蕃茄雞柳 + 節瓜大魚尾湯 by 鐘點 ( 31-aug-2011 )

( 31-aug-2011 wed )
Yeah   今日好番好多喇   叫做有胃口食早餐嘛 ~


番到菇場個個見到我精神番 d 就埋黎傾幾句   又幾好喎   咁先正常家嘛   哈哈 ~
諗住叫外賣   點知間茶餐廳話要 2 個先送喎   咁我出去食算數 ~

放工即走喇   因為想去百佳買 d 蛋糕仔比里奧大人番大陸食呀   因為佢依家咁夜先喺大陸番黎   驚佢餓嘛   個袋擺定 d 蛋糕仔就最好啦   唔會食得飽又會頂到肚餓   我覺得佢好似我個仔咁   因為要成日 check 住佢個袋有無紙巾   有無帶蛋糕仔   有無帶定裇衫   有無拎番份報紙出黎   佢試過 2 日嘅報紙都無拎出黎呀   真係豬兜呢 ~
今晚有鐘點   佢又幾醒喎   我之前兩次都擺定新床單出黎 remind 自己叫佢換   尋晚我正想開口時   已經係新床單   佢仲話咁擺就知道架喇   咁我飲魚湯   佢次次都會幫我掉哂 d 魚   佢知道我好驚嘛   真係好幫手呢 ~
唉   自己論盡   以為自己有帶個 lunch box 番屋企   點知諗諗下原來係無帶   所以要食哂 d 雞柳   d 飯就用黎後日做炒飯囉   唉 ~
里奧大人又係 8 點半先喺大陸開始走   番到黎都差唔多 9 點 45 分   又係無胃口啦   陰公 ~
( 呢個暖壺係家姐送比里奧大人嘅生日禮物   真係好好用囉   因為我實在無本事等到咁夜先食飯   所以依家我會食先   再將 d 餸菜飯放入暖壺   咁我又唔駛翻熱   佢番黎一開就有得食   幾咁方便  哈哈 )

腸粉 + 車仔麵 ( 外賣 ) @ 屋企 ( 30-aug-2011 )

( 30-aug-2011 tue )
今朝又係瞓到 8 點半再打的番菇場   個人仲係好攰   同埋個肚有小小痛   唔想食食早餐   但就飲咗半支寶礦力同一罐咖啡   之後就好好多喇 ~
飲完好精神喎   不過仲未有胃口   但 lunch 都要比自己食嘢囉   尋日買咗小牛蛋   今日到期   所以唔食唔得喇   無胃口仲食埋 d 咁乾爭爭嘅嘢都幾難頂   d 同事經過我位都叫我應該食暖嘢   但真係無胃口嘛 ~

喺菇場都有 d 嘢做   所以覺得 d 時間過得好快   無啦啦頭暈暈咁款   放工都係打的番屋企   之後再買隻茶葉蛋番屋企食   食完好 d 呢 ~
今日里奧大人要上大陸見客   但好感恩 8 點都番到屋企   我真係唔太想食嘢   所以就咁食腸粉   佢食車仔麵啦   因為同一檔買嘢   唔駛分開買咁煩嘛 ~
( 呢 d 係檀花香梘黎架   我用界刀整成一片片   都幾辛苦架   用黎掛喺房門鎖   希望間房會有檀花香味   哈哈 )

鐵匠 @ 九龍灣 ( 28-aug-2011 ) + ( 29-aug-2011 )

( 東京海鮮薄燒 )

( 煙三文魚沙律 )

( 北海道味噌拉麵 )

( 鹽燒雞軟骨串 )

( 加洲反卷 )

( 28-aug-2011 sun )
呵呵   每月一到   個人比較攰 d   所以叫里奧大人買早餐番屋企食喇 ~

好 hea 咁 hea 到 2 點半就叫外賣喇   食完嘢里奧大人問出唔出街   我話無啦啦出街嘅   佢話驚我悶喎   自從我出院之後   佢成日都驚我屈喺屋企好悶   出院之後果兩個星期真係幾悶架   好番小小之後我都成日約媽咪飲茶   佢梗以為我真係無出街定啦   反正佢無問   我都無講   反正講咗   佢都唔記得   依家咁仲好啦   佢一覺得我喺屋企就會悶   都會 plan 下去邊到好   仲要唔駛我諗添喎   幾咁好呀 ~

唉   TVB 播 " 我和尋回犬的十個約定 "   我無諗過睇   因為家姐之前講過話好慘   里奧大人都講咗幾次叫我唔好睇   但最終都忍唔住睇咗大半 part   嘩   喊到我丫   之後家姐 send sms 黎話好慘   原來佢都有睇   又係喊到豬頭咁啦   如果佢黎我屋企一齊睇都幾搞笑   肯定嚇傻里奧大人   因為佢知我地一睇到有狗果 d 戲   就好自然會諗起朱朱   所以佢都好識趣地咁靜靜坐埋一邊   唔會出聲   但當我睇完嘅時候   佢就會話都叫妳唔好睇架啦 ~
喊完個人好攰呀   瞓咗半個鐘   之後一齊去探媽咪 lu ~
今晚 book 咗鐵匠   所以 7 點 45 分就要走喇 ~
( 29-aug-2011 mon )
嘩   尋晚個肚扯住扯住痛   又唔似以前嘅經痛   不過就嘔囉   唔知係咪食咗炸嘢太油膩呢 ~
成晚無乜點瞓   瞓到 8 點半起身梳洗   再打的番工   估唔到都係 9 點 15 分番到菇場   又唔係好遲喎 ~
喺菇場瞓下做下咁囉   個人係好攰   個肚間唔中扯住小小痛咁囉   幾經辛苦先捱到 lunch time   可以名正言順大覺瞓呀 ~
瞓咗好 d   不過無胃口   仍然好想嘔   個肚都開始有小小經痛   但同以前真係相差好遠   好感恩呀 ~
放工即走啦   番到屋企沖個熱水涼   舒服都爆炸呀 ~
到夜晚仲係無胃口   所以叫里奧大人自己買外賣番屋企食呢 ~ 

Loving Hut @ 九龍灣 ( 27-aug-2011 )

蔭紫菜卷飯

黃金扒湯麵

( 27-aug-2011 sat )
我成日話好想飲早茶   所以里奧大人早幾日已經話我 off 去鴻星飲早茶 hea 下   所以 9 點半起咗身就出發 lu   woo   好似無同里奧大人咁樣飲早茶架   真係好正囉   又抵食   同埋最緊要無中午咁嘈嘛 ~

龍蝦湯鮮竹卷蜜汁叉燒包鮮蝦炸雲吞懷舊馬拉糕鮮山竹牛肉球回味銀針粉

飲到 11 點幾就走人 喇   番屋企 hea 下   之後佢有佢做公司嘢   我有我熨衫呢 ~
之後家姐探完媽咪又黎同我地食 tea   今次去 KFC 食三重滋味桶雞   我用八達通仲送多 3 個葡撻   正呀   不過食完好鬼飽 ~

家姐上我屋企坐   之後夠鐘就一齊探媽咪   里奧大人就繼續喺屋企做公司嘢 ~
見到媽咪都精神 d   我都安樂啦   醫生話可能耳水不平衡   但又唔 make sure   咁即係點先 ~
我地又係坐到 8 點就走喇   家姐番屋企同姐夫食飯   我就同里奧大人去食素   咁就過咗一日 lu ~ 

叙苑粉麵茶餐廳 @ 九龍灣 ( 26-aug-2011 )

( 26-aug-2011 fri )
Happy Friday 嘛   早餐要食得豐富 d 呢   同埋將食唔哂嘅餐蛋做 lunch box 嘅餸   咁就唔駛浪費   就咁食一個麵其實已經好飽呢 ~


10 點幾收到家姐電話   話媽咪打黎話頭暈氣促   但無帶平安手機同身份證咁點喎   咁點丫   叫人即 call 白車啦   聽完個電話之後   我個頭痛到爆   好嬲囉   都叫落街帶電話   一有事打個電話就會即 search 位置   知妳叫乜名   唔駛一陣警察黎到再問妳   同埋如果周圍無人都唔駛咁驚嘛   今次好彩喺百佳   有人肯借電話比妳打   有人肯幫妳叫白車   如果唔係妳話會點丫   嬲鬼到我呢 ~
之後婆婆打黎問媽咪點   有無事   姑娘點講   家姐知唔知媽咪點   我真係頂唔順用好重語氣話   媽咪無帶電話   我乜都唔知   今晚探佢先知   我真係已經好火   仲問埋呢 d 問題喎   雖然係關心   但第一時間已經話唔知啦   點解仲問呢 ~
Lunch box 係尋晚喺茶餐廳嘅炒麵   再加早餐食唔哂嘅餐蛋   哎 yo   d 麵乾到呢   餐蛋又係好乾呀   餐肉可以用脆黎形容添呀   可能我叮咗 7 分鐘太耐喇   同埋無喺叮前加 d 水   唉   好難食都要食啦   唔通浪費咩 ~


放工即探媽咪啦   雖然我把口成日鬧媽咪   其實好關心佢架   嘩哈哈哈   買咗葡萄適   蛋糕同糖囉   悶悶地有 d 甜嘢食會好 d 嘛 ~
去到呢   我平靜中帶點激動同媽咪講   下次真係要帶平安手機   今次妳無帶到   妳話幾咁麻煩   咁咁咁咁   之後再話妳唔用就 cut   我自己月費都唔捨得比呀   妳個個月百幾蚊又唔用   咁不過開張電話卡比妳好過   媽咪都唔敢出聲啦   見佢咁攰   我都唔話喇 ~
里奧大人上咗大陸   家姐又約咗朋友   所以我探到 8 點先走喇   反正番到屋企都係等里奧大人放工 ~
好在喺醫院飲咗碗湯頂到里奧大人番黎   所以我都有氣力熨衫   抹柜   掃地   叫做勁架喇   一次過做咁多   做開有條路嘛 ~
等到 9 點半里奧大人就番到黎喇   我話難得聽日 off   所以唔好外賣   出去食啦   不過咁夜我地都無胃口   食粉麵最好   好怕食完飯就瞓   好似好滯咁   唔鍾意呀 ~ 

星悅鮮廚 @ 官塘 ( 25-aug-2011 )

美味汁牛仔骨腐乳炒通菜
鴨蛋蠔仔餅

( 25-aug-2011 thu )
今朝天氣怪怪地   吽風咁   但 d 風又唔係熱喎   同埋好多煙霞咁   總之好怪啦 ~ 
又去麥記食早餐   因為唔想食蛋   我覺得去茶餐廳好多早餐都有蛋咁架 ~


朝早時間真係好快過   好快就到 lunch time   但過咗 lunch time d 時間就好難過咁囉 ~
里奧大人依家逢星期三四五都會上大陸   所以我多數其中一晚會同媽咪食飯   今晚家姐唔得閒   所以我同媽咪就出街食 lu   家姐話有嘢比我   原來係 nuts   因為尋晚同佢一路傾電話一路行超市   講開話想食 nuts   但居然無   估唔到佢又特登去買 ~


食完去媽咪屋企坐到 8 點半就走人   因為想陪里奧大人食晚餐呢 ~