叙苑粉麵茶餐廳 @ 九龍灣 ( 30-sep-2011 )

( 20-sep-2011 fri )
yoyo  今日心情超級無敵勁興奮呀   因為之後我連放 5 日呀 ~

早餐食三文治   慢慢食好 relax   如果食麵太快又好趕   但慢慢食呢   d 麵又好快凍唔好食喎 ~

菇場好忙呀   真係上網都唔得閒   同埋真係想清哂手頭上嘅嘢先放假呢 ~

Lunch 食番前日嘅 lunch box 呀   叮之前再聞下有無 "叔" 味   好在無咋   不過如果真係壞咗都唔驚   因為我有好多零食   每樣食 d 都好飽呢 ~

放工番媽咪屋企坐陣   食 d 餸   傾下計   差唔多 8 點就走喇   同里奧大人食飯   不過我又食咗小小餸   所以只係想食粉麵囉 ~

( 果皮蒸泥猛 )

( 蓮藕餅 )

( 有機辣雞肉腸 )

( 炒椰菜花 )

Pizza & Chicken ( 外賣 ) @ 屋企 ( 29-sep-2011 )

( 29-sep-2011 thu )

今日 8 號風球唔駛番工   所以同里奧大人去鴻星飲茶   好嘆呀 ~

之後約埋家姐 & 里奧大人姐夫黎我屋企打牌   再叫外賣   咁就一日 lu ~

酸梅麵豉蒸排骨 + 炒脆肉瓜 by 鐘點 ( 28-sep-2011 )

( 28-sep-2011 wed )

嘩   好開心呀   今朝終於精神 d   同埋有番 d 胃口 ~


個肚其實仲有小小唔舒服   但就唔係好辛苦   可以做到嘢 ~
晏晝真係覺得餓   好在 8 卦又無帶飯   所以佢就幫我買埋喇   好在有佢咋   唔係我就咁食蛋糕仔算 lu ~

估唔到掛 1 號風球   5 點個天都黑哂   放工打比媽咪   話已經改掛 3 號添喇   番到屋企再睇新聞話掛 8 號風球唔大   都係疊埋心水番工喇 ~
今晚鐘點黎煮   我都唔駛咁辛苦煮飯   依家佢煮完飯   我就會即刻將 d 飯餸入暖壺   成日差 d 唔記得影相   可能我呢兩日無咩食嘢所以無相影   我驚自己唔記得影相   所以特登拎定部相機出黎   之後沖涼   到食完飯先記得原來真係唔記得影相   無哂記性 lu ~

食食下雪糕   屋企突然好大風   好似殺到埋黎咁   所以都要開冷氣   唔敢開窗   唔係一陣連窗都吹甩呀 ~

香蒜蜆肉意粉 + 粟米蛋花湯 ( 25-sep-2011 ) + ( 26 to 27-sep-2011 )

( 25-sep-2011 sun )

今朝同里奧大人一齊 10 點起身食早餐   之後番屋企梳洗就番教會喇 ~ 



里奧大人朋友都一齊番教會   所以一齊去 Delifrance 食 lunch 喇   食完都差唔多 3 點 lu  去埋舖頭拎衫就番屋企 lu ~ 

意式沙律
至尊公司三文治
黑椒豬柳蘑菇炒扁意粉

法式芝士焗薯批

法式小蛋糕配雪糕


Wow   今日都好精神   所以熨埋衫   再煮埋晚餐   之後就抖下睇下電視咁喇 ~
星期日多數 7 點食飯   咁可以多 d 時間消化   最緊要係可以早 d 食完洗碗休息 ~
是日懶餐 - 香蒜蜆肉意粉 + 粟米蛋花湯
香蒜蜆肉意粉 - 為咗清埋半包煙肉同半包蜆肉   所以就整呢個意粉喇 ~ 
粟米蛋花湯 - 我其實真係好鍾意飲粟米湯   但里奧大人就話飲到驚囉 ~
( 26-sep-2011 mon )
Ohoh   每月一到添   雖然無以前咁痛   但都痛囉   仲以為做咗手術會唔痛添   同埋又係好想嘔   點解會咁呢 ~ 
不過點都好過以前好多嘅   話哂番到工   只不過係好攰   同埋陰陰痛   但晏晝瞓咗覺又好 d 囉   之後食咗腿治又好似好 d 咁喎 ~   
夜晚叫里奧大人買白粥   佢就食炸兩 + 炒麵   我又食咗兩件炸兩   食完超級反胃   里奧大人又係咁話好反胃   依家真係唔想去海皇買嘢食喇 ~
( 27-sep-2011 tue )

Ohoh   個肚都有小小痛同埋真係好攰   唔知點解係超攰架喎   今日簡直全無食慾咁呀   晏晝瞓醒都係無胃口   好在放工番到屋企   再沖個熱水涼   恰咗陣就舒服好多   有胃口食埋今朝果份腿蛋治呢 ~
之後里奧大人買咗煎釀三寶番屋企   再煮辛辣麵   我都有胃口食咗件青椒同豆腐   覺得好好味呀 ~

大澳一日遊 ( 24-sep-2011 )

( 24-sep-2011 sat )

呵呵   終於等到 OFF 喇   里奧大人一早諗定好去大澳   不過呢排天氣唔係咁好   所以都係聽天由命   好感恩   今日天氣都幾好   唔落大雨就得架喇 ~10 點起身   去太興食早餐   之後就梳洗出發去大澳喇 ~

坐 E22 喺東涌落車   再轉 11 號巴士   坐咗個幾鐘頭車終於到啦 ~  

( 次次經過呢度  都有小朋友玩  玩得好開心添呀  我覺得 d 小朋友好鍾意玩水咁 )

一去到就買烤魷魚   再望下個電話   原來 1 點半 lu   里奧大人見到間酒樓有蝦醬炒飯就雙眼發光   又話要食嘢架喇   話費事一陣行入去無嘢食喎 ~

嘩   一去到張枱   超多烏蠅呀   要即轉枱   叫做無咁多囉   唔係見里奧大人咁想食個炒飯   我即走喇   不過應該唔會再有下次   因為 d 嘢無厘味道 ~

大澳蝦醬炒飯 ( $55 ) - 無厘味道 酥炸生蠔 ( $88 ) - 細細隻蠔咋  我好憎食咁樣嘅炸粉  未食到隻蠔都已經漏喇   所以我食咗小小炸粉咋   同埋有水嘅   好驚囉   之前買嘅烤魷魚   放喺隻碟度   用筷子夾黎食都唔錯   唔駛整污糟隻手唉   被迫食飯   好飽啦   所以唔可以食炸蕃薯住   要臨走先食   但里奧大人又食到個油籽喎   即係蘿蔔絲酥餅   佢黎大澳目的都係想食呢個炸物 ~
( 炸芋頭 / 油籽 / 炸蕃薯 )食完就行喇   不過應該吽雨囉   超級多青蜓   好驚囉   左避又避   里奧大人仲話我有咩好驚   之後佢有一下唔知避咩   我咪話番佢囉   叫人唔駛驚   自己又咁驚 ~   終於吽出雨啦   不過係毛毛雨   之後真係無咁多青蜓   實在太好喇 ~行行下見到有班小朋友圍住曬咸蛋黃   又幾得意喎   同埋 d 蛋黃好大隻呀   我好小見到咁大隻   其實應該係唔會留意蛋黃 ~

( 曬緊鹹魚   一粒粒黑色果 d 係烏蠅   搞到我依家有 d 驚食鹹魚 )行到盡頭就坐下   超級正呀   d 風吹到我想瞓覺   真係好寫意   所以有時假期真係好想遠離市區呢   沿途又影下相咁   好 relax 呀 ~ 

( 吹住風   望住個山真係好爽   真係差 d 瞓着   我同里奧大人講如果沖完涼坐喺度   肯定好好瞓   佢話點解成日都講沖涼嘅   我話因為頭先好焗  出咗汗   所以超想沖涼 )  ( 咁大個煲唔知煲乜   勁想叫里奧大人開黎睇下 )( 再行入去就係民居   坐喺度抖涼嘅阿婆話企喺度影相就得   再行入去就唔得架喇 )
( 山上有好多大山墳   又天陰陰   所以突然覺得呢段路好陰森恐怖 )

( 彈彈魚 )
( 好多都係銀色鐵皮屋   好 cyber feel )( 得幾粒房角石就支撐到一間屋   勁呀 )( 呢個閘好似有幾首詩 )   差唔多 4 點半就走 lu   其實仲係好飽   但真係好想食炸蕃薯囉   最後又買咗炸蕃薯   油籽同豆腐花喇   今次堂食   嘩   又係好多烏蠅囉   好鬼驚呀   點解會咁架 ~

( 炸蕃薯 )( 油籽 - 餡料係蘿蔔絲 )( 凍豆腐花 )

坐咗 45 分鐘車出到東涌   行咗個 mall 一陣唔想行喇   其一好攰   其二好多人   無哂 mood 啦   搭地鐵番屋企算喇   由東涌企到九龍灣   超攰呀 ~  番到屋企第一時間灘喺梳化呀   其實今次去大澳都無去南丫島行山行咁耐   可以轉車轉車又轉車   之後又要企到番屋企   所以好鬼攰囉 ~里奧大人話好滯喎   唔想再食晚飯   我就食咗小小豬腳薑當晚飯   難得星期六可以 relax   大家沖完涼精神爽利哂   再食豬肉乾 + 啤酒 + 睇電視   簡簡單單都可以好開心呢 ~