2010年7月31日星期六
節瓜淮山響螺頭豬骨湯 ( 31-jul-2010 )
( 31-jul-2010 sat )
終於 OFF 喇 呢次 OFF 好似係補番 4 月紅假嘅 OFF 突然覺得好有 Bonus 嘅感覺 好開心呢 ~
9 點半起身食早餐喇 因為要去幾間銀行搞文件 感恩呢個星期六 OFF 可以一次過搞好哂所有嘢 感恩感恩 ~
搞掂哂都差唔多 1 點 lu 又買埋餸 所以決定下晝唔出街 外賣 tea 算喇 好鬼熱呀 一出一入真係好辛苦呢 ~
是日懶餐 -
節瓜淮山響螺頭豬骨湯
節瓜淮山響螺頭豬骨湯
- 夜晚就咁飲呢個湯同食湯渣算喇 估唔到都好飽下 ~
2010年7月30日星期五
苑記粉麵茶餐廳 @ 大埔 ( 30-jul-2010 )
( 30-jul-2010 fri )
早餐無胃口 好頂胃 但又要食家嘛 平時食歐陸早餐嘅份量唔係太多 但今次覺得份量勁多 唔知係咪因為無胃口關係呢 ~
個人仲有小小燒 所以番到菇場好鬼攰呀 但又有嘢做喎 幾難先等到 lunch 呀 勁想飲湯 所以食兩餸飯再加一個湯 我覺得呢間小食店真係應該無乜味精 因為次次食完都唔會話好口渴咁囉 ~
唉 聽日 OFF 都係睇醫生穩陣 d 最怕 OFF 先黎病 ~
今晚想食粥 一病就好想食粥 雖然呢間餐廳粗口橫飛 但佢地 d 粥又好好味喎 又多料 所以都會去嘅 最多食快 d 哈哈 ~
2010年7月26日星期一
Food Court @ APM ( 26-jul-2010 ) & ( 27-jul-2010 to 29-jul-2010 )
( 26-jul-2010 mon )
早餐 :
奶醬多 ( 多醬 )
午餐 : Lunch Box
放工去睇樓 睇到 8 點幾 所以就同里奧大人去 APM 食飯喇 快速食完番屋企休息喇 超攰呢 ~
( 27-jul-2010 tue )
每月一到 所以係咁嘔 反而個肚又唔係咁痛喎 不過都係請病假喺屋企休息 唉 樓上裝修 係咁鑽鑽鑽 好在都瞓到咋 ~
( 28-jul-2010 wed )
呢日番工喇 不過無胃口食嘢 只係好攰 番到屋企好想食撈麵 點知買完唔想食 嘥哂添 ~
( 29-jul-2010 tue )
早餐有 d 想食嘢 所以去食燒賣 因為有 d 辣椒油會開胃 d 咁呢 ~
晏晝都幾想食嘢 食
炒米粉 + 山竹牛肉
又係因為有辣椒油 所以先有 d 胃口食咋 ~
4 點幾 feel 到有 d 發燒 放工即番屋企 叫里奧大人買外賣算喇 佢一番到殷要我探熱 話 99.2 快 d 去睇醫生 我話唔睇喇 沖哂涼唔想郁 食完嘢再食 Panadol 早 d 瞓覺好過 ~
2010年7月25日星期日
雪菜火鴨絲炒麵 + 蕃茄薯仔紅衫魚 ( 25-jul-2010 ) + 跑步
( 25-jul-2010 sun )
呢朝 10 點起身食早餐 諗住食完約睇樓 不過時間唔啱 咁都好 可以去跑步 好耐無做運動啦 做完好舒服呀 ~
( 烚蛋 / 紅腸 )
( 雪菜肉絲米粉 )
( 煙肉 / 腸仔 / 麥包 )
( 沙爹鮑片通粉 )
之後里奧大人陪我買餸 我覺得好似好耐無同佢一齊買餸咁呀 我成日會叫佢行埋一邊等我 但我次次一買完轉身 佢就已經喺我後面幫手拎 佢呢 d 動作確實令我好感動嘅 因為我講過買餸都幾辛苦 估唔到佢會記得呢 ~
番到屋企沖完涼就抖陣 做下家務 之後就自己煮 lunch 喇 出街食真係開始有 d 悶 外賣又係食果 d 反正依家想清哂 d 食物同醬料 咁自己煮就最好啦 呢餐又唔辛苦 淥個麵之嘛 ~
( 外賣紅燒雞翼 )
( 擔擔醬奶油麵 )
食完又睇下報紙 抖到 5 點半就 ready 晚餐 lu ~
是日晚餐 -
雪菜火鴨絲炒麵 + 蕃茄薯仔紅衫魚
雪菜火鴨絲炒麵
- 里奧大人話唔多鍾意食炒米粉 鍾意食炒麵多 d 所以就試下用炒麵喇 ~
蕃茄薯仔紅衫魚
- 覺得里奧大人好似無乜食魚 所以滾呢個魚湯就最好 ~
2010年7月24日星期六
小草屋 @ 將軍澳 ( 24-jul-2010 )
蜜汁牛柳粒
回鍋肉
蠔仔煎
豉汁蒸倉魚
金銀蛋莧菜
( 24-jul-2010 sat )
呢朝要番工 不過就可以瞓晏小小 咁都唔錯架喇 車程又快 仲有時間慢慢嘆早餐添呀 ~
番到菇場都係上網等收工 都唔知係好定唔好囉 ~
同里奧大人一齊去
赤丸
食 lunch 其實唔係好飽 但個胃又好脹咁喎 所以情願睇完樓再食好過 ~
冷烏冬
- 又貴咗 $2 得之前係有大同細 size 大嘅係 $15 細就唔記得 不過依家一律得 1 個 size 同埋呢間嘅冷烏冬都唔係咁煙韌囉
蕃茄海鮮烏冬
- 我覺得湯底唔夠濃 但里奧大人話 ok 不過烏冬份量就好小囉
咖哩薯餅
- 有咖哩味喎 不過好油 食完有 d 漏
睇到差唔多 5 點有 d 餓 所以去 Food Court 食 d 嘢再周圍行下就番屋企 ~
諗住坐 Shutter Bus 去官塘 但好耐都未有車 見隔離條隊係去姑奶屋企 所以同埋佢地一齊食飯喇 ~
因為未餓 所以上姑奶屋企
坐陣 順便玩下貓貓 兒甥生女好搞嘢架 次次里奧大人一抱隻貓 佢明明做緊功課都會喺里奧大人手中抱番隻貓貓 所以里奧大人話次次佢一抱就黎搶 平時唔見佢抱喎 今晚真相終於大白喇 原來佢係喺里奧大人手中拎隻貓貓比我抱呀 ( 因為我次次一去到就抱住唔放架 ) 噢 估唔到兒生女咁錫我 真係好感動呢 ~
8 點就去
小草屋
食飯 呢間酒樓又變成飯堂 但水準開始下降 lu ~
2010年7月23日星期五
粟米龍脷柳 + 蒜泥油麥菜 + 芫茜皮蛋魚片湯 ( 23-jul-2010 )
( 23-jul-2010 fri )
今朝出門口落緊雨 所以都係帶長遮 雖然麻煩 d 但大風都唔驚嘛 ~
Happy Friday 早餐食飽 d 因為咁樣先有 Happy Friday 感覺呢 ~
見無落雨 所以出去食 lunch 順便去銀行整嘢 ~
呢晚放工都無落雨 真係邪 帶長遮就無落雨 帶縮骨遮就落超大雨喎 ~
是日晚餐 -
粟米龍脷柳 + 蒜泥油麥菜 + 芫茜皮蛋魚片湯
粟米龍脷柳
- 係時候要清罐頭同冰格嘅食物喇 所以就整呢個餸喇 ~
蒜泥油麥菜
- 一個餸好悶咁 所以整多個菜啦 ~
芫茜皮蛋魚片湯
- 清熱氣嘛 所以滾呢個湯呢
2010年7月22日星期四
麥當勞 @ 大埔 ( 22-jul-2010 )
( 22-jul-2010 thu )
今朝番工好彩無雨咋 所以車程又好順 又可以多 d 時間食早餐呢 ~
整下嘢又到 lunch time 食埋里奧大人食剩嘅咖啡提子包 再食埋脆卜卜麥片 夠哂飽 lu ~
( 因為唔想洗杯同匙更 所以將 d 脆麥片放喺麵包袋度 ( 覺得好似 d 雀粟咁呀 ) 食唔哂又留番做 tea 脆卜卜當薯片咁食都唔錯 )
放工先黎黑雨喎 好彩放得早咋 無塞車 架車仲開得好快添呀 ~
諗住買餸 但里奧大人打黎話好想食麥當勞喎 真係太好呀 我超想食 shake shake 薯條呀 點知佢塞車 7 點上車 8 點 35 分先番到屋企 餓到我呢 ~
2010年7月21日星期三
住家飯 @ 媽咪屋企 ( 21-jul-2010 )
煎紅衫魚
大豆芽炒鮑魚魷
外賣乳豬
節瓜魚唇粟米唐排湯
( 21-jul-2010 wed )
呢朝 1 號風球 只係比較大風 都唔錯 因為之前實在太熱太焗喇 ~
早餐又食奶醬多 要多醬嘅 真係多多醬咁架 有 d 茶餐廳得好小醬架咋 所以呢間都幾好 ~
番到菇場又搞私人嘢喇 襯高層唔喺度就拿拿聲搞 lu ~
其實我最憎喺菇場打電話問嘢 因為我一定唔可以大聲 搞到把聲好似鬼鬼祟祟咁 唔知以為我偷咗人 d 卡黎更改資料呀 ~
好快就到 lunch 有 lunch box 就唔駛煩 ~
4 點掛咗 3 號風球 真係好想有 8 號囉 可以放下假抖下 執下嘢都好丫 ~
呢晚里奧大人上咗大陸 我就見唔大風雨就上媽咪屋企食飯 如果太大風雨就唔上架喇 同自己屋企人食下傾下最開心 呢排實在太多煩嘢喇 見到自己屋企人會令我開心 d ~
較新的文章
較舊的文章
首頁
訂閱:
文章 (Atom)