( 31-JUL-2014 THU )
里奧大人今朝上廠 所以 6 點半要起身 我就瞓到 8 點 15 分先起身 ~
好悶呀 所以同 8 卦出去食 lunch 之後再陪佢去一田買烏冬就番菇場喇 ~
差唔多放工 PMS 話佢比人炒咗 好 shock 呀 不過我都唔方便同佢喺菇場傾 同埋我又放工嘛 ~
唔想煮 咁啱里奧大人話 8 點可以番到屋企 咁就同佢去譚仔食嘢喇 ~
番到屋企抖陣就沖涼 咁 PMS 9 點半 whatsapp 話想同我傾 咁我打比佢啦 傾到 11 點 不過我唔想再傾喇 要瞓覺呢 ~
( 30-JUL-2014 WED )
今朝好想食米粉 但叫咗又唔想食 不過最後都慢慢食哂 真係唔想嘥嘢囉 ~
攰呀 唔想點郁 好在唔忙咋 呵呵 ~
Lunch time 食 Flakes 唔想出去買嘢食呀 ~
今晚大食表妹都黎嘉華食飯 有佢喺度就唔驚食唔哂 d 嘢 哈哈 ~
之後佢請食雪糕 算佢啦 唔可以成日食人地家嘛 ~
食完上媽咪屋企坐陣就走喇 大食同我一齊走 始終都避唔過佢 哈哈 ~
同里奧大人差唔多 9 點番到屋企附近 所以陪佢食埋嘢先番屋企啦 ~
睇陣電視 11 點幾瞓 夜晚 d 時間真係過得好快呢 ~
( 29-JUL-2014 TUE )
尋晚瞓得唔好呀 今朝 8 點起身 去大家樂食完早餐就打的番菇場 ~
菇場唔忙 咁都好 可以抖下 ~
勁眼瞓呀 所以 lunch time 都瞓咗半個鐘 之後食 Flakes 話咁快又要開工 lu ~
放工即走 抖陣就煮麵食喇 今晚我覺得自己好勁 開住風扇食辛辣麵 食完先開冷氣 抖陣就沖涼 爽 ~
里奧大人 8 點放工 我叫佢買煎釀三寶番屋企 我就煮個泰國媽咪麵比佢食 喺屋企食舒服 d 同埋我真係好想快 d 見到佢呢 ~
搞掂哂又打下機咁啦 今晚正常時間 11 點幾瞓 爽 ~
( 28-JUL-2014 MON )
今朝有 d 胃口食早餐 感恩感恩 ~
部腦打咗柴 所以用 Partner 果部 點知仲衰過我果部 唉 ~
Lunch time 唔餓 所以差唔多 1 點先食 Flakes + 朱古力奶 ~
真係好喇 到 3 點幾就開始餓喇 放工即去食酸辣米線 仲要係下午茶時段 呵 ~
食完行一田 之後番屋企喇 ~
里奧大人 8 點幾先放工 佢食埋嘢先番屋企 ~
個肚有小小唔舒服 所以今晚 10 點瞓喇 ~
( 26-JUL-2014 SAT )
尋晚半夜食咗強勁止痛藥 真係 ok 喎 都幾快瞓到 同埋唔痛 感恩感恩 ~
8 點半起身打的番工 買咗奶油多 + 奶茶 因為我好驚眼瞓 如果唔係想唔飲囉 ~
菇場部腦終於打柴 唉 希望救得番啦 ~
放工即走 番到屋企抖到 2 點半就去漁米之鄉飲下午茶 飲到 4 點就走 lu ~
今日勁喎 食到嘢 勁想去吉野家打邊爐 所以 6 點半出門口 感恩有位呀 因為次次經過都要等位嘛
食完就番屋企喇 好景不常 無啦啦肚痛又嘔 仲以為食錯嘢添 原來係每月一到嘅唔舒服 咁沖埋熱水涼 9 點就瞓 lu ~
( 27-JUL-2014 SUN )
丫 朝早仲有 d 肚痛 所以唔番教會 本來里奧大人都起咗身 不過我叫佢瞓啦 醒咗就出去買個包 咁我再陪佢下午茶 ~
佢 12 點醒咗 去買包番屋企食 之後 3 點幾我先醒 但唔想食嘢 咁叫佢自己落街買嘢食算喇 我再瞓 瞓到 5 點幾就醒 lu ~
差唔多 7 點幾有 d 餓 勁想食豬扒飯 所以叫佢去大家樂買番屋企一齊 share 食 ~
今晚都係 11 點瞓 不過瞓覺嘅時候 個肚有 d 唔舒服 但就唔係扯住果 d 痛 所以唔食藥喇 ~
( 24-JUL-2014 THU )
早餐食腿蛋治 因為突然間好想食呀 ~
菇場唔太忙 hea 過最好 ~
Lunch 食 Flakes + 朱古力奶 菇場好凍 所以成日覺得食熱嘢會好 d 不過成日食粉麵真係好鬼飽 ~
里奧大人上大陸 我又同媽咪 家姐去嘉華食飯 lu ~
食完就上屋企拎湯 坐陣就番屋企喇 ~
里奧大人 9 點番到屋企 陪佢傾陣計 之後我 10 點幾瞓喇 個肚谷住谷住咁 所以想早 d 瞓呢 ~
( 25-JUL-2014 FRI )
終於每月一到啦 9 點起身打番菇場請假 咁見個肚唔痛就去埋睇醫生呢 ~
掛咗號 咁 9 點半先有得 但唔理喇 落咗去先 之後里奧大人打黎 佢話知我出咗房 但咁耐都唔番入黎 所以出黎睇下我咩事 驚我暈咗 ~
之後睇完就約佢去太興食早餐 不過我其實唔想食 但又唔想佢一個人咁悶 ~
我番到屋企即沖熱水涼就瞓喇 佢就 11 點出門口 因為 3 姑奶今日去澳洲 所以佢特登請假幫佢執嘢同陪佢入機場呢 ~
我瞓到 4 點呀 之後飲湯 睇波等里奧大人番囉 佢差唔多 9 點先番到屋企 所以叫佢買茶葉蛋比我食喇 ~
11 點瞓喇 因為個肚黎料 ~
( 23-JUL-2014 WED )
里奧大人今朝 6 點半起身喇 因為 9 點要番到大陸 office 見客 ~
我 8 點先起身呀 食早餐係趕 d 架喇 今朝仲食米粉 食完熱鬼死 哈哈 ~
菇場仍然無大粒 所以有嘢都唔願做 個個唔係上網就玩電話 幾咁爽 呵呵 ~
1 點幾先食 Flakes + 朱古力奶 都好飽肚架 不過唔可以成日食 因為依家憤咗 lunch 食 d 濃味嘢 突然咁健康 要 d 時間適應 ~
里奧大人 2 點打黎話番咗香港 食完 tea 就番公司 今晚一定夜放工 因為見客無咗半日 慘 ~
放工即走 lu 今晚超勁焗熱 但我都照徑步 徑 5 個圈算喇 流咗超勁多汗呀 不過話時話 呢排徑步之後 個 shoulder 真係唔痛 同埋感覺個人係舒服咗 丫 唔識點講 ~
番到屋企即沖涼 之後抖陣就煮嘢 lu 煮完即食 好鬼餓呀 哈哈 ~
里奧大人 8 點半放工 呢排都多數煮麵或者米粉 天氣熱真係無咩飯癮 ~
是日懶餐 - 香煎黑胡椒扎肉 + 蝦米蒸節瓜
香煎黑胡椒扎肉 - 老實講 真係完全唔覺有黑椒味 依家 d 嘢係咁架喇 貴又貴哂 但份量又會細咗 同埋連調味都無埋咁呀 可悲 ~
蝦米蒸節瓜 - 呢期鍾意食節瓜 同埋節瓜又可以留多 2 晚先煮 哈哈 ~
搞掂哂都 10 點 打下機 睇下電視 11 點幾都瞓 lu ~
( 22-JUL-2014 TUE )
實在太感恩喇 屋企附近開咗間凱斯施 咁里奧大人可以多個選擇 ~
早餐又食菠蘿油 開始厭喇 嘩哈哈 所以我都唔敢再成日話人來來去去都係食果 d 其實原來自己都係 呵呵 ~
菇場忙忙地 不過好在大粒唔喺度 咁樣 free 好多架 唔駛成日昅住佢地會唔會行出黎 ~
Lunch 同 8 卦出去食 幫埋 PMS 買飯就番菇場喇 好鬼熱 ~
我嘅紅咖哩豬扒意粉
8 卦嘅芥菜鹹蛋肉片湯飯 麻甩飯 哈哈
3 點幾無啦啦行雷 但就無落雨 大聲到好似空襲咁 嘈咗成 15 分鐘 我 feel 到菇場震添呀 之後就落雨 要落就快 d 落喇 唔好放工先落呢 ~
放工好好天呀 所以又去徑步 仲有 d 涼涼地嘅感覺 實在太好喇 不過今日攰 d 所以只係徑咗 6 個圈就番屋企 lu ~
沖完涼抖陣就煮嘢 8 點開餐 食完抖陣又沖涼 今次沖涼相距時間短呀 所以我自己都覺得好似沖咗無耐又沖咁 有 d 亂呀 哈哈 ~
今晚里奧大人 8 點半先放工 咁 3 姑奶叫咗佢朋友拎 d 生果比我地 咁里奧大人拎埋先番屋企 ~
是日懶餐 - 麥芽糖焗雞肶 + 蔥油菜心
麥芽糖焗雞肶 - 好有心機焗架 不過一拎出黎 我覺得好似喺大快活食 tea 咁 哈哈 ~
蔥油菜心 - 有 d 蔥油係好食 d 嘅 但我平時好鬼懶唔會咁整囉 ~
搞掂哂就打機 依家好無聊呀 玩推銀機 因為我唔想用腦諗個 game 點玩嘛 ~
今晚 10 點 45 分瞓覺 又瞓到喎 ~
( 21-JUL-2014 MON )
星期一喇 應該唔會太精神 哈哈 ~
早餐食餐蛋治 夠哂飽 ~
菇場忙啦 之後停下做下咁囉 ~
Lunch time 又未餓 所以陪 PMS 去還書 之後再買嘢食番菇場 出面好鬼熱呀 真係唔想行咁耐搵食 ~
一出完汗就好鬼攰 好在菇場冷氣夠 抖陣就成身爽哂 之後仲覺得凍添 所以有 d 想瞓 哈哈 ~
去街市買菜就算喇 一路行一路想嘔 可能太焗喇 勁辛苦 ~
番到屋企沖涼再抖陣 浸完菜又抖 之後拖地啦 不過真係好唔舒服咁 所以拖下抖下 我好小會咁架 因為我鍾意一次過做哂呢 ~
好感恩之後無咩嘢 又未餓 所以再抹柜同書房 等埋里奧大人放工 8 點半就一齊開餐喇 ~
是日懶餐 - 五香雞肶 + 唐生菜
五香雞肶 - 諗住焗架 不過無心機 所以就咁用五香粉醃一陣 之後就咁蒸熟就算 再加 d 辣蘿蔔 賣相無咁寡 哈哈 ~
唐生菜 - 又係懶 但想食菜 煮生菜最好 ~
搞掂哂抖陣就沖涼 lu 里奧大人就做公司嘢 今晚勁攰 所以 11 點要瞓喇 ~
( 20-JUL-2014 SUN )
今朝 8 點半起身 因為姑奶教會有慶祝活動 ~
9 點 15 分就出發 2 姑奶黎接我地去大埔 之後一齊食埋早餐就去會堂喇 ~
1 點完畢就去飲茶 3 點幾走人 lu 同里奧大人喺大埔行一陣 之後坐巴士番屋企 lu ~
番到屋企原來都差唔多 5 點半 又未餓 所以 hea 到 7 點先出去食嘢 ~
我想去吉野家打邊爐 都諗住無位 不過里奧大人話去睇下先囉 好感恩有位呀 因為我真係好想打邊爐囉 ~
食完就番屋企 9 點一齊出去徑步 依家越徑越快 以前徑一個圈要 5 分鐘 依家 2 分鐘左右就徑完 不過我係計時間徑步囉 如果徑 6 個圈 真係好快徑完 哈 徑咗半個鐘 身水身汗 番到屋企即沖涼 爽 ~
之後里奧大人番黎喇 我其實次次都會快過佢番屋企 咁就唔駛醃住等沖涼嘛 ~
11 點半瞓喇 星期一最唔想起身 所以早 d 瞓好 d ~
蒸多寶魚
唔記得咩名
沙拉惹味骨
上湯浸莧菜
通菜炒牛肉
美極金薯牛柳粒
( 19-JUL-2014 SAT )
今朝約咗 8 卦食早餐 我 8 點 40 分去到 佢已經食完 我話佢食得咁快唔等我 佢 8 點 20 分已經到咗餐廳 不過我無睇到 whatsapp 之後我話佢 又話 8 點 45 分先到 所以我咪遲 d 先起身 估唔到你咁快囉 呵呵 ~
無哂大粒 所以都 free 不過有嘢做囉 但真係無 mood 所以做下停下 之後陪 8 卦研究點煮溫泉蛋 最後結論係放棄 因為過程好煩 ~
放工同 PMS 一齊即走喇 里奧大人喺鑽石山地鐵站等我 PMS 就喺太子轉車 其實里奧大人同 PMS 喺南丫島見過 但當時傾咗幾句就走 所以無可能記得佢咩樣 哈 ~
實在太熱 所以唔想周圍搵食 同埋我又好想食酸辣米線 所以去星林居 我同里奧大人講我一星期食 3 次酸辣米線係咪好勁 佢話係 同埋知我真係好鍾意食 不過我同佢講 係時候停一停 我唔想咁快食厭 ~
食完即去 GAP 買嘢 因為有 8 折 不過我買唔到嘢囉 慘 但里奧大人就開心啦 買咗 2 件裇衫 + 2 條長褲 好似 8 折再 85 折 真係好抵 如果我有嘢買到就好啦 ~
買完就去黃金睇電腦 里奧大人話驚我又話迫又頭暈 叫我番屋企先 咁我又唔想喎 我話我去茶餐廳坐囉 佢就可以安心買嘢喇 ~
差唔多 5 點就走得 佢番屋企放低嘢 我就去稻香 今晚 6 個人食飯 諗住同 3 姑奶一齊就一定去勝利 但佢無啦啦 book 咗稻香 諗住無咁嘈 其實一樣咁嘈 ~
食到 8 點就走喇 一齊坐車走 因為我地去 3 姑奶屋企 睇下有咩要幫佢執嘢去澳洲 ~
搞到 9 點半 係時候走喇 真係好鬼攰囉 ~
沖埋涼就睇陣電視 11 點半瞓喇 ~