灣仔鮮蝦水餃 + 辛辣麵 + 油麥菜 ( 31-aug-2010 )

( 31-aug-2010 tue )
呢朝又係超焗熱   依家搭地鐵番工   車程超快   但最怕上上落落   同埋番菇場嘅出口係無瓦遮頭   真係好鬼熱囉 ~
今朝食炒米粉   好似好耐無食   同埋好似大碟咗好多咁呀 ~



唔知點解今朝 d 時間過得好快   好快就到 lunch 咁   同 8 卦去菇場附近茶餐廳食   估唔到呢間茶記都好多選擇呢   又多個地方落腳 lu ~


太耐無食飯   飯氣攻心   好在都頂得住   唔係望住 d 時間一秒一秒咁過真係好痛苦呢 ~
差唔多成兩個星期都出街食   唔駛煮係好   但出面 d 味精真係好勁   次次食完都要飲超多水   大佬   夜晚要去廁所好煩呀   所以呢晚要自家煮 d 簡單嘢喇   本來諗住去街市買餸   但實在太焗熱喇   反正只買菜   所以去百佳買算喇 ~ 
是日懶餐 - 灣仔鮮蝦水餃 + 辛辣麵 + 油麥菜
灣仔鮮蝦水餃 - 我都係鍾意食韭菜豬肉餃多 d   但之前無得買   所以買呢個頂檔呢 ~
辛辣麵 - 好耐無食辛辣麵   超正呀 ~  
油麥菜 - 我覺得食湯麵係配油麥菜同埋生菜係最正囉   又爽脆   索哂 d 湯仲好鬼正添架 ~   

別府 @ 九龍灣 ( 30-aug-2010 )

什錦魚生飯
鬼山地獄拉麵 ( 小辣 )

炒野菜 ( 內有金菇 / 冬菇絲 )

麵豉湯
( 30-aug-2010 mon )
星期一喇   唔經唔覺喺新屋都住咗一個星期   好感恩呀   好習慣呢   我真係估唔到第一晚已經好習慣囉   因為里奧大人成日話我適應能力低架 ~ 
不過之前我去媽咪屋企度瞓   或者去里奧大人家姐屋企瞓   真係瞓得唔好架   可能始終唔係自己屋企啦 ~

今朝同里奧大人一齊食早餐   不過真係好鬼熱囉   等遲 d 無咁熱再同佢食早餐   因為我好怕沖完涼又立痴痴番工呢 ~

喺菇場做咗小小嘢就 hea 到 lunch 喇   本來想買炒米粉   但又無喎   所以食腸粉 + 燒賣   都唔好食嘅 ~

放工就番屋企等里奧大人   之後就去別府開餐   估唔到仲有 9 折   感覺好似無啦啦有優惠咁   好開心呢 ~ 
番到屋企都唔想再執嘢住   就咁洗衫就算喇   聽晚再努力過   仲有 5 箱就執哂間屋   算勁架喇 ~  

活力餐廳 @ 九龍灣 ( 29-aug-2010 )

西芹腰果雞柳豉汁蒸黃花魚蠔油生菜( 29-aug-2010 sun )
今朝同里奧大人瞓到 10 點就自然醒 lu   之後食完早餐就番教會   番自己教會真係開心好多呢 ~ 
沙爹牛肉麵
西煎雙蛋
火腿絲鮑片通粉餐肉煎蛋 + 方包
散會之後同教友傾陣計又要去買嘢咯   呢日熱到爆   我都忍唔住要去許留山買番杯嘢飲   一路行一路飲爽好多呢 ~

巨峰提子蘆薈爽 / 西柚蘆薈爽
番到屋企 hea 到下午茶   食飽先有力執嘢嘛 ~
燒鴨湯瀨
咖哩三寶 ( 魚蛋 / 豬皮 / 蘿白 ) - 免費的
叉燒湯瀨
奶醬厚多
同里奧大人拎衫去舖頭洗   之後行陣德福   就去食晚飯 lu ~ 
好想食魚呀   所以去呢間茶餐廳食   因為之前食過佢地嘅家庭小菜都唔錯呢 ~ 

富記車仔麵 + 金滿堂甜品 @ 九龍灣 ( 28-aug-2010 )

咖哩螺肉 / 豬皮 / 蘿白米粉咖哩螺肉 / 酸齋 / 魚卷 / 籮白幼麵生磨芝麻糊 @ 金滿堂
( 28-aug-2010 sat )
難得同媽咪住得咁近   所以今朝早 d 起身   同埋媽咪 家姐 姐夫 工人一齊去鴻星飲茶   好開心呀   不過掛住傾計   都無乜點食嘢   有好多嘢都要打包拎走呢 ~

炸雲吞潮州粉果叉燒腸煎蘿蔔糕炒米粉叉燒包帆船餃子牛肉飯 x 3

番到菇場又係無嘢做   上網渡日   簡直覺得自己好似去咗網吧咁   都唔錯丫 ~
今日舊屋要驗樓   所以里奧大人就番去清潔同等人驗樓   我就番屋企繼續努力執嘢   Lunch 去麥當勞食啦   因為家姐鍾意兒童套餐隻公仔呢 ~

食飽有力啦   終於執好哂個廚房   經過呢次搬屋   我真係唔會再買咁多嘢囉   一個廚房有 7 大箱嘢   真係執到頭都暈呀 ~
同里奧大人都攰到無乜胃口   食車仔麵算喇   最緊要濕濕地   之後食埋糖水就去買埋濾水器   希望快 d 執完哂嘢可以煮到飯啦 ~       

大快活 @ 九龍灣 ( 27-aug-2010 )

咖哩牛腩配意粉

焗豬扒飯


( 27-aug-2010 fri )
又到星期五喇   d 時間過得好快咁呀 ~

終於有胃口食早餐喇   食完個人真係精神好多呢 ~
番到菇場仲係忙到震   一係就咩都唔駛忙   一忙就公私兩忙   做到人都顛呀 ~ 
Lunch 食聖安娜嘅毛巾蛋糕   都唔好食嘅   食咗半條即想反胃   同埋 d cream 好難食呀   好鞋口   最後忍痛掉埋剩低果 d   同埋未食果件都掉埋添呀 ~ 
放工番屋企執下嘢就同里奧大人去食飯   本來想去食以前食開嘅茶餐廳   但里奧大人話好似執咗   唉   無心機呀   求其去大快活食算喇 ~ 

海皇粥店 @ 九龍灣 ( 24-aug-2010 ) & ( 25 to 26-aug-2010 )

( 24-aug-2010 tue )
今朝喺屋企樓下大家樂食埋早餐先番工   唔駛坐長途巴士嘅感到真好呢 ~ 

番到菇場超超超忙呀   一望個鐘已經係 12 點   不過呢排都唔會帶 lunch box 架喇   個廚房仲未執掂   希望可以快 d 搞掂啦 ~   
無乜胃口   所以清埋包麥片算喇 ~ 
放工即番屋企喇   之後同里奧大人去海皇食粥   再行陣傢私舖就番屋企執嘢 lu ~ 
( 25-aug-2010 wed )

噢噢   每月一到   個人超攰呀   雖然個肚都痛   但唔係劇痛   都頂得住嘅   同埋唔想番咗一日又請病假呀 ~ 
放工打的番屋企   依家咁近   真係打的都唔心痛呀   番到屋企即刻沖熱水涼   超舒服呀   次次番到屋企個肚都唔會痛   仲有 d 胃口食嘢   唔錯架喇 ~  
( 26-aug-2010 thu )

呢朝瞓晏 d   又係打的番菇場   一早起身無事架喎   但番到菇場個肚就有 d 痛囉   Lunch 叫 8 卦幫我買碗例湯   點知飲完個胃超唔舒服   唉 ~ 
今晚有 d 胃口   痴咗里奧大人幾啖焗豬扒飯   不過唔知點解 d 番茄好甜好假囉 ~   

板長壽司 @ 九龍灣 ( 23-aug-2010 )

帆立貝壽司金三文魚壽司三文魚醬油漬壽司醋鯖魚壽司紫菜蝦卷軟殼蟹卷芥辣墨魚軍艦蔥粒吞拿魚腩杯飯
醬燒三文骨腩

( 23-aug-2010 mon )

呢日一定要 OFF 啦   唔係搞唔掂呀   所以又早 d 起身食早餐再 unpack 喇 ~   

晏晝里奧大人都 OFF   一齊食埋 lunch   之後再去訂傢私就番屋企喇   因為約咗 Cable   搞掂哂又搵人整水箱   成日無停過 ~ 
豬潤酸辣米線羅宋湯螺絲粉炒蛋腸仔多士
個人超攰   又想食飯   但唔想食熱嘅飯   所以就去食壽司喇 ~ 
真係感恩呀   原本 PCCW 約咗 4-6 pm 黎   但食飯嘅時候里奧大人話 PCCW 仲未黎喎   我仲以為佢地太忙唔記得   我打比 PCCW 人員又打唔通   心諗算啦   聽晚黎都 ok   咁我番到屋企大堂見到 PCCW 人員   咁我即刻上前問係咪黎駁線   佢話見屋企無人所以留咗張便條    同埋佢手機無電   所以打唔到比我地囉   真係感恩   咁就可以搞掂好一樣嘢唔駛煩嘛 ~ 
聽日要番工啦   所以都唔執咁夜 lu ~