八福手打烏冬 @ 九龍灣 ( 31-AUG-2014 )

招牌汁煮金菇牛肉飯 - ok 啦

照燒汁煎雞扒手打烏冬 - d 烏冬好林 @@

麵豉湯

( 31-AUG-2014  SUN )

今朝 10 點起身   同里奧大人去太興食早餐   估唔到去到就有卡位   感恩呀 ~

食完就番屋企沖涼喇   之後番崇拜   今日番崇拜有種好奇妙嘅感覺   聽道嘅時候覺得好感動   自問信主咁多年   都覺得自己唔係一個好嘅基督徒   做唔到一個好好嘅見証   所以崇拜之後   我即刻去報主日學   我要再次認識神   我要好好裝備自己   希望能為主作鹽作光呢 ~

里奧大人要做公司嘢   我就諗住自己去睇樓   正想去睇嘅時候   里奧大人打黎話陪我   話始終一個女人去睇樓唔係咁好   哈哈   駛咩驚喎   因為我一定會同里奧大人講我喺邊座邊單位睇家嘛 ~

睇完就番屋企抖喇   今日唔出去食 tea 喇   食埋尋日 d 沙律就算喇 ~

7 點正想煮餃子   點知地產打黎睇樓   咁又去睇啦 ~

睇到 8 點   諗住睇多間   不過要 8 點半先有得睇   咁我同里奧大人去食嘢先 lu ~

8 點半唔夠就打黎話有得睇   趕鬼到我地呢   不過最後都唔太啱心水 ~

好鬼熱呀   番到屋企真係咩都唔做要即沖涼呢 ~

之後同里奧大人商量   都係唔搬好 d ~

嘩   11 點要瞓喇   因為真係好鬼攰   哈哈 ~

大食會 @ 姑奶屋企 ( 大埔 ) ( 30-AUG-2014 )

( 30-AUG-2014  SAT )

家姐今朝要去銀行搞嘢   所以同我食早餐   我都 7 點 20 分起身啦   約咗 7 點 45 分大快活等呢 ~

食完都 8 點 40 分 lu   家姐又送埋我上 van 仔先走   之後再行番淘大搞嘢   行黎行去   哈 ~

菇場唔忙   咁就好喇   上網睇 d 屋苑資料   呵呵 ~

放工走喇   諗住睇樓   但又無乜心水樓睇   咁算啦   同里奧大人去食車仔麵   因為我有 d 餓呀 ~

食完番屋企抖陣   4 點出發去大埔   行下睇下   唔知係咪耐無行街   對腳有 d 抽筋添呀 ~

6 點出發去姑奶屋企   6 點半已經到   好小咁早到架   哈哈   不過條街好鬼熱   唔想周圍行囉 ~

同姑奶兩公婆傾咗成個鐘   傾到開飯   時間啱啱好 ~

差唔多 9 點就走喇   姑奶坐的士出大埔市中心   所以順便車埋我地   一落車就有 74X   感恩感恩 ~

勁攰呀   所以番到屋企即沖涼   抖陣就瞓喇   原來都已經 12 點 lu ~      

招牌水餃 + 青紅蘿蔔豬骨湯 ( 29-AUG-2014 )

( 29-AUG-2014  FRI )

今朝同 8 卦食早餐   佢食嘢勁快   所以我地唔夠 9 點已經番到菇場 lu ~   

菇場都忙忙地   好似好有就 lunch time 咁 ~

Lunch 又同 8 卦出去食   之後行陣就番菇場喇   勁熱呢 ~

業主又加租   搞到我都無咩心機做嘢添   嘩哈哈 ~

放工走喇   今晚唔駛買餸   所以去商場行下先 ~   

里奧大人 7 點半放工   今晚食水餃同飲湯   勁簡單 ~

搞掂哂就睇電視   差唔多 12 點先瞓 ~   

嘉華大酒樓 @ 官塘 ( 28-AUG-2014 )

( 28-AUG-2014  THU )

里奧大人又要上大陸   所以我都係 8 點起身   不過今日唔打的啦   蝸速行去小巴站   都幾辛苦   哈 ~

真係無胃口   但唔食唔得囉 ~

菇場忙忙地   好在唔急咋   因為我又慢   部腦又慢   軟件硬件都快唔到   嘩哈哈 ~

Lunch 食埋個炒飯   真係勁難食   下次唔會再叫呢間茶餐廳 ~

放工去嘉華   家姐今晚 6 點 45 分就到喇   實在太好   我肚仲扯住扯住咁   想快 d 食快 d 走 ~

上埋屋企拎湯就番屋企喇   估唔到里奧大人 9 點已經番咗屋企 ~

沖埋涼   hea 多陣就瞓喇 ~

海皇粥店 @ 九龍灣 ( 27-AUG-2014 )

( 27-AUG-2014  WED )

今朝都 ok 啦   都係輕微嘅肚痛   不過就頭暈暈啦   所以都係打的番工 ~

買咗奶油多 + 咖啡   不過食咗小小都唔想食   無咩胃口 ~

今日叫外賣啦   諗住炒飯有 d 味   點知完全無味   嘩哈哈   食咗幾啖唔想食   留番聽日食 ~

等到放工   勁想食熱嘢   所以食粥   但食完好反胃   次次食完海皇 d 粥都係咁   但我又懶得行去海景囉 ~

里奧大人 7 點放工   叫佢買 Subway 番屋企食   因為我話好似好耐無見佢咁   叫佢快 d 番黎   哈哈 ~

都仲係好攰   所以我 10 點就自己瞓先喇 ~ 

蔥油雞 + 唐生菜 ( 24-AUG-2014 ) + ( 25-AUG-2014 ) + ( 26-AUG-2014 )

( 24-AUG-2014  SUN )

10 點起身   落去 KFC 食早餐   今次又衰咗   因為我成日未知成件事就話定人先   哈哈   事緣我見到個阿叔一坐低就睇報紙   我同里奧大人講   佢唔食哂霸住個位   之後唔夠 3 分鐘   有個女人拎 2 份早餐去佢度   咁即係佢真係黎食早餐   唔係齋霸位睇報紙   所以里奧大人話我成日未睇清楚就話人   遲早比人打   嘩哈哈 ~

( 芝士火腿卷 )

食完就番屋企沖涼   抖陣番崇拜 lu ~

崇拜完畢就番屋企   里奧大人就瞓覺   我就睇電視 hea 過 ~

3 點出去食 tea   實在太熱   所以都係唔周圍行   番屋企算喇 ~

里奧大人想徑步   所以我 6 點 45 分煮飯呢 ~

是日懶餐 - 蔥油雞 + 唐生菜  

蔥油雞 - 去燒臘舖買半隻豉油雞   $45 都幾抵   咁我又整咗 d 蒜蓉蔥花   再加小小甜豉油   個汁唔錯架   好在里奧大人都話個汁好食   下次食雞唔駛咁單調喇   哈哈 ~         

唐生菜 - 我想食腐乳   所以先買唐生菜   不過蔥油雞咁重口味   所以都係唔食腐乳喇 ~

里奧大人 8 點半出去徑步   咁我都抖喇   個肚谷住谷住    估唔到真係每月一到 ~

11 點自己瞓先喇   早 d 瞓有着數   哈哈 ~  

( 25-AUG-2014  MON ) 

今朝 9 點醒咗   又無咩痛   不過都係請 S/L 休息   所以打完電話番菇場請假就即落樓睇醫生喇 ~

因為我有瘤嘛   所以醫生摸我個肚   之後叫我快 d 去婦檢   咁我話好驚啦   唔好嚇我   佢又繼續講快 d 去婦檢   好搞笑   番到屋企沖埋涼   book 埋婦檢時間就瞓覺 lu ~

4 點幾醒咗   諗住出廳睇電視   點知睇睇下又瞓咗   7 點幾先醒呀 ~

里奧大人今日上廠   所以叫佢食埋先番屋企啦   反正我又唔想食嘢嘛 ~

等埋里奧大人番屋企   我就沖埋涼   好在 11 點都想瞓   唔係就慘 lu ~    

( 26-AUG-2014  TUE )

里奧大人今日又要上大陸   我今朝 8 點半起身   之後去 KFC 買早餐   份早餐有薯餅 + 鬆餅   咁就最好啦   可以分 2 餐食嘛 ~

去到的士站又係無車   仲要等成 10 個人   所以差唔多 9 點 15 分先番到   勁驚老闆見到   好在佢唔喺度   哈哈 ~

尋晚 12 點幾食咗粒勁嘢   所以個肚其實唔痛   但就勁攰啦 ~

好在菇場唔忙   我都係中下中下咁等到 lunch time   食埋鬆餅就瞓覺 lu ~

4 點幾黎料   好在差唔多放工   番到屋企即沖涼   之後抖呀抖   抖到里奧大人番屋企就入房瞓 lu ~  

傷心酸辣粉 @ 深水埗 ( 23-AUG-2014 )

( 23-AUG-2014  SAT )

今朝同 8 卦食早餐   同佢食早餐   我先可以食麵餐咋   因為我會比塊餐肉同 1/3 麵比佢食   咁我先食得哂 ~

菇場勁 free   無哂大粒嘛 ~

里奧大人 11 點就出發去黃金   因為電腦節呀   早 d 去唔駛咁多人 ~

佢幫姑奶買咗火牛同喇叭   差唔多 2 點幾先番到屋企   我唔太餓   不過佢好餓   所以同佢去大快活食 tea ~

佢頭先買咗火牛   咁即叉電啦   點知叉完之後   隻牛好慶呀   所以要去番深水埗換囉 ~

6 點出發去深水埗   換完隻牛就去食傷心酸辣粉 ~

食完就去番黃金買 cord 比家姐   之後坐 van 仔番屋企喇   呢個阿伯揸得又慢又 chok   真係坐到想嘔   哈哈 ~

番到屋企即沖涼   里奧大人要做公司嘢   咁我就睇電視啦   12 點瞓喇 ~

別府 @ 九龍灣 ( 22-AUG-2014 )

( 22-AUG-2014  FRI )

今日係里奧大人生日   不過佢要上大陸   都唔知陪唔陪到佢食飯添 ~

7 點鬧鐘響咗   同佢講聲生日快樂   身體健康   我又即刻瞓番咯   呵呵   因為我要 8 點先起身 ~

早餐食奶油多   唔想咁飽 ~

菇場忙忙地   好在 d 嘢唔急啫 ~

同 8 卦出去食車仔麵   平時我買番菇場食係好大碗   唔知點解堂食細碗咁多   好在叫 8 卦加底   唔係佢實唔夠飽 ~

( 我嘅 )

( 8 卦嘅 )

( 之後 share 餸 )

忙喇又   好在 4 點搞掂   不過最邪係 5 點又忙   仲要係 urgent 嘅   所以終於開 OT 喇   做到 5 點 50 分先走呢   呵 ~

行陣商場先番屋企   里奧大人 7 點幾打黎話放工   好感恩呀   咁可以一齊食飯慶祝嘛 ~

佢又話去元氣   咁我遙距取票啦   都要等 100 個號碼   咁應該到佢番黎都唔會得到囉   呵 ~

咁去別府啦   最緊要近近地   食完都差唔多 10 點幾   要番屋企喇 ~

沖完涼又睇下電視   12 點幾先瞓呀 ~