2009年11月30日星期一

新之食 @ 官塘 ( 30-nov-2009 )







( 30-nov-2009 mon )
休息咗一日  算係好 d 啦  但仲有咳同小小傷風   如果今日係假期就好啦   唔駛請假又可以休息  唉  


無乜胃口食嘢   但唔食又驚餓喎    所以慢慢食   唔係食到反胃就慘喇 
點解咁架   仲係忙嘅    唔病唔忙喎   仲諗住 hea 下咁過家嘛 
晏晝食燒賣 + 腸粉     本來唔想加辣醬   但唔加又唔好食喎   點知食完個喉嚨痕到呢   係咁咳咳咳   撞鬼 


放工即走 lu   要去醫院探媽咪    原來媽咪係肺積水    所以氣速同腳腫   里奧大人去到即同媽咪 "練" 腳   即刻消腫好多   感恩   無幾耐家姐又黎埋   好在可以幾個人一齊探咋    最怕要輪住黎探    我覺得時間唔夠囉   希望媽咪快 d 出院啦  咁就唔駛咁擔心啊      
 7 點 9 走 lu   一齊去官塘食嘢    食完各自番屋企休息 lu

2009年11月29日星期日

三色椒洋蔥燒汁豬扒 ( 29-nov-2009 )


( 29-nov-2009 sun )
諗住瞓到十一點   點知 9 點幾已經醒咗瞓唔番   同埋鼻塞瞓覺真係好辛苦   不過里奧大人仲慘    話我瞓覺 d 鼻"韓"聲好似象叫咁喎   大聲到佢要塞耳仔先瞓得着呢  噢 
本來去太興食早餐   但要等 11 張枱  咪搞啦   唔舒服呀   想快 d 食完番屋企休息呢 


番到屋企食藥   個幾鐘頭後就見藥力    但瞓咗一個鐘就醒    唔再瞓 lu   睇下報紙好過 
兩點幾食 tea   但其實無乜胃口    不過里奧大人都係時候食嘢架喇   無理由要佢餓家嘛 

食完去街市買餸買生果     假期多數就係咁過架喇    
是日晚餐 - 三色椒洋蔥燒汁豬扒
三色椒洋蔥燒汁豬扒 - 三色椒同洋蔥切絲   豬扒切條   再加 d 燒汁去煮   估唔到幾好味噃  估唔到幾好味噃   

2009年11月28日星期六

節瓜鹹蛋江瑤柱瘦肉粒湯飯 ( 28-nov-2009 )



( 28-nov-2009 sat )
星期六多數瞓多廿分鐘先起身   因為知道車程比例暢順呢 

星期六早餐多數食飽 d  因為番到屋企要 2 點呢 



星期六半日休息   諗住好好瞓一覺   點知家姐話入黎一齊去 jusco 掃貨  咁好啦   同埋里奧大人一齊去大家樂 tea 就去 jusco 掃貨喇    本來里奧大人齊去架   行唔夠 10 分鐘樣都變埋   睇得出唔多願   所以叫佢自己番屋企先   唔好阻頭阻勢影響我地買嘢嘅 mood 呢 
星期六多數喺屋企煮飯   其實感冒仲未好番想  里奧大人話不如出街食    但我諗唔到食乜   又唔想出街食   所以簡簡單單煮個湯飯算喇  點都有益過出街食呢 
是日懶餐 - 節瓜鹹蛋江瑤柱瘦肉粒湯飯
節瓜鹹蛋江瑤柱瘦肉粒湯飯 -  星期六煮嘢都有心機 d 架   突然想食湯飯  但今次買 2 個細節瓜要12蚊呀  其實真係幾貴  不過想食無辦法呢          

2009年11月27日星期五

酸辣米線 @ 大埔 ( 27-nov-2009 )

( 豆卜鴨腎酸辣米線 )

( 香茅雞翼豬潤酸辣米線 )
( 蒜泥白肉 )
( 27-nov-2009 fri )
大傷風丫   真係好唔想番工呀   不過唔想成日請病假   唯有帶住口罩番工啦 
早餐去美心   再比多次機會佢    因為上次嘅魚柳好難食   點知今次都係一樣   真係要 bad list 喇   又小咗個地方選擇添 


菇場忙到爆    樣樣唔係 priority   就係 most urgent   人家仲諗住休息下   點知唔病唔攞妳命咁喎  慘 
晏晝無乜胃口   所以買包買菇場食算喇     一個係喺 ok 買嘅朱古力鮮奶球     一 pack 係尋晚喺美心買定嘅糙米芝士包     食完個朱古力包已經唔想再食   因為食乜都無味呀 


忙呀忙    忙到未停過呀    要 4 點鐘先夠膽食傷風藥   唔係一路做一路想瞓就實做錯哂嘢啦   最怕食傷風藥架 
諗住坐巴士瞓覺   但又瞓唔到   慘到呢   不過見到我前兩行坐近樓梯位嘅男仔   瞓到打側 45度角  一路瞓一路跌   做瑜珈咁款   嚇得人丫   因為驚佢會跌落樓梯架   無幾耐我正想合埋眼抖抖   聽到 " boom " 一聲  我前面嘅男人叫 " 哎呀 "   唔知係咪瑜珈仔跌落地呢   因為我望嘅時候佢係執起個袋    都唔明點解 d 人瞓到咁嘅   挨住張椅瞓嘛    郁黎郁去唔辛苦嘅咩 
同里奧大人食酸辣米線    口淡淡無辦法  唯有食酸辣嘢令自己開胃 d 啦     

2009年11月26日星期四

雪菜火鴨絲炒米 + 菜心 + 蕃薯糖水 ( 26-nov-2009 )



( 26-nov-2009 mon )
星期一喇   又新嘅開始  


番到菇場   心情都係一樣  番工想放工   不過我都鍾意有嘢做嘅   無咁悶嘛  
晏晝唔想出街   所以 lunch 就咁喺菇場食麥皮 + 餅乾    咁食果下都好飽   但 4 點就開始餓囉   
今晚唔駛買餸   因為叫里奧大人幫手買    難得佢又肯    真係發達咯 
是日晚餐 - 雪菜火鴨絲炒米 + 菜心 + 蕃薯糖水
雪菜火鴨絲炒米 - 好在買定燒鴨咋   如果唔係夜晚應該無呢   因為買嘅時候得番兩盒咋    而雪菜平時我買細棵嘅   里奧大人去買呢  就大棵到呢   因為一睇佢樣都知唔曉啦  
菜心 - 里奧大人食菜嘅時候   個樣好似執到寶好叻好開心咁話   原來唔駛問人攞蔥都會比架   ( 我成日話買菜超過五蚊就一定要問人攞蔥 )  我再問問幾錢斤   佢話  12 蚊一斤    我真係頭暈啦   12 蚊買第 d 嘛  叫佢買真係買  之前同佢買過菜啦   講咗逢係十幾蚊嘅菜就唔買    買第 d 菜或者瓜都得   點知   噢      我唔會比佢再買菜   一係就要打電話比我問問先買囉   不過佢唔會打比我架   成個師奶咁款嘛   唉   
蕃薯糖水 - 蕃薯買咗幾日啦    再唔食就驚爛啊   橫掂凍凍地   整多 d 薑  食完成身暖哂呀  

苑記粉麵茶餐廳 @ 大埔 ( 26-nov-2009 )





( 26-nov-2009 thu )
朝早黎料啦   慘   即刻去超市買黑糖薑母茶   希望有 d 效  唔駛咁辛苦啦 
口淡淡  要食 d 濃味嘅早餐先
晏晝去對面餐廳買火腿通粉    食完就休息   不過硬係瞓唔到   因為鼻塞瞓得好辛苦呀    
放工即去睇醫生喇   個人攰到濛查查   入到診所見到個人好熟面口  噢  原來係里奧大人黎架    仲以為佢仲未到添 
又係傷風   真係好煩呀   呢排天氣成日轉   又夜咗 d 瞓  咁就仲招   真係慘   
個人好攰  所以去屋企樓下食粥算喇   

2009年11月25日星期三

卡卡 & 王木木卜聚 @ 沙爹王滋味世界 ( 旺角 ) ( 25-nov-2009 )
















最後當然要大合照啦


( 25-nov-2009 wed )
今朝一起身打乞痴索鼻涕    里奧大人問係咪傷風   我話唔係   就算係都話唔係啊  因為今晚有約會呀   番工前去超市買盒 hot lemon   希望搞得掂啦   

早餐食三文治   因為有塊芝士感覺健康 d  

番到菇場唔理三七二十一走去沖咗杯 hot lemon 先  唔係一陣無水  又要等煲好煩啊 

晏晝再食薑蔥麵 + 薑菜蜜 飲完果下好掂  通哂個鼻    但之後又一樣鼻塞塞  


幾辛苦先捱到 5 點 半呀    今晚我約咗卜友  卡卡 同 木木  去旺角沙爹王食飯呀  食呢餐飯真係一波三折   唔係貴得滯  就係限時限刻    好在可以一路上網搵地方一路傾  咁就可以知道大家 ok 唔 ok 嘛   

因為木木比較遲放工    所以就同卡卡出旺角先  陪佢買 d 嘢再去沙爹王搵位   早 d 去好 d   可以揀 d 位坐得舒服 d 嘛  

第一次見木木咋   不過都知道大約會係點嘅樣  呵呵    平時喺 blog 度咀 jel jel  估唔到又幾怕羞喎 同埋卡卡太多嘢講喇   機關槍咁   係人都怕咗啦  噢

今次又有見面禮啊   係木木親手整嘅 jam 曲奇 / 玻璃曲奇   仲印埋字啊  好有心機好靚呀   至於卡卡就送咗元朗特產蛋卷比我囉   好在我都買咗兩包百力滋比佢地咋    唔係真係唔好意思呢  呵呵 

噢  去到嘅時候樣樣都好想食    所以係咁叫嘢   但估唔到係一次過黎哂囉    好趕咩  ( 不過出面真係好多人等位 )  諗住影完就食   點知又黎另一樣喎   總之不斷影不斷黎   好似 15 分鐘內黎哂所有嘢食啊    影完想食第一樣嘢嘅時候   都唔覺得熱咯 

一路傾一路食又過咗兩個幾鐘    快到呢    如果番工 d 時間過得咁快就好喇  

番到屋企影埋 d 禮物  再比 d 曲奇里奧大人食   佢話好好食   話呢 d 就係曲奇喇   噢   咁我之前整果 d 唔係咩   oh