2012年1月31日星期二

香草瑞士汁雞翼 + 芥蘭炒臘味 ( 31-jan-2012 )




( 31-jan-2012 tue )

今朝好想食公仔麵呀   所以覺得好好味呢 ~


菇場都幾忙呀   做完抖陣就 lunch time 喇   今日食 special k + 朱古力奶   都幾飽喎 ~

放工去街市買餸   仲諗住買好多嘢添   點知就咁買咗包西米同菜就可以番屋企喇 ~

番到屋企第一時間開機洗衫   之後就浸菜   搞掂哂就熨衫   本來里奧大人話 7 點半走得   不過見等到 8 點都未有電話   所以我都煮飯自己食先 lu ~


是日懶餐 - 香草瑞士汁雞翼 + 芥蘭炒臘味

香草瑞士汁雞翼
  - 有現成汁真係好方便   同埋依家想清哂 d 醬   唔想又過期囉   今次好入味   因為我好有心機整   里奧大人話咁入味   以為我買添呀   嘩   唔係嘛   講到好似我平時煮嘢無味咁架 ~

芥蘭炒臘味 - 煲飯時順便蒸埋臘腸   咁就唔駛嘥煤氣喇   very good ~

里奧大人差唔多 9 點半先番到屋企   本來叫佢食埋龜苓膏   因為家姐尋晚特登買比佢嘛   不過佢話好飽食唔到   叫我又留番聽晚   我話唔好留咁多日   所以我食埋去   佢又食 d 咁囉 ~




2012年1月30日星期一

住家飯 @ 媽咪屋企 ( 30-jan-2012 )

茄汁蝦


釀尖椒



蒸三蘇 & 
冬菇蠔豉燜節瓜


青蘿蔔螺片豬骨湯


天桃

( 30-jan-2012 mon )

woo   星期一喇   話咁快又差唔多過咗一個月   時間過得真係快 ~ 

早餐食餐蛋治啦   諗唔到食咩 ~


菇場唔忙   咁都好   攰攰地 hea 下都唔錯 ~

晏晝出咗去行陣先買燒賣炒米粉   開始有 d 厭添 ~ 


番工等放工   今晚里奧大人上大陸食春茗   所以我就番媽咪屋企食飯喇 ~

同家姐 8 點半走   番到屋企即開機洗衫   燙衫   其實有 d 攰唔想   不過食到好飽   一定要郁下囉 ~

里奧大人差唔多 11 點先番到屋企   佢話 8 點半已經食完   之後抽獎   好似有 200 個獎   每次抽 15 個   但每抽完一次呢   老闆就會高歌一曲   所以等咗好耐   仲話一抽完獎個個即刻起身走人   咁又係呀   喺大陸唔係香港喎   香港夜 d 都話搭的士   但喺大陸轉車又轉車   無理由上水搭的士番屋企家嘛   咁鬼貴   真係食餐飯連利是錢都蝕埋搭的士呀 ~

2012年1月29日星期日

鴻星海鮮酒家 @ 九龍灣 ( 29-jan-2012 )

鴻運乳豬拚盤 ( 海蜇 / 鴨胸 / 乳豬 ) ( $148 )


家常遼參燒豆腐 ( $88 )


鳳梨咕嚕肉 ( $68 )


瑤柱上湯豆苗 ( $78 )


楊洲炒飯 ( $88 )


紅豆沙 ( 免費 )

( 29-jan-2012 sun )

今朝 10 點起身食早餐   本來諗住番教會   不過里奧大人話好攰   所以我話唔好番喇 ~


番到屋企就煲八珍湯   同埋焗杏仁曲奇同 Brownies 比家姐同媽咪食呢 ~

焗到 1 點幾就搞掂   所以 hea 到差唔多 2 點半就出去食 tea 喇 ~


家姐同媽咪差唔多 3 點半上到屋企   第一件事就比佢地試曲奇同 Brownies   好在佢地都話好味   不過家姐講明話唔好味都會幫手食哂   算佢啦 ~


開枱喇   今日超幸運   因為我一家贏三家   仲有兩舖 "海底撈月"   真係打咁耐牌都係試過一次咋    今次有兩次添   覺得超幸運呀 ~

7 點去鴻星食飯   估唔到今次樣樣餸都好食喎   因為我覺得鴻星不嬲都唔好食嘛   今次真係好有驚喜呀   感恩惑恩   同埋今餐係用 cash dollar 拎數   感覺好似有人請食飯咁   好開心呀 ~

2012年1月28日星期六

禮賓閣餐廳 @ 牛頭角 ( 28-jan-2012 )

豆腐羅漢齋煲


涼瓜燜桂花魚

鳳梨咕嚕肉 & 鑊仔胡椒豬肚湯

( 28-jan-2012 sat )

今朝要番工   不過極度唔想起身囉 ~ 

早餐食熱狗   但心情唔太好   所以好似唔多好食咁 ~


菇場勁 free   因為老闆阿 head 無番   坐我後面嘅同事又無番   唔 full screen 上網都對唔住自己呀 ~

放工諗住同里奧大人一齊去同家姐媽咪喺屋企附近酒樓飲茶   點知媽咪話落黎淘大   咁仲好   一齊去和民食 lunch 喇 ~

天婦羅盛合

脆脆炸薯條




石鍋蒜香海鮮飯


和民沙律

和風比薩 ( 叉燒 / 照燒雞 )

差唔多 3 點幾就各自歸家喇   我番到屋企都係 hea 住   無心情做嘢呀 ~

今晚約咗教友 ivy 兩公婆一齊去食飯   差唔多 6 點就去到餐廳   同佢地食飯感覺好似一家人   好舒服呢   食下傾下差唔多 8 點半就一齊坐 van 仔番屋企喇 ~

番到屋企無耐   里奧大人話想食湯丸   咁好啦   即煮   不過食完好滯呀 ~

2012年1月27日星期五

鐵匠 @ 九龍灣 ( 27-jan-2012 )




( 27-jan-2012 fri )

尋晚飽到想嘔   定係因為唔愛得辣   所以個胃有 d 反反地咁呢 ~


早餐食奶醬多   其實真係唔多想食嘢   但唔食又驚餓喎 ~




菇場個個無 mood 做嘢   正常丫   廠又未開   同埋好多客都係初八先開工   有鬼嘢做咩   真係電話都唔多個呀 ~

仲係好飽   所以食 special k 算喇 ~


3 點幾家姐 send sms 比我  話寶寶走咗   我個心實哂   冷靜之後即刻打電話比佢   原來話尋晚己經有 d 喘   咁今朝有朋友黎比咗 d 哮喘藥佢食   不過最終都係唔得   要離開我地呀   佢係咁喊   我只好安慰佢話陪朱朱一齊玩囉 ~ 

嘩   聽完之後無哂心機啦   雖然同阿寶相處唔耐   但都係屋企一份子   番親媽咪屋企都見到家嘛 ~

我初初以為自己唔會喊   但原來係唔會囉   冷靜咗之後就喊到九彩   之後媽咪打黎話阿寶走咗   咁我都問點解咁突然   原來之前兩晚阿寶行得好慢   不過以為天氣凍   但咁尋晚好喘   所以今朝媽咪朋友帶咗 d 哮喘藥比阿寶食   不過食完都仲係好喘   之後無耐就走   而媽咪朋友就幫阿寶搞掂 d 身後事   遲 d 就拎埋阿寶番屋企   同埋朱朱一齊 ~

太突然喇   好在有老友安慰   我都舒服咗 d   生離死別係要必經   唔傷心就假   只能放開 d 呢 ~  

放工即走啦   今日里奧大人仲放緊假   所以我地 6 點半就去鐵匠食嘢   之後行陣就番屋企 lu ~

親愛的寶寶 乖乖的睡覺了 ( 27-jan-2012 )

親愛嘅寶寶,

阿寶   雖然同你相處嘅日子唔耐   同埋我又無錫朱仔咁錫你喎   因為朱仔走咗之後   我真係好怕再放感情落你度呀   好怕有離別嘅一日嘛   請妳原諒家姐呀 ~

阿寶   由當初唔太鍾意你到依家開始夠膽摸你    點解你咁快走呀 ?!?!   你都係家中一份子  你知唔知我地都好唔捨得你架 ~

又係心臟病發帶走你   你真係走得好突然呀   家姐雖然好唔捨得你   但知你走果陣時辛苦叫咗陣就安詳咁離開我地   就係唯一一點令我地舒服 d 囉   寶呀   你喺我地心目中你仍然係肥肥白白嘅寶寶呢 ~


你上到天國必定開心健康   家姐總有一日會同妳相聚呢   仲有記得同朱朱玩喎   佢係阿婆   你要幫手照顧佢呀   咁先乖仔  ^^

愛你嘅家姐上

27-jan-2012 

2012年1月26日星期四

稻香超級漁港 @ 德福廣場 ( 26-jan-2012 )

蝦丸 / 墨魚丸

廣島蠔


綠色一籃子

美國肥牛


沙爹湯底
 




蘋果沙冰


醬料區



飲品區


( 26-jan-2012 thu )

嘩   尋晚里奧大人同朋友傾計傾到 1 點 45分   真係丫   搞到我都瞓得唔好添 ~


今朝又凍喎   真係超唔想起身囉 ~
  
唔知菇場附近 d 茶餐廳有無開   所以就食麥當勞喇   咁啱 8 卦又話黎   都好丫   傾下計先番工都唔錯 ~


番到菇場完全感受唔到新年嘅熱鬧氣氛   9 點幾已經靜英英   阿 head 同老闆又無番工   所以呢朝真係上網過日晨 ~

差唔多 11 點幾就拜食食乳豬   12 點幾就聽到話食完開年飯就收工   超級振奮呀 ~


開年飯又係飲茶   飲到差唔多 2 點幾   之後我喺屋企附近 join 埋里奧大人去灣仔攞 cert.   初四真係唔多食店開舖   好感恩雲桂米有開   咁就即入去食啦 ~  

醬拌皮蛋 - 想食小食嘛   所以咪叫黎食囉   一望個樣好肉酸呀   同埋原來係麻辣醬汁   好鬼辣囉   d 皮蛋唔好食   唉


豬腩肉小鍋米線 ( 中辣 ) - 里奧大人話好辣   咁唯有我幫佢包尾啦   同埋我覺得唔辣   因為醬拌皮蛋好鬼辣囉

奶醬多 - 因為里奧大人話太辣   要食番 d 甜嘢中和番


食完再去 Time Square 嘅 Log-On 買電話套   再行陣 Sogo 就走喇   要避開放工人潮出番九龍 ~

差唔多 6 點就去德福稻香打邊爐   嘩   一入到去坐陣就已經差唔多 full 哂   真係好多人打邊爐咁喎 ~

食到超級飽   所以必須要行陣商場散散步   番到屋企即沖涼就 hea 住等瞓覺喇 ~