芝士蒜蓉包
南瓜湯
雜菜湯
凱撒沙律
特級煙三文魚露筍蘑菇天使麵 (配蘑菇汁) - 無味 同埋 d 天使麵好乾 @.@
南瓜湯
雜菜湯
特級煙三文魚露筍蘑菇天使麵 (配蘑菇汁) - 無味 同埋 d 天使麵好乾 @.@
大蝦帶子露筍扁意粉 (配龍蝦汁 ) - 材料都幾多 可惜又係無味道嘅 @@
抹茶特飲
朱古力雪糕 - 溶哂咁嘅 -.-
( 29-JUN-2013 SAT )
今朝約咗 8 卦食早餐 佢居然早過我到餐廳 佢三扒兩撥就食哂碗雞扒腸仔麵 但我果碗麵仲未黎架喎 不過咁都好 我食唔哂餐肉同麵 可以比埋佢 佢一定食 因為佢唔會嘥嘢 如果里奧大人呢方面似佢就好喇 ~
菇場靜啦 無啦啦心情勁低落 見到同事 d 衰樣就得我憎 都唔明點解佢可以成日黑口黑面 樣已經衰架啦 加埋黑口黑面個樣仲衰 ~
放工即走啦 見到里奧大人就最開心架喇 ~
佢話好天 想入大澳 所以坐 E22 去東涌 咁都差唔多 1 個鐘先入到東涌 都已經 2 點半 所以食埋 lunch 先入去 呢間好似叫聚龍燒味餐廳 諗住叫燒味無蝕底啦 點知原來唔好食嘅 ~
食完就去 Outlet 果邊洗手間 經過噴水池 里奧大人就話自己影下相等我 咁我去埋 Taste 買糖 因為勁想食甜嘢呀 之後佢打黎問我喺邊 以為我蕩失路 唔係呀嘛 我自己一個人行多數會認路架噃 ~
去坐 11 號巴士入大澳 曝曬之下等咗 20 分鐘 幾驚中暑呀 ~
( 等車入大澳時 已經差唔多 4 點 lu )
唉 架車 chok 到呢 最慘係落斜嘛 chok 到好似就黎想炒車咁 搞到我有 d 頭暈作嘔 ~
入到大澳已經 4 點幾 好小咁晏入到去 不過好多小食都無咗 真係好在無留肚食嘢咋 唔係餓暈都似 ~
( 我覺得舊雲好似一隻跑緊嘅獅子呀 )
( 龍舟賽完咗就拆嘢 lu )
太熱喇 第一時間買咗支冰涷山楂茶黎飲 我真係無咩心機行 里奧大人見我件衫濕哂 所以叫我去公園坐咗陣 咁真係舒服咗 d 咁啦 ~
( 曬到呢 @@ )
( 都幾多人入大澳 )
( 覺得有 d 似馬六甲 )
( 呢幅牆前面有張長木椅 里奧大人咁啱要整一整部相機 我都承機坐下 實在太熱喇 )
行呀行 但無乜點影 因為真係好熱好熱好熱 ~
( 影完呢張就 mou 低起身見頭暈 @@ )
( 可想而知條河係幾污糟呢 )
( 去到呢度 我真係開始有 d 暈 對眼好似 focus 唔到咁 所以唔再行入去影喇 ~~~~ )
講完頭暈之後 嚇到里奧大人即刻搵地方坐 最慘好多食店都無冷氣 無風又焗喎 感恩記得之前一落車有間食豆腐花嘅舖頭 d 冷氣係最夠凍 所以即訂去喇 ~
( 真係屋黎架 @.@ 點解唔油下去呀 )
( 大澳有好幾間豆腐花店 我間間都伸隻手入去 feel 下冷氣凍唔凍先入 )
食完抖多陣就出市區喇 坐 6 點半班車 出到東涌都差唔多 7 點半 去咗 Taste 買嘢飲 諗住去 Pizza Hut 不過要等好多張枱 所以即轉場去 Delifrance 大把位呀 ~
呢間 Delifrance 真係好大 d 位好闊落 同德福差好遠 同埋最正係好靜 真係食得舒服又開心呢 可惜食物方面就唔得 無厘味道咁呢 ~
食完又坐 E22 番九龍灣 番到屋企都成 10 點半 我同里奧大人講今日坐車坐咗差唔多 4 個鐘 真係好驚 我話呢 10 年唔想再入大澳呀 ~
( 30-JUN-2013 SUN )
oh 終於每月一到 今次遲咗好多 我都預咗會超唔舒服架喇 ~
但其實又唔係話好痛 不過就怨住怨住咁痛 最煩係嘔 我一嘔又會沖熱水涼 里奧大人都話我沖咗好多次涼 真係無 10 次都有 8 次 但次次沖完塋水涼真係舒服好多架喎 ~
今日好好天 可惜我陪唔到里奧大人出街啦 我叫佢自己出 佢又擔心我 其實都唔駛擔心 因為我都係瞓嘅啫 ~
全日無胃口 真係瞓足全日 條腰都硬哂喇 ~
( 1-JUL-2013 MON )
今日七一回歸 又放假一天 我瞓到 1 點添呀 ~
3 號風球 又間唔中落大雨 留喺屋企最好 里奧大人做公司嘢 之後我都叫佢唔好落街食 叫外賣番屋企食好過 ~
我無胃口 所以睇下電視又瞓下 好快又到 7 點幾 我都仲未有胃口 里奧大人就去大快活買焗豬扒飯番屋企食 平時話唔鍾意食飯 但依家又買飯 玩嘢 ~
個肚仲有 d 唔舒服 沖個熱水涼 9 點瞓喇 ~
( 2-JUL-2013 TUE )
今朝 8 點 15 分起身 坐的到菇場附近食早餐先番工呀 ~
好在無嘢做咋 個人仲係好攰 ~
Lunch 食尋日里奧大人買嘅咸卷 再加包朱古力奶 超級飽呀 ~
無啦啦個肚扯住痛 幾經辛苦先等到放工 又要坐的士番屋企喇 唔想等巴士 ~
番到屋企即沖涼 之後灘抖等里奧大人放工 佢 7 點放工 買埋牛肉飯番黎食 我就食咗 dd 牛肉同飯 難得有小小胃口呢 ~
睇下電視 之後又瞓咗半個鐘 醒咗又睇陣電視 所以 10 點半都入房瞓喇 ~