李錦記沙爹湯底 一包係無咩味嘅
乜都有 d
我覺得好多呀 所以今次食剩一半
雲吞 / 水餃 - 好味呀 皮薄又足料
水魷 / 牛柏葉 / 豬皮
手切牛肉 - 呢度 $100 咁我覺得好過買雪花肥牛 因為雪花肥牛都唔平呢
白蘿蔔
炸魚皮 家姐話要 $82/斤 我覺得貴呀 下欄嘢之嘛 咁工人去到嘅時候仲未有 叫佢 20 分鐘之後先再黎買 佢再去嘅時候已經有人排緊隊等買
西洋菜 - 我第一次打邊爐食西洋菜咋
唐生菜 - 實在太飽 所以佢就原封不動 呵呵
蒜蓉 / 指天椒 - 一定唔小得啦 ^^
( 31-DEC-2013 TUE )
真係話咁快就過咗一年 感恩神嘅保守帶領 我呢一年都平平安安 快快樂樂咁過呢 ~
今朝食五香肉丁雙腸米 其實叫之前都驚驚地 因為驚好飽 點知呢 原來我個中藥杯無冚實 比我 fing 下 fing 下 fing 咗大半杯出黎呀 好在我有 2 個膠袋包住咋 但係呢 我 2 個膠袋都無縛實架 真係好在無倒哂出黎 中藥好大陣味 同埋好難洗甩架 丫 下次都係用密實杯好 d 咁今朝飲得果 1/3 杯 所以真係整定可以食米粉餐啦 哈哈 ~
個個都放 4 點 有 d 番半日添咋 勁羨慕 所以番到菇場真係無咩 mood 架 10 點幾 8 卦話我知放 4 點 我即睇 email 估唔到真係放 4 點 我做咁耐未試過呀 好感恩呀 ~
我同時希望里奧大人都可以放早啦 11 點佢打黎話放 5 點呀 佢尋晚先講 佢 d 同事話都唔知有幾多年無放早 lu 估唔到今年放 5 點 實在太感恩喇 感謝神聽我不斷嘅禱告呢 ~
好快又到 lunch time 今日有 lunch box 不過唔係咁想食 所以食到 1 點 再慢慢去洗碗 ~
4 點即時走喇 搭 van 仔去家姐屋企 其實我唔識行去佢屋企 不過佢工人要整嘢 所以唔可以即刻黎接我 咁我落車之後就打比家姐囉 等佢教我點行 行到差唔多到佢屋企 佢工人就出咗黎接我 好在沿途無大狗咋 如果唔係我肯定嚇到亂行都似 哈 ~
B 仔 & B 頭 - 家姐話佢地好 frd 架 因為 B 頭成日同麥包鬧交呢
望住工人做嘢
自己坐喺飯廳嘅麥包
悶到想瞓 哈哈
佢個姿勢好搞嘢
影咗好耐 佢都無咩點郁 哈哈
咁睇又幾得意嘅 因為好似 BB 樣
家姐放 3 點半嘛 不過佢唔係準時走 所以佢番到黎都差唔多 5 點 15 分 lu 佢一番到黎就問我餓唔餓 我話都幾咁啦 佢就叫工人整皮蛋夾酸薑 嘻嘻 ~
皮蛋治呀 咁樣夾都唔錯喎
一見工人拎隻碗整嘢比佢地食 佢地就即刻轉身望佢 家姐話 B 頭同麥包要食減肥狗糧 B 頭由原本 33 磅減到 27 磅 麥包就唔記得 但都減咗幾磅 話有番條腰喎
無處不狗 @@
里奧大人就 5 點半先可以走到 差唔多 6 點半就喺寶琳地鐵站接佢 家姐痴咗線呀 里奧大人坐低就即開車 但係門都未關架噃 嚇到我話唔好開車住呀 之後家姐話因為見到無車 所以即開走 @@
今晚打邊爐 對上一次喺家姐屋企打邊爐係夏天 果次又係好飽 所以話 3 個月之後先再打 估唔到真係隔咗好耐先再打呢 ~
又係食唔哂 d 嘢架 但我超級勁飽 個肚好似想裂開咁 真係無本事再食喇 ~
差唔多 9 點走喇 因為媽咪又每人買咗 6 杯啫喱比我地 家姐驚我星期五拎得辛苦 所以去咗去媽咪屋企先 叫工人拎落黎 之後再送我地番屋企喇 ~
里奧大人話食完鹹要食甜 衰啦 成日笑家姐講呢句 佢咪一樣係咁 ~
番到屋企即沖涼喇 其實都 10 點幾 勁想瞓架 不過點都要睇電視 一齊倒數開心嘛 哈哈 ~
瞓下等下終於到 12 點喇 新一年開始喇 希望新一年繼續開開心心 健健康康 平平穩穩渡過呢 ~
( 30-DEC-2013 MON )
依家要適應個新鬧鐘 所以瞓得唔係咁好 成日驚唔響呀 但其實里奧大人個鬧鐘都會響嘅 不過我都係覺得唔穩陣咁呢 ~
唔係太餓 所以早餐都係食奶油多 ~
菇場唔忙喇 但好鬼靜 所以有 d 想瞓 哈 ~
今日有 lunch box 食完再洗埋都已經 1 點 15 分 又差唔多開工 lu ~
放工即走喇 今晚唔駛買餸實在太好喇 ~
又開機洗衫喇 冬天衫好厚 所以 d 衫好似洗極唔完咁 好在天氣乾燥 咁都快乾 d ~
差唔多 7 點 15 分正想預備煮飯 里奧大人打黎話放工 咁我就抖多陣先煮啦 好難得可以一齊食嘛 ~
是日懶餐 - 魚香茄子 + 煎午餐肉
魚香茄子 - 就咁茄子咋 無肉架 我喺星期六買咗 2 條中型茄子 $12/斤 呢 2 條茄子啱啱好 1 斤 我覺得貴呀 不過好想食就買啦 最開心係終於清埋樽魚香茄子醬 呵呵 ~
煎午餐肉 - 懶諗其他餸 所以就煎午餐肉喇 今次好有心機煎架 ~
搞掂哂就沖涼 依家天氣咁凍 沖個熱水涼真係好鬼正 ~
睇下電視睇下雜誌 望下鐘都 10 點 45 分 所以瞓喇 呢排成日夜瞓 所以又有濕疹 兩隻手指功爆哂呀 痛鬼到呢 慘 ~
同奇異果差唔多 size
2 個辣雞餐
喺 MCL 換架 因為 31/12/2013 到期
( 29-DEC-2013 SUN )
瞓住張電毯又幾好噃 起碼隻腳唔會凍嘛 但瞓瞓下又會覺得有 d 熱 我會伸隻腳出黎 到隻腳開始凍番呢 又伸番隻腳入去 所以里奧大人話我痴線 叫我唔好用電毯喎 呵呵 但成晚暖笠笠真係好舒服架噃 ~
今朝 9 點半都醒咗 lu 梳洗之後就去大快活食早餐 ~
食完就番上屋企 抖陣就沖涼 再抖陣就番教會喇 ~
奉獻完之後就走喇 因為約咗媽咪同家姐飲茶呀 ~
飲完茶都 3 點 lu 同埋家姐一齊去九龍灣 之後就各自歸家喇 ~
里奧大人話之前喺大班買嘅蛋撻好好食 所以想食喎 買三送一 ( $12 ) 真係抵 因為就咁 1 個腸仔包都要 $7 呢 ~
熱辣辣好味呀 同埋好似食緊燉蛋咁 好滑呀 最緊要係個曲奇皮唔厚 同埋唔漏呢
喺屋企越坐越凍 但越凍反而就更加唔願郁 其實勁想瞓架 不過驚夜晚瞓唔到 所以唔瞓喇 咁就去煲中藥同燉肉汁啦 里奧大人就唔理架 照瞓 瞓到 5 點幾 ~
我都開始預備晚餐喇 天氣凍 尋日 5 點幾已經拎 d 刺身落下格解凍 解咗一晚都未解凍哂 最後都要拎出黎室溫解凍 如果唔係今晚無得食 哈 ~
7 點落樓去 KFC 買 2 個套餐 排咗好耐隊 家姐又已經去完 MCL 換爆谷 所以黎 KFC 度 join 我地 佢黎到都仲要等咗陣先到我地呢 ~
是日懶餐 - 菠菜粟米沙律 + 帶子刺身 + 越南虎蝦刺身 + KFC ( 外賣 )
菠菜粟米沙律 - 尋晚洗好咗 d 菠菜 今晚一定要食 咁家姐又鍾意食粟米 所以就咁整啦 撈埋日本芝麻醬真係幾好味 但唔加芝麻醬就無味架喇 因為里奧大人無加 所以話唔好食 衰 ~
帶子刺身 - 其實食 2 隻都已經好飽肚 所以呢 食完今次之後 應該要隔一排先想食 哈哈 ~
越南虎蝦刺身 - 要好有心機拻架 因為太細隻喇 其實我根本都唔係要呢 d 甜蝦 我係想要泰國生蝦果 d 咁大隻家嘛 今次有 d 比人呃嘅感覺 同埋之前同 8 卦一齊團購 佢就自己去拎 咁加 $10 就可以轉大隻 d 嘅生蝦 就係佢地原本 show 出黎叫人團購果 d 生蝦 ~
KFC ( 外賣 ) - 刺身生冷嘛 所以要食 d 熱氣嘢去中和番呢 ~
家姐一路食一路話凍 咁又係嘅 又刺身又汽水 點會唔凍丫 里奧大人都話凍冰冰食埋 d 凍嘢 哈哈 無計啦 因為 d 帶子話要 2 星期內食哂 對上食果次係個幾月前 再唔食就驚壞嘛 ~
今日我燉咗 d 肉汁 比咗碗家姐試下 如果佢接受到 下次再燉埋比佢呢 佢 9 點幾都走喇 因為我屋企實在太凍喎 呵呵 ~
里奧大人沖涼先 之後到我沖 woo 佢完完之後 成間廁所暖笠笠真係好鬼正 ~
椒鹽墨魚咀白飯魚
欖菜肉鬆四季豆
中式焗牛柳
豆豉鯪魚油麥菜
( 28-DEC-2013 SAT )
壞咗鬧鐘 真係瞓得唔係咁好 成日都驚唔知醒咁樣 ~
8 點起身 因為星期六車程實會暢順 唔會塞車 鬼咩 邊有人番工架 我次次同人講星期六要番工 佢地都好愕然 之後再加多句 : 咩妳星期六要番工架 ?!?!?! 簡直係傷口上灑鹽 ~
早餐食五香肉丁雙腸米 辣辣地真係唔錯呢 ~
番到菇場抖咗陣 之後又忙咗陣 但 d 時間都過得好慢咁 哈哈 ~
放工即走喇 今日有師傅黎整鋁窗 所以 2 點前一定要番到屋企 差唔多番到屋企收到師傅電話 話要 2 點半 是鬼但啦 我話 2 點半好喇下 因為我仲有其他嘢要做 唔好遲 因為佢地上次遲咗 2 個鐘 好鬼驚 ~
同里奧大人去 Cafe Lagoon 食 lunch 我都係鍾意食 tea 多 d 因為份量唔駛咁多 我食完之後飽到上喉嚨 所以叫里奧大人番屋企先 我就行去街市買餸喇 ~
忌廉湯 / 麵豉湯
焗肉醬意粉
瑞士汁炒牛河
2 點半同埋師傅一齊搭 lift 原來又係上次整鋁窗嘅師傅 我仲以為得佢一個黎整 即係好簡單好快搞掂啦 點知一出 lift 就見到成條走廊都係工具 里奧大人仲話 2 個師傅已經整緊添 估唔到咁大工程 之後見佢地係拆哂 d 窗出黎再換窗較 真係見到都驚 又無安全帶 勁危險呀 ~
家姐 3 點幾上咗黎整 Tab 佢慘喇 諗住用 Tab 玩 Pakopang 點知原來玩唔到 玩完一次就死機 最最最慘係佢本身喺 iphone 玩果 d 分無哂 道具鑽石車厘子全部無哂 佢勁想喊 嘩哈哈哈哈哈哈 里奧大人唔敢出聲呀 之後話好在唔係佢叫喺 Tab 玩 唔係就變咗罪人 呵呵 ~
鋁窗師傅差唔多 5 點先搞掂呀 好在又唔係整到烏糟臘邋遢 唔係又排執 ~
家姐 5 點幾喊住走喇 嘩哈哈哈哈 之後我就做清潔啦 抖陣就預備晚餐喇 ~
滾番熱 d 湯 諗住煮飯嘅時候 3 姑奶打比里奧大人 好開心咁問佢今晚同唔同佢食飯 不過我話整好哂嘢 唔想去呀 不過之後我話算啦 去陪佢食啦 難得佢咁開心叫人同佢食飯 咁飲埋湯就出門口喇 ~
去到我又買燒賣食 因為煙煙韌韌實在太好味喇 哈哈 ~
幫埋姑奶買嘢 差唔多 8 點先去大排檔 最搞笑係我同姑奶一齊向左行 里奧大人問我地去邊 因為大排檔係右邊家嘛 之後我話習慣一出去就係去姑奶屋企嘛 佢話根本我就係唔認路 嘩哈 ~
食到 9 點幾 之後上姑奶屋企傾下計 佢比咗晴晴張單人電毯比我 其實我想買電毯好耐 但又唔知邊個牌子好 佢話張毯係德國造 佢又用緊 所以話無咩問題 佢話有時半夜去廁所 去完入番被竇係暖笠笠係最正 咁又係呀 咁鬼凍 半夜去完廁所再上床瞓 真係要典幾典先暖番 d 咋 ~
原來傾到 10 點半 所以坐 van 番屋企喇 ~
番到屋企即沖涼 里奧大人就幫我整張電毯 隔咗陣就瞓下張電毯 真係勁暖呀 不過我未吹乾個頭 所以唔可以瞓住 ~
今晚又係 12 點先瞓 好在聽朝可以 10 點起身啫 嘻嘻 ~
