柱候蘿蔔牛肋骨 + 羊角豆拌 Budu 醬 ( 31-dec-2011 )

( 31-dec-2011 sat  A/L )

今朝 10 點幾起身   里奧大人唔舒服   所以要繼續瞓   同埋叫我自己食早餐   不過我又唔太餓   所以起身煲雪梨蘋果山楂羅漢果茶   咁比里奧大人潤一潤會好好多呢 ~

之後再洗衫   執嘢抹嘢   之後開始餓啦   食塊芝士就算喇   咁啱家姐又打黎   我叫佢一齊 Lunch   反正佢要比番小盆栽我嘛 ~

里奧大人話想食湯麵   咁去鐵匠食囉   食完家姐都上黎屋企睇相   佢一路睇相   係醬汁咋   佢係咁話正   之後佢話越睇越餓   所以又一齊食零食喇   家姐同我口味好似   所以好多零食佢都啱食呢   本來同佢 share   比佢帶番屋企   不過佢話一齊食先開心喎 ~

好在搞掂哂屋企嘢   咁就有時間寫 Blog   我好想快 d 寫哂   襯我仲有印象嘛   我想憑自己記憶寫過去過邊度   食過 d 咩嘢   不過阿表原來一早已經幫我寫埋   有 Back up 實在太好喇   哈哈   里奧大人睇咗個 File 都好愕然   話阿表寫哂資料比我   我真係覺得阿表都好似自己去旅行咁呀   超搞笑 ~

6 點半預備煮飯喇   太耐無煮   要 d 時間 ready 呢 ~

是日懶餐 - 柱侯蘿蔔牛肋骨 + 羊角豆拌 Budu 醬

柱候蘿蔔牛肋骨 - wow   牛肋骨今日到期   所以清埋佢   本來想用巴東咖哩醬整架   不過里奧大人喉嚨唔舒服   就咁用柱喉醬整咋   因為今朝燜定   所以好入味   特別係 d 蘿蔔呢   里奧大人好鍾意食呢個餸   我都好開心呀 ~

羊角豆拌 Budu 醬 - 呢碟材料完全喺馬來西亞新鮮直送架  Budu 醬係阿表家鄉食嘅醬汁呢   將醬汁 + 2 粒青檸  ( Budu 醬等同用豉油份量 )  調到酸中帶鹹   再加指天椒 ( 阿表教架   我無咁叻  哈哈 )   但我調到自己果碟好酸   而里奧大人果碟醬汁就無味   不過我無再加 Budu 醬   就咁酸酸地算數 lu   至於羊角豆   唉   淥到好林添   同喺馬來西亞食嘅口感完全唔同   嘥哂 ~

Riso Café @ 九龍灣 ( 30-dec-2011 )

蘑菇粟米火腿腸蕃茄汁意粉

照雞雞髀肶扒窩蛋煎飯丸

莓子雜薈

( 30-dec-2011 fri  A/L )

尋晚又係 1 點幾先瞓   今朝 10 點就醒 lu   仲諗住里奧大人未醒   點知佢話去飲茶 ~ 

食完去超市買生果就番屋企洗衫   抖陣就執嘢喇   諗住煮飯   不過里奧大人話想今晚去睇戲   同埋話大家都攰   叫我唔好煮飯喎 ~

3 點出去買飛   再去 Piago 食 Tea   行陣德福就走 lu ~

番到屋企又要執手信啦   超多嘢   影相都影咗一個鐘   一路影又諗番起同阿表去 shopping 嘅畫面   超開心呀 ~

差唔多 8 點幾就食飯   近近地去 Riso Café 算喇   食完番屋企坐陣就出去睇 MI4 喇 ~

睇完都 12 點幾   沖埋涼又係 1 點先瞓   里奧大人仲話開始唔舒服添   好在聽日都係假期   可以盡情休息呢 ~

手信 from 馬來西亞 & 阿表 2011