6 點左右就到 "新加坡蘭桂坊之稱嘅 ( Clarke Quay 克拉碼頭 ) 咁必定要妳坐架遊覽觀光船圍繞一周架啦 又熱又眼瞓 差唔多瞓着嘅時候 彩虹妹妹喺後面同我講嘢 咁傾下傾下都醒咗 lu ~~
The Central ( 中央商場 )
行入去睇下先
跟團嘅好處 係可以影好多合照
等船嘅時候 一路叫有冷氣有冷氣有冷氣 不過當然係無啦 嗚
船頭好得意呀
船底原來係咁
間酒店好靚呀
都好乾淨
5 隻手指 等 d 錢有入無出 根據米高叔叔講 話有 d 建築物係加入埋風水元素架 佢形容得好好笑 講到似層層咁囉 哈
最頂係游泳池 正呀
Art Science Museum ( 金沙藝術科學博物館 )
全球最高嘅摩天輪
Esplanade ( 榴槤藝術中心 )
繼續行大運 而里奧大人就繼續影相 我仍然中下中下 嘻嘻
d 建築物真係好靚
d 窗好 Colorful
好似太空船
落船之後又周圍行
好柔和嘅顏色 好靚呀
超勁熱呀 所以要過冷河 順便買嘢飲 ~
好似好多款飲品咁
唔好飲嘅 味道好假呀 但就夠哂凍囉
show time ^^ 有哂胸肌咁 哈哈
落雨都唔駛驚
大酒桶 其實當枱真係幾有特色 我第一次見架咋
飛機仔裝飾 其實每間 Bar 嘅裝飾都好特別
又番 Clarke quay 喇 因為要走人 lu
坐到好迫咁 哈哈 其實我羨慕佢地有得坐呀 因為其他位已經比人坐哂 oh
今晚住 Sheraton Tower 雖然都係五星級酒店 不過其實想住其他五星級酒店多 d 哈哈 ~
勁多巨柱
7 點幾上房喇 本來諗住沖個涼 不過間房嘅冷氣超級凍 所以坐咗無幾耐 成個身都爽哂 唔駛沖涼 ~
Book 團嘅時候已講明要 Double Bed 不過旅行社話會 on request 如果無都無辦法 咁我當然明白啦 ~
間房都幾大
呢個位勁正 因為冷氣吹到正呀 爽
浴室都好乾淨
米高叔叔話附近有大排檔 咁我地一定去食啦 有對母女約埋我地一齊去 始終有個男人喺度 感覺係安全 d 嘅 ~
9 點一齊去大排檔 初初米高叔叔話酒店對面就係大排檔 之後教我地行啦 原來係向前行有subway 就過 之後有條橋 再直行見到火光熊熊嘅就係大排檔 其實話近唔近 話遠又唔遠囉 不過一路行一路搵就要 d 時間咁呢 不過新加坡治安好 所以又唔話好驚咁樣囉 ~
第 1 次搭 MRT 指示好清楚啦 搭 MRT 真係好方便 因為打的真係唔知會兜咗妳去邊呢
大排檔入口超勁熱 所以我都驚頂唔順 好在只係入口超勁熱咋 咁我地一齊兜個圈先買嘢食 團友媽咪話唔想喺度食 因為好熱 不過我話我會喺度食 難得無落雨嘛 同埋坐喺度食先有 feel 家嘛 拎到番酒店都凍哂唔好味啦 最後佢地都留喺度食 哈 ~
呢度係露天
有好多店員 sell 食物架 特別係 sell 海鮮 不過我唔會理佢地啦 我都唔係黎食海鮮
有枱號架 事緣我買雞翼 店員問我坐邊 我話坐出面嘅圓枱 佢就話 318 號枱 勁呀
馬拉盞炒通菜 ( SGD 6 細 ) - 好辣呀 勁正 所以得我一個食哂
好似 SGD 1.3/隻 最小買 3 隻
串燒沙爹 ( 好似 SGD 0.6/串 最小買 10 串 ) 我要雞肉 + 豬肉 因為無哂牛肉
魚蛋湯 團友媽咪話聽到我話想試 所以買碗大家一齊 share 食 好感動呀 不過呢個魚蛋完全唔掂 無味道 好似食麵粉咁
蠔煎 (SGD 5 ) - 唔好食嘅
珍多冰 - 咁鬼熱 唔食冰唔得囉 里奧大人同團友媽媽咪都一齊話我好夠膽喎 敢喺呢 d 地方食冰 因為佢地唔敢食 話驚肚屙喎 搞到我之後都驚驚地 衰
呢杯好似叫酸梅冰 酸酸咪咪勁正啦呀 所以團友媽媽跟我買咗 2 杯添呀
條街好靜 無咩人行
車都唔多 新加坡人咁早瞓 ?! 定呢度唔係旺區呢 ?!
番到酒店都 10 點 15 分 lu 沖埋涼睇陣電視都 11 點半 又要瞓喇 聽朝 8 點 15 分 morning call 呀 ~
咁樣實唔會坐錯位 哈
呢日行程完畢 ^^
