百瀧意粉薄餅餐廳 @ APM ( 31-OCT-2013 )

傳統沙樂美腸薄餅 - 呢個薄餅 d 料真係 "多" 到呢   芝士唔夠啦   沙樂美腸又勁小   好在都脆邊   唔係仲慘       

意大利香草牛肉扁意粉 - 都幾好味   不過食到最尾好油   

我初初以為得白色   因為影相無為意嘛   之後傾傾下計見到轉色   cc 話佢一黎就見到嘅係綠色   因為佢仍都無為意會轉色呢   

( 31-OCT-2013  THU )

臨醒之前又發惡夢   就係發夢自己番工遲大到   因為里奧大人又話要睇呢樣果樣   所以搞到我差唔多 9 點 50 分先番到菇場   勁驚呀   間唔中就會發夢番工遲大到   但其實我有教鬧鐘   里奧大人又有教   唔會咁邪 2 個都唔響呀嘛 ~

好在臨醒先發   咁發完都醒   可能因為依家要滾熱 d  中藥   心理上係有 d 壓力   雖然都係 2 分鐘   但話哂都係時間丫   哈 ~

今朝餓呀   所以食芝腿治烘底   唔記得叫大火   反而仲烘得靚仔   大佬   烘底加 $1 架   我覺得唔好求求其其烘就算囉 ~

菇場唔忙   好在唔眼瞓 ~

今日又有炒飯 lunch box   好在加咗媽咪 xo 醬   唔係真係無厘味道   真係勁唔想食囉   但無理由嘥家嘛   咁即打比里奧大人   話佢知我要食埋大前晚炒飯勁慘   因為無味道   之後佢話都唔明點解我煮咁多    煮埋我屋企人食咁喎   唉   我真係唔識預分量   有時炒得好味又唔夠食   但邪在好多時炒得唔好味又煮得特別多   慘 ~

諗住 hea 等放工   點知 4 點有急嘢做   當堂好似上電咁博命做   因為我今晚要準時放工呀 ~

今晚約咗 cc 食飯   請佢請番生日飯   不過佢生日係 8 月 5 日   我都覺得自己離鬼哂譜   但我成日記住呢餐飯架   因為之前都有約過佢   唔係佢唔得閒就我唔得閒   一係佢病完到我又唔舒服   拖拖下到呢晚先食到飯呢 ~

之前約親 cc 都會買衫食飯   不過佢依家成日都多嘢做   所以其實個人都好攰   咁坐低食飯吹水算喎 ~

傾呀傾   傾得勁開心呀   咁多年老友   真係講小小嘢佢都知我諗咩   實在太了解我喇 ~

之後講開潔癖呢個問題   里奧大人同佢屋企人成日話我有潔癖   不過我強調話我無潔癖   而係妳地污糟啫   不過我就真係唔會着人地 d 外套   但里奧大人果 d 我就着架喎   因為我知道係洗咗嘛   家姐同媽咪果 d 我都唔着架   雖然我知道佢地洗咗先敢比我   但我都唔會着   情願凍   夠抵死呢   同埋我接受唔到 d 人着衫褲連着 2 日先洗   出街有汗有塵家嘛   就算着襪落街 10 分鐘都要洗對襪   有腳汗家嘛   所以里奧大人成日話我咩都洗洗洗   嘩哈哈 ~

好記得之前 cc 話一日洗 8 機衫   佢話因為如果天氣唔好就唔洗嘢   所以一好天就會洗洗洗   所以佢好似 11 年換咗 3 部洗衣機   尋晚我問佢呢排天氣咁乾燥   有無狂洗   佢話有呀   不過就 1日 洗 3 機   朝早 7 點幾下晝 12 點同 4 點   話咁樣可以等個摩打抖抖   大佬   家用洗衣機唔係咁用架   真係好易壞囉   之後佢話最經典有一次係半夜 4 點幾起身開機洗衫   我咪話仲早過 d 阿婆做晨運   真係好痴呀   哈 ~

傾到差唔多 10 點   佢老公打黎話沖涼先   5 分鐘之後里奧大人打黎話佢沖涼先   不過我地都走喇   聽日要番工嘛 ~

番到屋企都即沖涼喇   里奧大人又睇之前錄咗嘅電視劇   咁我都陪下佢啦   不過 11 點半就瞓喇   難得有睡意呢 ~

金姆指米線 @ 九龍灣 ( 30-OCT-2013 )

泰式豬頸肉 - $32   十塊都無 @.@   

我嘅豬潤麻辣米線 ( 小辣 ) - 呢期勁想食米線   唔知點解   我好小一日內食 2 次濕嘢 @.@

里奧大人嘅鮮牛肉酸辣米線 ( 小辣 ) - 即刻勁想再去荃灣食酸辣米線   我唔鍾意食呢間嘅酸辣湯底呢 

( 30-OCT-2013  WED )

尋晚都瞓得唔錯   不過真係好想瞓到自然醒   哈 ~

早餐食雪菜肉絲午餐肉米   其實唔餓   但勁想食雪菜呢 ~

依家菇場請咗個會計男仔坐喺我隔離   不過都無咩傾計   因為佢都好靜   同埋佢又多嘢做   我都費事阻人啦 ~

呢排天氣勁乾燥   所以我個咀唇就會特別敏感   特別係上唇會變咗又紅又乾   仲好痛   搽潤唇膏都無用   最慘係乾得滯   d 皮好易裂開   雖然我唔講嘢啫   但個咀實會郁家嘛   痛鬼到呢   咁尋日見搽咗椰子油喺身度好似好潤咁   即刻諗番起之前喺泰國買咗 Boots 嘅 Cocoa Butter Lip Balm   咁搽咗 2 次真係好番哂呀   之前買咗唔搽係因為本身已經開咗 3 枝潤唇膏   咁無理由開家嘛   同埋家姐話幾油膩   咁我仲更加驚敏感   咁咪唔搽囉   之後衰里奧大人話買咗好多都無用   但其實我已經用咗 3 枝 boby cream 啦   不過無同佢講之嘛 ~

又到 lunch time 喇   不過真係唔餓   所以 12 點 45 分先開始慢慢食   唔餓食飯真係好慘   尋晚我係食到個炒飯   原來個炒飯係厘味道   慘慘慘 ~

放工去鰂魚涌睇中醫   其實車程真係好快   17 分鐘車程已經到鰂魚涌   但一出車廂行到出閘要 6 分鐘   所以成日覺得行極唔完咁   好在無行錯添咋   唔係仲慘 ~

感恩去到可以即睇   今晚同醫師呢兩日個肚好脹   但又唔係食飽果 d 脹   之後佢話我成肚風   因為血虛喎   我又衰   成日唔記得燉肉汁 ~

搞掂哂都係 6 點半咋   實在太好   不過里奧大人又未放工   咁我番屋企等佢啦 ~

又坐 606   雖然肯定耐過搭地鐵   但我真係想休休閒閒番屋企   同埋我喺牛頭角落車   當散步咁行番屋企都唔錯   同埋今晚要去藥房買嘢   所以坐巴士就最好不過呢 ~

買完嘢又去超市睇下嘢都差唔多 7 點 45 分   無耐里奧大人打黎話放工   咁我都番屋企 lu ~

番到屋企抖陣就出去   我一去到餐廳見到里奧大人啱啱坐低   估唔到佢快過我 ~

食完即番屋企   因為要煲中藥   今晚里奧大人唔駛做公司嘢   佢自己又睇戲   咁我多數都係打機同睇雜誌   今晚 11 點瞓喇   天氣一凍好似瞓極都唔夠咁   所以早 d 瞓好 d 呢 ~

蔥油雞 + 蔥粒炒飯 + 油麥菜 ( 29-OCT-2013 )

齋滷味 @ 三德 ( 北角 ) - 都 ok 好味   家姐仲買咗條春卷   同佢 share 食   我鍾意食素春卷架   最怕食芋頭春卷   唔鍾意 d 口感

芒果糯米糍 @ 三德 ( 北角 ) - 好味呀   夠煙韌   豆沙又唔甜   里奧大人都話好食   下次我要買 6 個獨享 ^^

( 29-OCT-2013  TUE )

尋晚開番冷氣真係瞓得唔錯噃   今朝都幾精神咁啦 ~

今朝食腿蛋治烘底   我最驚食 d 蛋係生生地咁   人地覺得好滑   但我覺得好多菌   哈   以前細個打邊爐會點生雞蛋   話無咁熱氣嘛   又話要飲埋邊爐 d 湯   又話無咁熱氣   我真係信架   不過我無食生蛋黃好耐喇   好記得最後食果次係食沙爹牛肉麵餐   會有煎雙蛋加麵包   我食完麵之後已經勁飽   再食埋隻雙蛋   d 蛋黃喺我口腔入面滾動   之後我想嘔   自此之後無再食蛋黃 lu ~

菇場有小小嘢做咁啦   之後又係休休閒閒咁過喇 ~

今日有 lunch box   食完就去買糖比家姐   佢話呀   坐車有時會打機同睇報紙   之後勁想嘔   梗係啦   架車咁 chok   我都試過坐 van 仔打機   之後勁頭痛到想嘔   所以之後唔敢坐車打機 lu ~

放工即走啦   要去攞鞋   番到屋企就即煲中藥同開機洗衫 ~     

家姐今晚幫我去金飯碗買椰子油   佢自己又順便買埋廖孖記腐乳同大支余均益辣椒醬   支余均益係喺粉麵餐廳食果 d 咁大支   我覺得好搞笑   比我有排食   細細個成日用余均益撈蝦子麵   就咁已經好好味呢 ~  

家姐差唔多 7 點就到喇   之後我煮飯   佢就食零食同睇電視   咁我煮完就出去坐啦   一齊食菜   家姐見到炒飯咁多蔥就嚇暈   其實有蔥真係好好味架噃   不過我打完仗真係無咩胃口   無食到飯   再等埋里奧大人先食齋呢 ~    

家姐 8 點 45 分走啦   趕住睇電視   里奧大人就 9 點幾先番到屋企 ~       

是日晚餐 - 蔥油雞 + 蔥粒炒飯 + 油麥菜 

蔥油雞 - 今次用雞扒   之後用蒜頭 乾蔥頭 豉油 辣油 醋撈埋一齊   酸酸辣辣唔錯架 ~

蔥粒炒飯 - 用咗 $4 蔥炒   太多蔥   所以個飯好濕   再加埋隻蛋就更濕   真係好怕炒飯   嘩哈哈   同埋焗住喺飯盒係好大陣味   所以我一開個蓋   里奧大人係咁索係咁索   話咩味咁臭   嘩哈哈哈哈 ~   

油麥菜 - 仲係 $7/斤   所以又買黎食   點甜豉油好好食架 ~    

今晚諗住好快煮完飯   食完抖陣去徑步   不過搞掂哂所有嘢都已經 9 點   之後等埋里奧大人一齊食齋   食完洗埋碗都 10 點   咁唔徑喇   同埋個人有 d 散   今次計錯數   煲中藥真係最多煮 2 個餸   同埋 2 個餸都要蒸   咁唔駛嘥時間洗完鑊又煮呢 ~

里奧大人沖完涼就搽椰子油   勁香呀   勁想咬佢   不過我又搽咗 cream   唔係我都會搽   因為原來又唔係好立咋噃 ~

今晚佢好 happy 咁   做完嘢仲上網睇嘢睇到 11 點半仲未瞓    我頂唔住瞓先喇 ~

冬菇蒸雞翼 + 臘潤腸 + 腐乳唐生菜 ( 28-OCT-2013 )

( 28-OCT-2013 MON )

呢兩晚無開冷氣   因為覺得唔係熱   但我可能仲未適應到唔開冷氣瞓   所以瞓得唔係咁好   咁里奧大人半夜都會摸下我   睇下我熱唔熱   尋晚佢摸完我一下   又見我無冚被   所以就開番冷氣   咁朝早起身問佢係咪驚我熱   車   佢話其實係佢熱呀   抵啦   無啦啦換張厚嘅冷氣被   依家天氣係涼   唔係凍   我覺得唔需要咁快轉被住囉 ~

早餐食芝腿治烘底   唔知幾時會食厭呢   哈 ~

嘩   超勁眼瞓呀   大粒又全部唔喺度   真係無原動力做嘢 ~

Lunch time 又未餓   但又眼瞓唔想出街   所以就叮貴刁食喇   辣辣地好好味架 ~

之後打比里奧大人   佢無啦啦話冷氣費唔慳得   原來佢都超級眼瞓呀   嘩哈哈   抵啦   終於知道熱係幾辛苦呀呢   等佢成日話全世界得我一個最怕熱丫嗱 ~

放工去街市買菜   再去超市買嘢   番到屋企都已經 6 點半 lu ~

醃埋雞翼再浸埋菜   就飲埋碗隔隔夜湯   食埋湯渣   咁今晚就咁食 d 餸算架喇 ~

食完個人又好似精神 d 咁噃   所以又開始煮飯 lu ~

今晚我自己食先   里奧大人 8 點 15 分打黎話放工   叫我食飯先   嘩   我都食完啦   抖陣再拖埋地   超勁攰呀 ~

是日懶餐 - 冬菇蒸雞翼 + 臘潤腸 + 腐乳唐生菜 

冬菇蒸雞翼 - 呢個餸勁喇   我同里奧大人都覺得完全無味   嘩哈哈   佢仲以為我喺街買雞翼   我話我煮架   其實我用咗好小豉油同五香分醃咗 15 分鐘架咋   因為我驚好鹹   點知原來都唔入味嘅 ~     

臘潤腸 - 喺金飯碗買架   我 frd 話三花腸係三肥七瘦   唔知係咪因為新鮮   所以唔係硬柴柴   鴨潤腸又係好味   好多油分   唔會好乾   送飯一流 ~  

腐乳唐生菜 - $5/份咋   所以買啦   點腐乳好好食架   不過帶 lunch box 就煩 d   因為會出水   但我唔慣 lunch box 無菜   所以點都會帶 d 呢   最多放喺底 ~   

搞掂哂所有嘢就沖涼   抖陣就食生果   之後真係休息喇   今晚 11 點 15 分瞓喇   真係頂唔順呢   哈 ~   

之前喺裕華買嘅黑芝麻糕   我食咗之後真係好瞓 d 咁架   不過黑芝麻本身都好有益嘅   食多 d 都無妨呢        

茜廊 @ 九龍灣 ( 27-OCT-2013 )

紐西蘭肉眼牛扒

紐西蘭鑊仔牛柳

酥皮忌廉湯

齋湯無料 @.@

蒜蓉包

( 27-OCT-2013  SUN )

今朝 10 點 20 分起身   懶下床之後   里奧大人話要番教會   所以即彈起身沖涼洗頭   之後就去食早餐喇 ~

里奧大人依家會加 $3 轉食出前一丁   湯底都深色 d

早餐又遲   所以都趕唔切番教會喇   咁里奧大人番屋企   我就去超市買雪梨同石榴汁喇 ~

呢排隻手背又痛   咁里奧大人問我係咪用得多 mouse 所以痛   不過我話無特別用多到啦   之後佢笑住話我打機打到手痛呀   咁又似 d 喎   因為我打完自己部手機   會再打埋佢部手機架   唉   真係要停一停喇又 ~

里奧大人知我手痛   所以佢熨哂自己 d 恤衫同西褲   咁我煲完雪梨蘋果水就我熨番   佢就做公司嘢   熨衫隻手係唔會痛   反而拎袋揹上膊頭嘅時候   隻手一屈就最痛   慘 ~

差唔多 1 點幾   家姐黎我屋企停車場交收   因為我買咗樽勁辣椒油同埋夏威夷果仁同埋鵝肝腸比佢呢 ~

熨完都已經 2 點 45 分   咁出去食 tea 喇   順便行一陣抖下氣   依家出街覺得凍添呀   不過就勁乾燥   要密密搽 cream ~

做開有條路   咁抹乾淨哂 d 嘢   再執埋零食柜就真係抖喇   今日做咗成日嘢   所以我一早講家今晚唔煮飯   唔想比自己咁辛苦呀 ~

里奧大人無啦啦記得之前佢家姐比咗張茜廊 coupon 10月31日到期   咁一定要今晚用啦   因為平時又唔知里奧大人幾點放工喎   如果 9 點放工   我都唔會去咁遠食 ~

呢間餐廳應該每枱都係用 coupon 架喇   因為以前無咁多人食嘛   最搞笑有個侍應同個客講呢度好嘈   好似街市咁   唔知點解   我接受到酒樓嘈   但唔接受到西餐廳咁嘈架喎 ~

經過淘大又買咗對鞋   不過我要嘅 size 要訂   咁無咩所謂啦   又唔係趕住着   所以我就訂 lu ~

番到屋企抖陣就沖涼喇   超勁舒服   依家沖完涼都唔駛開冷氣   實在太好喇 ~

今晚又打下機   又睇下雜誌都 12 點喇   但其實我又唔係好眼瞓   不過都要瞓囉 ~

銀龍茶餐廳 @ 荃灣 ( 26-OCT-2013 )

潮式四寶河 ( 魚蛋 / 魚餃 / 肉丸 / 墨丸 )

銀龍魚蛋河

( 26-OCT-2013  SAT )

今朝又 8 點起身   早餐食燒賣粉果   好耐無食喇   其實呢間麻麻地好食   不過勁想食就無辦法啦   同埋呢間係差唔多 9 點先無咩人   平時超級多人   所以一定唔會好食囉 ~  

菇場超級靜   好多同事上咗廣州   有 d 又 off   唉   如果唔駛番星期六幾咁好呢 ~

放工即走   我又諗唔到去邊   所以我就番屋企先喇 ~

其實我想去北角買 cream   不過特登去買支 cream 就走   好似好浪費時間   同埋我又唔想去銅鑼灣喎   所以我話不如去荃灣   順便探埋朋友 ~

諗住坐 van 仔   不過等咗 10 分鐘唔等喇   之後轉去搭地鐵算喇 ~

去到荃灣都差唔多 3 點   咁我當然帶里奧大人去食酸辣米線啦   勁想帶佢食好耐架喇   好在佢都話好食   計計埋埋我食咗 3 餐米線   係時候停一停喇   唔係好厭 ~

我嘅豬紅豬腸酸辣米線 ( 小辣 ) - 個湯底顏色好似無咩料到咁   但其實越食越辣   勁過癮呢 

里奧大人嘅豬腩肉紫菜酸辣米線 ( 小辣 )

炸雲吞 - 新鮮炸當然好味   不過都幾厚皮　

呢間米線真係好抵食   小鍋米線 $20 咋   配料又多

食飽有力喇   行下商場   其實我唔知邊度打邊度   總之有入口就入咁啦   今次超勁開心呀  
里奧大人買咗件冷外套   我又買咗 4 件長 tee   之後再買下其他嘢   完全無諗過會買到嘢呀 ~

菜菜仔話差唔多 6 點會到金飯碗   咁我地都等埋佢啦   都差唔多成年無見嘛 ~

行呀行   行完千色店   里奧大人話攰   咁我話去大家樂啦   食小小嘢   坐下抖下 ~

塊薯餅超級難食 @@

抖完就去正隆行買夏威夷果仁同杏仁同松子   之後里奧大人話買香蕉糕   咁買埋就走喇 ~

4 款唔同味嘅香蕉糕   有 1 件係有豆沙餡 

6 點去金飯碗睇下菜菜仔到未   點知佢又未到   咁去麥當勞飲杯熱朱古力等佢啦   以前麥當勞嘅朱古力有棉花糖架   依家無 lu ~

一坐得飲咗幾啖   菜菜仔就話佢到咗   不過唔理佢啦   飲埋先走 ~

去到佢就開始埋數   咁我地又幫襯下佢啦   我最想買嘅就係潤腸同鵝肝腸同臘腸   再買 d 醬料同其他立立什什嘢   之後佢放埋 d 大閘蟹入雪柜   又要 check 又要噴水   搞咗個幾鐘   本來佢叫我地搵地方坐黎等佢   不過一場黎到就唔走啦   坐喺度睇佢做嘢   吹下水   咁 d 時間都好快過嘅 ~

鵝肝腸真係好抵   因為家姐之前喺中環名店買要 $2xx/斤呢

好後悔無買黎試呀 -.-

搞掂哂都 9 點幾喇   佢叫我地飲嘢   不過我地話要食埋嘢呀   因為番到九龍灣先食就太夜喇 ~

因為佢唔食   所以唔陪我地去沙爹王   話求其茶餐廳算喎   佢叫我地去銀龍   咁里奧大人想食炒飯   但呢間嘢 d 服務態度完全唔掂   懵盛盛嘅   問完又問   問到火都黎   之後就出黎話無炒飯   早講啦   搞咁耐得個吉   想食蒸魚又要等 30 分鐘   蒸黃立鯧咋噃   又唔係大條   駛唔駛 30 分鐘呀真係   最後叫粉麵算喇   最緊要快   因為菜菜仔要番屋企食飯嘛 ~

佢搭地鐵   我地就坐 van 仔   菜仔係都扯住里奧大人要佢搭地鐵   不過里奧大人話坐 van 仔快好多   所以都係坐 van 仔   點知   夜媽媽唔認得路呀   最後去到商場見到地鐵站標誌   叫佢打番比菜菜仔一齊搭地鐵走    搞笑 ~

番到屋企 11 點幾喇   無諗過今晚會咁夜   oh ~        

$20 咋   真係好震架   可以拎住出街   一路行一路按  呵呵   同埋最好係可以用電芯或者 USB 叉電   唔錯唔錯

粟米茶   我估甜甜地幾好味

冬天要煮蕃薯糖水   黑糖唔小得呢   

韓國醃肉醬 / 余均益辣椒醬 / 大地魚粉

發光耳挖   堅好用呀   哈