今日目標係去 Platinum 掃貨 所以 2 點 10 分出發坐 BTS 去 Chit Lom 2 點 20 分就到 勁快 ~
由 Phrom Phong 去 Chit Lom 要 28B 其實唔算平 4 個站要 HK$7 同埋次次都要唱散銀先可以買車票呢
由 Chit Lom BTS 站去 Platinum 都要 15 分鐘架 今次唔駛開 GPS 因為里奧大人話佢記得點行 堅呀 一年後仲記得 比我帶路就唔知去咗邊 lu 呵呵 ~
直行
再直行
面向 Central World 再向右直行
經過 Big C 附近嘅一個巴士站
見到 Platinum 喇 woooooooo
勁塞車
2 點 45 分開始行喇 行咗 Zone 3 先 不過無咩嘢買咁 所以即去 Zone 1 同 Zone 2 但好鬼口渴 所以買咗杯檸蜜 個老闆問里奧大人係咪當地人 下 咁佢會唔會以為我又係當地人架 雖然我都幾似阿泰 哈哈 ~
Directory 好清楚 所以我地目標係好清晰嘅 里奧大人陪我行咗 3 層呀 買到有 d 悶 所以之後里奧大人買嘢 又撩起我嘅買嘢意欲 大家一齊買到嘢先開心家嘛
點會唔買 2 件先 ?! 其一真係平 其二質地唔錯 起碼個領夠挺身 咁當然無馬莎咁好啦 始終一分錢一分貨嘛 但喺 H & M 買件裇衫都要 HK$2xx 一年唔夠已經唔要得 已經唔係成日着 真係着咗都唔知有無 10 次 @@
另外買 tee 果間仲有得試添呀 其實好多係唔比試架 所以好感恩可以試 因為 cutting 件件唔同 所以唔試好難買啱 size 咁佢叫里奧大人當眾除衫試呀 仲叫里奧大人 no shy no shy 好搞笑
行到 5 點要去 Food Hall 飲杯嘢 抖一抖再兜多個圈就走喇 ~
里奧大人買咗大杯芬達比我 驚啦 size 勁過麥當勞嘅大杯裝汽水 呢杯唔記得幾錢 只記得里奧大人話比多唔知 10B 定 5B 係大杯裝抵飲喎 不過好在原來 d 冰係佔咗 2/3杯
睇價錢 杯汽水應該係 25B 而 no ice 同 little ice 就加 10B
6 點半去到 飯店已經坐滿哂人 好感恩之後有人走 所以變咗即刻有位呢 ~
呢度無冷氣架 所以坐嘅時候有 d 焗 之後又無咩嘢 lu ~
好多員工 同埋都好多人叫外賣
密密做
雞湯 - 好勁胡椒味 飲完個身好暖 好舒服呀 可能頭先飲得太多凍嘢
雞 ( 大 ) - 好似 120B 我諗住叫 1 隻架 不過妹妹仔話太多 所以叫我地要大就夠架喇 其實我覺得份量唔係好多 可能我大食 哈
油飯 10B - 原來真係有味飯黎架 又幾好味喎 上次食唔出 可能掛住食汁
Fried Tilapia 70B - 勁大條 又脤卜卜 其實我好驚呢 不過口感似食紅衫魚又幾好味 哈哈 不過隻叉軟 lai lai 好難整 d 肉出黎食囉 好在里奧大人好細心咁整比我食 係報恩嘅時候啦
咁樣影好似勁大條 哈
個汁係酸酸地嘅
可樂 10B
呢個泰國女人都好 nice 架 成日同我笑
坐滿人
食完行去 Big C 超級多人呀 可能之前示威 所以 d 人唔敢出街 但幾日喇 點都要補貨嘛 因為好多人都係一車車咁裝貨 超羨慕呀 最鍾意盤滿砵滿嘅感覺 ~
今次忍手 無買薯片比自己 只係買比家姐 同埋我最想買嘅只係米粉同媽媽麵 所以今次拎得都唔係太辛苦 ~
我一生中最愛 嘩哈哈哈哈哈哈
其實晏晝經過 Big C 條街 但唔見有芒果糯米飯 可能夜晚先擺檔啩 但我勁想食 所以去 Big C 買定先 因為我目標係晚晚食一盒芒果糯米飯嘛 估唔到今晚見到街邊有得賣芒果糯米飯 阿姐仲比嚿芒果比里奧大人試 佢話超級甜 咁就當然買啦 之後阿姐居然拎另一盒芒果比我地 里奧大人話要頭先試咗果盒芒果呀 咁又係喎 試咗好食先買 點會要其他喎 阿姐仲話 same same 一定唔信啦 哈 ~
芒果糯米飯 好似 110B
切好嘅生果真係懶人首選 可惜我只想食芒果糯米飯呢 ^^
經過 Central World 都好寧靜丫
車多
人都一樣多呢
所以都係早 d 番酒店就最好
8 點番到 Phrom Phong 喇
坐 Tuk Tuk 番酒店先 放低嘢就行去 Asia Herb Association 按摩 但估唔到 full 哂喎 所以 book 定聽晚同後晚時間 之後就行去另一間按啦 Emporium 附近都好多按摩店嘛 反正出開黎 ~
最後去咗一間好多人嘅按摩店 指標黎架 因為隔離 2 間係無人 所以即係話又係要等啦 感恩等 15 分鐘 呢間好多日本人黎按摩 所以好靜 有個女人仲帶埋小朋友一齊黎添呀 呢間按得都好舒服 因為我想瞓呀 如果大陸按果 d 我會成日計住時間 因為好鬼痛 ~
我地去 NUCH 按腳 250B ( 60 mins ) 按完對腳鬆哂
按完都 10 點幾 lu 所以無 Tuk Tuk 番酒店 咁就行番酒店啦 都係 8 分鐘 快嘅可以 6 分鐘添呀 ~
番到酒店就影戰利品 今次我要每晚都影戰利品 整整齊齊做個記錄都唔錯呢 ~
我最愛嘅大雪柜
空 nel nel 我屋企嘅雪柜唔會咁孤單 哈哈
我嘅戰利品 @ Platinum
5 條裙 + 1 件 one piece + 2 件長袖裇衫
2 條大絲巾 ( 580B )
5 件裇衫 ( 1,750B ) + 5 件 tee ( 1,000B )
3 sets ( 300B ) - 買呢間手飾嘅舖頭 係播到 d 音樂超勁大聲 好記得上年入完去之後有 d 頭痛 所以今次我經過嘅時候 就同里奧大人講唔會去睇 點知我都係覺得 100B 一 set 真係好吸引 所以即走入去睇 買咗 3 sets 佢話我講完話唔入去睇之後 唔夠 2 秒我已經入咗去揀緊 哈哈 女人係咁架啦
里奧大人話我得 1 隻手 點帶得咁多 不過我唔理架 照買 呢度買咗 640B
戰利品 @ Big C - 今次好忍手 買咗 882B
MAMA 麵 ( 204B )
米粉 ( 145B )
買比家姐嘅薯片 有 d 係 35B/包 有 d 係 39B/包
買比家姐嘅紫菜 ( 39B/包 )
買比家姐嘅大辣魷魚片 ( 18.5B/包 )
通鼻塞 ( 81B )
搞掂哂就沖涼 原來都 11 點幾喇 食埋芒果糯米飯做宵夜 抖陣就瞓喇 ~
芒果好甜 但糯米飯好硬 @@
呢日行程完畢
