2013年2月28日星期四

元綠壽司 @ 旺角 ( 28-FEB-2013 )


燒明太子雞翼 

日式煎雞軟骨餃子


豆腐皮壽司


三文魚籽壽司



鮮帶子壽司

燒玉子壽司


迷你加洲反卷


 皇帝蟹捧壽司

鰻魚壽司

北寄貝壽司

榮螺壽司

甘蝦壽司


魷魚鬚壽司

三文魚壽司


味僧湯

( 28-FEB-2013  THU )

話咁快 2 月又過哂 lu   不過 2月又真係過得好快嘅   新年放下假   又得 28 日   如果個個月都係得 28 日都唔錯 ~

又食奶油多喇   其實如果 lunch 食飯或者麵   早餐多數食齋包   唔想咁滯呀 ~


呢排天氣勁潮濕   所以買咗支雞骨草   勁利尿呀   去廁所去到腳軟 ~

今日有 Lunch Box   真係好耐無帶過 Lunch Box 咁呀   原來我 2 月只係煮過 2 餐飯咋   好在新年食咗幾餐住家飯   有啖湯飲下   年紀大真係覺得湯水好緊要呢 ~

喉嚨有 d 唔舒服   但唔理喇   要同自己講身體健康   身體健康   身體健康 ~

里奧大人上大陸   我就約咗家姐去元綠喇   其實上年係去新都城果間架   近大家嘛   不過上次去新都城   無咗元綠啦   所以揀去旺角囉 ~  

我買完低粉就去元綠喇   落毛毛雨好鬼凍呀   好在家姐差唔多 6 點 45 分到   因為我勁肚餓呀 ~  

我有 $100 cash copon   同家姐計錯數呀   因為我地食 $5 / 碟迴轉壽司   又加 d 正價壽司   計埋 coupon 同又元綠卡 88 折   所以埋咗單之後   個經理話唔夠 min   又要再食   終於食夠數喇   8 點 45 分可以埋單走人 ~

無啦啦好凍呀   家姐又係咁話好凍   之後我叫佢唔好講   佢話咩都唔準人講   肚餓又唔比人講肚餓   嘩哈哈   我係架   因為越講越會諗嘛 ~ 

同家姐一齊坐巴士   佢就喺九龍城再轉車   之後打黎同我講   攝咗 $200 喺我細袋   丫   係都要請我食 ~   


差唔多番到屋企嘅時候   估唔到里奧大人打黎話啱啱番到屋企   好難得早過我喎 ~

2013年2月27日星期三

茄汁洋蔥豬扒 + 紹菜 + 髮菜蠔豉乾瑤柱雞腳湯 ( 27-FEB-2013 )



( 27-FEB-2013  WED )

woo   又係潮濕天氣   個天又灰灰暗暗   心情無咩影響   只不過係個人好攰咁囉 ~

今朝去到 van 仔站即有車   6 分鐘就到餐廳附近   所以今朝去另一間食早餐   難得無咩人   其實之前食過架喇   咖啡好飲   不過我唔太鍾意長高櫈    但突然好想食碎蛋吞拿魚治   所以就去呢間喇 ~




菇場靜 lu   一粒聲都無呀 ~

今日去龍皇酒家食 Farewell Lunch   因為 Account Manager 唔做喇   做咗起碼 7 年都唔做   真係估唔到呢 ~

放工即走喇   懶得去街市   所以去超市買餸 ~

番到屋企浸菜醃豬扒   之後開機洗衫   里奧大人 7 點半先放工   所以我自己食先 lu ~ 

是日晚餐 - 茄汁洋蔥豬扒 + 紹菜 + 髮菜蠔豉乾瑤柱雞腳湯

茄汁洋蔥豬扒
- 尋晚家姐話整茄汁豬扒   咁我都跟啦   懶得諗   同埋屋企仲有 3 個洋蔥   係時候要食埋去喇   今次求其整 d 汁   估唔到里奧大人話好好食   我好開心架   因為我想佢食哂我煮嘅餸嘛 ~  

紹菜 - $6.9 一大條   就咁加薑同雞粉淥咋   最緊要方便 ~

髮菜蠔豉乾瑤柱雞腳湯 - 媽咪煲架   食埋渣都飽   仲驚唔夠飽   所以煮個菜   之得唔煮個菜啦 ~ 

等埋里奧大人食完飯   洗埋碗就沖涼喇   之後再熨衫   最怕潮濕天氣   因為開冷氣又凍   開哂窗又無風   熨到我出汗   所以叫里奧大人自己熨佢 d 褲   我唔想再沖多次涼呀 ~

2013年2月26日星期二

和民居食屋 @ 九龍灣 ( 26-FEB-2013 )

札幌海鮮拉麵沙律 - 媽咪見到就話要撈起   食過撈生   果然見嘢就撈呀下  ^^  


家姐最鍾意嘅沙律汁


 天婦羅盛合 - 麻麻地


黑椒糖脆雞翼 - 柚子蜜糖 + 黑胡椒   甜甜辣辣唔錯   仲要係單骨   食落好方便呢  



和民拉麵 ( 照燒雞 / 叉燒 ) - 必食   但無以前咁好味 lu



和民拉麵 ( 豬骨湯 ) - 里奧大人獨享   因為佢生痱滋   唔食炸嘢同辣嘢喎

鐵板燒一口餃子 - 兩個字 " 唔掂 "

脆脆炸薯條 - 好味   不過份量好小 @.@

得一半咋 @.@


枝豆 ( 熱 ) - 媽咪要熱食   oh   滑潺潺咁   下次凍食好 d  

紫薯雲厘拿奶昔 - 好香蕃薯味   好飲

( 26-FEB-2013  TUE )

今日係我同媽咪嘅舊曆生日   好難得係同一日呢   所以覺得今年好特別咁呀 ~

祝自己同媽咪生日大快樂   身體超健康   日日都開開心心   咁樣已經好足夠架喇 ~

早餐食沙爹牛肉炒蛋長壽公仔麵   平日好小食麵   所以覺得好飽   但假期嘅早餐食麵又 ok 架   瞓多 2 個鐘   真係唔同 d 喎 ~


菇場靜 lu   呢排天氣潮濕   個人有 d 攰 ~ 

Lunch 出去食   知足常樂也   呢間係舊式粥舖   依家好難搵架喇   好有舊時嘅味道呢   所以食得好開心呀 ~

艇仔粥 + 炸兩

woo   今晚同媽咪 家姐 里奧大人一齊去和民食生日飯呀   媽咪同工人 6 點左右已經到咗和民   媽咪又煲咗湯比我   所以我番上屋企拎盒就即去和民 lu ~

家姐 6 點 45 分到   感恩里奧大人 7 點 10 分都到埋   因為無預佢今晚會到嘛   公司咁多嘢做   所以我又好開心呢 ~

食完差唔多 8 點半喇   媽咪同工人就番屋企   咁我叫家姐一定要上黎我屋企   幫手食蛋糕呀   佢食咗半個   勁呀 ~

佢打埋機   10 點先走   我睇多陣電視   11 點就瞓喇   呢 d 潮濕天氣   成日瞓唔夠咁   所以都係早 d 瞓好 d ~

2013年2月25日星期一

Green Monday 豆豉炒甜豆秀珍菇 + 菜心 + 芫茜馬蹄皮蛋湯 ( 25-FEB-2013 )


朱古力蛋糕 @ Italian Tomato

超勁多 cream @.@   不過好滑   都唔錯 ^^  



( 25-FEB-2013  MON )

丫   估唔到尋日晏晝 3 點幾飲完杯凍咖啡之後就超級精神   所以唔係喺眼瞓情況下瞓覺   係會瞓得唔好呢   今日仲係星期一添 ~

今日係 Green Monday   希望我可以維持落去啦 ~

早餐食奶油多   多士真係無咩好選擇 ~ 


番到菇場都有 d 嘢做   想抖嘅時候又有嘢做咁囉    不過居然有眼瞓嘅感覺   因為我好耐都無試過咁呢 ~

lunch 買炒米粉   平時多辣油又唔覺辣   今次多辣油   食到個胃有 d 痛添   太耐無食辣喇 ~


又係做下抖下   但無啦啦 3 點幾有 d 餓添   好在有朱古力頂住 ~  

放工即走喇   去街市買餸   好耐無買餸喇   即代表好耐無煮飯   里奧大人真陰公呢 ~

諗住煮菜呀豆呀呢 d 唔駛咁多時間   但浸呀出水呀都用咗唔小時間   搞掂哂再開機洗衫   好攰呀 ~  

是日懶餐 - 豆豉炒甜豆秀珍菇 + 菜心 + 芫茜馬蹄皮蛋湯

豆豉炒甜豆秀珍菇
- 我覺得豆同菇就咁用蒜頭炒好齋咁   所以加 d 豆豉醬同辣豆板醬一齊炒   惹味好多   最緊要里奧大人肯食   因為我都想盡量唔好食咁多肉呢 ~

菜心 - 菜檔趕住收檔   所以 $9 / 斤減到 $7 / 份   超抵   不過唔甜 ~

芫茜馬蹄皮蛋湯 - 里奧大人話尋晚打完邊爐   喉嚨有 d 唔舒服   咁我即做嘢啦   呢個湯夠哂清熱氣架 ~

諗住自己食飯先   點知里奧大人 7 點半打黎話放工   咁我就等埋佢一齊食啦   見佢拎住個 Italian Tomato 盒   即係買咗生日蛋糕比我   算佢啦 ~

搞掂哂就即沖涼喇   之後里奧大人去沖涼啦   拎個手提入廁所   仲鎖埋門   唔知搞咩 ~

到 10 點半喇   見佢無表示   咁我就話我刷牙喇   原來佢已經拎咗臘燭入廚房   捧住個生日蛋糕   再播埋生日歌   原來頭先佢拎電話入廁所係 download 生日歌   真係估唔到佢有心思   百年難得一見   佢話驚聽日正日陪唔到我食生日飯   所以今晚同我提早慶祝呢   好感動呀 ~




2013年2月24日星期日

德興火鍋.海景軒 @ Mega Box ( 24-FEB-2013 )

頸脊肥牛肉

牛展

牛坑腩 - 賣相好似 d 湯渣咁樣   但其實好味道架   好林呢


羊肉片


黑豚肉卷



脆鯇魚片 - cc 老公話有泥味喎   好在我無食   呵呵


手打蝦丸 / 手打麻辣牛丸 

豬潤
 


花枝片


墨魚滑


帶子片 - 刀功非常之好   薄到飛得起呀


手唧魚蓉麵 - 口感唔得囉

菜肉雲吞 - 口感唔得   一 pat 嘢咁囉 @.@ 


牛柏葉

黑柏葉 - cc 老公話好似咬緊布碎   係都要我試   但又真係幾似噃   哈


薑汁炸魚片頭


獅子狗


芝士腸 - 唔駛錢咁   無諗過 1 碟咁多條囉


鮮海帶扎


鮮木耳

白菜苗

塘萵菜


粟米

炸魚皮 - 唔夠脆


鴛鴦湯底 ( 沙爹 / 清湯 ) - 無厘味道的 @.@


調味架 ( $9 / 位 )



( 24-FEB-2013  SUN )

今朝 9 點半起身   梳洗之後就去食早餐呢 ~


鐘點又黎幫手   我同里奧大人抖陣就番教會 lu ~

里奧大人朋友番教會   之後佢地一齊食飯傾計   咁我又未餓   自己番屋企休息算喇 ~

估唔到里奧大人 3 點就傾完   所以叫佢陪我食 tea 呢 ~


今晚約咗 cc 兩公婆去 Mega Box 得興打邊爐   難得里奧大人又唔駛做公司嘢   咁 5 點就出發 lu ~

行下行下都差唔多 6 點   cc 打黎話一齊去同 Mickey 影相   好耐無咁樣影相   好在唔多人啫 ~

Book 咗 6 點半   任食 2 個鐘   傾下食下   估唔到佢地又鍾意影相   所以又計劃下一齊去旅行   如果成事就好喇   唔驚唔覺已經 9 點半   要走人啦   今餐 cc 佢地係都要請我地呀   話生日飯   咁好啦   下次就輪到我地請番   每人一次最好   可以多 d 機會見面 ~

佢地坐 van 仔番屋企   我同里奧大人梗係坐 shuttle bus 番屋企啦   免費喎 ~

唉   3 點幾飲咗杯凍咖啡   其實無睡意   不過 12 點幾無可能唔瞓啦 ~