魚肉釀炮椒 + 蠔油燜節瓜 + 糯米粟 ( 31-MAR-2015 )

( 31-MAR-2015  TUE )

尋晚瞓到半夜好熱   無啦啦隻牙又痛咗一下   唔知係咪熱氣呢 ~

天氣又係潮潮濕濕   好在唔係話太攰咋 ~

今朝無咩胃口   所以食 d 甜嘢好 d   食食下渠王坐埋黎   最驚見到佢   因為無咩話題   之後佢無啦啦問里奧大人係咪九龍灣做嘢   我話係啦   是但應佢算 ~

菇場忙呀   未停過手 ~

今日有 Lunch box   咁我今日負責叮飯   因為餓呀   哈哈   咁問阿齋做咩食咁小   之後佢又話本來唔覺得小   但比我問一問   又覺得小   驚唔飽   話落去買包超力米粉   我話我有存貨喺菇場   比包佢啦 ~   

食完出去行   因為頭先阿齋話百佳買超力米 $14.9/2 pack 好抵   所以我又買 4 pack   買到平嘢真係好開心   哈哈 ~

諗住做完抖陣   點知又要做 report   嗚嗚   有排做 ~

放工即走喇   抖陣就開始煮嘢喇   今晚勁想徑步呀   所以我自己 7 點幾食先喇 ~ 

是日晚餐 - 魚肉釀炮椒 + 蠔油燜節瓜 + 糯米粟  

魚肉釀炮椒 - $10/2 包炮椒   個名好勁咁   佢話唔辣我先買咋   不過我食咗有幾隻都辣囉 ~    


蠔油燜節瓜 - 清哂蠔油要緊呀   所以要煮節瓜 ~

糯米粟 - $12/3 條   上次去旅行食完   之後間唔中都想食   所以都係買黎過口癮   但其實好滯   食完呢 3 條   應該一排唔會再買黎食咯 ~

洗埋碗就抖陣   里奧大人 8 點 20 分打黎話仲未放工   咁我都出去徑步 lu ~

唔經唔覺又經到 9 點   係時候番屋企喇   好鬼熱呀 ~

沖埋涼就睇聖經   之後諗住睇旅遊書   但里奧大人打黎話就番到屋企   咁煮蕃茄米線佢食啦   咁夜佢無飯癮   煩 ~

睇多陣電視   11 點幾瞓 lu ~ 

洋蔥豬扒 + 蠔油唐生菜 + 芫茜皮蛋魚片湯 ( 30-MAR-2015 )

( 30-MAR-2015  MON )

嘩   仲係好攰咁噃 ~

早餐食飽 d   因為晏晝食麥皮 ~

菇場忙咗陣   之後又 hea 下做下   時間過得好快 ~

Lunch 食麥皮   再加個細麥包   咁就啱啱好喇 ~

無啦啦又忙   好在放工前做哂 ~

去街市買餸   買完即番屋企即開機洗衫   之後即預備晚餐喇   因為里奧大人今日去上環見客   應該唔會太晏放工 ~

洗呀切呀   差唔多 6 點半里奧大人打黎話見完客   咁我仲更加要開行 turbo 煮嘢呢 ~

7 點半有得食   算快架喇 ~ 

是日晚餐 - 洋蔥豬扒 + 蠔油唐生菜 + 芫茜皮蛋魚片湯  

洋蔥豬扒 - 好想食呀   所以點都要整   今次買 3 塊薄豬扒   估唔到只係 $10   咁嘅份量就夠架喇   帶埋飯就啱啱好呢 ~     

蠔油唐生菜 - 之前買咗幾枝蠔油   5 月到期   依家要清哂去喇   慘 ~  

芫茜皮蛋魚片湯 - 里奧大人話熱氣   咁就整呢個下火湯   希望幫到佢啦   今次落兩豌水   但個色都好淡咁   已經買 2 扎芫茜喇喎 ~

勁攰呀   又熱喎   所以都唔徑步喇   喺屋企郁手郁腳當做運動啦   哈哈 ~

9 點沖涼   頂唔順要開冷氣喇 ~

里奧大人做公司嘢   我就睇電話   之後睇埋聖經就瞓喇   今晚 11 點瞓   依家要教番呢個時間瞓 lu ~

大家樂 @ 九龍灣 ( 29-MAR-2015 )

( 29-MAR-2015  SUN )

尋晚發夢同家姐 媽咪去行山   個山行極唔完咁架   勁恐怖   而里奧大人就發夢踩三輪車   但無力踩   要人推佢   umm   好明確我地對腳係好攰   發夢都係同對腳有關   嘩哈哈哈哈 ~   

今朝 8 點半起身   出去食完早餐   沖埋涼   抖陣就番主日學 lu ~

崇拜完畢就去三聯買旅遊書   之後去麥記食嘢喇 ~

終於都用咗 2 張 coupon   仲有 3 張   但 5 月到期   真係時間緊迫喇   因為唔係成日都想飲咖啡呢    

我呢杯係 "樂家杏仁咖啡"   又話買 1 杯有 1 粒樂家杏仁糖送   但我買嘅時候佢話已經送完喎   不過呢杯咖啡好鬼甜   我又加錢去到 M size 喎   真係好後悔呀   哈哈

我發覺自己好似放監咁   因為我勁想食薯條同蘋果批呀   我比啖蘋果批比里奧大人食   佢又係問我係咪食唔哂   之後我忍唔住問佢點解次次都咁問   佢話事實係咁   哈哈   

諗住買餸   但又好攰   里奧大人話出去食好過喎 ~

番到屋企   里奧大人就做公司嘢   我就熨 2 機衫   熨完都 4 點   之後喺梳化灘抖   點知瞓到 5 點   哈哈 ~  

6 點幾出去食   諗住去吉豚屋食壽喜燒   不過里奧大人熱氣呀   唔啱食   咁我想打邊爐嘛   咁去大家樂食算喇 ~

食完就番屋企抖到 8 點 20 分   之後又出去徑步喇   徑到 9 點就番屋企   爽 ~

沖完涼就抖喇   我睇電視   咁里奧大人做多一陣公司嘢就搞掂   不過其實都已經 10 點 lu ~

今日都好攰下   所以 11 點唔夠就瞓喇 ~

愉景灣 -> 梅窩 + Cafeholic @ 東涌 (Part 3/3) ( 28-MAR-2015 )

( 28-MAR-2015  SAT - Part 3/3 )

3 點半喇   仲要繼續行  ~~~~~~

佢地有運行啦   問我地點樣去邊度邊度   我地都搵緊路呀   哈哈   之後無啦啦同里奧大人講   你部相機係咩咩喎   阿奧話係呀   其實真係唔知比咩反應佢好。。。。    

我叫里奧大人企喺度抖下 ( 有陽光嘅地方 )   佢好大反應話企都唔企呢度啦   哈哈   之後自己行去唔曬嘅地方抖下   我同佢真係成身成臉都無汗架   人都顛

以為係黑板嗎 ?!?!

有隻烏鴉

繼續撐上去   因為已經 3 點 50 分喇   要快 d 行  

滿地樹葉   一路行一路 ci li sa 拿

斜路黎架   行極都係斜路 ~~~~

有人跌咗件衫 ?!

抖夠又行過啦    真係要行下抖下   唔係我會猝死 ~      

估唔到 4 點左右終於到涼亭喇   不過我無上去睇呀   我實在好辛苦   哈哈 ~

之後有對男女問我地點去梅窩   里奧大人話佢都唔識   哈哈   不過好在都係得一條路   最恐怖係個男仔話 GPS 話係挖頭路   但行行下又話唔係   咁即係我地繼續行啦 ~

上條樓梯就可以去涼亭   

落山喇   但要行呢 d 路囉   丫   我最驚行呢 d 路架   里奧大人知我驚   所以佢揀行山路線   一見到呢 d 路就即飛   點知依家要行   哈哈 

              

行咗 10 分鐘   終於見到 "天國的階梯" 喇   都真係好長囉   好在我地由愉景灣去梅窩   唔係就大鑊喇   要我上咁多樓梯   又曬喎   我真係會放棄囉 ~   

落樓梯喇   yeah   因為表示差唔多到梅窩 ( 希望 ) 

4 點喇   終於望到家鄉 ~~~~

好舒服呀 ~~~~

繼續行前行前又行前

我住呢間屋就一定會變宅女 

如果要我上樓梯就慘喇     

行咗 20 分鐘   又影下相   個鬼仔堅呀   行出去   我就咁望都腳軟 ~~~

坐到咁邊邊位沉思

同女朋友一齊坐   幅相當堂 sweet 哂   哈哈  

影到似天黑   哈哈

想影太陽    

影埋 last 一張  

望多陣海  

又見到佢地   我同里奧大人講   見到個女仔就覺得熱   里奧大人話關我鬼事   佢最鍾意講關我鬼事

個鬼佬鬆開條狗帶   之後隻狗行樓梯側邊呀   快就快   不過易碌落山啦   所以個主人即刻喝住佢   縛番條狗帶   佢又乖乖咁行番樓梯   原來我同佢地都幾襯色   哈哈 

其實我無啦啦腳軟   所以叫里奧大人行喺我前面 

仲有排行呀   嗚 ~~~~

如果由梅窩去愉景灣   就係由呢度行上去   我企喺度影相嘅位置   只係成橋樓梯嘅
 1/5   我地係由 2 點 20 分開始行   行度呢度位置係 4 點半   有個女仔喺我隔離行上去   我已經聽到佢扯哂氣喇   我勁想叫佢唔好行呀   哈哈      

日落 lu

點解仲未到架 ~~~~~~

我係想點呢 ?!   哈哈

5 點 45 分到地面   yeah ~~~~~~~~~~

落斜呀   但我膝頭開始痛喇

行咗去唔知邊   總知有路就行   因為無指示牌   終於行下行下   行到好入   里奧大人話唔對路   咁入去一間屋度問人囉   間屋主人都奇怪我地點會行到入黎   哈哈   無計啦   一路行一路傾計   之後行番出去碼頭方向   原來我地係經過架   但唔明點解會向右行而唔係直行囉   

終於到達真正想到嘅地方喇 ~~~~

老狗啊   行得好慢 ~~~~

我最鍾意嘅顏色

十架

里奧大人話左邊果棵係紅色   右邊果棵係綠色

好開心呀 ~~~~

有間 resort 

5 點 35 分任務完成

5 點半行到梅窩碼頭   咁見 6 點有車去東涌   咁我地去麥當勞買杯汽水   坐陣去埋廁所就坐車喇 ~ 

6 點 10 分有船   我唔想由中環去銅鑼灣食嘢   不過又唔想番九龍灣食嘢   所以去東涌

6 點準時開車   估唔到成架車 full 哂   有 d 仲要企添呀 

坐咗 45 分鐘   終於 6 點 50 分到東涌喇    

唔想去 Delifrance   所以去咗個商場睇下有咩好食   見呢間好似幾 ok 咁就入去喇   因為對腳好攰呀 ~ 

美國牛肋條雜菜焗飯 ( 咖哩汁 ) ( $67 ) - 我唔鍾意呢 d 咖哩汁   可能今日太熱   我想食辣嘢多 d  

             

芝士珍寶焗飯 ( $78 ) - 牛肋條 + 雞肉 + 豬頸肉 ( 咖哩汁 )

凍鍚蘭奶茶 ( 餐 + $4 ) - 好飲呀   

                      

我地入去食嘅時候無咩人架咋   之後坐滿哂   就覺得 d 位好窄 ( 其實係我肥   哈哈 )

食完抖陣就走喇   真係好感恩   因為我行行下   見到有巴士   不過唔知幾多號巴士   但唔理喇   同里奧大人講行快 d   點知一擰個臉   架 E22 喺隔離   我地即跑呀   好感恩咁啱交通燈係紅燈   咁巴士站又近   我地先追到架車   哈哈 ~

番到屋企叫里奧大人沖涼先   因為我要順便洗埋背囊 ~

真係無本事再郁   哈哈   只好睇電視同打機   所以又 12 點幾先瞓 ~