2015年2月28日星期六

公司春茗 ( 28-FEB-2015 )







( 28-FEB-2015  SAT )

今朝 9 點幾起咗身 lu   落去食早餐   番到屋企沖埋涼   抖陣就出去喇 ~





無啦啦要去尖沙咀搞 d 嘢   咁就好啦   唔駛諗去邊   哈哈 ~

I Square 出面有我呢期好鍾意嘅 " 癲噹 "   勁感恩呀   因為之前成日想去睇   不過要我特登去睇又唔想喎 ~ 



有個鬼仔勁搞笑   我地影癲噹嘅時候   佢企喺癲噹隔離   擺哂 post 比我地影   之後就走咗去前面搵番朋友   初初以為係傻佬添 



搞掂哂都差唔多 1 點   咁要食嘢喇   唔係一陣好多人 ~

今次去食 Naan   我初初以為係食印度嘢添   因為見到 d staff 係印度人嘛   後尾我地問個唔知係咪老闆嘅男人   佢解釋我地知   間餐廳有土耳其菜   墨西哥菜同印度菜喎 ~


Greek Salad with Roast Chicken ( Lettuce, Tomato, Cucumber, Yellow Pepper, Tabuleh, Feta Cheese, Black Olivers with Roast Chicken 


我想食 Feta Cheese 好耐架喇   不過好在食咗 1 嚿咋   因為其一好鹹   其二好滯呢   如果食哂 4 嚿   一定食唔落其他嘢 


脆卜卜雞肉


Fish Curry with 2 Rotis - Boneless Fish cooked in mild curry sauce  里奧大人一見到 d 魚係 boneless 就話食   懶人



Garlic Naan


好油 @@



樣樣嘢都印咗公司名


我仲以為係 d 祈禱文添   原來係地址   都有唔小分店喎


食到 2 點幾就行去 Harbour City   不過行咗唔夠一個圈就走喇   因為真係無咩嘢好行   同埋好焗   我最驚 ~

諗住搭地鐵   但見到 13X 有幾個人排隊   咁想等一陣囉   好感恩唔駛 1 分鐘就有車   仲有得坐   實在太好喇 ~

去埋惠康買布冧   再行下條晨運徑   咁下次夜晚可以行埋   呵 ~

番到屋企 4 點喇   今晚食春茗   所以約咗同事仙姐 4 點 45 分喺地鐵站等   佢又遲咗 5 分鐘   唉   之前佢仲話驚 4 點半喺地鐵站等   驚去到紅磡話遲   但依家佢又遲到喎   5 分鐘唔係多   但對上果次佢又遲 10 分鐘呢   今次好在里奧大人幫我 check 時間   話九龍灣去紅磡   半個鐘實到   所以改 4 點 45 分等好 d ~

去到酒店都係 5 點幾   估唔到咁快 ~

6 點開始   玩遊戲玩咗好耐呀   所以 10 點幾先走 ~

抽到嘅利是 


同仙姐同埋兩個 A/C 同事一齊搭火車再轉地鐵   11 點番到屋企 ~

本來里奧大人話黎接我   我話唔駛啦   叫佢快 d 沖涼好過   咁我番到屋企可以即沖涼嘛   哈 ~

今日頻頻樸樸都好攰   所以 12 點就即瞓喇 ~  

2015年2月27日星期五

元氣壽司 @ 九龍灣 ( 27-FEB-2015 )

( 上 ) 三文魚壽司 / 吞拿魚壽司 / 羅勒香草赤海蝦

( 下 ) 海鹽赤海蝦壽司 / 炸蝦卷  / 灸燒廣島蠔壽司 / 蟹子沙律軍艦 
         三文魚腩壽司 / 海膽墨魚軍艦


羅勒香草赤海蝦


蟹子沙律軍艦


海鹽赤海蝦壽司 / 灸燒廣島蠔壽司


玉米蝦船


炸蝦天婦羅壽司


鵝肝壽司


蟹肉三文魚子


炸三文魚皮


中華沙律


( 27-FEB-2015  FRI )

8 日新年假期終於結束喇   今日正式番工   但仍然想瞓   哈哈 ~

好耐無食芝腿治喇   不過唔係話好期待   只係想多個選擇咁呢 ~


番到菇場無耐   Admin 同事就比 2 封開工利是同埋大細老闆私人利是   仲話下個月有花紅   加埋之前嘅額外收入   好豐收呀   感恩感恩 ~


忙下停下   一停就 load 相咁囉   所以時間過得勁快 ~

落毛毛雨呀   所以買腸粉魚肉燒賣番菇場食   咁一路食一路 load 相 ~


里奧大人超開心啦   食完開年飯就可以番屋企喇 ~

我掛住 load 相   都無睇幾點   點知一望個電腦   原來已經 4 點   之後又忙喇   好在 5 點又搞掂   咁 load 多陣相就放工 lu ~

番到屋企見到里奧大人 load 相   佢應該仲有排 load 架喇   佢影咗 16GB   差唔多 5,000 張相   不過好在佢真係好鍾意影相   我就唔駛點影   呵 ~

今晚約咗家姐去元氣食壽司   因為我要用生日優惠呀   就係全單有 9 折 ~   

家姐 7 點到喇   好感恩有卡位   咁樣傾計舒服好多   唔駛側住個頭黎傾計 ~

食完都 8 點幾   咁叫里奧大人番屋企 load 相先   我送家姐去巴士站   途經 Boutique   d 衫勁抵呀   清貨嘛   所以同家姐一齊買衫   但我無帶銀包呀   所以家姐自己買 3 件   佢送 2 件比我   埋單 6 百   無啦啦有 2 件衫勁開心呀   嘻嘻 ~

送完家姐去巴士站   番到屋企都差唔多 10 點   要飲湯喇   驚聽日又無時間飲呀 ~


之後開機洗衫喇   依家天氣勁潮濕   就算開抽濕機都要 2 日先乾   又啱啱去完旅行   洗嘅衫又多   有排洗 ~~~~

日 off   所以 hea 到 12 點先瞓呀 ~      

2015年2月26日星期四

嘉華大酒樓 @ 官塘 ( 26-FEB-2015 )

紅燒乳鴿


脆皮乳豬 ( 例 ) - 我本來唔想去嘉華食架   不過媽咪同家姐講話我生日   所以想同我食乳豬   咁是但啦   其實媽咪想食咩就咩囉   因為佢生我出黎家嘛   應該同佢慶祝先啱   哈哈  


菠蘿生炒骨


蒜蓉炒豆苗


d 柑好甜呀   勁正   我見到家姐笑得好開心   以為開心 d 柑咁甜   原來佢話姐夫鍾意食   所以佢可以拎番屋企  


( 26-FEB-2015  THU )

今朝教咗 10 點半起身   咁里奧大人 9 點已經起身   我其實都醒咗架喇   不過懶床都 10 點   之後里奧大人入房拎嘢   咁我都起身啦   之後佢話叫我瞓番啦   因為佢教咗 10 點半播生日歌   叫我 10 點半先好起身喎   搞笑   我當然唔會再瞓啦   起身執嘢好過 ~

沖埋涼   meme 摩摩   11 點幾就出門口   因為 book 咗 11 點半食韓燒呢 ~

我好小第一餐係當埋午餐咁食架   但今朝起身其實都唔餓囉   所以就一餐當兩餐食   12 點去到   食下傾下睇下   差唔多 2 點半就走喇 ~

坐 window seat


屋企超大霧 @@


$118 未計加一   真係好抵


陸續有人入黎坐




好乾淨   同埋地下唔會立痴痴




炸物都唔小噃


沙律區




小食區





之後會 refill 唔同嘅嘢



















開餐喇


炒呀粉炒


右邊嘅醬汁好鹹



我鍾意加大量辣椒粉



食小食開開個胃先   但 d 青瓜唔係酸囉   唔係就更加好





食咗1 塊豬扒   因為想咩都試下   不過我主打食美國西冷同牛肉呢   


牛肉   無咩味囉




雞翼 + 辣魷魚


海鮮辣湯   想飲 d 熱嘢


之後先敢食西瓜   哈哈





蜜糖蛋散脆卜卜   超好味呀


豬腳薑都好味


食完雪糕就凍到震   所以都無再食嘢 lu





約咗里奧大人保險經紀 3 點喺 APM   傾到 4 點幾就搞掂 ~

行咗陣 APM 再行埋官塘廣場   諗住去媽咪屋企抖下   但媽咪又出咗去酒樓   咁去酒樓啦   其實我勁攰   所以坐喺酒樓都差唔多瞓鬼咗 ~

家姐差唔多 7 點到   咁叫嘢食咯   食到 8 點幾就番媽咪屋企   因為媽咪要煲咗湯比我   同埋比生日利是我呢 ~

家姐要寫日子   之後佢無啦啦同我講話差 d 比我鬧   因為問今日幾多號喎   哈哈   唔好講笑   我到依家都仲係暈陀陀   好攰呀 ~

8 點半走人喇   番到屋企即沖涼   依家天氣勁勁勁潮濕   個人立痴痴好唔舒服囉 ~

嘩   到今日仲係好攰   可能又潮濕天氣影響啦   所以咩都唔想做   11 點唔夠就瞓喇 ~