叉燒炒麵 + 菜心 ( 30-JUL-2013 ) + ( 31-JUL-2013 )

( 30-JUL-2013  TUE )

今朝精神唔錯   仲好有胃口   所以食奄列餐喇 ~

菇場靜   不過唔緊要   我有自己天地   哈 ~

想出去行下   所以出去食雲吞米   之後入埋票再行個圈就番菇場喇   好鬼熱呀 ~

放工去街市買麵餅同韭菜   之後再去太興買叉燒就番屋企 lu ~  

里奧大人 7 點放工   又可以一齊食飯喇   勁開心 ~

是日懶餐 - 叉燒炒麵 + 菜心

叉燒炒麵 - 今次買咗 $27 叉燒同 2 個麵餅   不過煮埋真係好多   下次都係 $20 叉燒 + 1 個麵餅算喇 ~ 

菜心 - $10 斤   估唔到今次 d 菜心都幾甜   因為之前喺超市買果d 係帶苦咁架 ~

其實好鬼攰   不過都同里奧大人一齊去徑步呢   依家最小行 5 個圈   其實都係 20 分鐘左右   我覺得都 ok 架   話哂真係出一身汁呢 ~

( 31-JUL-2013  WED  S/L )

今朝個肚谷住谷住   9 點打番菇場請 S/L   之後就每月一到咯   瞓多半個鐘就去睇醫生喇 ~

今次個肚唔太痛   有時仲唔痛添   不過又硬係勁想嘔   最搞笑係食止嘔丸反而好反胃   令我作嘔呢 ~

好鬼攰   所以瞓到 6 點先捨得起身沖涼   又無咩胃口   咁里奧大人差唔多 8 點幾番到屋企   買咗牛肉盅頭飯番黎   估唔到我又食到幾啖飯喎   算好架喇   話哂叫食到嘢嘛 ~

10 點又瞓喇   真係好鬼攰呢 ~ 

金姆指米線 @ 九龍灣 ( 29-JUL-2013 )

( 29-JUL-2013  MON )

里奧大人一早起身就話尋晚飲得太多湯   瞓得唔好   得不償失喎   喺度嘈嘈嘈   我話得喇   我呢世都唔煲湯架喇   其實尋晚我都去咗 2 次廁所   都麻麻地瞓得好   不過唔同佢講   費事等佢再講多幾講呀 ~

今日超勁好天呀   不過就熱到爆囉   但都好過成日落雨嘅 ~

早餐食芝蛋治烘底   其實好想食麵餐   但麵餐實在太飽   我唔想鍾意食嘅嘢變咗做夾硬食嘅嘢呀 ~

菇場靜   家姐打黎話眼瞓   8 卦又話眼瞓   我都眼瞓啦   所以叫佢地講神   唔準再講眼瞓呀 ~

晏晝有 lunch box   出面實在爆熱   都係唔出去入票喇   真係唔想立立痴痴開工呢 ~

里奧大人 4 點半喺官塘見完客   又走去食 tea   之後先番屋企   咁佢實早番過我啦   咁我放工都即番屋企 lu ~

6 點 45 分出發食飯   我超勁想食口水雞   所以去金姆指喇 ~

食完去德福行下   都行咗 45 分鐘   番到屋企抖半個鐘就一齊去徑步   今晚有 d 風都幾舒服   不過都流咗好多汗呀   舒服到呢 ~

番到屋企即沖涼   之後食車厘子   終於食哂喇   襯依家自己鍾意食就要快 d 食   唔係就會唔想食   嘥哂 d 嘢囉 ~

雖然今日好攰   但都 11 點先瞓   仲諗住自己 10 點半就要瞓添 ~   

豉椒排骨 + 豉油王炒麵 + 節瓜鹹蛋排骨湯 ( 28-JUL-2013 )

( 28-JUL-2013  SUN )

今朝瞓到 10 點半呀   里奧大人 10 點已經醒咗   佢咁啱開房門見我醒咗   如果見我仲未醒就由得我瞓   不過就一定番唔到教會囉 ~

我起身即沖涼喇   之後食早餐就番教會喇 ~

崇拜完畢之後我就去街市買餸   里奧大人就番屋企換魚缸水   咁我番到屋企抖陣就一齊出旺角買魚仔喇 ~

坐巴士出旺角   食埋 lunch 就行女人街   因為里奧大人想買番支去污膏呀 ~

豬油渣刀削麵 - 之前喺另一間分店食好煙韌   呢間唔煙韌嘅

豬油渣酸辣米線 - 湯底好味 

韭菜餃 ( 5 隻 ) - 好味呀  


辣菜甫 - 唔辣嘅 @.@

第 1 次見拚音 "請勿吸煙"

之前買咗枝 Tide 都無料到   d 漬仲喺度   所以我突然諗起不如去埋花園街   真係好感恩喺花園街有得買呀   最搞笑我買 2 支大   再送多 1 支細 ( $100 ) 同埋萬用抹布 ( $100 / 7 條 )   隔離阿姐問我係咪好好用   我話用開真係去到漬   我話我唔係 "媒" 黎架   佢話我個樣都唔似 "媒" 樣   話 d "媒" 唔係咁   我覺得佢講得好搞笑   不過我真係親眼見到呢 d "媒" 架   特別係買 d 乾貨果 d   個 "媒" 企喺度慢慢執   但對眼係周圍望架   咁家姐見過就係個 "媒" 扮買   買完又比番檔主   一日來來回回咁囉   不過乾貨食物就真係唔會喺街邊買   真係來歷不明   好驚囉 ~

買完就去買飯盒袋   之後去買魚仔同水草   今次買咗包 "金十字"   阿姐話係中性魚   因為我依家條 "克四間" 太大食喇   蝦到我果 3 條紅米奇無啖好食   但魚缸得 4 條魚真係好空 nel nel   所以先買多幾條魚仔囉 ~

買埋拿玻崙同椰撻就坐 van 仔番屋企喇   都已經 4 點半喇   我要即刻煲香茅茶   煲完就預備晚餐喇 ~  

是日晚餐 - 豉椒排骨 + 豉油王炒麵 + 節瓜鹹蛋排骨湯

豉椒排骨 - 今日 d 餸係滕 lung 瓜   瓜 lung 滕   呢碟排骨係滾完湯嘅排骨黎架   加埋三色椒同蒜蓉豆豉一齊炒   當一碟餸都唔錯架 ~

豉油王炒麵 - 懶得煮飯   所以炒麵  

節瓜鹹蛋排骨湯 - 家姐上次論論盡盡整跌哂我盒湯   所以里奧大人無得飲   咁唯有我煲啦   自從媽咪成日煲埋湯比我   我真係好耐無喺屋企煲湯喇 ~

諗住徑步   點知落大雨   又無得徑咯 ~

里奧大人呢兩日每餐都食到好飽   真係睇住佢個肚凸咗出黎   佢嗌哂救命   不過我其實見佢肥番都開心架   話哂佢工作壓力大   平日唔係食好多嘢   只係星期六日或者假期先有胃口架咋 ~ 

家姐 8 點幾上黎拎拿破崙   傾咗陣就走喇   襯無雨好走   落雨濕濕真係好煩呢 ~

里奧大人餵魚   話紅米奇唔食呀   唔知係咪驚得滯   又話我係都要買金十字   咁問佢買唔買   佢又話好   真係好憎佢成日都係咁   買咗有事就賴人   咁當初你唔想買   我都唔買夾硬買啦   之後我即刻話將 d 金十字比大姑奶   不過原來大姑奶已經無養魚   咁即打比水草阿姐   佢叫我唔駛驚   因為佢地未適應   起碼要 2-3 日先適應   我聽完都安樂 d   希望佢地和睦共存啦 ~

好想食甜嘢   所以食之前買嘅 Cheese Cake   之後再食車厘子   d 車厘子係大姑奶尋日買比我架   媽咪又買咗比我   呢期唔駛買生果都得咯   呵呵 ~

好靚   又一口一啖夠方便   不過無咩芝士味囉 @.@

 

富田和食亭 @ 佐敦 ( 27-JUL-2013 )

芥辣八爪魚軍艦 / 芝麻八爪魚沙律軍艦 / 蟹籽沙律軍艦 / 螺肉軍艦

三文魚壽司 / 吞拿魚壽司

中華沙律

( 27-JUL-2013  SAT )

今朝 8 點起身   之後 8 卦又約我食早餐   今次去試新嘢   但佢應該唔再去啦   食一份早餐要 $40   我都好 d   都係 $30   佢要食通粉餐   因為要飽   如果唔係佢可以平 d 呢   呵呵 ~

本來要去執倉   不過阿 Head 無番   咁又唔駛執 lu ~

今日 d 時間都好快過   依家清潔阿姐成日眼超超我咁呀   我都唔會理佢啦   佢咁做咪自己唔開心   同埋佢自己衰咗仲咁樣   真係好不知所謂 ~

放工同埋里奧大人同大姑奶一齊去飲茶   之後就同里奧大人去馬莎買褲   再去埋 Laneige 買 Day Cream 同 Night Cream   最後去埋惠康買汽水就番屋企 lu ~

菜肉雲吞炒手

上湯鮮竹卷

潮州蒸粉果

榨菜牛肉腸粉

四寶滑雞扎

南瓜蒸排骨


帶子炸雲吞

千層馬拉糕

Day Cream  @ Laneige

Night Cream @ Laneige

里奧大人做公司嘢   我就熨衫   今次要熨 3 機衫   所以一路聽歌一路熨衫   用咗 2 個鐘熨衫   但又唔覺得好攰咁喎 ~

見無落雨   所以里奧大人提議去廟街行下   咁 6 點幾出發   坐 van 仔出佐敦   本來想食打冷   但我濕疹隻手好痕   唔食得鵝片   但打冷唔食鵝片又無咩意思咁   所以我話食壽司   去番富田   之前去過都唔錯呢 ~

真係好感恩   食嘢其間落雨   我地食完就停雨   咁即去廟街行下喇   其實無咩特別   不過里奧大人話想行下 ~

坐番 van 仔番九龍灣   真係好耐好耐無坐官塘 van   但依稀仲記得總站喺邊度   咁里奧大人又唔信我喎   所以番轉頭問其他小巴司機   原來我指嘅方向係啱架   信我就唔駛行黎行去啦 ~

一落車就落勁大雨   今日 d 雨都係一落就落好鬼大   之後就好快落完 ~

番到屋企沖涼再食生果   之後同里奧大人睇錄咗嘅電影   又 12 點幾先瞓   噢 ~ 

大家樂 @ 官塘 ( 26-JUL-2013 )

海味雞粒荷葉飯 - 都好多材料  同埋好香荷葉味   好味道呀


順德欖角醬燒肉丸 - 呢個麻麻地   無味嘅

冬瓜盅 - 雖然細細個   但都幾多材料  

細細個幾得意

( 26-JUL-2013  FRI )

又到 Happy Friday 喇   今朝勁大雨   咁去地鐵站嘅時候開始無咩雨   點知一落車又勁大雨   睇新聞話 "黃雨" 添呀   睇黎又有排落呢 ~

早餐食奶油士   因為有 lunch box   情願餓住黎食都好過唔飽黎食呢 ~

大粒全部唔喺度   真係好鬼 free   如果後面同事無番仲正   我會 full screen 上網 ~

今日有 lunch box   諗住一路食一路上網   點知無啦啦 server 壞咗   個個同事叫救命   好壞唔壞   要喺 lunch time 先黎壞 ~

好在依家手機可以上網   可以 Whatsapp 同 WeChat   如果唔係真係悶到瞓着呀 ~

差唔多 4 點半先搞掂   咁都好   用手機打字好攰呀   哈 ~

里奧大人上咗大陸   咁我又陪媽咪食飯喇   家姐就要食埋尋晚媽咪比佢嘅餸   所以唔黎喇~

食完上媽咪屋企坐到 8 點就走喇   番到屋企即煲中藥之後拖地   沖完涼再開機洗衫   本來想熨衫   不過好攰   留番聽日先熨 ~

里奧大人 9 點幾番到屋企   佢話唔做公司嘢住喇   所以又一齊睇電視 lu ~