活力餐廳 again @ 九龍灣 ( 31-dec-2012 )

蜜桃京都骨 - 個汁超勁甜 @@

豉椒涼瓜炒牛肉 - 涼瓜唔熟啊 @.@

油菜

( 31-dec-2012  mon )

2012 年最後一日喇   話咁快就一年過咗   woo ~

今朝又瞓到 8 點   依家多數搭快 van 番工   朝早起身真係唔想咁趕呢 ~

早餐食麵餐   好似好耐無食咁呀 ~

菇場無咁忙喇   食完藥眼光光   到 lunch time 食咗幾啖麥皮   諗住瞓   又瞓唔到添 ~

放工即走喇   番到屋企睇下電視   之後瞓咗 15 分鐘   精神好多呀 ~

里奧大人 7 點放工   又出去食喇   真係無心機煮呢 ~

如果大家唔係病   本來諗住出去食飯行街   不過依家大家食完藥都攰   咁就咁近近地食飯算喇 ~

番到屋企抖喇   我瞓到 11 點 50 分   之後同里奧大人一齊倒數   迎接美好 2013 年呢 ~ 

活力餐廳 @ 九龍灣 ( 30-dec-2012 )

鹹魚豆腐雞球煲 - 我覺得勁多茨汁   好恐怖 @.@

南乳羅漢齋 - 好鹹 @.@

油菜

( 30-dec-2012  sun )

咁咳法唔掂   里奧大人都病埋   所以食完早餐一齊去睇醫生呢 ~ 

番到屋企開機洗衫   執下嘢又 2 點   里奧大人話餓   又要去去食 tea   今日真係凍咗好多   寒風刺骨感覺呀 ~  

食完番屋企煲好羅漢果茶就抖陣   里奧大人又瞓   我諗住睇下電視   不過最後都瞓埋   瞓咗 1 個鐘 ~

今次醫生開重藥   所以個人特別呆滯   本來想煮飯都唔煮喇 ~

執埋雜物柜就搞掂哂   之前買埋買埋就咁放入柜   亂哂籠咁真係頂唔順   依家整整齊齊就最開心   拎嘢都方便 d 啦 ~

7 點出去食飯   諗住過德福行   不過太凍喇   都係番屋企休息好 d ~

別府 @ 九龍灣 ( 29-dec-2012 )

胡麻地雞大根沙律

九洲拉麵

吞拿魚壽司 / 三文魚壽司

燒麵豉飯團

( 29-dec-2012  sat )

又咳到瞓唔到   好在今日番半日啫 ~

食完早餐   飲埋咖啡都覺得好攰 ~

菇場忙到 10 點幾   之後就 hea 過   仲更加眼瞓 ~

1 點即走   同里奧大人一齊坐 van 仔去 Mega Box   又去肇順河鮮飲茶   本來想試另一間   不過我好餓   唔想搵呀 ~

紅油抄手

綠茶芋蓉餅

雪山叉燒餐包

蜜汁叉燒腸

陳皮牛肉球

薑蔥牛柏葉

原來有地下魚缸架   不過太多枱遮住哂囉

差唔多 3 點走人   行下 Jusco   買咗個 Thermos 真空杯 Gift Set 比媽咪   之後拎埋 Creait Card 就坐 shuttle bus 去德福  行咗陣就番屋企 lu ~

里奧大人番屋企瞓陣先   我就去街市買生果喇 ~

真係好慶幸去完旅行之後果幾日洗哂 d 衫   執好哂嘢   唔係 d 嘢仲會喺廳到周圍擺   之前想換季好耐   不過又好似唔太凍咁   所以唔換住   點知里奧大人瞓醒之後話難得佢有時間   所以換季喇   雖然好似就咁 pack 入柜   但我會再摺多次   放得整整齊齊咁先得架 ~ 

搞掂 咗一大半都 7 點   要去開餐喇   想食熱嘢   又去番別府呢 ~

行一陣商場就番屋企   差唔多 9 點幾終於搞掂哂   即沖涼休息喇 ~

新斗記 @ 佐敦 ( 28-dec-2012 )

乳豬 ( 半隻 ) - 本來想叫 1 隻   諗諗下都係唔好   太多喇   塊皮脆卜卜超好味   佢地話 d 肉都好味添呀   不過我無食到呢

生炒骨 - 好乾身   超正

啫啫生菜煲 - 個煲就大   加埋都唔知有無 1 個唐生菜添呀

冬菇燜鵝掌 - 冬菇好厚身   鵝掌好大隻   但我好驚食太大隻嘅鵝掌呢

炒麵 - 無咩特別

海蜇 ( 免費 ) - 一般咁啦

花生 / 蕎頭 - 呢兩樣好味呀

( 28-dec-2012  fri )

嘩   真係咳到無命   咳到自己無覺好瞓   里奧大人就更慘啦   今朝仲要早起身上大陸添 ~

今朝搭地鐵   好在上到 shuttle bus   坐多兩個人就 full 哂   即開車   正呀 ~

早餐終於可以食扒芝腿治喇   超開心 ~

菇場超忙呀   所以好快到 lunch time   拿拿聲食完 lunch box 就要去過入數呀   病咗成個星期   居然唔記得交租   好在遲咗 2 日咋 ~

過完數再入票   去埋萬寧買埋洗頭水就番菇場喇 ~

忙到 4 點幾終於搞掂   上下網都好快放工 lu ~

今晚約咗家姐同糟糟兩姐妹去新斗記食飯   不過得 6 點同 8 點   所以就 book  6 點喇 ~

諗住請糟糟食生日飯   點知變咗家姐請添   我地食完都差唔多 8 點   再去永安買嘢   之後糟糟車我地番屋企   快好多呢 ~

番到屋企即開機洗衫   抹柜再拖地   做到成身汗   本來應承里奧大人煮麵佢食   不過最後太攰   佢話自己食埋嘢先番屋企   番到黎都 10 點幾   我又未眼瞓   到 12 點幾都未眼瞓   先醒起頭先食飯飲咗幾杯茶   唉 ~  

糟糟送比我嘅朱古力 ^^

住家飯 @ 媽咪屋企 ( 27-dec-2012 )

節瓜燜豆卜

蒸龍躉仔

糖醋骨

豉油雞 / 叉燒 ( 外賣 )

炒白菜

百合生魚湯

( 27-dec-2012  thu )

又要番工喇   連放幾日假   起身番工有難度呢 ~

今朝都係瞓到 8 點   沖哂涼都仲係眼光光咁   食完藥個人真係呆滯 d 咁架   真係行步路都慢過人咁囉 ~

坐快 van 番工   短短車程都好想瞓呀 ~

想食扒芝腿治   阿姐又唔比   所以食奶醬多囉   不過食咗半件覺得無胃口   留番一半做 lunch 呢 ~



菇場忙   所以好快就 12 點   lunch time 抖陣食埋半件奶醬多   諗住瞓又瞓唔到   咁 load 相就最好喇 ~

里奧大人唔駛上大陸   不過會夜番   我又番媽咪屋企食飯 lu ~

8 點半同家姐一齊走   里奧大人都同我差唔多時間番到屋企   咁都好   唔算太夜 ~

開機洗衫就沖涼   之後再熨一機衫   雖然攰   但又覺得郁下舒服 d 咁囉 ~

牛肉飯 + 鳳爪排骨飯 @ 屋企 ( 外賣 ) ( 26-dec-2012 )

( 26-dec-2012  wed )

尋晚我咳到呢   嘈到里奧大人瞓唔着   佢喺廳睇電視到 3 點幾先瞓呀   之後我都係咁咳   我去完廁所   佢瞓到剧剧聲   之後我喺廳瞓   唔想嘈住佢呀 ~

瞓到好似 5 點幾   里奧大人醒咗   叫我入番房瞓呢 ~

嘩   我瞓到 12 點呀   唔係家姐打黎   我仲繼續瞓   不過醒咗就唔瞓喇   陪里奧大人落街食嘢   佢 10 點半已經醒咗   見我瞓得咁淋就唔叫醒我喎   所以佢應該好餓定啦 ~

食完去德福行陣就番屋企喇   個肚有小小唔舒服   所以灘喺梳化睇電視就最舒服 ~

懶到唔想出去食嘢呀   叫里奧大人去鴻點買點心   不過無嘢啱食   又去番大家樂買 tea 喇 ~

hea 下瞓下又 8 點幾   勁想食牛肉飯   所以叫里奧大人去叙苑買外賣呢   唉   呢幾日真係食外賣食到驚   但又真係無辦法   真係好唔想出街   2 日假期咁就過完 lu ~