2012年10月31日星期三

燒排骨 ( 外賣 ) + 蒜蓉豆豉炒皇帝菜 ( 31-oct-2012 0.5 A/L )




( 31-oct-2012 wed )

嘩   突然凍咗好多呀   呢 d 天氣真係超舒服呢 ~

今朝去另一間餐廳食早餐   其實之前都有去嘅   但覺得唔夠冷氣   係有 d 焗嘅感覺添呀   夏天好辛苦啫   同埋等早餐好耐   試過有次等咗 20 分鐘   又要趕頭趕命咁食   唔想囉   人地明明預咗好多時間食家嘛   咁見今朝又早咗   天氣又凍咗   所以又食番喇   但味道已經無以前咁好味 lu ~



次次 off 都係臨放工前一個鐘先忙   好在搞得掂咋 ~

同媽咪飲茶   之後再去買餸   原來已經 4 點   咁我都番屋企喇 ~


番上屋企放低嘢又要出去拎鞋   超級攰呀   見行開德福   順便去 Piago 買蛋糕比里奧大人   我推車仔啦   第一時間放對鞋落籃   之後再放手袋   咁買咗 2 盒蛋糕就比錢走人   再上樓上睇保溫杯   睇睇下覺得點解好似兩手 fing fing 咁得閒咁   原來我唔記得拎對鞋呀   即飛落收銀處   佢地話啱啱拎咗去客戶中心認領處   嘩   感恩拎得番咋   唔係我唔想 $1300 買 2 盒蛋糕囉   同埋實比里奧大人鬧死都似呀 ~

番到屋企已經 5 點半   抖陣就抹書房   執鞋柜   搞掂哂都差唔多 7 點   煲落飯先   個人太攰真係會唔記得煲飯架 ~ 

里奧大人 8 點幾先放工   又要 9 點開飯   咁我都等埋佢一齊食   反正晏晝都好飽   遲 d 食都無問題 ~ 

是日懶餐 -
燒排骨 ( 外賣 ) + 蒜蓉豆豉炒皇帝菜

燒排骨 ( 外賣 )
- 有新鮮出爐燒排骨   里奧大人好鍾意食   咁媽咪又話靚   所以買咗半斤   懶得煮餸 ~  

蒜蓉豆豉炒皇帝菜 - 喺佳寶見到 $12 / 2斤又抵喎   所以同媽咪 share   之前喺酒樓食過   用蒜蓉豆豉炒好鬼惹味   不過一到我手就惹味程度起碼減半   無計   唔識煮嘢係咁架喇   里奧大人話 d 菜嘅味道好腥臭   好似唐萵菜   其實我以前不嬲最驚唐萵嘅味道   但依家覺得味道好特別   都幾鍾意   年紀大喇   口味都唔同哂 ~  

2012年10月30日星期二

蒜頭豆豉蒸排骨 + 清炒長紹菜 + 粟米蛋花湯 ( 30-oct-2012 )




( 30-oct-2012  tue )

星期二番第一日工真係幾開心   番小一日咁嘛 ~


天陰陰又落雨   感覺都涼咗小小   唔錯唔錯 ~

又唔餓   所以早餐食奶醬多   一路睇報紙一路慢慢 dap ~



菇場唔忙   不過 holiday mood 仍在   勁想聽歌   如果坐角落位就好啦   無人望到做咩   真係想點就點   正呀 ~

Lunch 叮鮑魚麵   之後上下網都好快 1 點半喇   又要開工 ~

放工諗住去大成街街市買餸   不過落雨就唔行喇   同埋屋企好多嘢未做   都係早 d 番去算喇 ~

去超市買排骨同菜   番到屋企醃肉浸菜   開機洗衫   拖地   再熨一機衫   里奧大人 7 點 45 分話放工   咁我都預備煮飯喇 ~ 

是日懶餐 -
蒜頭豆豉蒸排骨 + 清炒長紹菜 + 粟米蛋花湯

蒜頭豆豉蒸排骨
- 好耐無整喇   因為整到好厭   即係食到好厭   不過今餐想蒸嘢   所以先煮呢   送飯都唔錯 ~ 

清炒長紹菜 - $4.8 / 條真係好抵   所以買黎試下   就咁炒咋   估唔到 d 菜都幾甜同埋爽口 ~

粟米蛋花湯 - 自己超想飲   所以即煲黎飲 ~ 

洗埋碗再熨多一機衫   好在係里奧大人 d 裇衫西褲   咁佢就會自己熨番   呢個策略真係非常之好喇 ~

2012年10月29日星期一

稻香超級漁港 @ 德福廣場 ( 29-oct-2012 A/L )

魚腐

雲吞 / 水餃


廣島蠔

雪花丁方


美國肥牛


綠色一籃子

$1 豬骨煲湯底


醬料


( 29-oct-2012 mon )

今日同里奧大人一齊 off   太開心喇   10 點起身去 Delifrance 食早餐   平日同假日真係差好遠   靜好多呢 ~




食完就番屋企   其實無咩地方想去   不過里奧大人話行旺角   因為話平日嘅旺角應該無咁多人喎 ~

坐巴士出旺角   想去弼街附近行下   等落車時聽到有個阿婆同電話中人講依家喺 "粥"街   講咗 2 次都係粥街   但我好奇怪點解無人糾正佢嘅   如果真係有條粥街   咁咪去錯地方囉 ~

見到 85℃   之前睇過報紙介紹話 d 麵包好好食   咁又去睇下   我對包就真係無咩興趣   但見到 d cheese cake 好似好好味   想買番屋企   所以同里奧大人去完聯合廣場買完 2 件外套   之後再去番  85℃   本來諗住買磅鮮奶方包比家姐就走架喇   比我見到原來可以堂食   所以就買件藍莓芝士蛋糕同香芒雪泥試下   不過唔會有下次了   但試咗啖鮮奶方包又 ok 喎   但可惜我對麵包真係無咩興趣   好難吸引我再黎囉 ~

藍莓芝士蛋糕 - 無芝士味   同埋質感唔得結實   唔好食囉 @.@    




香芒雪泥 - 完全無芒味   飲冰水咁 @.@


GF5



食完又去金魚街行下   途經寵物店   d 狗仔真係超級可愛   次次見佢地都好開心   睇夠就去食嘢喇   諗住 2 點幾無咩人   點知都要等一陣   不過 d 卡位好迫   下次應該唔會再黎 ~

蕃茄豬潤通粉



炒蛋 / 餐肉 / 牛油烘多士


雞扎


奶茶

買埋拿破崙同椰撻比家姐   再買埋 2 碗芝麻糊就坐 van 仔番屋企 lu   叫里奧大人諗下今晚食咩   佢話想同我打邊爐   因為之前打唔到   佢呢樣嘢真係幾好   我次次想食但食唔到嘅   佢都會記得   要同我食到為止   咁佢話叫埋家姐   估唔到家姐會黎囉   因為佢尋晚買咗餸嘛   不過佢話超鍾意打邊爐   所以實黎呢 ~

家姐塞車   差唔多 7 點先到   真係邪爆   上次約星期一食飯又係咁 ~

食到 9 點幾   再同家姐睇鞋就各自歸家 lu ~ 

2012年10月28日星期日

Saizeriya ( 薩莉亞意式餐廳 ) @ 將軍澳新都城 ( 28-oct-2012 )

水牛芝士伴蕃茄


帕瑪火腿 x 2


三文魚沙律


洋蔥蒜蓉焗青口


蕃茄吞拿魚意粉


羊鞍焗爐燒

黑椒汁美味雜雞拚盤

黑椒雞肉 Pizza


蒜香法包 x 2

( 28-oct-2012 sun )

同里奧大人 10 點起身   去大家樂食早餐   估唔到見到水草呀姐   佢話個幾月唔見我   以為我搬咗呀 ~


食完就番上屋企抖陣就番教會喇    1 點完畢   去德福行下   感恩又買到 3 對鞋   里奧大人又買到 2 對   買完都 2 點幾 lu ~ 

我想食點心   但唔想去酒樓   所以諗起鴻星有外賣點心   其實可以堂食嘅   不過都係買番屋企食就舒服 d   同埋拎住 2 大袋鞋好阻住囉 ~

潮州粉果


臘腸卷

炸雲吞 / 煎魚餅


山竹牛肉 


馬拉糕


楊枝金露

woo   食完就煲八珍湯   5 點又要出發同媽咪家姐食飯   因為我想去 Saizeriya 食嘢呀 ~

去到都 5 點半   估唔到仲要等 1 張枱   所以次次都寧願早 d 去   如果撞正食飯時間   閒閒地等 1 個鐘   咁又唔係太值得 lu ~  

差唔多 8 點食完   家姐車我地番屋企   早食飯真係好多時間用   實在太好喇 ~