茜廊 @ 九龍灣 ( 28-feb-2011 )

( 28-feb-2011 mon )
好感恩呀   瞓覺嘅時候無咳醒   之前晚晚咳  咳到里奧大人扯火咁滯呀   幾咁驚呀我 ~ 
雖然瞓得唔錯   但食西藥好鬼散   瞓極都唔夠咁啊 ~ 

無咩胃口   所以食包   我都好鍾意食呢個腿蛋包架   d 蛋甜甜地  好好味呀 ~  
番到菇場呢   眼瞓到呢   但又要扮有做緊嘢喎 ~ 
好在有 lunch box   唔駛落街買   食完好眼瞓   但又瞓唔着喎 ~ 
今日里奧大人 off   本來佢諗住同佢家姐 4 點幾食 tea   再等埋我放工一齊黎食   點知佢家姐有突發事要走先   得番里奧大人一個   佢地又叫咗個飯無食   所以我就食埋當晚餐喇   咁早食晚餐   真係第一次呀 ~

臘潤腸蒸排骨 + 蒸大眼雞 + 菜心苗 ( 27-feb-2011 )

( 27-feb-2011 sun )

諗住食完早餐番教會   之後再睇中醫   點知原來中醫係假期休息   但將咭片明明寫住星期六休息架噃   好在打電話問下啫   唔係就白行 ~




咁咳法唔對路   最慘連里奧大人都無得瞓嘛   所以都係再睇多一次西醫   好在佢地都有開診   感恩感恩 ~ 

諗住去 Uniqlo 買嘢   所以去 Piago Food Court 食喇 ~

藥力開始散喇   番到屋企瞓咗 40 分鐘就醒 lu   時間啱啱好   可以煮飯   太耐無煮   要用多 d 時間咁架 ~
是日懶餐 - 臘潤腸蒸排骨 + 蒸大眼雞 + 菜心苗
臘潤腸蒸排骨 - 個人無咩胃口   豆豉汁就最好啦   夠惹味嘛 ~ 
蒸大眼雞 - 年初二放入冰箱   真係再唔食就驚變壞架喇 ~
菜心苗 - n 年無食菜咁   好好味呀 ~   

泰地道 @ 九龍城 ( 26-feb-2011 )

鐵板蠔仔煎蛋 - 第一次食咋  估唔到好好食  同埋都好多蠔仔   不過我覺得 $98 都幾貴呀 ~

蒜蓉包 - 真係超級超級好味呀  外脆內軟  成塊包索哂 d 牛油咁  蒜蓉味又啱啱好  好 good 呀 ~

泰式香葉豬肉炒河 - 睇個樣無咩嘢  不過佢加咗 d 辣椒粒  所以越食越辣  越食越過癮呀 ~

蝦膏黑汁飛天通菜 - 明明叫鐵板家嘛  不過都費事叫佢換喇 ~  
木薯 - 又係第一次食架咋  軟軟糯糯都幾好味 ~

( 26-feb-2011 sat )
今日係我生日呀   好感恩今日係 off 呢   可以瞓夠先食早餐   今朝喺屋企整醬占厚多呀   突然好想喺屋企整早餐食呀 ~
里奧大人今晚要去公司 Annual Dinner   話不如食完早餐出去行下   不過我又唔想呀   都仲係好攰咁   同埋我想做家務呀   抹完柜仲一口氣熨兩機衫   之後再沖個熱水涼   爽呀 ~

抖到差唔多 2 點半就出去食 lunch   今日好想飲茶呀   所以又去海寶漁港飲下午茶   感恩等咗 30 分鐘就有位喇 ~

榨菜牛肉腸
瑤柱菜餃
雞扎

山竹牛肉

鳳爪排骨飯

蒜蓉拍青瓜

雪耳燉木瓜糖水

飲完茶喺商場行陣   咁啱里奧大人舊同事見到我地   咁買完嘢我就番屋企   里奧大人就約舊同事一陣傾下計喇   同呢個舊同事真係好有緣   之前喺大埔又見到佢   依家搬咗出黎又見到   邪呀 ~

今晚我約咗媽咪去九龍城食泰國菜   媽咪鍾意坐得舒服 d   所以又揀咗泰地道喇 ~  

元綠壽司 @ 將軍澳新都城 ( 25-feb-2011 )

冷辣辣麵

蟹足捧壽司吞拿魚壽司
太卷
蠔情卷醬汁三文魚腩海鮮一品鍋 ( 豉油湯底 )

肥牛 ( 免費 )

柑檸什飲
( 25-feb-2011 fri )
今朝要幫菇場入貨   所以要食飽 d 食飽 d 食飽 d ~ 

今日有 Farewell Lunch   又係飲茶呀 ~
今晚同里奧大人去新都城食元綠壽司   因為有 $100 cash coupon   依家九龍區得番藍田一間咋   不過覺得藍田無咩嘢好行   所以就去新都城喇   食完再去 izzue 買衫就番屋企 lu  好攰呀 ~  

麻酸樂米線專門店 @ 九龍灣 ( 24-feb-2011 )

( 24-feb-2011 thu )
仲係咳添   真係好煩呀   今朝去麥記食早餐   真係覺得果班阿婆越黎越衰   明明對面係無人坐   一有人問呢   就話有人   佢地又坐得衰   一排咁坐   咁對面果排又霸住   咁就無咗 6 個位啦   呢間麥記又細   真係覺得佢地好自私呀 ~
唉   食抗生素又令到我手震震眼朦咁   超辛苦  打比醫生問點算好   佢叫我停咗咳藥水  但要照食抗生素   又話抗生素唔會令人手震   但我上網 search 話會手震架喎 ~
d 藥勁眼瞓   Lunch time 就咁食蛋糕仔算喇   懶得出去買嘢呀   食完即瞓   不過瞓唔夠   個人溫溫燉燉咁 ~
終於放工   不過真係煮唔到飯   個人攰到不得可了呀   只想瞓覺 ~ 
里奧大人又上咗大陸   要 7 點幾先番到屋企   咁都好   我可以 hea 下 ~
口淡淡其實真係好想食壽司   但里奧大人話唔好   食米線喎   是但啦 ~  

大家樂 @ 九龍城廣場 ( 23-feb-2011 )

( 23-feb-2011 wed )
哎 yo   d 藥好散啊  沖完涼都好眼瞓  食埋早餐飲埋咖啡都一樣好眼瞓啊 ~

番到菇場眼琼琼   無 focus 架  幾隻藥都話令人昏昏欲睡   唉 ~
終於等到 lunch time  食咗抗生素個人無咩胃口   食完 4 粒麻糬就瞓住瞓   但又瞓唔到  差唔多 1 點 25 分先瞓到   瞓到 2 點  好在老細未番黎啫 ~
半夢半醒最難頂   幾經辛苦終於頂到放工   今晚打的番學喇   唔敢行呀   一陣暈咗就慘咯 ~

同大食表妹去大家樂食嘢   之後番學   不過我番完上半 part 就走 lu   估唔到自己喺短短車程都瞓着咗   好在差唔多到屋企附近醒咗咋   感恩感恩 ~

餃子米粉 + 菜心苗 ( 22-feb-2011 )

( 22-feb-2011 tue )
尋晚一路瞓一路咳   嘈到里奧大人要我起身飲水   唉   辛苦到爆 ~
依家食嘢一係覺得好鹹   一係覺得無味   慘呀 ~
番到菇場都有嘢做架   但一路做一路咳   咳好似肺癆咁呀 ~
食完 lunch box  就去買咳藥水   我真係好怕飲咳水  好似成個口都咳藥水味咁 ~ 
放工即睇醫生   原來支氣管炎   要食抗生素   其實無咩必要我唔食抗生素架   不過今次覺得都要食   因為咳到甩肺   再係咁咳   真係命都無 ~ 
番到屋企襯自己有精神   快快手咁抹嘢執屋   整整齊齊真係人都開心 d 架 ~
是日懶餐 - 餃子米粉 + 菜心苗
餃子米粉 - 反正出街食都係味精   我又有 d 精神   所以煮米粉食算數 ~ 
菜心苗 - 好耐無食菜咁喇   覺得 d 菜好甜呀 ~

叙苑粉麵茶餐廳 @ 九龍灣 ( 21-feb-2011 )

京都豬扒 - 用鬆肉粉醃嘅  最怕  下次唔會再黎食豬扒欖菜肉碎四季豆 - 呢個就整得好惹菜喇
老黃瓜湯 - 無咩味嘅蕃薯湯丸清心丸 - 里奧大人食咋蛋白杏仁露 - 我覺得超級難食囉  唔知點形容呀
( 21-feb-2011 mon )
又星期一喇   唔舒服唔夠瞓加上係星期一   真係好想唔番工添 ~ 
早餐去麥當勞   之前飲即磨咖啡唔駛加架   依家要加 $1   我唔要 lu   呢間麥記比較細   但好多都係一個人   所以多數一人一張枱咁   今朝個阿婆勁衰格   佢自己坐咗一張圓枱梳化   咁有個男人問佢係咪一個   個阿婆話好多地方都有位   咁個男人就去另一張枱   好心個阿婆啦   咁鬼自私   衰格都無人有呀   個個學佢咁就慘啦   不知所謂 ~

番到菇場都有嘢做   不過吽下吽下咁囉   又咳到甩肺   辛苦到震 ~ 
Lunch 出去買嘢食   好在有意粉   再加杯菜蜜   當堂潤哂啦 ~

里奧大人今日 S/L 喺屋企   所以我今晚都唔煮飯 lu   本來想食粉麵   但見到有中菜又想食喎 ~
今晚家姐拎湯比我地   所以一齊去食糖水喇   我同事話咳飲杏仁茶唔錯   不過呢間得蛋白杏仁露   唔理喇   照殺 ~