敍苑粉麵茶餐廳 @ 九龍灣 ( 30-apr-2012 )

( 30-apr-2012 mon )

放咗 2 日假   番埋今日   聽日又放假   真係好爽   但之後要等到 6 月尾先有假呢   唉呀 ~

早餐食芝士豬柳漢堡包   好耐無飲拉茶   個胃好似有 d 唔舒服咁 ~

菇場靜呀   耳鳴又出現了 ~  

好開心終於 lunch 喇   lunch time 過得特別快   咁都好   時間過得快 d   可以快 d 放工 ~

放工去尖沙咀睇中醫   book 咗 6 點半   差唔多 7 點半先有得睇   醫師話我脾胃太虛喎   所以吸收唔到而貧血喎   吸收唔到都咁肥   真慘   yo   8 點鐘就搞掂走人   估唔到今晚里奧大人 7 點幾就喺 office 等我 call 就即放工   平時我喺屋企又唔見佢 7 點幾可以放工   係咪咁邪呀 ~ 

同佢 join 喺九龍塘地鐵站一齊番屋企   佢話餓到暈喎   所以同佢去食粉麵算喇 ~

腐皮鮮蝦卷 + 腐皮墨魚卷 ( 29-apr-2012 )

( 29-apr-2012 sun )

今朝 10 點自然醒   梳洗就去大家樂食早餐   食完番屋企抖陣就番教會 lu ~

崇拜完畢就番屋企   hea 到 2 點幾就去食 tea   星期日通常就係咁過架喇 ~

里奧大人做公司嘢   我就睇雜誌   之後抹廚房   最鍾意乾乾淨淨 ~  

6 點 15 分開始預備   7 點有得食   因為就咁焗熱就食得呢   超爽呀 ~  

是日懶餐 - 腐皮鮮蝦卷 + 腐皮墨魚卷

腐皮鮮蝦卷 + 腐皮墨魚卷 - 尋日喺深水埗嘅牛丸哥哥度買架   $40/磅   所以每款買半磅   點泰式辣雞醬   不過呢兩款卷都應該有唔少味精   因為食咗第 2 件   里奧大人就話要飲嘢呢 ~

今晚食榴槤   見里奧大人做完哂嘢   又沖好涼   咁我就叫佢坐梳化睇戲啦   之後我拎盒榴槤比佢食   佢話妳咁好嘅   好好招呼咁   痴線架   平時都係咁架啦   不過平時 d 語氣就粗咗少少咁之嘛   鬼咩   放工攰嘛 ~  

麥當勞 @ 九龍灣 ( 28-apr-2012 )

( 28-apr-2012 sat )

又假期喇   真開心   今朝瞓到 10 點就起身 lu   一齊去 Delifrance 食早餐 ~

加 $8 有呢個羅宋湯長通粉   好在都好味   唔係會鬧爆里奧大人   因為我比咗 $60 cash coupon 佢買早餐   佢話兩份早餐就 $53.x   所以加多 $8 長通粉就唔駛找   真係丫   錢來架   同埋好在食得哂   唔係嘥錢之餘又浪費食物

我覺得咁樣睇杯咖啡   好似好滑好好飲咁   哈哈


食完就去百佳買生果   之前里奧大人話想食榴槤   所以就買個番屋企喇   行下見到檸檬茶又平   又幫家姐買 2 pack   自己又買 pack   又買多 2 盒蛋糕   之後里奧大人問有無帶環保袋   我話無   佢話又話入黎買生果   買下買下又咁鬼多   同埋次次無諗住買嘢就反而買好多嘢   邪呀 ~

番屋企 hea 陣再沖涼   今日出深水埗   因為想食維記豬潤麵呀 ~

差唔多 2 點半就去到深水埗   去完睇 I-pad 就去維記   我地知道地址   但唔知點去   咁啱里奧大人傾電話   我企喺度等佢   點知比我一望就就到維記   好感恩呀 ~  

開始有 d 餓   但見到維記又多人排   所以去周記食咗油渣麵先   之後再食豬潤麵   不過食完都飽   所以周圍行下 ~

油渣麵 - d 油渣都唔香嘅   但 d 麵嘅口感又幾好噃

辣菜甫 - 好鹹   唔香又唔辣

生炸韭菜餃 / 北京水餃 - 呢個最有驚喜   估唔到隻隻都脹卜卜   同埋新鮮炸真係好好味   同埋餡料都好多   唔係淨係肥豬肉   醬汁小小甜小小酸   點埋一齊食好好味囉

行下睇下   之後里奧大人又講電話   我又喺附近周圍行   比我見到公和豆腐   所以等里奧大人傾完就帶佢食喇 ~

凍豆漿 / 凍豆腐花 / 雙拚煎釀 - 豆漿夠凍   都有豆味   不過都幾甜   而里奧大人就話豆腐花唔滑   但我無試丫   

釀豆卜 - 口感唔似食開嘅炸豆卜   不過無咩豆味

釀豆腐 - 豆腐好滑   不過好多油   好驚啦   

.

食完就更加飽   再兜過大運就去買 New I-pad 比里奧大人家姐   佢想買多部比我   講咗幾次   但我真係唔想要   番工成日對住電腦   對眼真係好攰   同埋手機又可以上網   番屋企又有大 mon 睇嘢   最大問題係好重   我個袋已經夠重啦   我坐車時間又短   幾個站   都唔知睇得 d 咩   所以真係唔想要囉 ~

買完再去牛丸哥哥買腐皮卷就走人   開始想落雨喇   同里奧大人坐 van 仔番屋企   10 分鐘左右到喇   $ 9 抵玩啦   其實有巴士嘅   不過應該有排兜   都係咪搞 ~

好攰呀   番到屋企佢整 I-pad   我就睇電視   食下糕點   總之超勁唔想郁啦 ~  

桂花糕 / 綠豆糕

紅豆糕

8 點開餐   其實仲未餓   但里奧大人話其實已經餓暈喎   咁拿拿聲出去食   諗住去板長   但要等 30 張枱   唔等啦   轉食意粉又無位   最後去麥當勞   因為最緊要快呀 ~

住家飯 again @ 媽咪屋企 ( 27-apr-2012 )

煎立魚

酸梅麵豉蒸排骨

炒通菜

辣魚蛋 $18 ( 外賣 )

牛什 $25 ( 外賣 )

豆腐梭羅魚湯

泰國金枕頭

紅豆糕 x 4 / 綠豆糕 x 2 / 芝麻糕 x 4 / 桂花糕 x 4

砵仔糕

眉豆 / 花生茶粿

( 27-apr-2012 fri )

聽日又紅假   所以今日番工都番得特別開心呢 ~

早餐食奶醬多   唔知食咩好呀 ~  

Lunch 又食叮意啦   快快趣食埋佢 ~  

今晚家姐同姐夫都去媽咪屋企食飯   所以我放工去官塘買糕點   再去媽咪屋企   不過無話比媽咪聽   因為我都係諗住坐下   同埋買 d 小食上去食   hea 到 8 點就番屋企咁呢 ~

我一入屋   媽咪見到我個人又驚又喜   好搞笑   之後又拎湯我飲   其實我真係唔想飲   因為尋晚 d 湯仲未飲嘛 ~

食下傾下又到 8 點   我又跟家姐車一齊走 lu   番到屋企又抹下柜   洗一機衫   之後 hea 喇 ~

里奧大人就差唔多 9 點放工   本來我諗住煮麵一齊食   不過我真係食唔落   就咁飲湯   但就淥水餃薯仔麵比里奧大人食就算喇   佢又無啦啦買咗個 Pizza Pie 比我食   不過我話好飽   食咗小小咋 ~