Day 1/5 ( Part 2/2 ) 超幸運感恩豪食貓山王榴槤忙玩飽飽飽探親遊 @ 馬來西亞.吉隆坡 ( 30-jun-2012 )

繼續行程  Part 2  ( 30-jun-2013 sat )  

兌換完   又買埋電話卡   打埋比媽咪同家姐   咁就無嘢掛心啦   所以舒舒服服咁行喇喂 ~ 

今晚去 Petaling Street ( 茨廠街 )   沿途都有好多老街老舖   不過好多都就黎拆喇   有 d 仲拆緊添呀   可惜可惜 ~   

去到茨廠街   見到個牌匾已經超開心   因為我覺得好有掃街 feel 呀 ~

 

行完買嘢嘅地方就去食嘢嘅地方   雖然飽   但見到嘢又想食架喎   同埋呢度好多檔口仔都好地道好出名架   呢下吸引嘛   里奧大人有樣好   就係去親旅行就會乜都食   最緊要夠地道   而除咗炸物唔多敢食   驚喉嚨痛之後   總知話好地道好好食好出名佢都會照殺   就係咁   我地飲咗羅漢果龍眼冰糖燉冬瓜同去金蓮記食福建炒麵喇 ~

羅漢果龍眼冰糖燉冬瓜 - 飲完透心涼呀   真係學佢話齋 " 冇得頂 "

金連記嘅招牌炭燒福建麵 - 阿表話係用豬油渣炭燒炒香   大碌麵調味靈魂係醬油膏    而食材有蝦 / 豬肝 / 豬肉 / 菜   而佢嘅味道係炒香嘅蒜加滑蛋 & 豉油香   炭燒大火先炒香蒜   如果無蒜   佢味道係完全唔同   同埋豉油香係佢味嘅主角   仲有加少少黑醬油   我覺得最正係條條麵條都掛哂醬油   豬油渣又脆卜卜   我覺得豬油渣先係靈魂呀  哈


鴛鴦 ( 河粉 / 炸米粉組合為鴛鴦 ) - 阿表話米粉先油炸   河粉先用豉油炒過   配合蒜炒香滑蛋湯漿稱為鴛鴦   而食材有豬肉 / 蝦 / 豬肝 / 菜 & 滑蛋   炸米粉 & 河粉先煮好備用   湯漿同食材煮好淋上   我個人覺得真係好好食   因為我不嬲對白雪雪嘅食物無乜興趣   直覺覺得無味   但呢個鴛鴦真係令我好回味

 

附 : 青檸辣醬 - 辣醬唔辣嘅   但我無咩點食  因為我主要食鴛鴦   哈  
 

我地坐喺呢度食呢

就係因為里奧大人想試   所以我地 3 個先捨命陪大人   終於個個食到飽哂   但飽都仲要去食囉   因為阿表安排我地正餐去 Kepong Food Court ( 甲洞地道小食中心 )   仍即係最地道大排檔也   雖然無冷氣   但又唔覺好熱喎 ~

炒啦啦 ( 附四角豆 / 羊角豆 ) - 都幾多蜆肉   同埋我鍾意食甘香味呢   所以覺得唔錯唔錯

燒浦魚 - 我同阿表一齊去揀   老闆又話小骨   呃人嘅   同埋燒得唔夠香呀  

Satay ( 沙嗲牛 / 雞串 ) - 純粹想試個沙爹汁   辣辣地好好味呀  

蠔煎 - 咩都想叫 d 試下咋   所以無要求   不過好似都有唔小蠔仔

燒雞翼 - 食第 1 隻好味喎   入味又 juicy   之後再食   原來係好細隻架咋   所以比較乾呢

大大杯 - 桔仔酸梅 ( RM5 ) - 呢杯好巨架   兩個人飲一杯已經好夠   呢杯好味又抵飲   正  

( 多謝阿表 & 小寶 ^^ )


9 點 10 分去到   食到 11 點 10 分   雖然大家都攰   而且已經 11 點幾   但今次幸運感恩遊重點節目係食貓山王呀   點飽都要食   食完一個之後   再問每人可以食幾多粒   計埋差唔多可以食多一粒   所以再食多個喇   woo   今日係第一日咋   我已經感覺到好飽好飽好飽囉   雖然我好唔鍾意人地成日食食下就話飽  但今次講得最多好飽係我囉   因為真係好飽好飽好飽呀 ~ 

貓山王 ( RM26/kg ) - 靚仔到丫   又濃味   又細核   以為細細個無咩肉   點知越食越有   起碼有 12 粒肉  
( 第 1 個 )

( 第 2 個 )  同樣有好多粒呀

食完就番酒店休息喇   又係小寶最辛苦   因為要車送我地呢 ~   

呢日行程完畢 ^^

Day 1/5 ( Part 1/2 ) 超幸運感恩豪食貓山王榴槤忙玩飽飽飽探親遊 @ 馬來西亞.吉隆坡 ( 30-jun-2012 )

( 30-jun-2012 sat 天晴 @ KL )

嘩   尋晚都無咩點瞓   因為實在好擔心唔能夠預期出發   瞓瞓下仲聽到好大嘅雨聲   覺得個風球應該有排掛咯   唉 ~ 

點知 4 點幾家姐打黎話落咗波喇   超勁開心   家姐話姐夫 3 點幾話佢知落波   但佢驚嘈醒我地   之後再計下我上機時間   所以都係打黎喇   我再望出街   無風無雨添呀   超級開心   非常感恩   切切實實感受到神嘅保守帶領   真係無諗過 8 號風球只掛幾個鐘呢 ~  

本來諗住 5 點 15 分先起身   不過實在太振奮   所以我根本瞓唔着   里奧大人都起埋身   話早 d 準備   再睇下有咩要帶   好過臨時臨急再拎喎 ~

Call 咗的士 6 點到   上咗車就即落雨喇   如果遲一步上車   人同行李都應該濕哂 lu ~

去到機場即 Check-in   搞掂差唔多 7 點   去食早餐 lu   食完抖下就離境   周圍行下   8 點收到阿表 Line 我呀   我當然第一時間話佢知如期出發啦   其實諗住上機前一刻先 Line 佢架   咁唔好嘈住人瞓覺嘛   估唔到佢咁早起身添 ~

原本坐 8:50 am 機   但延遲咗 10 分鐘   無問題啦   10 分鐘 ~

( 上機嘅時候仲落緊雨 )

今次去馬來西亞 5D4N ( 30-jun-2012  8:50 am --> 12:30 pm  to  4-jul-2012  17:40 pm --> 21:30 pm )   馬航無早機去   所以坐國泰   去馬來西亞只需要 3 小時 12 分鐘咋   馬航就要 3 個半小時   咁下次都揀國泰 lu ~

Woo   超級振奮呀   不過仍都好眼瞓囉   所以我都瞓咗唔小   食完飛機餐又瞓下   因為之前真係擔心到無覺好瞓呢 ~

一落機就 Line 阿表   佢地在途中   今次 Check-in 好快呀  不過等行李就好鬼耐啦   搞掂到好似差唔多成 2 點鐘 ~

上次望極都望唔到阿表   又背光   所以今次我醒喇   就係舉牌呀   估唔到真係一舉牌無耐   就見到有人揮手   超勁超勁開心呀 ~

又係咁啦   小寶一出車就幫手拎行李入車尾箱   之後就出發食 Welcome Lunch 喇 ~   

行程 : KLIA  -->  KL -->  Sakura Cafe ( 櫻花餐廳 )  -->  Check-in @ Novotel Hotel --> Petaling Street ( 茨廠街 ) --> Kepong Food Court ( 甲洞地道小食中心 )  --> 消夜 ( 貓山王 ) @ 甲洞花園 -->  Novotel Hotel

半年前見完   估唔到咁快又可以見   超勁開心呀   完全係好有番家鄉探親感覺   接我機完全無咩話唔好意思   嘩哈   臉皮厚耶 ~

之前阿表日日話天氣爆熱   又間唔中落好大雨   今次仍都超感恩   雖然唔係藍天白雲 ( 因為印尼燒森林   所以將 d 煙吹到吉隆坡   成個天都灰灰濛濛 )   就係因為咁   所以無咁曬呀 ~

第一站係去 Jalan lmbi 嘅 Sukura Cafe 食馬來餐   餐廳入面都好懷舊   昏暗黃燈   勁有 feel   同埋又無咩人   好似包場咁   正 ~



Prawn Mee ( 蝦麵 / 米粉麵 ) - 附蝦麵辣醬 ( RM12 ) - 好香好濃味   湯底好正

Curry Laksa ( 咖哩喇沙米粉麵 ) - 附喇沙辣醬 / 青檸 ( RM12 ) - 食咗小小   又係好濃味   正   因為我個人鍾意濃味嘢呢



附喇沙辣醬 / 青檸 - 馬來西亞嘅青檸真係非常之正   細細粒又多汁   輕輕唧一下已經好有青檸味

Salted Egg Yolk Soft Shell Crab ( 鹹蛋黃軟殼蟹 ) ( RM30 細 ) - 好香口呀   勁鹹香呀   就咁食口感完全唔食出係軟殼蟹   但講唔出係咩  oh 

Sambal Petai ( 臭豆炒蝦 ) - 呢個反而無咩味道噃

馬來風光 ( Kangkung Belacan ) ( RM12 / 細 ) - 呢碟菜都比較失色   可能我真係無咩胃口

Nasi Bojari ( 印尼黃薑飯 ) 附 Rendang 雞 / 炸雞 / Sambal 蝦 ( RM23 ) - 個飯超勁有黃薑味   隻炸肶又巨又脆

Cendol 冰 - 送架   份量都唔小

前菜 ( 辣花生 ) - 送啤酒一流   就係呢碟花生   食到小寶唔捨得走   差 d 壞大事呀 ^^



( 多謝阿表 & 小寶 ^^ )

唔知係咪唔夠瞓   同埋個肚成日有 d 扯住痛   所以無咁有食力呢   又可能食咗個飛機餐   所以覺得超勁飽   食完即刻要去 7-11 買 ENO 呀 ~

食下傾下又過咗 2 個鐘   差唔多 5 點半先去到 Novotel Hotel Check-in   呢間酒店好舒服呀   我同里奧大人都覺得好光猛同好乾淨   d 人又醒又有禮貌   最正係過條馬路就係 

Pavillion   超方便呀 ~

( Photo by 阿表 ^^ )

Check-in 完之後就去兌換錢 ( HK$2,000 / RM802 )   再去 my news.com 買增值卡   我幾咁熟路咁呀   懶醒   自己走去買酸糖   因為真係好飽好飽好飽 ~

呢日未完架 ^^ 

綠豆糭 ( 29-jun-2012 )

( 29-jun-2012 fri )

呢個 happy friday 真係超勁 happy 極度振奮    因為聽日去旅行呀 ~

早餐食到好飽   所以番到菇場非常之精神呀 ~

唉   無啦啦打風   無哂心機啦   打到正一正呀   仲話聽朝 8 點最接近香港   平時都無問題   但聽朝一早上機   真係好擔心要 delay   難得去旅行嘛 ~

lunch 食塊曲奇都覺得飽喇   之後成日睇新聞   好想個風快 d 走 ~

放工都仲好太陽   咁真係可能打到正一正   真係完完全全無哂心機 ~

番到屋企即刻抹柜再執嘢   之後食埋隻糭就熨衫   沖涼之後就可以休息喇 ~  

是日懶餐 - 綠豆糭

綠豆糭 - last 2 隻   食咗隻半咋   同埋唔食蛋黃   但都好鬼飽   依家見到糭都驚 ~

6 點幾家姐打話 8 點後會掛 8 號風球   即打比里奧大人啦   要佢快 d 番香港呀   好在佢都即走   差唔多 9 點就番到屋企   咁我煮水餃麵比佢食   之後再同佢 double check 旅行嘅嘢喇 ~

開始好大風大雨喇   殺到埋黎咁呀  呯呯嘭嘭好恐怖呀 ~

緊貼颱風走勢   越睇就越擔心   打到正嘅話   有可能 9 號添呀 ~

唉   天有不測之風雲   無計啦   都 12 點喇   要瞓啦   無咩做到   唯有急切祈禱呢 ~

住家飯 @ 媽咪屋企 ( 28-jun-2012 )

茄汁蝦碌

陳皮蒸泥猛

蝦醬炒通菜

節瓜冬菇瑤柱

粉葛蠔豉瘦肉湯

大老闆比嘅荔枝   唔知邊度出產架   不過就好甜又多汁   皮又薄   正呀

( 28-jun-2012 thu )

星期四喇   食咗一半早餐   8 卦又黎   佢差唔多 8 點 50 分先到   食嘢又只係 5 分鐘   食完都要走   所以基本上都唔係點傾到計 ~

菇場呀   可唔可以有 d 生氣呢 ~

又食 lunch box   係前晚煮多咗嘅肉醬意粉   同事問我係咪好鍾意食意粉  同埋問我係咪晚餐就咁意粉   我話仲有粟米湯   佢話下   我話好夠啦   之後問我點煮   我話用車厘茄整醬   又有什豆  又切洋蔥咁咁咁   佢 O 咀呀   因為佢以為我用現成蕃茄醬   以為好易整呀   講完比佢聽   佢都覺得多嘢整呀   唔係講笑   整一整肉醬意粉起碼最小要半個鐘架 ~

等放工啦   即走喇   里奧大人上咗大陸   所以我番媽咪屋企食飯呢 ~

差唔多 8 點半就同家姐一齊走喇   番到屋企即拖地   開機洗衫   執嘢   搞掂哂沖涼   里奧大人差唔多 10 點先番到屋企   又買麥記換杯   所以我要幫佢食包大薯條   飽到震呀 ~