大埔 )

因為有和民 Cash Coupon   所以約埋家姐同里奧大人一齊去和民開餐呢 ~ 

順便比埋鹹金桔比家姐   浸咗一年架喇   不過仲要等幾年先飲得喎 ~ 

上次買相機送米奇杯   都順便比埋家姐 lu   我屋企真係無咁地方擺呀   其實我好鍾意睇杯    但奈何一隻杯可以用好耐   所以只可睇不可買呀 ~ 

今次去和民開餐   叫咗蕃茄煙肉 Pizza + 天婦羅 + 野菌炒雜菜 + 鐵板煎餃子 + 豚平燒 + 5 色刺身   個 Pizza 最唔掂   唔熱架   我要再叮熱呢   其他食物又好油   雖然飽   但都要叫刺身中和番 ~ 

umm   我覺得開心就要食甜品   但唔會喺和民食   因為對佢地無哂信心   所以去屋企樓下食糖水   食完真係好好好好飽喇 ~

生日第四擊 @ 紅螞蟻 ( APM )

今朝正想一路食早餐   一路他他條條睇雜誌嘅時候   點知同事坐埋黎   所以就變咗一路傾一路食喇 ~  



菇場勁忙   但都仲勁有 holiday mood   又加埋 happy friday   所以無咩心機做嘢  

晏晝里奧大人同同事食飯  所以我就清清腸胃  食白粥+ 炒米粉    食嘅時候好飽   但 4 點幾就好肚餓呀 



放工同 CC 食飯   佢請我去紅螞蟻食生日飯呢 ~ 


扒大蝦蕃茄天使麵 ( 毫無味道可言 )

拼盆 - 豬仔骨 + 雞翼 + 魷魚鬚 + 麻醬茄子 ( 最好味係魷魚鬚同麻醬茄子 )

韓燒醬牛仔骨 ( 好入味 )

千島芝士汁焗西蘭花 ( 又係無味 )

紅豆椰汁冰 ( 一般 )

由 6 點半傾到 9 點半   真係好計開心呀 ~