元綠壽司 @ 大埔 ( 30-sep-2009 )

( 30-sep-2009 wed )
今朝有胃口啦    食腿蛋治烘底 + 奶茶    但麵包烘得太乾    超難啃呀

晏晝想食 d 熱嘢   買沙爹牛肉米粉   點知油到爆    又係超難食啊   食到一半食唔落  唉

夜晚終於有胃口啦   想食濃味嘢   所以去元綠壽司   因為落大雨唔想行咁遠呢

25-sep-2009 to 29-sep-2009

( 25-sep-2009 fri )
今日請假  因為呢日係奶奶安息禮拜
同里奧大人食完早餐   番屋企再 prepare 嘢   梳洗後就陪我覆診   感謝神  醫生話我報告好好   同埋差唔多一年都無翻發   所以我依家只需要一年覆診一次   實在好開心呢    但仍然要食鐵丸    唉   仲諗住睇住可以即走添 
取藥處要等一百個號碼先到   所以同里奧大人去 canteen 醫肚    d 嘢食難食到不得了    叉燒湯濛無味嘅  湯都無味   超難頂 

食完就再去取藥處拎藥   時間啱啱好   之後拿拿聲打的去世界大酒店 lu 
感謝神保守帶領    安息禮拜一切都好順利 
完畢之後就一齊去 food court 食嘢   食完就各自歸番屋企休息  
( 26-sep-2009 sat )
朝早同里奧大人去紅磡火車站麥記食早餐   估唔到都好多人喎 

食完就去大酒店   再去火葬場    之後去食解穢酒   所有嘢終於搞掂哂 lu
番到屋企好攰   所以都無煮飯   出街食飯算喇 

(27-sep-2009 sun )
今朝番祟拜    所以喺教會附近食早餐  

因為 11 點幾先食完早餐   所以多數 3 點幾先食 tea   食完再去買餸   番到屋企已經 5 點    時間真係好唔見駛呢 

是日懶餐 - 勝瓜魚滑湯
勝瓜魚滑湯 - 2 條勝瓜 + $10 鯪魚肉    呢個湯超方便  又飽肚  飯都唔駛食啊   

( 28-sep-2009 mon )
唉   每月一痛   雖然唔係話好痛   但個肚成日扯住扯住好辛苦  但又唔想成日請病假    所以呢日喺菇場係咁瞓     放工即打的番屋企   好在有 8 折    埋單 $110   算抵啦   6 點番到屋企喎      如果坐巴士要 6 點 8 先番到呀   我真係頂唔順啊 
呢日又全日無食嘢   一食就想嘔    所以番到屋企即刻沖涼瞓覺   舒服好多呢  
( 29-sep-2009 tue )
呢日都仲係有 d 唔舒服   同埋瞓得唔好   個人超攰超攰   又無胃口喎    所以勁想快 d 放工番屋企    本來想坐巴士   但諗諗下都係唔好     所以又打的    黎緊呢個星期要節衣縮食喇   噢 
今日又全日無食過嘢    但番到屋企沖過涼就舒服好多   開始精神同有 d 胃口    勁想食燒賣腸粉   所以里奧大人即刻買番屋企喇    因為過咗一陣又可能唔想食呢  

釀尖椒 ( 豉汁 ) + 蕃茄薯仔排骨湯 + 冰皮月餅 ( 綠豆蓉 ) ( 24-sep-2009 )

( 24-sep-2009 thu )
今日 off     因為想陪下里奧大人   不過其實自己都想偷懶嘅  都係唔好講到自己咁偉大咁呢   噢

唔知好彩定唔好彩    今朝煤氣公司有人驗查煤氣    哎呀   我地又要換煤氣喉呀   因為上層 d 單位應該爆過鹹水    所以腐蝕咗條喉   一定要換   因為驚唔知幾時會流煤氣啊  唉   又要比三千三啊 

朝早同里奧大人 & 2 姑奶一齊食早餐  食下傾下已經 12 點幾啊   點解時間過得咁快架    之後同里奧大人去買餸  咁就過咗半日喇 

3 點幾先食 tea      今次又試食冬蔭功魚片頭湯粉   但都係接受唔到椰奶味啊    我記得喺泰國飲嘅冬蔭功好好味架噃   無咁重椰奶架  點解咁架 

是日晚餐 - 釀青椒 ( 豉汁 ) + 蕃茄薯仔排骨湯
釀青椒 ( 豉汁 ) - 一份尖椒只係 $5   再買 $10 鯪魚肉咁就可以整一樣餸   真係好抵呢    不過我覺得釀青椒都幾麻煩    今次用鐵鑊煎   因想要有金黃效果   雖然落咗好多油   但都同樣痴鑊   麻麻煩煩    又再用番易潔鑊煎   估唔到都會有金黃效果    之得一早用易潔鑊啦    

尖椒皮蛋 - 突然好想食皮蛋   加 d 尖椒  麻油  蒜蓉一齊食又唔錯噃   

蕃茄薯仔排骨湯 - 4 個蕃茄 + 1 個中薯仔 + $10 排骨  呢個湯超甜   又有營養    不過就唔鍾意又批又切囉     

冰皮月餅 ( 綠豆蓉 ) - 家姐之前買咗 3 pack 唔同味嘅冰皮月餅比我    今次試綠豆蓉    勁失望   無味  口感又唔好喎   同幾年前食嘅差好遠呢