2010年1月31日星期日

滷水雞翼 + 菜心 + 花膠響螺燉雞湯 ( 31-jan-2010 )




( 31-jan-2010 sun )
今朝同里奧大人食完早餐就去髮型屋喇   我補番焗油   里奧大人就剪髮   估唔到 11 點已經好多人   12 點已經爆哂   好在預約咗   唔係又唔知要等到幾時 lu ~



次次吹完個髮型都好靚   自己硬係吹唔到 d 效果   不過我相信係自己無心機吹   求求其其就算   所以我下定決心   每朝早 10 分鐘起身   咁就多 d 時間吹靚 d 個頭喇 ~
臨近新年   之前已經清潔咗廚房   執好哂衣柜   所以今次就只係主力清潔書房   里奧大人就負責燉湯   各有各忙呀 ~   
今日好好太陽   所以執嘢抹嘢都幾熱   有 d 辛苦呢 ~
3 點幾去食 tea 喇   之前嘅 tea set 份量好細   估唔到今次份量多咗 1/3   之得唔叫多士啦    食到超飽呀 ~





番到屋企 hea 陣先煮飯   因為尋晚已經整好咗餸   今晚就咁翻熱就得呢 ~
是日懶餐 - 滷水雞翼 + 花膠響螺燉雞湯 + 菜心
滷水雞翼 醃咗一晚嘅雞翼非常入味呀   最鍾意係可以咁深色   因為我之前整係無咁深色架   所以今次好開心呢 ~
花膠響螺燉雞湯 - 今次材料有冰鮮芝麻雞 + 響螺 + 圓肉 + 杞子 + 紅棗 + 薑   其實燉湯可以話好方便   又可以話幾煩   因為要將之前嘅材料煲滾 45 分鐘先可以放入燉盅   再燉 3 個鐘   加埋洗切   前前後後要用 4 個鐘   但就唔駛睇火同埋加水囉   咁無咁大壓力架   最怕煲燶湯   嘥哂 d 材料   時間同煤氣呀 ~
菜心 - $10 有 2 斤   分兩餐食就最好不過啦 ~   

2010年1月30日星期六

粟米魚柳 ( 30-jan-2010 )



( 30-jan-2010 sat )今日番喺新地址開工   好開心呀   因為好想轉換工作環境呢 ~  感恩公司附近有間環境幾好   乾乾淨淨嘅茶餐廳   可以慢慢食早餐   食到一半嘅時候見到兩個同事   所以一齊食   我估第時好多時都會喺呢間茶餐廳見到同事架喇 ~
有陽光   個人充滿朝氣   做嘢都特別醒神呀 ~   晏晝同里奧大人食 tea   之後諗住剪髮   點知勁多人   所以番屋企 lu ~
抖一陣就番教會   本來想唔煮架   但諗下都係煮啦   住家飯有益 d 嘅 ~是日懶餐 - 粟米魚柳粟米魚柳 - 用鯰魚柳 + 罐頭粟米蓉   所以好快就有得食呢 ~  搞掂哂又出去散步 lu ~  

2010年1月29日星期五

太興燒味 @ 大埔 ( 29-jan-2010 )

八寶飯 - 叉燒  油雞  薰蹄  紅腸  燒肉  燒鵝  鹹蛋  魷魚
枝竹斑腩煲


( 29-jan-2010 fri )
呢朝要一早番菇場   準備大遷徙   已經早咗出門口   又已經早咗到餐廳   仲未坐低已叫定   點知比錯   搞到本來可以慢慢食   變咗要比平時嘅速度更快呀 ~  之後同其他同事一齊坐公司車去新公司   睇住 d 搬運哥哥整嘢   我地個個企喺度吹水   12 點幾就分批食 lunch   因為新環境   所以我地一班人一路行一路搵食   不過一行九人   所以最後去飲茶   慶祝番新公司呢 ~  番到公司又係等等等   自己同 Dept. 嘅文件 4 點幾先到   5 點先開始 pack   搞到 6 點半先放工   估唔到去車站都好近   好感恩呢 ~  哎 yo   依家應該要企到番屋企 lu   不過都只係企 20 分鐘   都無乜問題   但今日第一次企就啱啱遇到塞車   企咗 45 分鐘   加上今日喺新公司又企喎   所以對腳好鬼痛呀 ~ 原本諗住同里奧大人一齊剪頭髮   點知又遲收工加埋塞車喎   所以無去剪啦   人地收 8 點   費時阻人收工呀 ~  呢日體力勞動較大   放工開始好鬼肚餓呢   家姐之前比咗我一張太興 $100 Cash Coupon   所以用埋啦   補貼 $7 搞掂   用人地比嘅 cash coupon 真係好開心架 ~    唉   腳痛呀   所以唔飽步 lu   喺屋企 fing 手 fing 腳扭腰算喇   都叫做郁下丫

2010年1月28日星期四

南乳焗金沙骨 + 粟米蘑菇蛋花湯 ( 28-jan-2010 )




( 28-jan-2010 thu )
今朝食奶醬多   因為晏晝同媽咪飲茶   唔想食咁飽 ~ 

番到菇場見 d 同事仲喺度 pack 嘢   大遷徙真係好煩呢 ~
晏晝同媽咪飲茶   第時搬咗新地址就無咁方便架喇 ~









4 點要熄 Sever   所以 4 點就開始 pack 嘢封箱   之後就坐定定 lu ~ 
是日懶餐 - 南乳焗金沙骨 + 粟米蘑菇蛋花湯
南乳焗金沙骨 - 用南乳醃咗一晚   不過里奧大人話唔夠入味   無計啦   第一次整   驚太多會好鹹嘛 ~ 
粟米蘑菇蛋花湯 - 好耐無飲   真係好好味呀 ~   
呢晚又去跑步   番到屋企沖涼之後再食沙律同埋 影子 送比我嘅榴槤糕   d 榴槤糕煙煙韌韌又重榴槤味   好好食呢   有驚喜   因為我之前係好抗拒榴槤糕呢 ~



2010年1月27日星期三

住家飯 @ 媽咪屋企 ( 27-jan-2010 )

蒜蓉蒸蝦
煎薯仔餅
海參山筋燜鴨掌蒸魚滷水乳鴿 ( 外賣 )花膠淮山烏雞湯
( 27-jan-2010 wed )
今朝又天陰陰呀   都係鍾意有陽光多 d   個人會充滿朝氣咁架   好在我食完早餐多數都會精神 d 呢 ~

呢排菇場個個都努力 pack 嘢   日 pack 夜 pack   好在我無佢地咁多嘢   同埋佢地好得意   唔明點解搬先黎撕唔要嘅紙   早 d 拎出黎做環保紙仲好啦   之前裝環保
紙嘅 Tray 多數係得廣告嘅 Fax   依家差唔多全部係 d 同事 n 年前嘅紙呀 ~ 
晏晝又同 8 卦出去大快活食嘢   呢間大快活 d 位有梳化位   好有屋企 feel 咁呢 ~

番到菇場就 pack 自己枱嘅嘢   執完哂嘢   張枱只係得 MON   CPU   Keyboard   Mouse 同電話呢幾樣嘢   勁唔似番工枱呀 ~ 
今晚番媽咪屋企食飯   唔駛煮有得食就最開心呢   依家寶寶好搞笑   成日坐喺電視機柜度    阻住哂人睇電視   不過我地又唔會叫佢番入竇   難得佢肯出黎坐嘛   咁代表佢唔係咁怕我地   好過我地次次黎都匿埋喺柜桶入面丫   好似好孤獨咁嘛 ~







2010年1月26日星期二

黑椒牛仔骨 + 黃薑炒飯 + 芒果糯米飯 ( 26-jan-2010 )





( 26-jan-2010 tue )
今朝早一班車出門口   唔駛咁趕食早餐   舒服好多呀 ~ 

呢排好攰   但又唔想話咁早瞓   不過我又唔可以太夜瞓   最遲 11 點半要瞓   如果唔係第朝會好無精神咁呢 ~
 
晏晝同 8 卦出去食   同枱坐嘅學生仔成日扮勁講粗口   不知所謂   我唔覺好勁   只覺得毫無家教無修養囉   不過可能佢父母都成日講粗口   聽慣所以好自然講囉   好耐之前有個女仔喺 lift 度講粗口   當時部 lift 唔小人   我心諗   如果佢父母聽到佢咁講會唔會鬧佢   點知第晚見到佢父母   一樣係粗口爛舌   唔怪之得個女都係咁啦   喺咁嘅家庭成長真係可悲呀 ~

今晚好他條   只係買三色椒同白蘑菇就 ok   醃定餸真係好方便呢 ~ 
是日晚餐 - 黑椒牛仔骨 + 黃薑炒飯 + 芒果糯米飯黑椒牛仔骨 - 材料有牛仔骨   三色椒 + 紫洋蔥 + 白蘑菇 + 黑椒汁   最鍾意食呢個餸   送飯同意粉都好好味呢 ~黃薑炒飯 - 不嬲都知用易潔鑊對身體唔好   不過貪佢唔會黐底   又輕身先用   但諗諗下都係為自己身體着想唔用啦   用不绣鋼鑊 or 五層鑊   但唔知點解次次炒飯都痴底好煩   擦到手痛架   已經凍鑊落油   d 油又夠熱喎   唔通我太小油   因為我炒飯用半湯匙油架咋   唉 ~  芒果糯米飯 - 第一次整   我覺得好好味   但里奧大人話 d 糯米飯好硬喎   仲話下次唔好預佢添   哼   好巴閉咩 ~ 今晚又去跑步喇   最鍾意跑步 d 胃氣會 " ur " 哂出黎   個人舒服好多架 ~

2010年1月25日星期一

蕃茄焗豬扒飯 + 菜心 ( 25-jan-2010 )



( 25-jan-2010 mon )
星期一喇   早餐食豐富 d   等自己開心 d   精神 d 呢 ~番到菇場坐陣又 pack 箱   好在食飽有力咋   唔係都幾辛苦 ~  晏晝同 8 卦出去食   本來我晏晝唔食飯   但見到糯米飯好吸引   所以忍唔住叫   點知番到菇場飯氣攻心   勁眼瞓呀 ~   星期一已經好攰   加埋飯氣攻心   所以坐車無耐已經瞓着咗 lu ~是日晚餐 - 蕃茄焗豬扒飯 + 菜心蕃茄焗豬扒飯 - 3 個大蕃茄 + 1 個 紫洋蔥 + 1 罐細茄膏 + 1 塊芝士 + 2 塊豬扒 + 2 碗冷飯   今次落咗茄膏   開得唔夠稀呀   搞到好糊口   口感唔掂   里奧大人又話呢個飯太酸   噢   今次好失敗呀 ~ 菜心 - 本來諗住加 d 薑蔥蓉好味 d   點知攰到唔記得點豉油   如果唔係更好味呢 ~  今晚好攰   唔想跑步   只想快 d 沖熱水涼 hea 喺梳化睇電視呢 ~  

2010年1月24日星期日

薑蔥雞絲 + 菜心 + 沙律 ( 24-jan-2010 )



( 24-jan-2010 sun )
習慣會問里奧大人瞓得好唔好   基本上佢瞓得都好嘅   不過今朝問佢瞓得好唔好   佢話唔好   因為驚我踢開張被會冷親   所以佢成晚睇我有無踢被   搞到佢瞓得唔好   噢   聽到都好感動呀   真係好感恩好感恩有個咁細心嘅里奧大人喺我生命中出現呢 ~   今朝番教會   所以又早小小出門口   去試另一間餐廳嘅早餐   味道唔錯   不過聽見 d 阿姐對話就得人憎   成日聽到 " 妳叫架   我唔知喎   妳話家嘛 "   最憎人做嘢用呢 d 態度   好不負責任咁呀 ~


番完崇拜就番屋企執屋   就黎新年喇   想慢慢執 d   唔想一次過大掃除呢 ~  
3 點食 tea   勁想去 KFC   不過食完就會滯妳九個幾鐘   唔行番陣都唔得啊 ~

是日懶餐 - 薑蔥雞絲 + 菜心 + 沙律
薑蔥雞絲 - 用 1 隻大雞肶拻絲   再用薑蔥蓉麻油一齊炒   再加 d 炸咗嘅辣蒜蓉碎   超好味呀 ~

菜心
- 好耐無食菜心   $10 / 2 斤咁平就買咯   分兩餐食就最好不過啦 ~

沙律 - 材料有紅腰豆 + 椰果 + 粟米 + Mayonnaise   簡簡單單又健康呢   日日食都唔驚呀 ~

呢晚同里奧大人一齊跑步   最怕跑直路   好似跑極都唔完咁   都係公園啱我多 d   又有 d 簡單運動設施玩喎   無咁悶嘛 ~
  

2010年1月23日星期六

明新焗飯小廚 @ 大埔 ( 23-jan-2010 )




( 23-jan-2010 sat )

今朝要直接去新菇場 Unpack 嘢   所以順便去埋果邊食早餐   umm   希望搵到間好 d 嘅地方食早餐啦 ~
 



因為 Partner 有嘢做   所以得我一個 Unpack File   好在阿 Head 幫手   唔係得我一個就慘喇   好重嘛   Paper File 喎   我真係根感恩有個好好好好嘅阿 Head   同埋其他同事都對我好好呢 ~  坐番公司車番菇場已經 11 點幾  lu   上陣網已經夠鐘放工   爽呀 ~  今次感恩趕到巴士   但唔明 d 人點解明知多人上車   都仍然放個手袋喺隔離位   呢 d 人好不知所謂囉   以為咁就無人坐咩   自私都爆 ~    無啦啦個人超唔舒服   好似作感冒咁   所以同里奧大人食完 tea 就即刻番屋企沖杯薑茶   瞓咗陣覺舒服好多   但諗深一層應該唔係作感冒   係新公司比較焗   我又要行黎行去執嘢   所以焗親都未定呢 ~ 






本來想自家打邊爐    但個人仲未進入最佳狀態   所以都係唔煮 lu ~