2013年3月31日星期日

潮樓 @ 旺角 ( 31-MAR-2013 )

滷水鵝片 ( 例牌 ) - 呢度 $80 一碟   同標記差唔多價錢   但環境服務味道就潮樓好好多啦   標記坐得唔舒服   但都要加一服務費啊


玉蘭菜甫炒飯 - 表弟都鍾意食炒飯   呢個炒飯好味呀   好乾身   我炒到咁好食嘅話   里奧大人必定開心到流眼淚呀


海皇冬瓜盅 - $68 咋   4 個人食都食唔哂



鮑魚肉碎粥 - 表弟婦食架   我地無食   佢要食清清地呢  

鹹酸菜 - ok 架   因為我地其實未餓   食呢 d 等自己開胃 d   哈


功夫茶 - 表弟婦每次飲茶   都會問係咩茶   好似好鍾意飲茶咁噃   呢度茶比較難解釋   哈

( 31-MAR-2013  SUN )

加拿大嘅表弟同表弟婦前晚到咗香港   所以今朝同埋姑姐姑丈一齊過黎媽咪屋企附近飲茶   約咗 10 點   所以我地要 9 點鐘起身梳洗   家姐仲勁   9 點 20 分已經到咗酒樓 ~

姑姐佢地差唔多 10 點先到   依家好好多喇   以前佢地成日約 9 點到酒樓   難得假期   真係想瞓耐 d 家嘛 ~



嘩   好在里奧大人喺度咋   我都唔知原來表弟婦係智利人   表弟中文又唔得    不過識聽唔識講   都算勁架喇 ~

全程由里奧大人做親善大使啦    見佢地傾得十分之開心   未停過   咁都好   原來佢地係 honeymoon   首站係香港 1 星期   之後去越南 2 星期   最後去夏威夷 1 星期就番加拿大 lu ~

食完就上媽咪屋企坐喇   又文化交流下咁啦   我真係勁羨慕外國 d 生活架   唔係成日都做做做   星期日真係休息唔做嘢架   咁之後傾到里奧大人大陸 office d 人   佢話佢地食完就會有半個鐘瞓覺   表弟婦問佢係點瞓   好難想像呀   咁里奧大人話全公司會燜哂燈   之後 d 人就會拎 pillow 放喺枱就瞓架喇   表弟婦覺得好 funny ~

差唔多 2 點幾   姑姐姑丈想帶佢地去志蓮靜苑   之後再由大表哥帶佢地上山頂   但落雨濕濕   去山頂真係無咩嘢睇到   咁本來里奧大人想約 3 家姐嘅   但 3 家姐又唔得閒   所以里奧大人就做表弟嘅 tour guide 喇 ~

坐的士去志蓮靜苑   行完之後   表弟話想去九龍城寨   不過我同里奧大人都唔識   但表弟話有 map   到番轉頭我地要跟佢去呀   呵呵   不過 d 雨都開始大喇   所以去荷里活廣場食嘢先   再諗諗去邊 ~

去越棧食 tea   再周圍行   帶佢地去 Uniqlo 同 H & M   去到 H & M 排隊比錢嘅時候   有個女仔望住我   我又望住佢   佢同我笑   其實果下我好驚   因為心諗無啦啦做咩同我笑   但我又覺得佢好熟面口   以為係里奧大人個 frd   之後我再冷靜 d 諗一諗   原來係我同事黎架   佢唔化妝個樣   我完全認唔到呢   真係好邪   上次我放假喺九龍灣又見到佢   今次放假去鑽石山又見到佢 ~  

香茅豬扒越式湯濛 - 都幾多豬扒   碎上就最好啦   成塊咬好麻煩

意式紅豆奶茶 / 綠茶咖啡 - 個 menu 影杯綠茶咖啡好靚   好有層次架   原來真實係落色素 @.@

最後同佢地去女人街   夠哂 local 喇啩   不過來來去去都買果 d   佢地無咩興趣   之後再去波鞋街   佢地話美國仲平 ~  

本來諗住去九龍城食泰菜   但佢地無車番屋企   所以最後決定去潮樓   因為有得 book 位   如果無都唔知去邊食好   無理由帶佢地食西餐嘛 ~

又係食   不過表弟婦腸胃唔係咁好   所以食好小嘢   同埋要食清 d 嘅嘢   咁又係   旅行最驚水土不服   都係小心 d 好呢 ~

差唔多 9 點就走喇   送佢地到地鐵站   之後我地就坐 van 仔番屋企喇 ~  

今日好鬼攰呀   番到屋企即沖涼   好在可以休息埋聽日呢 ~   

2013年3月30日星期六

Pizza Bird 脆意雞 ( 外賣 ) @ 屋企 ( 30-MAR-2013 )

黑松露蒜香雞柳意粉


海鮮闊條麵


環遊世界 ( 薄批 )

( 30-MAR-2013  SAT )

今朝約咗媽咪同家姐去稻香飲茶   所以我 9 點 10 分起身沖涼洗頭就落去稻香攞位   估唔到里奧大人都醒埋   因為我諗住佢瞓到好晏   打包點心比佢食算呢 ~

要搭枱呀   唔係唔知要等幾耐   都唔想嘥時間等囉 ~

媽咪同工人到咗先   之後就到里奧大人同家姐呢   飲到差唔多 12 點   里奧大人同媽咪上屋企先   我就同家姐去美心拎蛋糕喇 ~

鮮蝦腐皮卷



翡翠叉燒腸


鴛鴦雙潮

川汁抄手

鮮蝦炸雲吞


豉汁蒸鳳爪


鹹肉糭


黃金銀絲卷


香煎地瓜餅

抖陣就開始打牌喇   3 點食 tea   咁我就煲埋中藥   之後再打 ~  


打到 8 點開餐   之前諗住同媽咪去鴻星   但估唔到媽咪話想食 pizza   咁仲好   因為我真係麻麻地中菜呢 ~


9 點幾佢地都走喇   仲落緊毛毛雨   所以叫里奧大人幫手送媽咪佢地搭的士   咁我就執嘢喇 ~

難得假期   里奧大人又 relax 喇   咁都好   幾驚又話要做公司嘢呀 ~

2013年3月29日星期五

太興 @ 九龍灣 ( 29-MAR-2013 )

魚香茄子肉鬆煲 - 好惹味呀   送飯一流


回味菠蘿咕嚕肉 - 我覺得好似豬頸肉咁呀


青檸柑梅冰 - 好甜 @.@

( 29-MAR-2013  FRI )

嘩   超勁開心呀   連續 4 日假期終於開始喇 ~

瞓到 10 點半   今朝去麻酸樂食早餐   坐得好舒服同埋好靜   唔知係咪因為好多人去哂旅行呢 ~


特級炸醬米線 - 見到 menu 有隻辣椒   仲以為辣   原來係甜嘅   配米線好怪呀 @.@



腸仔煎蛋配牛角酥 - 凍冰冰嘅牛角包   唔係牛角酥 @.@


午餐肉椒醬粒粒公仔麵 - 無特別


咖啡 - 好飲

食完就番屋企抖陣   呢排個人真係好攰咁   完全無動力做家務呀 ~  

抖到 1 點半就去牛頭角睇中醫   睇完都 2 點半喇   之後 join 埋里奧大人喺屋企樓下等   諗唔到食咩   又去金姆指 lu ~


里奧大人繼續做公司嘢   我就灘抖   家姐同事比咗太興 $40 cash coupon 比家姐   佢唔要就比我   所以今晚去太興食飯喇 ~

woo   里奧大人終於可以 relax 喇   睇埋戲都成 12 點幾先瞓   假期真係好唔想咁早瞓呢 ~

2013年3月28日星期四

住家飯 @ 媽咪屋企 ( 28-MAR-2013 )

鴨舌


冬菇蠔豉燜雞翼


龍躉仔


炒椰菜花


紅蘿蔔粟米栗子豬筒骨湯


炸腰果


幫家姐買嘅牙膏   買一送一   抵呀

( 28-MAR-2013  THU )

YOHOHO   番埋今日就連放 4 日假   心情真係超級特別好呀    如果唔係潮濕天氣就更加好添呀 ~

好餓呀   所以食麵餐   之後 8 卦打黎   又一齊食喇 ~


菇場又無嘢做   即係唔駛郁   所以好鬼凍呀   隻手僵硬哂   真係打 keyboard 都辛苦呢 ~

lunch time 未餓   但就唔買嘢食喇   食埋前日買嘅朱古力蛋糕就算喇   唔想嘥嘢 ~

里奧大人今日見客   見完之後就大把嘢要 follow up   都好遲番屋企   咁我都番媽咪屋企食飯 lu ~

放工先黎落大雨   去到巴士站即有車   但都差唔多半個鐘先去到牛頭角呀   拎完中藥就即刻去媽咪屋企喇 ~

家姐又係超勁塞車   差唔多 8 點先開飯   好在聽日唔駛番工啫   可以坐耐 d ~  

9 點幾就喇   里奧大人就 10 點幾先番到屋企   食個杯麵當晚餐   真係慘 ~

2013年3月27日星期三

香港仔魚蛋粉 @ 旺角 ( 27-MAR-2013 )


( 27-MAR-2013  WED )

呢兩晚唔知係咪夜晚飲咗葡萄適   瞓唔着呀   真係慘 ~

今朝好凍咁噃   着厚抓毛衫 + 毛毛 boots 咁就啱啱好喇 ~

早餐食芝腿治烘底   食咗一半唔想食   不過又唔想拎走   所以食埋去啦   好鬼飽呀 ~  


菇場靜啦   但好在又唔眼瞓喎 ~  

1 點有 d 餓   就咁叮個蝦子麵就算喇   懶得落去買嘢食 ~   



差唔多放工   admin 同事叫所有同事去 show room   原來老闆同阿 head 要同個仔番美國讀書   所以要離開公司呀   唉   好唔捨得添 ~

今晚放工去旺角睇醫師   我話個肚仲有 d 赤赤痛   佢即開杯茶比我飲   飲完真係舒服好多   同埋好肚餓呀 ~

諗住食餃子   附近又無   所以去香港仔魚蛋粉食牛什河   湯底好鬼鹹   鹹到有 d 苦   驚驚呀 ~

食嘢之前見到架 full 哂嘅 2A   所以諗住食完就坐 13D 番屋企   點知去到巴士站   離遠見到有架無咩人坐嘅 2A   即跑番去 2A 站呀   感恩感恩可以坐到呢 ~

番到屋企開機洗衫   之後就沖涼喇   體力仲未回復最佳狀態   所以都係抖下算喇 ~

里奧大人慘啦   8 點喺大陸幫同事拎辦番香港 office   所以差唔多 10 點半先番到屋企   食埋個豬柳蛋漢堡   再預備埋聽日開會資料先沖涼   丫   好在之後有幾日假期   佢可以好好休息   我又可以正正經經煮餐飯佢食喇 ~

2013年3月23日星期六

( 23-MAR-2013 to 26-MAR-2013 )

( 23-MAR-2013  SAT )

今朝同 8 卦食早餐   不過我唔識去間茶餐廳   所以佢喺 van 仔站等我   再帶我去呢 ~


阿 head 無番   後面同事又無番   超級勁 free   不過我有嘢做啦   好在 11 點做完   有 2 個鐘頭抖下都唔錯 ~

唔怪得咁攰啦   終於每月一到   感恩都 ok   所以放工同里奧大人坐 van 仔去 Mega Box 飲茶喇 ~

原來好多酒樓都 5 折   咁都好多選擇   今次去試另一間 ~

前菜 - 有牛展粒


金脆帶子卷 - 一般   我覺得帶苦味 @.@



韭黃鮮蝦腸粉 - 都幾大隻蝦架


甜酸炸雲吞 - ok 啦   我到目前為止   都係覺得鴻星好食 d ^^


蛋黃千層糕 - 超級正呀   呢個千層糕真係兒時回憶黎架   依家好小有酒樓做呢   所以見到即叫喇 ^^


蜜汁叉燒包 - ok 呀   因為我突然間好想食包 ^^

食完又行一陣喇   之後坐 shuttle bus 番屋企 ~ 

唉   6 點沖完涼   個肚開始黎料   要瞓喇   之後 8 點幾醒咗   煲番熱 d 紅豆黑糯米比里奧大人食   媽咪尋日煲架   我又唔食得   所以迫里奧大人一定要食呢   整完之後我又瞓番 lu ~ 

( 24-MAR-2013  SUN )

woo   個肚都仲痛呀   所以就係咁瞓係咁瞓   瞓到 5 點幾先想起身呀 ~

出廳睇電視   8 點又入房瞓番 lu ~


( 25-MAR-2013  MON )


丫   個肚仲痛   所以都係請病假   喺屋企瞓番夠本呀 ~

瞓到 5 點   起身去睇醫生   之後番屋企沖熱水涼再食藥   d 藥令到我超級眼瞓   但唔知係咪瞓得太多   又瞓唔到喎 ~

里奧大人 7 點半喺大陸走喇   所以差唔多 9 點番到屋企   叫佢買隻茶葉蛋比我食   飽肚又方便   再食多半個杯麵   食完抖陣又瞓 lu ~

Big Cup 合味道杯麵 - 超難食架   無味道嘅   下次買番正常 size 算喇 @.@


( 26-MAR-2013  TUE )

要番工喇   個肚都有 d 唔舒服   但都 ok ~

無啦啦又好凍呀   我又攰   所以都係打的番菇場喇 ~

食埋早餐先番菇場   之後又忙   因為做番尋日應該做嘅嘢 ~


lunch 食朱古力蛋糕咋   乾爭爭   不過真係無嘢想食   旨在有 d 嘢落肚囉 ~

又忙喇   好在好快搞掂   可以抖下喇 ~

放工超大雨呀   去完海皇買皮蛋艇仔粥就番屋企   沖完熱水涼就食碗熱粥   成身暖哂呢 ~

里奧大人差唔多 8 點先喺大陸放工   咁我 9 點幾又好似有 d 餓   所以又叫佢買隻茶葉蛋比我食   食完真係夠哂飽喇 ~