團年飯 @ 海港酒家 ( 將軍澳 ) ( 31-JAN-2015 禁 )

紅炆龍躉斑翅 - 材料仲有腐竹同燒肉   都幾濃味   所以真係最好送飯

紅炆龍躉斑翅 - 都啖啖肉架   好味道   我同家姐講話   如果得我同里奧大人兩個食   我都會叫   因為我鍾意食魚

瑤柱金菇扒豆苗 - 好味道呀   同埋份量好多   好似 $78   我覺得勁抵

例牌乳豬 - 乳豬呀乳豬   我勁想食囉   所以叫佢地快 d 食哂去   哈哈

別不同果醋骨煲 - 今次整得好衰啦   個汁太稀喇   同我之前食都唔同   家姐都話係唔同咗呀  

楊洲炒飯 - 粒粒分明好味呀

千層咖啡糕 - 好濃咖啡味   不過唔煙韌呢   如果唔係就更好      

雙皮奶燉燕窩 - 媽咪自己食咋   

朝日啤酒 (大) $22 又抵喎

( 31-JAN-2015  SAT )

今朝約咗 8 卦食早餐   咁我背住餐廳門口嘛   不過我都會間唔中轉頭望下去   佢話 8 點 45 分左右到   咁又望下啦   見佢坐咗近門口   仲想叫嘢食添   之後我即刻過去啦   條友真係丫   如果唔係我望到佢   我同佢就變咗各有各食喇 ~

芝士吞拿魚治   塊多士唔熱嘅   所以食到最尾 d 芝士都唔溶

八卦嘅沙爹牛肉公仔麵   勁香呀

又忙啦   忙到放工 ~

今日要去拎回鄉卡   不過就授權咗比里奧大人幫我拎   咁樣唔駛我行來行去   但我咁啱放工就有巴士   所以我落車嘅時侯   里奧大人就啱啱拎完   咁我等埋佢先一切去 Mega box 呢 ~

想 hea 呀   所以去飲茶   唔食紅肉真係好小選擇咁   哈 ~

我好鍾意食呢度嘅木耳   雖然係麻辣   但味道又 ok 喎   因為我自己唔會整木耳呢

家鄉煎薄罉 - 今次我話要食呀   

沙律明蝦角

南瓜豆沙煎軟餅



四寶滑雞扎

蛋黃千層糕 - 食奶皇包咁 @@

食完就去大眾買 " 人性的弱點 "   之前咁啱同 8 卦傾開 d 心理輔導問題   佢話呢本書好睇   咁我再問里奧大人   原來佢一早已經睇咗英文版本   之後再買多本中文版本睇   不過本書喺大姑奶屋企   所以佢叫我再買好過   佢朋友鬼仔先勁   記得作者名添   佢超鍾意睇書   頭先 whatsapp 比我地睇   佢一口氣買 3 本書同 2 份報紙   里奧大人仲以為佢喺書檔影添呀   哈 ~

$40 仲有 9 折   又好抵喎

買埋過灑器濾器就走喇   點知見到 Isabella 有得抽獎   咁我又抽啦   叫埋里奧大人一齊抽呀   我地都中獎 ( 我估其實個個一抽都中   只不過係細獎定中獎囉 )   所以又要上番 7 樓換禮品   哈 ~

左邊係里奧大人抽嘅細獎 / 右邊係我抽嘅中獎 - 里奧大人一見到就話呢個女仔係我鍾意 d 款   咁我比家姐睇啦   佢第一句又係話呢個女仔係我鍾意果 d   我好開心架   佢地記得我 d 嘢嘛   哈哈

細獎嘅係細塊 d   中獎係大塊 d   我分哂比媽咪同家姐   自己留番 1 大 1 細綠茶比里奧大人食   分完之後先知道原來我無得食   嗚

隻腳有 d 痛   所以都係搭 shuttle 番九龍灣   順便去旅行社 ~

搞掂哂就去媽咪屋企   今日飲茶打比家姐   先知媽咪上個月原來唔小心將支洗頭水跌落隻腳度   所以里奧大人話去媽咪屋企睇下咩情況囉   依家對腳指仲有小小痛同小小瘀黑   我咪話媽咪囉   一早講我地知嘛   隻腳 d 瘀唔去就會壞死架   唔好睇小範圍多定小   佢講極唔聽真係好鬼煩   所以我話都廢鬼事理妳   成日就無事變有事先黎睇醫生   到時咩都遲啦   反正唔係我痛   妳鍾意點就點 ~      

家姐 5 點半左右就黎接我地去海港   今晚食團年飯呀   估唔到姐夫又得閒   所以一齊去呢   勁開心 ~

無得 book 位   所以 6 點去到   好在有位咋   因為坐低無耐已經 full 哂 lu   個個都應該係提早食團年飯架喇 ~ 

差唔多食哂   家姐就去奇華買蛋卷   咁 8 點幾有侍應叫我地埋單   最搞笑姐夫話比錢果個行開咗   張單擺低先   等佢番黎比錢 ( 之後家姐講番   話次次出街   佢多數係要簽卡   所以姐夫都會一出街比錢   就叫家姐簽卡 )   咁我同里奧大人都喺度家嘛   咁梗係里奧大人比啦   姐夫係都話唔好   我話有咩唔好喎   請屋企人食飯有咩所謂   之後家姐番到黎   我地話走得架喇   家姐又碌大對眼話 " 下   乜埋咗單喇 ?!?! "   之後又係都比番 $500 我地   我地唔會要囉   屋企人唔係咁計家嘛   唔係一定做大嘅比錢呢   同埋家姐又成日買嘢比我地食   妳請下我   我請下妳就最開心呢 ~

之後分頭行事   因為我要去廣良興買糖   好在後尾家姐見到我   因為我唔識點去停車場呀 ~

$4.8/100g   呢度買咗 $31

我 whatsapp 比家姐叫佢估幾錢   佢估 $28   我打勁   之後打錯   哈哈   佢話當時佢見到勁字   已經打緊 "係咪真架? "   之後佢見到錯字   咁果句唔駛打   之後佢再估 $33   我話差唔多   佢再打 $35   我打錯哂啦   再小 d   佢打 $ 32   咁我比答案佢    係 $31 先啱   之後佢忍唔住打黎   話 $31  點解 $28 係勁錯   但 $33就差唔多呢 ?!  大家都係相差 $2同$3之嘛   我話是但啦   我最主要目的係想打妳答得勁錯啫   哈 ~
  

1 磅蜜汁豬肉乾 ($60) / 1 磅豬肉鬆 ($30)

媽咪買比我地嘅生果   其實之前果 d 都仲未食完   唉   明明話要 1 個柑   點知又 4 個   明明話得 1 梳皇帝蕉   又有 2 梳   其實真係唔可以買咁多比我囉   我地又唔係成日食生果   有時擺到爛咗就掉   好嘥

去埋媽咪屋企拎生果就番屋企喇   我即沖涼喇   里奧大人就去徑步 ~

唔知係咪飲咗幾啖熱茶   11 點幾瞓都唔太眼瞓   所以里奧大人瞓先   我 12 點幾先瞓到呀 ~

煎鯪魚餅 + 海皇醬炒脆肉瓜 ( 30-JAN-2015 禁 )

( 30-JAN-2015  FRI )

天陰陰呀   所以唔想起身   哈 ~

今朝想食甜嘢   所以食奶醬多喇 ~

菇場唔太忙   都唔錯 ~   

食完 lunch box 就出去百佳買出前一丁   $28/10 包   都抵嘛   再買埋超力炒米粉 2 包   最後買埋 8 枝參蜜比里奧大人上大陸飲   實在太重   所以要收手喇 ~

又係 4 點先黎忙   做到放工都係做咗一半   留番聽日再做 lu ~

番到屋企抖陣就煮嘢   7 點搞掂哂   所以自己食先喇 ~  

里奧大人 8 點放工   咁我就出去徑步喇   徑半個鐘就番屋企煮丁麵比里奧大人食   等佢食埋再洗碗就沖涼 lu ~  

是日晚餐 - 煎鯪魚餅 + 海皇醬炒脆肉瓜  

煎鯪魚餅 - 好有心機煎架   好難得無燶囉 ~   

海皇醬炒脆肉瓜 - 脆肉瓜 $7/3 條好抵   所以我實會買黎食 ~

有時好懶   坐喺梳化就唔願郁嘛   咁如果我想照鏡   我會用手機嘅自拍工能   好似今晚想睇下自己嘅黑眼圈有幾勁   咁又開自拍功能啦   咁光暗都會影響臉色家嘛   咁我咪將塊面左擰右擰囉   里奧大人無啦啦講 : 真係恐怖   佢更係以為我自拍啦   哈   但就算真係自拍呀   都唔駛用恐怖黎形容人地家嘛   衰 ~  

打陣機都差唔多 11 點   睇多陣聖經就瞓喇   里奧大人就仍然睇電視   幾咁嘆呀 ~ 

京蔥炒魚片 + 蒜蓉炒豆苗 + 炒油麵 ( 29-JAN-2015 禁 )

( 29-JAN-2015  THU )

今朝里奧大人 10 點去石門見客   所以又同我食早餐喇   不過就要早 15 分鐘起身囉   呵 ~

麥記 d 燈光好柔和   令到個人太 relax 啦   所以番到菇場勁眼瞓呀 ~

唔忙最好啦   所以上網睇嘢   睇到眼濛   哈 ~

食完 lunch box 就出去行下 lu   今日其實攰架   但依家習慣咗食完去行一陣咁囉 ~

好嘢   菇場仍然唔忙   咁我可以繼續上網   傾下計咁等放工 ~

放工去街市買餸同生果   買咗 1 斤豆苗 / 3 條脆肉瓜 / 3 條澳洲甘筍 / 半磅鯪魚肉 / 1 磅西梅 / 4 個加拿蘋果 / 4 個桃駁梨   重到呢   買嘅時候又唔覺咁重   但行咗 2 步就知死喇   哈 ~

西梅 $28/磅   我啱啱好買咗 1 磅   好甜呀   所以食哂所有生果就會再買黎食呢

番到屋企浸菜   開機洗衫   7 點 20 分開始煮啦   8 點先有得食   因為今晚樣樣嘢都係炒   唔係可以快 d 食 ~

里奧大人 8 點 15 分放工   咁等埋佢番黎   佢食到一半都已經 9 點 10 分   咁我唔陪佢喇   要出去徑步喇 ~

是日晚餐 - 京蔥炒魚片 + 蒜蓉炒豆苗 + 炒油麵 

京蔥炒魚片 - d 京蔥星期日買架   諗住煮京蔥肉片   不過之後煮咗其他   尋晚開雪柜先記得有京蔥咋   所以點都要煮埋去呢   唔食得肉片   咁煮魚片啦   加埋 d 燒汁去炒又幾好味噃 ~   

蒜蓉炒豆苗 - 煮出黎等如出街食嘅 2 碟份量   好在我都鍾意食豆苗   留咗 1 碗比里奧大人   其他就我食哂   正呀 ~

炒油麵 - 唔想食飯   咁就煮油麵   本來諗住自己食冷麵   清埋 d 芝麻醬   點知最後完全唔記得呢回事   哈 ~ 

徑咗 20 分鐘無啦啦個胃頂住頂住好辛苦   所以都番屋企喇 ~

沖咗熱水涼好似好 d   之後就睇電視   再睇埋聖經   原來又 11 點幾喇   要瞓 lu ~

煎鷹鯧魚 + 菜心苗 ( 28-JAN-2015 禁 )

( 28-JAN-2015  WED )

尋晚喺床到碌黎碌去都瞓唔到   咁睇下鬧鐘   原來已經碌到 1 點   之後碌多陣就瞓到   預咗起身都會眼瞓架喇 ~

今日開始禁食祈禱 21 日   不過我就唔食紅肉   食素同埋白肉居多   但就想盡量唔食雞   只係食魚同蝦呢 d ~

早餐食芝蛋治   其實勁驚自己口快快叫咗芝腿治架   哈 ~

菇場忙呀   12 點就搞掂前半 part   之後可以 hea 到 lunch time 喇 ~

出去食嘢   因為想出去行下呀 ~

番到菇場做埋下半 part   差唔多 3 點幾先搞掂   好攰呀 ~

放工即走 lu   買埋木瓜就屋企   放低嘢就即浸菜   之後再煮埋聽日嘅 lunch box   抖多陣就煮飯喇  好餓呢 ~

綠色喺 Taste 買   一個 $9.9   黃色係喺生果舖買   1 磅 $9.9   不過 Taste 果 d 擺咗一個星期都仲係綠色   但外皮都有 d 黑   諗住都應該熟嘢啩   點知切開係生嘅   根本食唔到囉   要掉   下次喺生果舖買算喇     

里奧大人 7 點 15 分放工   咁我都食先喇   想去徑步嘛 ~

是日懶餐 - 煎鷹鯧魚 + 菜心苗

煎鷹鯧魚 - 媽咪上星期四買比我架   唔係媽咪問 d 魚好唔好食   我都完全唔記得佢嘅存在 ~  

菜心苗 - 上次食剩一斤   今晚都一定要食哂佢架喇 ~

里奧大人食完都係 8 點半   咁諗住 9 點去跑步   不過無啦啦鼻塞塞咁   所以唔徑 lu   即沖涼 ~

食埋木瓜就休息喇   仲以為 10 點幾瞓   望下個鐘原來 11 點幾   oh ~~~~

水餃米粉 ( 27-JAN-2015 )

( 27-JAN-2015  TUE )

又係好潮濕天氣   所以個人真係特別攰咁呢   同埋最煩係着厚褸又熱   着薄褸又凍喎 ~

早餐想食熱嘢   咁食腿蛋治 ~

菇場忙下停下   眨下眼又 lunch time 喇 ~

今日有 lunch box   食完又出去行下 ~

放工即走喇   要去媽咪屋企整嘢   坐到 6 點半走喇   約咗家姐喺淘大交收雪糕 ~

( 家姐知里奧大人 like choc choc chip   所以佢訂嘅時候即打比我呀   之後我叫佢話事啦   買咩就咩啦 ) 

估唔到里奧大人 6 點 50 分打黎話放工   咁我都要快 d 番屋企喇 ~   

是日懶餐 - 水餃米粉 

水餃米粉 - 想清哂 d 水餃   因為想有位放雪糕 ~ 

搞掂哂都係 8 點幾   諗住同里奧大人一齊徑步   點知佢同鬼仔傾電話傾咗 45 分鐘   咁唔徑 lu   反正我等下等下都有 d 唔想出去   哈 ~

沖埋涼就打機   之後睇陣聖經就瞓   都 11 點幾 lu ~

蒜蓉蒸鮮魷 + 臘鴨 + 蒸撻沙 + 菜心苗 ( 26-JAN-2015 )

懶到豉油都無落   唔知以為係生嘅   哈

( 26-JAN-2015  MON )

潮潮濕濕嘅天氣   真係令人好易攰咁呢 ~

早餐食芝腿治   但其實想食奶油多   不過星期一嘅早餐想食飽 d   無咁眼瞓咁   哈 ~

番到菇場即做 report   之後就 hea 過喇 ~

出去食 lunch   行咗陣就番菇場喇   天氣潮濕唔係咁想行街 ~

同工廠同事 skype   佢問我地幾點放工   我話我地 5 點半放工   之後我話如果有 urgent 嘢都會做埋先放工   我唔想話自己準時放工呀   嘩哈哈 ~

放工即走喇   約咗整燈師傅 7 點   今次換廚房燈火牛   上次佢話燈制有事   所以換燈制   但佢一換就"卜" 一聲燒埋 fuse   咁都信佢啦   但無耐盞燈又唔着   佢再黎跟進就話火牛   都唔知係咪上次佢整壞咗燈制   所以話燈制壞   之後仲話係里奧大人話要換添   咁今次佢話只收火牛錢   人工費唔收   大佬   對佢無咩信心啦   但佢跟開先叫佢整咋   同埋最緊要約啱時間囉   我去問另一間   成日話師傅呢排唔得閒   我都等唔到咁耐喇 ~   

搞掂哂都 6 點半   我要即煮嘢喇   好在我安排今晚所有餸都係蒸   所以好快煮完呢 ~

食完諗住洗碗   抖陣就出去徑步   點知里奧大人 7 點半放工   約咗兒生仔上黎屋企幫佢開 a/c   但原來 2 姑奶同兒生仔已經喺屋企樓下   所以上黎坐住等喇   我無得去徑步囉   嗚 ~

里奧大人番到黎就即搞 a/c d 嘢   都搞咗成個鐘   之後兒生仔佢地都走 lu   佢都即刻食飯喇 ~ 

是日懶餐 - 蒜蓉蒸鮮魷 + 臘鴨 + 蒸撻沙 + 菜心苗 

蒜蓉蒸鮮魷 - 媽咪之前買比我架   諗住用豆板醬炒   不過里奧大人啱啱好番   所以蒜蓉蒸啦   最方便   哈 ~

臘鴨 - 又係媽咪之前買架   因為我唔識買呢 d 臘味 ~  

蒸撻沙 - 唔係執好冰格   都唔記得有 2 條撻沙   所以成日叫媽咪唔好買嘢比我   唔記得食之後壞埋仲嘥 ~ 

菜心苗 - 尋日買嘅   $13/2斤   我聽有個女人話之前買過好甜   所以我又買   因為睇佢個樣唔似 "媒" 樣   哈哈   同埋 d 菜又真係幾甜嘅 ~ 

搞掂哂都 10 點喇   即沖涼  打一陣機又已經 11 點   要瞓 lu ~  

客家好棧 @ 九龍灣 ( 25-JAN-2015 )

寮步豆醬豬寸骨 - d 醬汁甜甜地好味呀

南乳粗齋煲

菠蘿咕嚕肉

自家醬老薑米鴨 - 阿 Jack 話老鴨 d 肉會唔會好韌   我話係老薑米鴨呀   唔係老鴨呀

客鄉情炒飯

滋潤熱玫瑰花蜜 - Ivy 細細聲問 Jack 要唔要滋潤 xx   阿 Jack 話唔要唔要   話唔飲 "豬潤"   哈哈   發音又幾似嘅

( 25-JAN-2015  SUN )

9 點半起身   梳洗之後就食早餐喇   我同里奧大人坐 4 人枱   同佢係並排坐嘅   之後有對男女坐我地對面   可能係兩母子   女嘅似 60 歲到啦   一坐低就同我講早晨   咁我當然又會講番早晨啦   之後我地走   佢又同我講拜拜   最搞笑係佢無同里奧大人講架喎   里奧大人問我係咪識佢   我話唔識架喎   哈 ~  

抖咗陣就番教會喇   阿 Jack 部電腦又有問題   所以今晚同佢地食飯   食完再上佢屋企睇部腦   咁啱廚房燈又壞咗   都諗住出去食呢 ~

崇拜完畢之後我就去街市買菜   因為約咗師傅聽晚 7 點黎整   所以買定 d 菜   里奧大人就番屋企整嘢 ~

好餓呀   所以 2 點半出去食 tea   番到屋企就上網買嘢   買完就睇雜誌 hea 過喇 ~   

唔駛煮飯就開機洗衫喇   差唔多 5 點就勁想瞓覺   咁坐喺梳化合埋眼   試下瞓唔瞓到   估唔到一瞓就半個鐘呀   哈 ~

約咗阿 Jack 兩公婆 6 點至 6 點半喺客家好棧   所以我晾完衫就即出門口喇 ~

佢地差唔多 6 點 15 分就到   叫完嘢食就傾計   今晚人多   起菜都好耐   食到 8 點就走 lu ~

里奧大人就同 Jack 整電腦   我同 Ivy 就傾計睇相   9 點終於鐘搞掂   我地即去徑步喇   今晚徑咗 20 分鐵就番屋企喇   原來里奧大人有公司嘢要做   丫   咁之得唔好陪我徑步啦 ~

沖完涼抖陣   食埋生果   11 點幾瞓喇又 ~