菜甫炒肉粒 + 上湯娃娃菜 + 蔥花蛋炒飯 + 隔夜湯 + 徑步

依家多數會喺假期嘅時候抽幾張 Recipe   作為一個星期嘅餸菜   咁就唔駛日日諗食咩啦   同埋我覺得醃肉嘅時間耐 d 會入味 d 咁囉 ~

是日懶餐 - 菜甫炒肉粒 + 上湯娃娃菜 + 蔥花蛋炒飯

菜甫炒肉粒 - 用韓燒醬汁醃一晚 ( 由於醬汁差唔多到期   所以落咗成半枝   d 醬汁係浸哂所有肉粒 )   so   肉粒甜甜地   菜甫爽爽地   加小小辛辣粉   勁正呀 ~

上湯娃娃菜 - 其實用雞粉扮上湯   但一落 d 雞粉   d 水就會 "沙" 一聲同埋起哂泡   有 d 恐怖囉   所以下次都係小落雞粉為妙 ~ 

蔥花蛋炒飯 - 里奧大人好鍾意食炒飯   仲激讚我 d 炒飯唔熱氣添呀 ( 因為我炒到 d 飯林 pat pat   唔係一粒粒呀 )   超 ~  

唔知點解   食完 d 娃娃菜覺得個肚漲漲咁 ( 唔係飽喎 )   下次都係咪整喇 ~  

整好哂所有嘢就同里奧大人去徑步 lu ~

~~~~
今朝又食麥皮 + 菠蘿油 + 鴛鴦   菠蘿油又甜甜鹹鹹香香咁   真係好味   不過我係食好小牛油   剩番嘅牛油仲多過食落肚架 ~  

次次番到菇場都覺得好凍   但一出街就好熱   真係麻煩呀 ~ 

晏晝同里奧大人去茶餐廳食粉麵   今日好多地方都有即沖奶茶派呀   所以我都拎杯試下   慳番熱飲錢呢   醒呀 ~ 

梅菜蒸鯇魚 + 粉葛赤小豆眉豆豬展湯 + 齋鴨腎 + 徑步 + blog 友 (噹媽) 小聚

星期六 ( 28-mar-2009 )

難得同里奧大人一齊放工   所以真係好開心呢   d 人成日覺得日又見夜又見會好悶   但我又唔覺喎   是我太痴身嗎 ?!   哈 ~  

番到屋企附近食 tea   今次我終於忍唔住試食冬蔭公炸魚片頭河粉   里奧大人就食干燒伊麵   其實冬蔭公嘅賣相真係好吸引   但我都唔係太接受到咁重椰奶嘅味道呀 ~ 

食完就去買生果   呢期鍾意食橙   所以難得有里奧大人相伴   就買 8 個橙 + 3 個細木瓜番屋企喇 ~

星期六 d 時間真係超級快過呀   話咁快又到  4 點半   又要出門口去番教會 lu ~  

夜晚就去姑奶屋企 BBQ   好在雨粉粉之後無落雨咋 ~   

~~~~
星期日 ( 29-mar-2009 )

今朝同里奧大人食早餐   他他條條一路食一路睇雜誌   真係好 relax   之後去徑步   如果平時都可以咁就好喇 ~  

徑完步又去逛超市   假期嘅生活真係好平淡呢   但我鍾意喎   人到中年都無咩激情咯   呵呵 ~  

今次去一間新開嘅泰式餐廳食 tea   我食肥牛湯濛 + 椰汁亞塔子冰   里奧大人就食越式炒飯 + 椰汁紅豆冰   食物都 ok   不過飲品就唔好味   可能期望太高啦 ~   

番到屋企要 ready 煲湯   一日最辛苦嘅時刻終於開始喇 ~   

是日懶餐 - 梅菜蒸鯇魚 + 粉葛赤小豆眉豆豬展湯

梅菜蒸鯇魚 - 整咗 N 次   終於覺得今次唔腥喇   食得好開心呢 ~

粉葛赤小豆眉豆豬展湯 -  天氣潮濕   所以煲去濕湯水   飲完去哂濕   個人無咁攰架   材料有粉葛斤半 + 豬展 $22 + 粟米 2 條 + 紅蘿蔔 1 條 + 果皮 1 塊 + 赤小豆 + 眉豆各 3 湯匙 + 蜜棗 3 粒   煲 2 .5 至 3 個鐘   超甜呀 ~  

之前瞓得唔好   所以索性 10 點半瞓覺 lu ~ 

~~~~
星期一 ( 30-mar-2009 )

今朝嘅早餐   對於我黎講係好特別   係食 d 平時唔食嘅嘢 ~ 

就係牛奶麥皮 + 菠蘿油 + 奶茶   $16 咋   估唔到咁平呢   食麥皮係想降膽固醇   所以唔好食都要食呢   至於菠蘿油   估唔到好好味喎   不過我只係食咗手指甲 咁上 size 嘅牛油   因為我真係好驚肥呢 ~ 

今日 lunch 又係好特別   因為 豬豬妹 ( 噹媽 ) 約我 lunch   本來里奧大人都有份架   但佢臨時要同客食飯   所以黎唔到   咁仲好   可以多 d 嘢傾   哈 ~ 

同豬豬妹去夏麵館    但豬豬妹話同 Elements 果間唔同   但我就唔知呢   因為我無去過夏麵館食嘢嘛 ~ 

之後豬豬妹點菜   繼續疑惑地問 Waitress 點解唔同 Elements 嘅 Menu   個 Waitress 尷尷尬尬細細聲話唔同老細喎   終於知答案喇   所以豬豬妹再無疑惑 lu ~  

我地叫咗炸豬扒擔擔麵 + 麻醬粉皮 + 鍋貼 + 炒年糕    點完菜豬豬妹就比泰國手信我呀   原來豬豬妹個人都好細心架   買咗個小手袋 for 我 lunch 用   又買 Hand Cream   又有個豬豬手制化妝盒同芒果乾   今勻真係有食有拎呀   超開心勁感動呀 ~   

一路食一路傾   very very good 呀   今餐係豬豬妹請我食   話生日飯喎   認真客氣呀   之後仲送埋我番公司添   oh   好有屋企人 feel 呀 ~

又黎雲南桂林過橋米線 @ 荃灣

真係食開有感情呀 ~ 


尋晚去表妹度電髮   電完諗住番屋企睇芯姐   但里奧大人幫我錄咗   所以唔駛咁急番屋企 ~  

街又超凍喎   所以諗諗下都係食埋嘢先走   so 又去雲林食酸辣米線喇 ~  


今次係食豬軟骨 + 豬紅酸辣米線 ( 小辣走肉碎 )   初初睇個樣仲以為唔辣   點知食咗兩啖 feel 都開始辣   越食越辣   真係越食越刺激呀 ~ 

~~~~

尋晚真係撞鬼   d 米線辣得滯   搞到我胃痛   幾辛苦先瞓得着呀 ~  


今朝落雨   所以車程會比較耐 d 家嘛   9 點去食早餐   點知遠處見到老細就走入黎   oh   終於又要一齊坐 ~




番到菇場忙忙地   所以都幾開心架   好過番工等放工丫 ~  


晏晝里奧大人被同事約食飯   而我為咗幫家姐儲印花   所以就去 7-11買常餐 ( 4 粒燒賣 + 撈麵 + 碗仔翅 + 奶茶 )   $18 超抵   不過食完肚屙呀 ~
  

住家飯 @ 媽咪屋企

尋晚勁開心啦   因為番媽咪屋企食晚飯呀  
放工嘅時候又落雨  又大風   加上天氣又潮濕    連朱朱都無哂心機呀   因為幾日無出過街街呢   

坐坐下好想食雪糕 之後又飲湯    終於又搞肚痛呀   辛苦到暈咁滯 

等埋家姐同里奧大人番屋企就開飯 lu 
  

  
今朝潮濕又大霧 搞到個人好計攰 
好在今朝可以有時候慢慢噗早餐    食完精神好好多呢