青紅蘿蔔粟米豬骨湯 + 隔夜炒飯 ( 30-sep-2012 )

( 30-sep-2012 sun )

10 點起身   去 KFC 食早餐   之後同埋里奧大人朋友一齊番教會喇 ~

( 好唔明點解個麵包切口次次都咁肉酸   好似用人手拻開咁樣 )

里奧大人同朋友傾計   所以我約媽咪飲茶   飲完一齊去買餸   之後就各自歸家 lu ~

( 煎堆 )

( 酥炸鯪魚球 )

( 蜆芥醬 )

( 薑蔥牛柏葉 )

( 潮州糯米卷 )

( 山竹牛肉球 )

番到屋企即煲湯   再抹房同書房   搞掂哂就沖涼   熨埋兩機衫就抖下喇 ~

6 點幾飲咗湯先   唔想太夜飲   差唔多 8 點開飯   咁樣都唔錯   不過如果早 d 食飯更好   可以多 d 時間用咁呢 ~  

是日懶餐 - 青紅蘿蔔粟米豬骨湯 + 隔夜炒飯

青紅蘿蔔粟米豬骨湯 - 2 條紅蘿蔔 + 1 條青蘿蔔 + 2 條粟米 + $40 豬骨   今次煲埋只得 3 碗   點解咁架   真係好難預計份量呀 ~  

隔夜炒飯 - 尋晚買咗 pack LockLock 盒就最啱拎飯走啦   佢地又唔食   我又唔想煮   所以我話拎走 d 飯同豬扒   炒番熱就得 ~  

食完就同里奧大人一齊做體操   運動流汗嘅感覺真係好正   喺屋企做運動最好啦   唔駛帶銀包鎖匙   雖然唔係帶氧運動   不過對我黎講無咩所謂   我最緊要係流一身汗嘅啫 ~   

中秋做節 @ 姑奶屋企 ( 大埔 ) ( 29-sep-2011 0.5 A/L )

厚批


薄批


花之戀

壽司拚盤

雞翼

萄國雞

椒鹽豬扒

炒飯

生菜

菜心

( 29-sep-2012 sat )

10 點半自然醒   去大快活食早餐   排隊拎早餐都要 15 分鐘   woo ~





食完番屋企沖涼   抖陣就去 Mega Box 行下   今次都係去咗 H & M 先   好在無收穫   之後就周圍行下喇   去咗玩具反斗城   好細間   不過都預咗   買咗個環保袋就走人 lu ~

經過肇順名匯河鮮專門店   見到大中細點心 5 折好抵咁   所以又入去試下喇   點半坐到 3 點   行去蘇寧再去 Ikea   真係超勁鍾意行 Ikea   次次去都好開心 ~  

見到熱狗餐 $10 好抵   所以又食啦   加多杯雪糕   $2 咋   睇個樣好實淨好味咁   不過係唔太凍囉   慘 ~

食完行埋 Jusco 就坐 shuttle bus 去九龍灣搭巴士去大埔   行咗陣一田就搭的士去姑奶屋企食飯喇 ~

差唔多 10 點就走   同里奧大人 & 兒生仔一齊行落去搭車   感恩去到即有車   更感恩有孖位坐   好快就番到屋企   又係 meme 摩摩   成 12 點幾先瞓   假期真係唔願早瞓呢 ~

金姆指米線 @ 九龍灣 ( 28-sep-2012 )

( 28-sep-2012 fri )

yo ho   終於又 happy friday 喇   聽日又請咗半日假   自制 4 日假期   真係超級開心呀 ~

早餐想食鹹甜嘢   所以食菠蘿包餐喇 ~

菇場靜到烏蠅飛過到聽到   好在   夠精神   唔係肯定瞓得着 ~

lunch time 到咗但唔餓   所以就出去行半個鐘   之後再買燒賣炒米粉番菇場慢慢嘆 ~

爽呀   阿 head 3 點就走人   上下網又好快放工 lu ~

之前團購咗個足浴盤   今晚出旺角拎   去咗烘焙店買依士粉就去拎足浴盤   我好怕搭好景嘅 lift   又慢又細   雖然今次有專用團購嘅 lift   但都等咗 20 分鐘   最搞笑係到我嘅時候   係坐唔係團購專用嘅 lift   咁我即係白等   同埋我估唔到原來團購有幾層咁多呢   仲以為一層添 ~

拎完再去旺中買 2 件外套就走人喇   今晚堅持搭巴士   第一架 full 哂   感恩第 2 架有位坐呢

差唔多 8 點番到屋企   里奧大人打黎話 8 點 15 分走得   由深圳番黎都要個半鐘   好在我又唔餓   等下仲好 ~

超勁想食麻辣米線   所以又金姆指喇   番到屋企都 10 點幾   沖埋涼   meme 摩摩又睇下雜誌   好快又已經 12 點幾 lu   要瞓喇 ~  

住家飯 @ 媽咪屋企 ( 27-sep-2012 )

節瓜燜蠔豉魚肚

棉花雞

香茅黑胡椒蝦


蒸鯧魚

白切雞

馬蹄海蜇皮豬展筋湯

番鬼荔枝

金桃

( 27-sep-2012 thu )

星期四喇   諗到連放 4 日假期就超級勁開心   加上天氣又清涼   心情真係十分之好呢 ~

早餐食多士   真係好多時間剩咁   實在太好喇 ~

無嘢做   上下網又 lunch time   今日有 lunch box   好似好耐無 lunch box 咁 ~  

放工即走喇   去媽咪屋企食飯   又係 8 點半同家姐一齊走   自從同媽咪講咗里奧大人鍾意食木瓜之後   呢兩個星期買咗木瓜比我   每次 4 個   加埋我自己個袋   重到我呢 ~  

里奧大人 8 點放工   喺埋大陸食嘢先番屋企   咁仲好啦   餓過龍仲慘   會變咗唔想食架 ~

今晚 11 點幾就瞓   其實以前我 10 點半就瞓   不過就覺得好似早咗 d   煮完飯洗埋碗沖個涼   好似無哂私人時間咁   依家自己早煮早食   起碼有 3 個鐘頭私人時間   11 點瞓就最好   咁都有 8 個幾鐘瞓呢 ~