2012年3月31日星期六

Sky Bar @ 朗豪坊 ( 旺角) ( 31-mar-2012 )

白酒 ( 唔記得咩牌字 ) - 好飲噃   因為唔似酒  哈哈


銀鱈魚大蝦薯條 - d 份量 "多" 到呢


安格斯牛扒薯仔 - ok 啦  


黑豚肉配蘋果醬 - 痴住骨嘅肉好似生生地


黑松露野菌意粉 - 呢個最正啦   好濃味   同埋好多料


芒果拿破崙 @ 龍島 - 完全得一個甜字   搵粒芒果都難   食完好鬼漏





( 31-mar-2012 sat )

又係 8 點起身   所以就要縮短食早餐時間喇 ~



阿 head 同老闆唔喺度   我可以全日網上行   free 爆呀 ~

放工即走啦   因為要幫家姐買靚菜   所以我都買埋聽日煲湯料   唔駛又行多次我最憎嘅街市   點幾鐘去到   其實無咩人   我見到得 2 個人行咋   因為好多檔都休息   魚檔唔開就最好   唔駛濕立立   最緊要係唔駛同人迫 ~ 


買完餸番屋企就 hea 陣   等埋家姐黎到就出去茶餐廳食 tea 喇 ~

吉列魚柳拚薯條



牛扒拚薯條

酥皮蛋撻

味菜牛柳絲伊麵

今晚同
菜菜仔 慶祝生日   所以約埋朋友 meme 一齊出去朗豪坊食飯喇 ~

我同里奧大人早 d 出去行陣   佢話去電腦中心買機袋比我   不過我話唔要喇   成 $300 又唔係靚   又裝唔到 spare 電   咁同我原裝袋無分別   其實之前喺 Log-on 睇中咗個真皮套   不過差唔多 $800   但又係裝唔到 spare 電   又係唔要得   咁都好   可以慳番筆 ~

7 點去到朗豪坊   我地 book 咗 7 點半   我話行陣先   點知太多人   令到我好唔想行   有 d 掹   諗住直接去餐廳坐   咁啱 meme 打黎   所以就一齊去買生日蛋糕仔先上去囉   而菜菜仔兩公婆差唔多 8 點就到喇 ~ 

間餐廳好有情調架   但樓下餐廳搵人唱 live 囉   有佢聲無我聲啦   所以要好大聲先傾到計囉 ~ 

食到尾聲   菜菜仔話想叫甜品   里奧大人好醒水叫人拎蛋糕出黎   佢好驚訝呀   估唔到嘛 ~

呢餐加埋切餅費 $50   埋單 $ 1250   我覺得唔值   又唔係好食   又嘈喎   根本好難傾計 ~

食完都差唔多 10 點   我地都各自歸家喇   同里奧大人坐小巴番屋企   都係果句啦   超勁快呀 ~

2012年3月30日星期五

煎釀三寶 ( 外賣 ) + 韭菜豬肉雲吞 ( 30-mar-2012 )



( 30-mar-2012 fri )

yohoho   終於 happy friday 喇   好開心呀 ~

等食早餐嘅時候   家姐打黎   嚇得我以為咩事   原來係問我食咩早餐好   如果家姐同我同區番工就好啦   可以一齊食早餐   又可以一齊食 lunch 行下   咁樣真係唔錯   唔駛我一個人咁悶嘛 ~


晏晝食 k + 朱古力奶   但我反而覺得用酸酸咪咪嘅藍莓乳酪送 k 係飽 d 咁架喎 ~  

原本里奧大人話 4 點喺九龍灣見客   咁我話唔煮   出去食 pizza   點知佢 5 點打黎   話太多嘢做   所以無去見客 ~  

又唔知佢幾點放工   我又唔想煮   所以去媽咪屋企坐下 ~  

好餓呀   所以買咗麥樂雞餐番媽咪屋企同工人 share 食   媽咪又比咗碗湯我飲   超飽呀 ~

里奧大人 8 點鐘打黎話放工   咁我都走喇   佢話想食 COCO 咖哩   我話實無位啦   星期五 APM  邊度都要等   所以我話煮埋之前食剩嘅雲吞   叫佢再買煎釀三寶番屋企食仲好   唔駛同人迫 ~

2012年3月29日星期四

住家飯 @ 媽咪屋企 ( 29-mar-2012 )

榨菜粒蒸撻沙


大荷蘭豆唐芹炒鮮魷


白切雞

節瓜蠔豉瑤柱排骨湯

( 29-mar-2012 thu )

星期四喇   都好開心   因為星期尾嘛 ~

今日無咁凍 lu   不過都好好太陽   好開心呀 ~  

又等咗 25 分鐘車   真係好離譜   番工時間嘛   好在早出門口啫 ~  

去到茶餐廳其實已經 9 點   不過好餓呀   所以照食沙爹牛肉腸仔麵餐   飲凍咖啡   如果飲熱就會耐 d 時間   同埋咁急食麵再加杯熱飲   真係會食到出汗   我唔想囉 ~


又係忙咗陣就 hea   如果可以彈性上班都唔錯   早 d 番早 d 放   時間好用好多咁 ~ 

晏晝食 k + 藍莓乳酪   真係唔錯架   好似好健康咁呢 ~

今晚番媽咪屋企食飯   坐到 9 點就同家姐一齊走 lu   我行路番屋企當做運動   唔錯唔錯 ~

里奧大人 9 點幾仲喺大陸   本來話淥埋尋晚剩嘅雲吞比佢   不過佢番到黎都成 11 點   所以叫佢自己喺大陸食   食完番屋企   咁唔駛餓咁耐 ~

等到差唔多 12 點先番到屋企   再陪佢睇下電視   1 點先瞓   如果聽日唔駛番工就好喇 ~

2012年3月28日星期三

韭菜豬肉雲吞 + 菠菜 ( 28-mar-2012 )




( 28-mar-2012 wed )

我次次醒一醒都唔會睜開眼睇幾點鐘   不過都 feel 到應該差唔多要起身   因為個天已經光嘛   但我都會繼續瞓   等到鬧鐘響先起身呢 ~

早餐食腿蛋漢堡包   今次試下印尼咖啡   問佢係咪三合一   佢話唔係   係拉啡   第一次聽呢個名   好搞笑   不過都唔熱嘅   飲完之後搞肚痛添呀   以後都唔飲喇 ~


好悶呀   到咗 lunch time 又未餓   所以周圍行下   行咗半個鐘先食嘢   食魚皮餃米   ok 啦 ~


今晚唔駛買餸   所以喺商場行一陣先番屋企 ~  

6 點 15 分開始預備晚餐   差唔多 7 點半先搞掂   食完就熨衫   好攰呀 ~

是日懶餐 -
韭菜豬肉雲吞 + 菠菜

韭菜豬肉雲吞
- 尋晚已經醃好咗韭菜豬肉   所以今晚只係買半斤 ( $7.5 ) 上海雲吞皮就搞掂   但其實我一心諗住整水餃架喎   不過我好似同人講話要上海雲吞皮   但我覺得 d 皮好白   唔似之前食開黃色果 d   同埋好薄   我唔鍾意呢 d 口感 ~  

菠菜 - 我覺得洗菠菜都好煩   因為次次都好多泥咁 ~

8 點打比里奧大人   我話有 d 頭暈   叫佢快 d 番黎   等我早 d 煮埋比佢食   之後我先沖涼 ~ 

我淥咗 11 隻雲吞同埋一碗菜比佢   佢食唔哂 d 菜   之後仲話我淥太多雲吞比佢   因為佢話 8 隻已經夠   都痴鬼線   我唔相信多 3 隻就飽成咁   大佬   妳估 size 好似叉燒包咁大個呀   同埋我話無人叫妳食雲吞先架喎   可以食菜先   之後我叫佢自己洗碗洗鑊   我話本來諗住幫妳洗   不過妳食唔哂就自己洗   以後都係食唔哂就自己洗 ~

2012年3月27日星期二

叉燒炒麵 + 金銀蛋菠菜 ( 27-mar-2012 )



( 27-mar-2012 tue )

陽光普照   真係心情都好 d   人都精神 d 呀   日日係咁就好 lu   不過就唔好咁乾燥就更好啦 ~

早餐食芝士豬柳漢堡包 + 拉茶   熱辣辣嘅拉茶真係好好飲   好溫暖嘅感覺 ~


忙咗陣就 hea 喇   見咁好陽光   唔好嘥   所以出去食酸辣米線   之後行陣就番菇場 lu ~


食完米線有 d 唔舒服咁   下次都係咪搞喇 ~

放工去街市買餸   之後番屋企   但個人都仲係飽飽滯滯咁   不過都浸定菜   淥定麵先   搞掂哂就拖地   之後再煮晚餐 ~

是日懶餐 -
叉燒炒麵 + 金銀蛋菠菜

叉燒炒麵
- 尋晚食唔哂 d 叉燒   最好就用黎炒麵   夠方便嘛 ~ 

金銀蛋菠菜 - 諗住買脆肉瓜   不過又唔多見有喎   所以買菠菜算喇 ~

今晚我 8 點先開餐   里奧大人 8 點打黎話喺公司打多個電話就放工   本來想等埋佢一齊食   但又唔知佢傾幾耐   又唔知一陣有無比人捉住   所以我都係自己食咗先   點知佢 8 點 45 分打黎話已經喺九龍灣   我話九龍灣定九龍塘呀   佢話九龍灣呀   嘩   佢好小可以喺 9 點前番到屋企嘛   所以我好開心呀 ~

2012年3月26日星期一

蜜汁叉燒 ( 外賣 ) + 粟米蛋花湯 + 蝦子麵 ( 26-mar-2012 )






( 26-mar-2012 mon )

雖然今日係星期一   但今日非常之好天呀   有太陽有風   心情都好好呢   呢 d 天氣真係好想出街   如果留喺屋企呢   就一定狂洗衫   我最鍾意 d 衫比陽光曬乾架   最自然嘅殺菌消毒呢 ~

早餐食腿蛋漢堡包 + 拉茶   呢間無普遍奶茶咖啡   只得拉茶同印尼咖啡   我未試過印尼咖啡   因為我驚係三合一   會好甜咁囉 



忙咗陣就 hea 啦   媽咪打黎又話可以出院   超開心呀   咁啱老友 cc 又超勁得閒   所以又可以一齊 m   佢之前日日忙到爆   但呢幾日就非常之得閒   佢得閒就會記得我架喇   因為佢無咩老友好似我咁   成日都咁得閒嘛 ~ 

lunch 又食 k + 藍莓乳酪   好想快 d 清哂   食完哂呢   呢幾年都未必會再食 k 呀 ~   


唔知點解個胃有 d 唔舒服   同埋有 d 頭暈   其實一早已經諗好咗煮咩   不過都係唔好搞咁多嘢   諗住去大家樂買隻雞   點知原來 25/3 係 last   唉   唯有去明星買叉燒囉 ~

6 點番到屋企   6 點半自己開餐   食完即熨 2 機衫   再洗 2 機衫   難得咁好風   之後又好似潮濕   早洗早着呀   熨完衫又忍唔住抹柜抹書房   再抹洗手間   本來諗住拖埋地   但都係聽晚先   大佬   真係有 d 攰呀 ~

是日懶餐 -
蜜汁叉燒 ( 外賣 ) + 粟米蛋花湯 + 蝦子麵

蜜汁叉燒 ( 外賣 )
- 喺明星買架   $40/半斤   食唔哂架   食剩就留番聽晚炒麵 ~

粟米蛋花湯 - 超勁想飲呀   我朋友話佢鍾意飲架   因為佢媽咪煲粟米湯會加瘦肉碎同魚肚   嘩   咁多料   我唔會整架   極其量只會加蘑菇同素翅   放工番黎真係好鬼攰架   唔會搞咁多嘢 ~

蝦子麵 - 余均益辣椒醬配蝦子麵真係絕配   不過我覺得食一個蝦子麵其實唔飽   但兩個又太飽   但今晚自己開餐先嘛   唔係就會淥 3 個麵同里奧大人 share 食   咁就啱啱好呢 ~

里奧大人 9 點幾番到屋企   話想食出前一丁多 d   麻煩到暈   不過見佢做嘢咁辛苦   佢鍾意食咩就咩啦   但如果餐餐出前一丁又唔得喎   實在太唔健康嘛 ~

2012年3月25日星期日

板長壽司 @ 九龍灣 ( 25-mar-2012 )















 ( 25-mar-2012 sun )

今朝瞓到 10 點半   我同里奧大人講話唔想番教會呀   想抖下 ~

海景食早餐啦   做到月尾咋   之後搬去九龍城   不過我唔會為咗食你份早餐去九龍城囉   食完就番屋企   洗咗一機衫就開始 hea 喇 ~


里奧大人幫家姐 update 咗部電話   所以家姐去探媽咪   之後就同我地去 kfc 食 lunch 喇   因為想試避風塘脆辣雞呀 ~

避風塘脆辣雞餐 - 完全唔掂   唔好話避風塘風味   連一 d 辣都無啦   但家姐話鰂魚涌果間好正   d 雞肉都好入味   但淘大呢間真係 .. ..


食完 tea   各自歸家 ~

差唔多 5 點半就出發買嘢比媽咪   之後家姐就車埋我地去醫院探媽咪 lu ~

坐到 7 點半就走喇   家姐屋企附近爆水管   所以上黎我屋企沖涼   我就落去板長等位 ~

家姐食完就番屋企   我同里奧大人就行陣商場   因為要消化下呀 ~

2012年3月22日星期四

( 22-mar-2012 to 24-mar-2012 )

( 22-mar-2012 thu )
今朝 8 點半起身   瞓多 d 希望個肚唔會痛   番工時無痛架噃   仲買咗腿治 + 咖啡番菇場食   不過其實無咩胃口   買定先咋   但差唔多 11 點就痛啦   好在有暖水袋   不過成日嘔就比較煩 d 囉 ~  

媽咪又氣速頭暈入院   令到我又擔心   所以個肚更痛喇 ~

晏晝瞓啦   瞓咗精神小小   不過都係唔舒服囉 ~

今晚唔探媽咪喇   放工即坐巴士番屋企   番到屋企第一時間沖熱水涼   超正呀   之後都係睇電視   不過無胃口食嘢 ~  

我叫里奧大人喺大陸食埋嘢先番香港   反正我又唔食   早 d 食好過呢 ~

等到 10 點半   都係覺得瞓床舒服 d   所以番房瞓 lu   不過都係心掛掛   佢差唔多 11 點半先番到屋企   我終於可以安心瞓覺啦 ~


( 23-mar-2012  0.5 S/L )

今朝都係瞓到 8 點半   又係買腿治 + 咖啡番菇場食   不過仍然係唔想食   因為個胃超勁痛呀 ~

忍到 lunch time 就同阿 head 請病假   即搭的士去睇醫生   之後就番屋企即沖涼即食藥即瞓覺喇   一瞓就瞓到 5 點半   但個肚仲有輕微唔舒服   所以又無探媽咪   繼續瞓   瞓到 8 點 ~   

家姐部電話又有問題   但里奧大人上咗大陸   今晚都好夜番   唯有放低部電話叫里奧大人 update   所以家姐探完媽咪就買嘢食黎我屋企食喇 ~

里奧大人又係 11 點幾先番到屋企   我都係見咗佢一眼   我就即番入房瞓喇 ~   


( 24-mar-2012 sat )

今朝 8 點 15 分起身   所以可以搭巴士   食埋早餐先番菇場   難得有胃口嘛 ~


嘩   忙到丫   搞到個人非常緊張   個肚又黎料啦 ~

仲諗住同里奧大人一齊食 tea   不過我最後都係要瞓覺   又探唔到媽咪喇   瞓到 8 點先起身 ~

之後個肚無痛喇   開始餓   所以叫里奧大人買雲吞麵 + 菜   隔咗個幾鐘   又開始餓   所以又叫里奧大人買魚柳包餐   一路睇電視一路食   真係好鬼嘆呀