金禾田餐廳 @ 官塘 ( 28-feb-2010 )

( 28-feb-2010 sun )
今朝本來番自己教會   點知遲咗小小出門口再加上無車   所以臨時轉番屋企附近教會   咁就唔駛咁趕   同埋有時間食早餐 ~

番完崇拜就去將軍澳同姑奶一家飲茶   差唔多 3 點就上去佢屋企   之後再同里奧大人去會所篤波   $40 / hr   抵啦   包房喎 ~
炸雲吞叉燒酥流沙奶皇包鯪魚球廈門炒米上湯白菜仔芒果糯米糍

5 點走人喇   因為 6 點鐘要到自己教會舉辦嘅元宵節活動   見番自己教會朋友好開心   傾多過食   仲好好彩咁比人抽中上台玩遊戲   第 d 好嘢又唔見抽中喎 ~

同里奧大人 8 點半走喇   早 d 番屋企休息   因為里奧大人聽日番新工呢 ~

BBQ @ 家姐屋企 ( 27-feb-2010 )

墨魚丸 / 芝士丸紅腸雞中翼 / 黑椒雞翼 / 椒鹽雞翼 / 薑汁雞翼黑椒牛扒 / 洋蔥豬扒雞腎蒜蓉法包燒咗嘅蒜蓉包蒜蓉金菇紫蕃薯粟米腐竹糖水
( 27-feb-2010 sat )

星期六食早餐最舒服最 relax   因為一路食一路諗   番半日真係好開心呀 ~


菇場無嘢做   真係上網等放工呢 ~

晏晝同里奧大人入元朗同家姐整電腦   所以又去田中開餐   兩個人食兩個餐都好飽   不過盡量會食哂   唔好浪費嘛 ~

雖然好飽   但都要飲杯珍珠奶茶   因為我覺得放假飲珍珠奶茶會感覺特別 relax 架 ~


差唔多 3 點半去到家姐屋企   坐陣就整機 lu   電視播緊 " 嚦咕嚦咕新年財 "   其實我地 3 個已經睇過 n 次   如果一個人喺屋企睇就會覺得好悶   但 3 個人睇感覺又唔同   一齊笑下講下好開心呢 ~
  6 點半開始燒野食 lu   同埋姐夫一齊燒嘢食   燒下傾下   話咁快就 9 點   同 d 大狗玩下   再食埋糖水就走人 lu ~
呢隻叫 " 布拉 " or " 亞拉 " - 好大隻呀   不過好乖架   我終於夠膽近距離摸佢   不過一定要里奧大人同家姐喺我隔離先得   因為我摸佢   佢咬我就比家姐隻手佢咬   佢撲我呢   我會推里奧大人擋住   哈哈

呢隻叫 " BB " or " 屎屎 " - 呢隻唔敢摸呀   家姐話佢最鍾意撲人   我好驚囉   同埋佢成百磅   推跌我咪慘   呵呵 

呢隻叫 " 牧牧 " - 我第一次摸大狗就係佢呢   好純呢   一摸就成個身挨埋落黎架   同埋叫佢番入籠就番入籠   好乖呀 呢隻叫 " 豆豆 " - 呢隻豆豆活潑到呢   一抱佢就會好似 BB 咁攬住妳咁架   超可愛呀 
呢隻叫 " 麥包 " - 好痴人架   呢兩次都坐喺里奧大人附近   好似陪佢做嘢咁啊   不過就有狂燥症咁囉   好易掹   又成日咬 B 仔   唔小心踩到佢   佢都走到老遠咬 B 仔   好搞笑架 

呢隻叫 " B 仔 " - 唔知係咪紮咗關係   所以好純   好似乸型咁   呵呵

和民居食屋 @ 大埔 ( 26-feb-2010 )

( 26-feb-2010 fri )

今日係我生日   加上係 Happy Friday   所以更加好開心   雖然天氣一樣係咁濕潮   個人一樣咁攰   但都好開心呢 ~





里奧大人今朝會見工   所以會同我一齊 Lunch   仲比咗一份好大嘅禮物   就係星期一可以番工呢   感謝神當中嘅保守帶領 ~

鹽酥雞擔仔麵

台南擔仔麵

凍珍珠奶茶


番到菇場無 mood 做嘢 lu   只係好想快 d 放工   如果生日有一日假期就好咯 ~ 

同里奧大人又去和民慶祝   因為又係用生日嘅 $100 cash coupon 呢 ~

食完同里奧大人行陣買 d 嘢就番屋企 lu ~

其實我生日唔會點特別慶祝   因為我唔會諗   同埋里奧大人實話我鍾意點就點 ( 其實佢無諗 )   不過唔緊要啦   最緊要大家開開心心食一餐啫   無禮物唔緊要喎 ( 不過後補都無所謂 )   我做人無乜所謂嘅啫 ~