板長壽司 @ 九龍灣 + 流浪影子卜聚 @ 翠園 ( 九龍灣 ) ( 30-apr-2011 )

三文魚醬油漬壽司蒲燒宮城秋刀魚壽司帆立貝 / 三文魚壽司黃旗吞拿魚壽司珍味廣島蠔壽司火灸墨魚鬚壽司
( 30-apr-2011 sat )
今朝好開心呀   又同媽咪  家姐去鴻星飲茶   之後家姐就車埋我番菇場   爽到不得了呢 ~
蛋煎糯米雞 - 家姐想食  所以叫喇  不過唔好食囉

回味銀針粉 - 媽咪話好味  所以又叫喇   唔怪之叫回味銀針粉啦  哈哈牛肉飯 - 家姐好鍾意食  所以又叫喇臘味芋頭糕 - 媽咪話想試  不過味道好一般囉麻沙糍 - 唔記得個名  家姐上次已經想食   但無人理佢   今次又講咗幾次唔知呢個係咩   我同媽咪都覺得佢真係非常之想食   所以就叫喇   味道好似擂沙湯丸咁   無特別

估唔到星期六都咁多嘢做喎   不過又幾好嘅   時間過得真係好快囉   同埋番半日嘅心情真係好好   有嘢做都唔覺得好煩 ~ 
放工去牛頭角睇中醫喇   之後收到大馬老友 流浪影子 電話   話一齊去飲茶   仲就埋我地去九龍灣添   咁就即叫里奧大人去翠園攞位   咁就唔駛到時無位啦 ~

好感恩好快有位   因為原來翠園係無下午茶時段嘅   唔怪之得無人等位啦 ~  
諗住喺酒樓附近等佢地   點知里奧大人打黎話佢地入咗去   我仲以為呃我添   原來係真嘅   噢 ~
見番老友真係好振奮呀   唔會好似第一次見咁   要諗定傾 d 咩   有咩係共同話題咁囉   同埋最緊要唔係得我同影子兩個講   小寶 同里奧大人都有傾計   咁先係嘛   我地個口唔駛咁攰   又可以了解大家多 d   嘩哈哈 ~
因為我地差唔多 2 點 45 分先開始點點心   所以 d 點心差唔多一次黎哂咁   我地四個又一齊影下相   真係又影又食又傾   真係唔知做得邊樣好呀 ~ 

蝦球焗麵 - 里奧大人以為係好大碟  所以諗住 share  點知原來好細碟架咋   不過我地都 share  分甘同味咁樣會好食 d   但呢個蝦球焗麵真係好味喎蜆蚧鯪魚球 - 小寶點架  難得呢  影子話小寶好鍾意食蜆蚧醬架

帶子腸粉 - 腸粉有面都好多菜  都唔錯  不過皮薄 d 更好呢龍鬚蛋散 - 次次食都好好味  好鬆化  又有棉花糖  賣相好靚 ( 係我影得衰啫 )椒鹽九肚魚 - 外脆內軟  椒鹽勁正  不過我唔鍾意食九肚魚囉燒賣 - 有隻蝦仁喺面架  好爽口  我唔鍾意食燒賣都覺得好食呀鬼唔搭八春卷 - 新鮮炸起好正呀  同埋成條都係蝦肉  唔錯唔錯

金沙南瓜 - 無乜點心想食  所以叫呢個喇   煙三文魚蝦仁蛋白炒飯 - 里奧大人驚大家唔飽  所以又炒飯  呢個炒飯無肉  最啱大家食呢馬拉糕 - 我無食呀  不過里奧大人話好食喎

我地差唔多 4 點幾先走   所以酒樓得番我地一枱咋   其他位置都熄咗燈添呀   不過佢地熄咗冷氣   有 d 焗   所以都係時候走 lu ~
影子同小寶就喺德福行街街   我同里奧大人就番屋企   因為家姐話黎我屋企坐   同埋同我地食飯喎 ~
估唔到影子喺金滿堂食糖水   咁我咁多嘢講   都唔理佢 like 唔 like   自己走咗落去同佢地一齊傾囉 ~ 
之後家姐黎咗   我都要走喇   咁家姐又話好想見影子   咁就帶佢見下啦   真係好彩佢地仲喺附近   如果唔係就緣慳一面 lu ~   
我覺得今日真係食食食咁   所以我真係好飽   食咗 3 碟壽司就算喇 ~
家姐同埋我地一齊番屋企   差唔多 9 點半先走   我送佢去巴士站坐車   等埋佢上車就走 lu   途經商場   見到教友兩家人   咁我又湊熱鬧走埋去   之後又再見到另一個教友    無啦啦咁就見到 8 個教友   喺教會都未必會咁齊人   邪呀 ~ 

瑞士香草汁雞翼 + 生菜螺片 ( 29-apr-2011 )

( 29-apr-2011 fri )
Happy Friday 喇   我非常之感受到 d 人聽日 off 嘅心情   不過我無得 off 喎 ~
今日嘅天氣濕濕立立   又落雨   最唔鍾意呢 ~
早餐又食芝士腸仔包   真係好好味囉   我鍾意食腸仔嘛 ~


菇場又有 d 嘢做   做下停下咁囉   太辛苦唔得架 ~
今日決定唔食麥皮喇   所以去買咗黑椒腸仔蛋飯   因為實在太想食 d 惹味汁呀 ~


里奧大人上咗大陸   我可以多 d 時間煮飯   不過有 d 攰   所以簡簡單單就算 lu
是日懶餐 - 瑞士香草汁雞翼 + 生菜螺片
瑞士香草汁雞翼 - 甜甜地好好食   不過就唔想食太多雞翼囉 ~
生菜螺片 - 罐鮑汁螺片係家姐比架   我其實成日想買   不過唔知好唔好食   咁依家有人比就更要啦   估唔到味道都唔錯   下次再買黎食先 ~

住家飯 @ 媽咪屋企 ( 28-apr-2011 )

臘腸炒芥蘭豆豉燜苦瓜蒸海魚蒸海蝦紅菜頭湯 ( 粟米 / 紅蘿蔔 / 粟子 / 腰果 / 紅腰豆/ 眉豆 )豬腳薑 ( 媽咪朋友整嘅 )
( 28-apr-2011 thu )
今朝 7 點 20 分有電話響   咁里奧大人出廳接電話   之後拎比我聽   嘩   我心跳即加速呀   原來媽咪打黎約我 8 點去鴻星飲早茶   因為本來家姐佢地尋晚已經約咗去將軍澳飲茶   但後尾姐夫又話想去鴻星   但家姐又好想約埋我   但又驚嘈醒我   所以無打黎   估唔到媽咪打黎   可能實在太想見我啦 ~

飲完茶家姐就車我番菇場喇   一番到菇場就似打仗   無啦啦有九萬幾樣嘢要做   好在我都鍾意有嘢做啫 ~
晏晝又食麥皮   其實有 d 反胃架   不過話咗要食就要食囉   反正我又唔想落街買嘢食 ~
今晚本來同埋里奧大人一齊番媽咪屋企食飯   點知原來佢約咗舊同事食飯都唔記得   不過又好彩喎   我都係諗住今晚即興番媽咪屋企食飯   咁啱里奧大人又約咗同事   咁就最好啦   我有飯食之餘又可以陪下媽咪   good 呀 ~ 

金豪粉麵茶餐廳 @ 九龍城 ( 27-apr-2011 )

( 27-apr-2011 wed )
星期三喇   今朝好想食濕嘢   所以食芝士腸五香肉丁米   再加埋杯熱檸茶   之後出事啦   熱到爆炸   仲出汗添呀   慘 ~

今日細老闆唔喺度   打正旗號上網啦   不過我都唔會 full screen 睇嘅   我好自律架 ~
晏晝有 lunch box   因為里奧大人尋晚食唔哂   人地想食麥皮家嘛   真係丫 ~
今晚要番學   所以又同大食表妹食飯   佢當然又講鋼琴老師 d 嘢啦   我又借 d 易問佢   妳同攝影表弟 frd 唔 frd   佢話唔 frd   之後我就話點解唔 frd 呢   " 就係因為妳講嘢超級悶   來來去去都係果 d   真係好悶好悶   妳應該擴闊妳嘅話題   出去走走睇多 d 嘢   未必個個人都同妳志同道合家嘛   好老實講   我喺妳表姐都好唔想聽妳電話同埋一齊食飯囉   講嘢重覆又重覆   妳自己都覺得悶啦   不過妳應該唔覺 "   我講完之後   佢嘅反應都係哦哦哦   之後無耐又講鋼琴老師   我話唔想聽   佢都醒水轉話題   但過馬路又講番   我真係無佢咁好氣   唔鬼理佢 lu ~  

蒜頭豆豉蒜排骨 + 菜心苗 ( 26-apr-2011 )

( 26-apr-2011 tue )
假期後第一日番工   都無想像中咁眼瞓咁辛苦   都算唔錯架喇 ~ 

番到菇場忙到爆   忙咗一朝   所以覺得好快 lunch   今日食麥皮呀   想清清腸胃 ~
今晚去教會讀牧養課程   但 8 點先開始   所以我都係煮飯   唔想里奧大人成日出街食   好似好慘咁   又無益 ~
是日懶餐 - 蒜頭豆豉蒸排骨 + 菜心苗
蒜頭豆豉蒸排骨 - 最簡單方便嘅餸   不過我都堅持炒香 d 蒜頭豆豉先去蒸排骨   真係好食好多架 ~

菜心苗 - 唔知買乜菜好   所以又食菜心苗喇   今次就咁灼熟算   好怕炒到成身油煙味呀   又唔夠時間沖涼   我會覺得周身唔舒服咁架 ~
里奧大人上咗大陸   所以今次我真係要自己食飯先喇   d 感覺好怪咁 ~
今晚有個壓力測試   最高係 30 分 ( 要即時搵專業人員處理壓力問題 )    而我就係 17 分   都係處於高壓狀態   其實我又唔覺得自己有咩壓力   但我好肯定自己有 " 強迫症 "   即係重覆又重覆做一件事   好似 d 人係咁洗手   覺得點洗都唔乾淨   而我呢   就係明明已經鎖好門   都要再開番門   睇下自己關好水制未 ( 因為之前屋企曾爆過喉   仲要係咸水 )   雪柜門有無關實   如果我鎖門   我又會托下個門鎖   睇下自己有無鎖好   但里奧大人話拎得出條鎖匙出黎就等於已鎖好喎   叫我唔駛咁緊張   所以我最鍾意同里奧大人出門口   咁佢係最後一個關水制   佢又負責鎖門   我個人真係無咁緊張架 ~