2015年4月30日星期四

稻香 @ 九龍灣 ( 30-APR-2015 )

魚香茄子煲 - d 油 bi li ba la 咁彈出黎呀   嚇到我要 zoom 黎影   


嘩   d 油彈咗幾分鐘都仲彈呀   之後阿姐叫我 "撩" d 茄子   之後無咁多油彈出黎 



腐乳炒通菜 - 無味嘅


一蚊雞 


杏仁茶 


( 30-APR-2015  THU )

好嘢   聽日五一勞動節   又有一日假期   如果星期六係 off 就好啦   前後請 2 日假去台北玩下都好   不過呢 d 咁筍嘅嘢   都好難有我份架喇   哈哈 ~

早餐唔想諗   所以食奶醬多 ~   


菇場朝早唔太忙   但 11 點又開始忙   真係要快手快脚做哂去咯 ~

今日有 lunch box   不過食完都要出去行下   買埋雜誌   又買咗 2 包扁意粉同 4 件蛋糕比家姐   個袋變咗好重   慘 ~

丫   晴天霹靂   居然咁快要做 report   好在有幾日比我做   唔係痴線都似 ~

今晚又同媽咪去稻香   最後一日 "一蚊雞"   我 5 點 50 分去到   已經派哂籌喇   原來媽咪早 10 分鐘黎到已經無籌派添喇   咁啱有個婆婆拎咗張飛但最後唔食   張飛比咗媽咪咋   好感恩呀 ~

之後有個女人係咁同我講嘢   以為媽咪嘅朋友   點知原來唔係   又話我同媽咪好似樣   又話我好有福氣 ( 肥也 )   又話我對工人好好   呢點我就覺奇怪喇   所以問佢點解咁講   原來佢話我手拎 2 袋嘢   睇個袋都唔輕   但我都唔叫工人拎   咁佢照顧媽咪嘛   又推又拎嘢   好辛苦啫   除非我好攰   咁就真係要佢幫幫手   同埋佢都好錫我好關心我   所以佢都對我好好   所以真係好感恩呢 ~

拎埋湯番屋企就再去 759 買埋薯片先再入稻香   家姐 7 點黎到   但佢有 d 唔舒服   咁早講嘛   唔食雞囉 ~

辣味薯片 x 2 / 青檸檬辣味薯片 x 2 ( $14.8/包有 7 折   即係$10.36/包 )
另外買咗包鹽味波浪薯片比家姐  ( $15.8/包有 7 折   即係$11.06/包 )


食到 8 點幾   媽咪又買咗榴槤皇帝蕉同牛柳粒比我地   再加埋湯   真係次次都滿載而歸   哈哈 ~

番到屋企一陣   里奧大人又番到屋企喇   仲買咗車仔麵   勁香呀 ~

沖埋涼就休息喇   睇下電視雜誌   12 點幾先瞓 ~     

2015年4月29日星期三

燻蹄 & 滷水鴨腎 ( 外賣 ) + 海皇醬炒脆肉瓜 ( 29-APR-2015 )





( 29-APR-2015  WED )

尋晚瞓覺嘅時候   個胃都係頂住頂住   下次真係唔敢又酥皮又 pizza 喇   嗚 ~

有時瞓覺之前都會同里奧大人傾下計   一講親 d 咩   佢就問我點解點解   我話鬼知咩   佢就會高八度嘅聲   叫我上網查啦   尋晚佢問我點解叫二五仔   其實我都好想知   咁睇完網上解釋   咁依家係現代嘛   即係其實叫 7 仔都得啦   哈哈 ~  
          
解釋:原是中國清代秘密會社切口,意指告密者、叛徒、出賣組織的內奸和專門在人後說是非的人。
故事須從火燒少林寺說起:話說清朝康、雍年間,朝廷要徹底消滅反清復明的秘密會社,查得少林寺與天地會有千絲萬縷關係,派兵前往剿滅。但需要有少林寺內奸裡應,卒之收買了武功排名第七的少林俗家弟子馬寧兒。姓馬的窮凶極惡,犯下大罪,被逐出山門,含恨引清兵入山,火燒少林寺。秘密會社中人不恥其所為,日後便稱那些告密者、叛徒為二五仔,即排第七的馬寧兒了。

今朝食早餐就搞笑啦   咁睇新聞講話有人被勒索 2,800 萬   之後個女人好驚訝咁同個老公講話   " 有錢婆喎 "   我差 d 笑出黎   唔有錢鬼得閒勒索妳咩 ?! 


菇場忙喇   因為要 pack file 入柜   最衰西瓜啦   無啦啦見同事搵 file   就問我係咪無紙箱   我其實想 7 月先一次過 pack   點知都係唔懶得   哈哈 ~

阿花同阿爽好好人   話幫我一齊 pack   不過我話唔駛啦   我一個都 ok 嘅 ~

我本身都諗住今朝 pack file 入柜   咁啱 8 卦同我講   一陣西瓜同佢地喺我隔離房開會   咁一定唔會上到網啦   時間真係啱啱好   哈哈 ~

太好喇   差唔多 11 點就 pack 完   終於了咗心事   但 pack 到成身汗呀   好在菇場冷氣夠凍   坐一陣就即刻爽哂 ~

終於收到電話費 SMS   好在都係 $90   因為我之前喺澳門   開咗流動數據先開 wifi   勁豬兜呀   明明已經叫里奧大人幫我關咗流動數據嘛   咁我夜晚又打機   又 download 咗個澳門 map 嘅 apps   咁會用好多數據家嘛   一定一定比里奧大人鬧死我都似   第時去旅行都唔打機喇   唔係一陣唔小心 "high" 到   開咗流動數據嘅 icon 就死得 ~

勞動完就開始餓喇   所以今日出去食韭菜餃上海麵   其實我最主要係想飲醋消消滯   哈 ~


行一陣   買埋脆肉瓜都 1 點 20 分喇   要番菇場喇 ~

又忙下停下   所以好快放工   今晚買外賣算喇  好鬼攰 ~

7 點食瓜同埋食沙律   等埋里奧大人先再食燻蹄   之後執下柜   完全唔記得家姐喺韓國買咗 Laneige 比我   真係好在執下咋   唔係又走咗去買 cream 架喇 ~    



食完抖陣   8 點去徑步   今晚好焗熱   徑咗半個鐘就要番屋企喇 ~

是日懶餐 - 燻蹄 & 滷水鴨腎 ( 外賣 ) + 海皇醬炒脆肉瓜  

燻蹄 & 滷水鴨腎 ( 外賣 ) - 勁想食好耐喇   所以點都要買   鴨腎 2 隻要 $20   好貴呀   我好耐之前試過炒鴨腎   但炒完之後唔想食   如果唔係我會自己滷鴨腎   因為應該會平好多   哈哈 ~

海皇醬炒脆肉瓜 - 想惹味 d 呀   所以開鑊炒啦   如果蒸就最正   因為唔駛洗鑊   呵 ~     

里奧大人 8 點半放工   咁我沖埋涼先   之後再陪佢食飯   唉   因為煮多咗飯   佢又食得小   成日話食好小嘢   但一個出前一丁夠飽啦   又唔見咁講   麻鬼煩 ~   

食完飯已經夠飽   仲要食埋之前嘅榴槤   因為已經擺咗喺雪柜 4 日   唔食驚壞囉   食完呀   我真係好想去徑多次步囉真係   嗚嗚 ~

好攰呀   真係 11 點要瞓   年紀大喇   郁幾郁就攰到死   哈哈 ~

2015年4月28日星期二

Spaghetti House @ 旺角 ( 28-APR-2015 )

超級雜錦 POP UP Pizza  ( 普通批 ) - 意大利辣肉 / 加拿大煙肉 / 辣肉腸 / 青椒 / 蘑菇及洋蔥 ) - cc 講明只食 2 塊   但我超勁想食 pizza   所以佢話叫啦   但我覺得都唔好食嘅



芝士焗卡邦拿意大利粉 - 無辦法啦   我要食 4 塊 pizza 嘛   所以 cc 差唔多食哂   因為佢唔會嘥嘢    不過其實仲剩咗一湯匙左右   但佢都話食唔落   因為凍咗好漏   哈哈 


酥皮周打蜆肉湯 - 無乜料囉   得 3 粒蜆肉仔   



鮮製檸檬芝士餅 - 我叫 cc 整兩啖黎食   佢話件 cake 好細   食兩啖可能無咗半件   仲話只可以食尖尖果邊   哈哈   不過最後我真係食咗手指甲 size 咁多咋   因為真係超級飽 


( 28-APR-2015  TUE )

今朝都幾好天喎   之前睇天文台話今日會有一陣雨   點知今朝睇又無話會落雨   不過咁都好架   有太陽好過落雨呢 ~

食完早餐又睇陣報紙   依家聽收音機   所以小咗時間睇報紙   我覺得食個早餐都好多嘢做咁   哈哈 ~


菇場忙下停下   咁都好   咁有 d 番工嘅感覺   哈哈 ~

Lunch time 去 post office 寄嘢   之後就買車仔麵番菇場食   今日食河粉   因為今晚 shopping   所以要夠飽 ~


放工即走   坐小巴出旺角   8 分鐘就出到去   勁快 ~

咁我自己行花園街先   買咗件牛仔長褸先   一陣等埋 cc 再一齊買過 ~

原來我約咗 cc 喺聯合廣場等   好在我打比佢咋   仲以為喺花園街街尾等添 ~

行下傾下買下   都差唔多 8 點 45 分 lu   係時候要食嘢喇   咁啱里奧大人打黎話放工   好似同時叫我好收手咁   哈哈 ~   

丫   cc 都無買到衫   搞到好似特登陪我去買嘢咁 ~

去意粉屋食嘢   本來大家都唔太餓   不過一聞到 d 嘢食味呢   就當堂覺得肚餓   哈哈 ~

食到 10 點半要走喇   因為間餐廳得番我地同另一枱咋   如果唔係就可以再繼續傾 ~

原來 cc 請我食生日飯   我話過咗就算啦   不過佢係都要請   真係好客氣   好在黎緊佢生日   我又可以請番佢呢 ~

坐小巴番屋企   又係 10 分鐘唔駛就到   勁快 ~

里奧大人都唔知做乜鬼   成日問人買咗咩買咗咩   不過今晚都 ok 有收獲   買咗 1 件牛仔褸 + 3 條 1 pc 裙 + 1 件長 tee + 3 對船襪 + 2 個環保袋   差唔多買咗 $700   都好抵玩   哈 ~

沖埋涼   差唔多 11 點幾先瞓   唔知係咪頭先又酥皮又 pizza   我成個胃都好唔舒服   飽飽滯滯    直頭有想嘔嘅感覺添呀   哈 ~  

2015年4月27日星期一

Green Monday 蘋果沙律 + 壽司 ( 外賣 ) ( 27-APR-2015 )




( 27-APR-2015  MON )

今朝幾好天咁噃   最好係咁啦   因為星期一比較攰 d   有 d 陽光曬下   人都醒 d 架 ~

早餐食菠蘿油   開始有 d 厭   哈哈 ~


做埋 report 就 load 相   我又 load 到亂哂籠喎   要再執過   慘 ~

出去食嘢   去埋 post office 拎嘢   再去埋一田行陣就番菇場喇   好鬼熱 ~


差唔多 4 點飲包朱古力奶   之後無耐無啦啦胃酸倒流咁款   勁驚會死呀   所以第一時間 logout  FB 同 Blog   哈哈   好在抖咗幾個字之後就 ok ~

放工走人喇   今晚去爭鮮買壽司比里奧大人做晚餐   懶得就懶 ~

番到屋企開機洗衫就抖陣   因為好餓呀   所以 6 點 45 分食沙律   再食 d 零食咁就夠哂飽喇   哈哈 ~

7 點 45 分出去徑步   8 點半番到屋企   里奧大人啱啱放工   咁我沖涼先喇 ~   

整好 d 壽司比里奧大人食   其實豬咗啦   要洗多隻碟同個碗添   之後再叫佢食埋榴槤   唔係又唔記得食架喇 ~    


真係好攰   所以 11 點瞓喇 ~ 
    

2015年4月26日星期日

我的餐廳 @ 九龍灣 ( 26-APR-2015 )

紐西蘭肉眼扒 - 都 ok   食完唔會話好口渴 



花菇羅漢齋炒麵 - 個麵唔夠脆  


( 26-APR-2015  SUN  )

今朝 8 點半起身   沖埋涼就落去食早餐喇 ~



番上屋企抖陣就番主日學   今日係最後一堂喇   話咁快就上咗 12 堂   所以我覺得真係番得好開心呢   哈哈   抖 2 個星期   又番另一班主日學   正呀 ~

崇拜完畢就番屋企抖下   無啦啦有人按鐘   原來係家姐   因為佢喺媽咪屋企拎榴槤比我呀   其實媽咪尋日話買比我食嘅   不過我唔要啦   今日又唔得閒   叫佢比家姐食   咁家姐同完媽咪飲茶就拎榴槤   話去到巴士站   睇下自己坐番屋企嘅巴士到先   定去我屋企嘅巴士先決定   最後佢話其實第一架巴士喺去佢屋企   跟住就係去我屋企嘅巴士   最後都係拎黎比我   因為佢之前已經食咗好多   唔想再食   哈哈 ~

好啦   2 點去食嘢先   可以傾耐 d   本身諗住去興記   不過家姐 3 點要走   咁去大快活啦   近近地 ~



最後傾到 3 點幾先走   里奧大人番屋企做公司嘢   我就送家姐搭車   再去萬寧買嘢就番屋企 lu ~   

今日要執衫喇   執咗個幾鐘   估唔到好快搞掂   感恩感恩 ~

6 點去旅行社睇資料   之後去買波鞋   買完都 7 點半喇   要去食嘢喇 ~

今晚唔徑步喇   因為有 d 攰   同埋想開機洗衫   哈哈 ~

沖埋涼就休息 lu   里奧大人咁啱又做哂公司嘢   咁一齊食甜品呢 ~

今次 d 桂花糕好甜 @@



聽日要番工 lu   咁 11 點幾都要瞓喇 ~  

2015年4月25日星期六

Part 3/3 城門水塘 + 雲南小鍋米線 @ 荃灣 ( 25-APR-2015 )

( 25-APR-2015  SAT )  Part 3/3
    
差唔多 4 點   仍然繼續行呀行 ~~~~ 

我覺得拎斜揹袋行山真係好辛苦   又重   所以行緊嘅時候   膊頭都有 d 痛呀  


好多狗 @@









4 點終於見到水塘喇   




以為係倒影


好多青蜓   驚
 

估唔到有烏龜


曬 ~~~~


西蘭花 



水晶球





以為無得行出去呀




又再影過  


真係好平靜   好舒服  






4 點 10 分 lu   坐低抖下先   之後先行去小巴站喇   


佢條馬尾   係長到落大脾位置架


可以坐住張櫈望住架   不過好鬼曬   所以影完就走   哈 


另一邊 




又望下綠色嘢   哈哈  



由 1 點 25 分開始行   行到 4 點 35 分都行咗差唔多 3 個鐘   比我地想像中快   因為網站話要行 5-6 個鐘   唔休息就可以 3 個鐘  


無咁熱   所以 d 馬騮開始出沒喇 




里奧大人堅持要去蝴蝶園睇睇   不過我唔去架   好驚 d 嘢飛飛共   哈哈





保護色馬騮   最搞笑我問里奧大人多唔多蝴蝶呀 ?!   佢氣沖沖話蝴蝶就無   馬騮就大把   哈哈   


 我睇相嘅時候   話呢隻馬騮好似好孤獨好慘咁   之後里奧大人話 。。。。




隻馬騮無啦啦張開個口   想噬佢咁呀   嚇到里奧大人即退後一步   所以呢張相雖然濛咗   但我想紀念咁歷史性嘅一刻   嘩哈哈哈   佢唔係 Zoom 去影佢   係真係咁近距離影佢呢 @@ 


我坐喺士多出面等里奧大人   都見有馬騮落山摷垃圾桶搵嘢食   我真係覺得佢地好慘   嗚  



我就醒 d    只會 Zoom 黎影   因為我驚佢抓我呀   哈 



係喎   個樣真係好慘咁


身手好敏捷 


咁樣我會頭暈  


無啦啦又爬咗上去



右眼應該傷過呢



里奧大人落黎嘅時候   就打比我   叫我排隊   但其實已經好多人排緊隊架喇   因為 d 車比較疏呢    




見到馬騮嗎 ?! ( 喺人同車嘅中間位置啊 )


係咁搖支燈柱   嘈到呢




3 隻排住隊咁行前   好得意 


喺我隔離架咋   不過我唔驚   因為佢好細隻   覺得佢好得意添   哈哈 



5 點搭小巴   等咗 20 分鐘左右就有車   最正係總站喺雲南小鍋米線對面停車嘛   我就係想食酸辣米線呢   所以 5 點 40 分食早飯   呵 ~


里奧大人食紫菜豬腩肉小鍋米線 (小辣 )   我就食豬腩肉小鍋米線 (小辣 )   不過依家細碗咗 lu    


炸雲吞


食到 6 點幾就去新之城   咁啱菜菜仔又係荃灣   咁一路買住衫等佢啦   之後喺 Burger King 飲杯汽水   我真係食唔落嘢呀   叫佢飲杯咖啡同食 2 隻雞膇算喇   傾咗半個鐘   佢都要番屋企喇   所以我地又繼續行   之後去埋旅行社拎資料就番屋企 lu ~

搭小巴番九龍灣   再去惠康買嘢   之後就番屋企喇 ~

沖埋涼都 9 點幾   load 完相就睇電視   好感恩今日對腳唔痛呀   希望之後再可以行耐 d 添呢 ~

星期六真係唔願咁早瞓   所以成 12 點先瞓呀 ~