紅菜頭雞絲薯仔沙律 by 媽咪 ( 31-aug-2012 )

( 31-aug-2012 fri )

終於又 happy friday 喇   早餐食甜嘢開心 d ~



晏晝叮蝦子麵   食完好鬼熱呀 ~

woo   熱完再涼冷氣真係好爽   加上菇場又靜   令人好想瞓覺囉 ~  

放工去針灸   今次針個肚   等咗好耐   差唔多 8 點先走得 ~  

好餓呀   8 點半番到屋企   第一時間食沙律呀   之後沖完涼再熨衫當做運動 ~  

里奧大人 9 點先喺大陸番黎   所以叫佢喺上水食嘢先   唔係番到屋企又餓到食唔落架喇 ~   

住家飯 @ 媽咪屋企 ( 30-aug-2012 )

煎鮫魚 ( 點蘸沙律醬 )  

白切雞

叉燒 / 燒肉 ( 外賣 )

炒豆角

豆豉炒苦瓜

牛蒡瑤柱粟米紅蘿蔔豬尾骨湯

( 30-aug-2012 thu )

星期四喇又   一諗到就黎星期六就最開心呢 ~

今朝食腿蛋治   呢間茶餐廳真係差唔多日日去   其實食到好悶   不過近菇場   所以又唔想轉地方囉 ~

靜呀   靜到真係抖大氣都驚全世界人聽到咁呀   所以我手機要教靜音   唔係一響就會好震撼呢 ~ 

真係好鬼悶   所以 lunch 出去食   再行一陣   入埋票就番菇場喇   好鬼熱呢 ~

里奧大人上大陸   我又老規矩番媽咪屋企食飯喇 ~

今晚同家姐 8 點半就喇   今次又拎埋牛仔骨同雞扒同沙律走   次次都吉袋去 3 袋番 ~
番到屋企無 mood 做家務   所以睇電視   里奧大人就差唔多 9 點半番到屋企   一齊睇下電視咁啦   不過唔知點解個胃無啦啦好鬼痛   好在里奧大人幫手搓下個胃   之後抖陣真係唔痛呢   感恩感恩 ~感恩 ~

金姆指米線 @ 九龍灣 ( 29-aug-2012 )

椒鹽魷魚鬚

豬潤麻辣米線 ( 1 辣 )


豬潤蘿蔔酸辣米線 ( 1 辣 )

( 29-aug-2012 wed )

星期中喇   咁呢個星期又會過得好快咁呢 ~

今朝食奶油多 + 咖啡   其實好想飲齋啡   無咁肥嘛   不過又唔想朝早咁苦澀嘅嘢   話哂一日嘅開始嘛 ~

菇場無咁忙   整 d 嘢就 lunch time 喇   今日 lunch box 係前晚煮嘅炒麵   d 同事話點解好似日日炒麵咁   無計啦   食唔哂嘛 ~

諗住放工睇中醫   點知里奧大人 5 點要見客   應該可以好早番到屋企   咁我都唔睇中醫 lu ~  

上車時里奧大人話見完客走得   差唔多 6 點半可以到九龍灣   咁我就行陣商場   差唔多時間就去金姆指呢 ~ 

食完就番屋企喇   好難得咁早食完番屋企   但我番到屋企就開始忙喇   開機洗衫再熨兩機衫   好在今日多時間做嘢   做完都係 9 點半   爽呀 ~

檸檬雞翼 + 蛋白粟米湯 + 牛油曲奇 ( 28-aug-2012 )

( 28-aug-2012 tue )

尋晚瞓得唔錯   今朝可以 7 點半起身   有好多時間比我慢慢嘆早餐呢 ~

菇場又忙   又好快到 lunch time   今日有 lunch box   本來想食完出去   不過見出面好多煙霞   好似好焗咁   都係唔出 lu ~

放工即走喇   要去街市幫家姐買鯪魚肉   之前食唔哂 d 榴槤   里奧大人話好燥唔敢食   我又食唔哂   要家姐幫手食呀   所以番到屋企再拎埋榴槤同紅豆喺車站比佢喇 ~

番到屋企已經 6 點 45 分   要開行 turbo 煮飯喇   順便整埋麵糰   好在里奧大人 7 點半放工   咁番到黎就啱啱好有得食呢 ~

是日晚餐 - 檸檬雞翼 + 蛋白粟米湯

檸檬雞翼 - 唔想成日整麥芽糖焗雞翼咁悶   所以上網搵食譜   呢個食譜好似係黃淑儀教人煮嘅   我覺得好味   不過里奧大人話酸   同埋同雞翼唔 match 喎   話要同 d 炸嘅肉 match d 喎 ~蛋白粟米湯 - 因為用咗 2 隻蛋黃焗曲奇   所以用埋剩咗嘅蛋白滾粟米湯喇 ~ 

食完洗埋碗已經 8 點半喇   要開始焗曲奇   焗咗個幾鐘   都算快架喇   里奧大人話好味喎   之後問邊個食   我話焗比家姐   又問點解無啦啦焗曲奇嘅   呵呵   仲駛問嘅   平日無啦啦焗曲奇就唔方好嘢啦   因為牛油到期呀   呢罐係金罐牛油   我覺得貴   所以唔想浪費   之後里奧大人話我呢 d 就買買買   佢地就要食食食   食到個個都驚哂   攞黎搞 ~ 

叉燒炒麵 + 菜心 ( 27-aug-2012 )

( 27-aug-2012 mon )

唔知係咪食咗榴槤比較燥熱   所以瞓得唔係咁好   本來想早起身   不過最後都瞓到 8 點   瞓多半個鐘好好多囉 ~

早餐食餐蛋治   好似好耐無食咁 ~

菇場忙呀   轉個頭已經 lunch time   今日又叮蝦子麵   夠方便   同埋最緊要係想快 d 清哂佢呢 ~

hea 咗陣又忙   好在可以準時放工   今晚要去街市買菜   之後再去太興買叉燒就番屋企喇 ~

預備晚餐   里奧大人一放工就開始煮   好感恩佢 6 點 50 分放工   咁我可以早 d 食早 d 休息呢 ~

是日懶餐 - 叉燒炒麵 + 菜心

叉燒炒麵 - 呢個麵里奧大人最鍾意食   又易整 ~  

菜心 - 好似好耐無食菜心   依家 $9 斤 都唔知算唔算貴呢   好耐無買菜唔知價呀 ~
沖完涼就開機洗衫   星期一真係無咩原動力做家務   所以都唔想熨衫   睇下電視   差唔多 11 點就瞓喇 ~ 

梅菜蒸鯇魚 + 蕃茄薯仔魚湯 ( 26-aug-2012 )

( 26-aug-2012 sun )

呢個星期好攰又唔夠瞓   所以同里奧大人講話唔番教會   瞓到自然醒 ~

瞓到差唔多 10 點 45 分就醒喇   梳洗之後就去大快活食早餐喇 ~

食完去百佳買榴槤   唔知點解突然好想食   所以里奧大人話我衰啦   又話唔食泰榴   依家又食   但無理由喺香港食貓山王家嘛   我地又唔識揀   同埋超級貴喎   咁我地去百佳都係叫阿姐揀   我話要熟同埋大個   佢揀個全場最大嘅   之後收銀都話好大   屋企大堂呀姐直頭話好似抱住個人仔咁添呀   我真係第一次買一個 12 磅重嘅榴槤呢 ~

沖完涼   再將榴槤入哂盒又要出發喇   1 點半約咗菜菜仔 lunch 同傾計   不過我同里奧大人都唔餓    所以揀 m 記   買咗兩個餐 share 食   傾到 3 點就走人 lu ~



里奧大人陪我去買餸   咁我話先入 100 號   之後再去街市   同佢買煲湯魚   佢一指就指 $25/份果 d   我話煲湯唔駛咁貴啦   $10 份就得   如果比佢自己買餸   真係唔掂   同埋一定比人呃 ~

熱到爆   番到屋企又要沖涼喇   里奧大人就瞓覺   我就熨衫   之後入廚房劏魚   因為 $10/份唔會劏內臟   里奧大人入黎見我劏魚   見我姐手姐腳   好驚我切親   問我點解唔比多幾蚊叫人劏   我話比多幾蚊叫人劏   我就唔買細魚啦   真係呢 ~

是日懶餐 - 梅菜蒸鯇魚 + 蕃茄薯仔魚湯

梅菜蒸鯇魚 - 依家多數星期日先整魚   因為里奧大人可以襯熱食   我驚留暖壺會腥呀 ~ 

蕃茄薯仔魚湯 - 第一次滾蕃茄湯 d 色咁靚咋   可惜唔識計份量   滾埋之後得一碗囉 ~  

6 點 45 分開飯   所以食埋搞掂哂再沖埋涼都係 8 點幾   爽呀   之後里奧大人就出去跑步   我就睇電視喇 ~ 

9 幾點一齊食榴槤飲 100 plus 睇電視劇   真係好難得咁 relax 呀 ~                  

豪宴海鮮酒家 @ 都會駅商場 ( 25-aug-2012 )

京式回鍋肉


黑椒西芹牛柳粒

荔芋南瓜煲

香草海皇蒸蛋白

( 25-aug-2012 sat )

8 點起身   早餐要食飽 d   因為要頂到 3 點 ~

菇場忙呀   所以好快到 1 點   放工即走 ~  

里奧大人去尖沙咀整嘢   所以我就番屋企等里奧大人   之後一齊出發去調景嶺喇 ~

今日去菜菜仔屋企探 bb   所以買埋外賣上去一齊食   去到都差唔多 3 點   食下傾下玩下 bb 已經 4 點半   要趕去第二場探另一個朋友茄子 BB 呀   但菜菜仔又想同我地食晚飯   所以一陣要再番黎一齊出去食飯呢 ~

鵪鶉蛋燒賣

山竹牛肉

鮮竹卷 / 雞扎

鳳爪排骨飯

糯米卷 / 馬拉糕

好在茄子住新都城   咁搭地鐵最方便   去到茄子爸爸媽媽都喺屋企   一齊傾下計   玩下 BB   好快又到 8 點半   要走喇   因為要趕番去調景嶺同菜菜仔兩公婆食晚飯喇 ~

食到差唔多 11 點   之後又搭番地鐵番屋企   地鐵遊咁呀   不過估唔到今次兩邊都傾到唔願走   但可惜時間唔夠   下次都係一日約一個朋友就最好   可以盡情 d 呢 ~

Riso Café @ 九龍灣 ( 24-aug-2012 )

( 24-aug-2012 fri )

今朝 8 點半起身   打的番工   次次差唔多 9 點就好多人等車   等咗 10 分鐘先上到車 ~

買腿治 + 咖啡番菇場食   不過都係無胃口   只係飲咗半杯咖啡就夠 lu ~

lunch 食埋朝早份腿治   又瞓唔到   但又好似好攰咁 ~

放工即走喇   里奧大人晏晝喺大陸番黎香港   所以今晚 8 點可以一齊食飯呢 ~

好想食酸嘢   所以又去 Riso Café 食嘢喇   食完再去買嘢比朋友 BB 就番屋企 lu ~

南小館 @ 德福廣場 ( 21-aug-2012 ) + ( 22-aug-2012 ) + ( 23-aug-2012 S/L )

招牌生煎包


蟹粉小籠包

蝦肉紅油抄手

排骨擔擔麵 - 排骨居然未熟   太離譜

( 21-aug-2012 tue )

早餐食麥皮餐   就咁食碗麥皮 + 半杯咖啡已經好飽   所以留番奶醬多做 lunch 食喇 ~

晏晝食奶醬多 + 蝦子麵   食完覺得好脹胃添 ~

里奧大人見客   所以 join 埋我喺德福等   見南小館呢個時間無咩人   所以試下喇 ~ 

食完行陣就番屋企 lu ~

( 22-aug-2012 wed )

今朝瞓到 8 點半   所以搭 van 仔番工   估唔到都好快   買埋早餐先番菇場喇   不過無胃口食   只飲咗咖啡 ~

終於每月一到   個肚輕微唔舒服   所以早餐份奶醬多變為 lunch   食完即瞓   感恩瞓到呢 ~

放工即走   番到屋企沖熱水涼   今日係里奧大人生日   陪唔到佢食飯真可惜   佢 4 點幾見完客食咗個 tea   所以佢番到屋企都話飽 ~

我 7 點幾入房瞓喇   之後 8 點幾醒一醒   里奧大人話餓   買 m 記番屋企食喎   丫   生日仲要自己買 m 記   如果我肚無唔舒服就好啦 ~

( 23-aug-2012 thu  S/L )

尋晚個肚唔舒服   瞓得超差   所以打完番菇場請假就再瞓   瞓到 11 點幾就醒喇 ~

睇完醫生去百佳買龍眼   因為好想食呀   之後再買麥記番屋企食   睇電視又瞓下   醒咗就開機洗衫   好快就 6 點喇 ~ 

無啦啦個肚唔舒服   都唔知係咪食咗龍眼呢 ~

里奧大人今日上廠   不過番香港時塞車   差唔多 9 點先番到屋企   佢買咗源發嘅粉果同水餃麵   但我個肚唔知做咩鬼劇痛呀   咩都食唔落 ~


我次次一痛就沖熱水涼   但唔知做咩鬼   今日明明完全無問題   但夜晚就劇痛同嘔   仲有 d 暈   今次真係最辛苦呀   撞鬼 ~