Babymama: 5月 2015

2015年5月31日星期日

吉野家 @ 九龍灣 ( 31-MAY-2015 )

我要濃湯底咁依家有得無限 refill 澴湯底好好呀呢但加咗佢地嘅濃湯底之後就當堂無哂味囉我同里奧大人講話根本只係有顏色嘅水哈哈

里奧大人話 d 飯好林對我黎講係爛飯啦哈但以前吉野家 d 飯係珍珠米好好食架喎

( 31-MAY-2015 SUN )

今朝要番主日學所以 8 點半起身但其實我尋晚瞓唔好唔想番架懶床 10 分鐘之後都係決定番唔想成日咁多籍口咁 ~

海棉寶寶真係好得意喎成日笑不過佢對手有 d 問題要搞搞佢先得哈哈

好在今日番主日學咋因為我換完衫一開機就收到 whatsapp 問我可唔可以幫手做司事咁無問題啦反正我都番崇拜但就要即刻換番斯文衫呢哈 ~

食完早餐番屋企抖陣先之後就番教會喇 ~

崇拜完畢之後就去買嘢番屋企嘢去舖頭諗住去姑奶屋企整嘢先點知原來佢已經到咗酒樓又要行番番轉頭哈 ~

鯪魚球係五千年不變嘅點心

呢個點心拚盤仍都係五千年不變

我唔知叫咗拚盤所以叫咗潮州粉果

佢都叫咗叉燒包重覆哂唉

飲到 3 點就去姑奶屋企整嘢之後去埋舖頭拎嘢就番屋企喇 ~

番到屋企已經 4 點里奧大人做公司嘢但我勁眼瞓所以試下 me 埋眼睇下瞓唔瞓到估唔到瞓到 5 點先醒我喺梳化瞓嘛里奧大人驚我冷親所以幫我冚被其實我都醒咗架喇最搞笑里奧大人以為佢整醒咗我同埋唔知我原來瞓咗因為我無鼻寒聲喎佢好衰架成日話發夢聽到獅子老虎咆哮一係就話個場境好嘈聽唔到人地講嘢點知原來佢係瞓瞓下跌咗耳塞出來果 d 咆哮係我 d 鼻寒聲呀都唔知係咪真係咁誇張哈哈 ~

6 點半出去食嘢其實唔餓但又勁想打邊爐不過佢又唔想打咁去吉野家囉 ~

食完去商場拎埋 head phone 就行陣之後番屋企 lu 今晚唔徑步喇因為超級焗熱 ~

沖埋涼食埋生果就睇電視 11 點幾瞓 lu ~

2015年5月30日星期六

福源餐廳小廚 @ 官塘 ( 30-MAY-2015 )

豉椒炒蜆 - 唔記得加指天椒唔係更加惹味呢

中式牛柳 - 好味喎

馬拉盞炒通菜 - 一般啦

羅漢齋炒麵 - 我鍾意食齋麵呢如果九龍灣有咁好食就好 lu

例湯有一大煲架不過最後都唔記得飲添

( 30-MAY-2015 SAT )

星期六真係唔願番工不過我都會樂觀地接受現實哈哈 ~

早餐食飽 d 不過真係好鬼飽下次真係唔可以又多士又麵呢 ~

菇場唔忙勁正啦 hea 放工即走喇 ~

同里奧大人喺官塘廣場等順便同佢去旅行社比埋尾數之後行多陣咁里奧大人頭先搵到 chopper 帶我去睇睇我覺得 ok 呀所以買埋先去食嘢喇 ~

今次我話去番以前成日食嘅茶餐廳食 tea 不過依家唔好食 lu 嗚嗚嗚 ~

里奧大人第一時間拆出黎影

$68 雖然個肚仔有小小瑕疵不過我覺得都接受到呢因為我好想帶佢去影相哈哈

豉椒排骨炒麵 - d 麵係林嘅

廈門炒米 - 味道 ok 啦

約咗家姐 3 點半前喺 APM 等因為今日要送別 B 頭呀 ~

所以食完就行番去 APM 好感恩買到副好鍾意嘅黑超原價 $398 仲有 9 折咁就抵喇哈哈 ~

家姐姐夫同工人 3 點 20 分就去到 APM 一齊行去京貿嘅 " 最終有你 " book 咗 3 點半坐咗陣再介紹埋紀念品就要去另一間工業大廈喇 ~

去到就見到 B 頭啦我一望到 B 頭就已經忍唔住眼淚係咁流家姐又係啦嗚嗚 ~

姐夫又心急成日話按鐘不過我地唔理佢呀望咗半個鐘大佬之後無得望架喇嗚嗚 ~

5 點喇真係要送 B 頭走喇嗚嗚嗚姐夫按制等咗 10 秒個爐就着火之後我地就出去食小小嘢 5 點 45 分再番京貿接 B 頭番屋企喇 ~

一齊食飯姐夫鍾意食中菜咁我話去福源食丫小菜都唔錯架 ~

6 點半去到食到 8 點左右就坐小巴番屋企 ~

抖陣諗住去徑步點知一落樓就落大雨咁改為行商場啦都行咗半個鐘里奧大人去買 head phone 不過又無帶銀包因為紅色得番一個咋驚比人買咗呀好在我個袋仔有錢可以比 $20 訂哈哈 ~

番到屋企即沖涼 lu 睇陣電視差唔多 12 點先瞓 ~

又唔見里奧大人咁落力影我喎 ( /-\ )

2015年5月29日星期五

焗雞扒 + 蒜蓉豆豉蒸脆肉瓜 + 蝦麵 ( 29-MAY-2015 )

( 29-MAY-2015 FRI )

實在太好喇又到 happy friday 眨下眼又過咗 5 個月時間過得好快同埋成日覺得 d 時間唔夠用咁呢 ~

好餓呀早餐一定要食芝腿治 ~

菇場唔忙咁做下 filing 啦係時候要清咁 d 嘢哈哈 ~

食埋 lunch box 就出去百佳買參蜜 $8.8 / 2支都抵所以買 8 支比里奧大人喇 ~

放工直接番屋企所以要拎哂之前喺一田買嘅嘢番屋企加埋 8 支參蜜又兩大袋拎到隻手斷咁滯不過唔想推哂喺菇場嘛同埋仲有乳酪同梘液同洗手液未拎唉諗起都重 ~

今晚煮簡單嘢同埋自己食先所以可以抖下咁睇報紙居然睇到 "筋瘤" 資訊咁當堂唔驚啦我話比里奧大人知嘅時候佢又即刻話都話打機打得多啦 ~~~~

重複打字打機手部過勞生筋瘤

手腕及手背長出直徑一至兩厘米小肉泡，軟軟綿綿，無痛無癢，或是腱鞘囊腫（又稱筋瘤）。有醫生指腱鞘囊腫常見於手部，因重複動作如打字、打機，過勞致筋膜破穿，膜囊組織液流出形成，但只影響外觀，毋須切除，有時更會自行消褪。
家庭醫生林永和表示，腱鞘囊腫（ganglion of tendon sheath）常見在手腕、手背及拇指對下，成因是手腕部位重複做某動作，過度勞損致筋膜破穿，膜囊組織液流出，「情況如爆胎，組織液流出來形成水泡」。
他解釋說，由於腱鞘囊腫非脂肪粒及粉瘤，不礙健康及生活，醫生普遍不建議動手術。「凸起部分大至受其他皮下組織逼爆，待滲出組織液自行消散，凸起位置便恢復平坦。」他又指患者常見是常打字、打機及彈琴等，手部動作重複及勞損而致。
仁安醫院骨科專科顧問醫生李安邦說，腱鞘囊腫亦會因筋腱退化病變，或關節筋膜發炎引起。「例如有病人因手腕扭傷，筋膜弄穿了，筋膜液流走，手部就出現軟軟如啫喱般的小肉粒。」

99％屬良性毋須做手術切除
他又指，腱鞘囊腫九成九屬良性，處理手法包括插針抽走組織液，或是做切除手術；但即使切除也有五成機會復生，建議如無痛無癢，不用刻意切除。一般情況下患腱鞘囊腫不會疼痛，如感痛楚，主因為筋腱病變，非來自凸起的小肉粒。

7 點半自己開餐先我一直諗住自己食先再徑步咁啱里奧大人打黎咁我話等埋佢食完先一齊徑步啦因為我唔想一路徑個心一路諗住番屋企煮麵比佢食我唔鍾意咁樣囉咁我又想佢做下運動夜 d 徑就夜 d 徑啦咁好啦開機洗衫唔駛等咁夜晾衫哈哈 ~

是日懶餐 - 焗雞扒 + 蒜蓉豆豉蒸脆肉瓜 + 蝦麵

焗雞扒 - 其實我唔太鍾意食咁多紅肉好在上次同 8 卦傾開佢叫我買雞扒我先醒起有雞扒呢樣嘢哈哈但其實我都唔太鍾意食咁多雞但點都好過紅肉囉 ~

蒜蓉豆豉蒸脆肉瓜 - 蒸咗 15 分鐘 d 瓜無哂口感哈哈里奧大人直話話好林唔想食我話唔得囉之後我話佢最煩唔係話林就話生之後佢話番我呀話我煮嘢得兩樣一係林一係 overcook 嘩哈哈哈哈講中哂無得駁咀哈哈 ~

蝦麵 - 好想食丸所以煮麵不過唔落包奶粉真係好味好多呀 ~

搞掂哂抖半個鐘 9 點 15 分出去徑步今晚超勁焗熱行咗晨運徑 3 次就番屋企喇企喺度等過馬路我同里奧大人 d 汗係咁滴真係好似焗緊桑拿咁架 ~

番到屋企即沖涼之後食生果補充水份哈哈 ~

睇陣電視 11 點就瞓喇 ~

2015年5月28日星期四

紅腸炒油麵 + 蒜蓉油麥菜 + 牛大力牛蒡豬骨湯 ( 28-MAY-2015 )

( 28-MAY-2015 THU )

好嘢又到星期尾喇同埋今日有小小陽光人都精神 d 呀 ~~~~

唔係好餓就食奶醬多啦懶得諗 ~

菇場唔忙同 8 卦睇團購又係無着落哈哈 ~

咁好天氣當然要出去食啦食完再行陣先番菇場呢 ~

食河粉真係好滯所以雖然已經 3 點但都忍唔住要飲杯茶消消滯呢 ~

悠悠閒閒咁等到放工但之後就忙啦要去街市買餸真係忙過真正番工哈哈 ~

番到屋企都 6 點半喇熱到死死下成身成臉汗出汗程度同徑完步無分別 ~

預備好晚餐再煲埋冬瓜祛濕水都已經 7 點半放工諗住煮完就出去徑步等埋里奧大人一齊食點知佢咁啱放工又問我徑唔徑步喎咁好啦一齊食完先徑啦 ~

是日懶餐 - 紅腸炒油麵 + 蒜蓉油麥菜 + 牛大力牛蒡豬骨湯

紅腸炒油麵 - 買咗 $8 紅腸不過下次唔買喇口感好怪 ~

蒜蓉油麥菜 - 今晚只得一個爐頭所以要淥菜最緊要快 ~

牛大力牛蒡豬骨湯 - 媽咪煲架我依家都好小煲湯同滾湯因為里奧大人夜番飲埋湯一陣半夜去廁所仲煩但媽咪煲咗就要飲啦我真係覺得湯水好重要好記得初初結婚無湯水飲阿姐話我塊臉好黃呀嚇死我因為我做女時真係晚晚有湯飲架所以我之後要學識煲湯第一個湯係節瓜鹹蛋滾湯第二個湯係青紅蘿蔔豬骨湯呢個湯夠經典因為我開住蓋黎煲湯煲剩一碗哈哈 ~

搞掂哂都 9 點開埋機洗衫抖多 15 分鐘就出去徑步喇 ~

超級勁熱所以徑半個鐘就番屋企喇沖咗個涼之後晾衫啦晾到出哂汗痴鬼線又要再沖多次我頭先最後用凍水沖身反而仲熱過用暖水沖身咁好在無搽 cream 住咋唔係嘥哂 d 嘢哈哈 ~

今日晏晝 3 點幾飲咗杯茶 11 點 45 分都唔覺眼瞓呀不過點都要瞓啦聽日仲要番工嘛 ~

2015年5月27日星期三

嘉華大酒樓 @ 官塘 ( 27-MAY-2015 )

脆皮乳豬 ( 例 )

豉汁蒸黃立鯧

雙丸什菜煲

( 27-MAY-2015 WED )

今朝里奧大人好早起身上大陸好在我叫完佢帶參蜜就可以即刻瞓番呢 ~

無咩胃口又唔想食多士所以食菠蘿油 ~

所有大粒唔喺度就勁 free 啦唔駛成日昅住佢地出黎嘛哈哈 ~

今日有 lunch box 可惜出面太焗熱唔係就會出去行下好似好耐無行過咁同埋好耐無徑步咁希望之後唔好成日都落雨啦 ~

放工即走咯拎埋 4 pack 低脂奶比媽咪超勁重呀一放低呢個膊頭係酸痛架嗚 ~

今晚同媽咪家姐去嘉華食飯家姐差唔多 7 點就到等埋佢先叫餸反正好快上菜 ~

同家姐講話我隻手生咗粒嘢佢好勁話係粉瘤因為佢同事係咁之後又係咁幫我摔好搞笑 ~

食完就同家姐去屈臣氏買嘢之後上媽咪屋企拎湯拎生果喇 ~

媽咪隻腳又腫不過好在佢唔係心口唔舒服可能飲水多我話總知隻腳仲重就入醫院因為佢頭先食糖水話唔甜仲食哂一碗但家姐同工人話好甜食咗幾啖咋所以我話一陣糖尿病翻發就煩有時 d 嘢明知要快去睇妳就慢慢拖都唔睇自己攞黎到時唔好喊就得喇 ~

同家姐坐到差唔多 9 點就走喇送埋家姐搭車之後里奧大人打黎話佢無帶鎖匙好在我啱啱上咗車佢話食住雪糕等我咁都好因為條街好焗熱呀 ~

里奧大人次次食雪糕同辣嘢同壽司都會第一時間 send 去我地個 group 黎引家姐所以我行緊嘅時候見到佢 send 完張相就好滿足咁笑人地唔知真係以為佢咩事哈哈

番到屋企即沖涼喇睇陣電視真係好攰所以 10 點 45 分即瞓喇 ~

2015年5月26日星期二

茄汁豬扒意粉 + 腐乳玻璃生菜 ( 26-MAY-2015 )

( 26-MAY-2015 TUE )

嘩做咩事呢已經一覺瞓天光但都覺得好攰咁嘅 ~

頂唔順要飲咖啡但飲完又唔覺好精神喎哈哈 ~

做埋 report 就 hea 過我簡直完全唔想郁呀 ~

其實唔落街買嘢食但真係勁唔想洗嘢所以最後都係買嘢食番菇場食慢慢食勁嘆呀 ~

好鍾意食椰菜絲炒米粉今日忍唔住叫魚肉燒賣喇今次好味喎煙煙韌韌之後係好粉架咁實在太好喇下次可以再食哈

Oh nooooo 點解咁攰架好在無話唔想煮飯咋 ~

放工去街市買餸咁買生菜嘅時候檔口阿姐請哂買嘢嘅人食牛奶蕉拻埋皮喎咁我話唔食喇但企我隔離嘅阿姐就等埋阿姐拻完就即拎比我食咁食啦好在細細隻唔係企喺度食蕉都幾古怪哈哈 ~

買咗瓜菜再加哈蜜瓜真係超級重但又要幫里奧大人買麵包行黎行去超級攰呀番到屋企原來已經 6 點半想抖都唔得添 ~

番到屋企預測好晚餐就開機洗衫喇咁煮到咁上下差唔多 7 點半里奧大人打黎話放工咁我都可以抖陣先煮喇因為可以同佢一齊食呢 ~

是日晚餐 - 茄汁豬扒意粉 + 腐乳玻璃生菜

茄汁豬扒意粉 - 今次買 4 塊薄豬扒再加咗 3 色椒墊底但其實意粉得一碗因為我今晚其實唔餓想食菜多 d 但都食唔哂可以帶埋做 lunch box 唔駛落雨濕濕落街買嘢食呀 ~

腐乳玻璃生菜 - 我都幾鍾意食腐乳但呢 d 醃制嘢又唔可以食咁多所以想食嘅時候就會買生菜哈哈 ~

今日無啦啦發覺自己手背凸咗一粒嘢唔知係咪筋發炎呢又可能係粉瘤因為唔痛咁頭先同里奧大人講佢番屋企第一時間即睇我手背算佢掛心啦之後又係咁幫我摔同埋叫我唔好拎咁多重嘢之後一定會加多句 " 成日打機 " 次次手痛都話打機我依家都唔係打好多之嘛 ~

搞掂哂就即沖涼食埋生果睇陣電視 11 點幾瞓 lu ~

2015年5月25日星期一

Subway ( 外賣 ) @ 屋企 ( 25-MAY-2015 )

Spicy Italian

( 25-MAY-2015 MON )

今朝約咗兒生女同姑奶 10 點半飲茶所以 9 點半起身喇 ~

一開機收到家姐 whatsapp 話 B 頭朝早 5 點 10 分走了嗚嗚嗚嗚嗚嗚嗚嗚 ~

喊完就打比家姐問情況原來尋晚 B 頭都暈咗一暈咁都 book 咗今朝 10 點睇醫生但今朝 4 點幾佢抖氣好大聲之後佢都有自己去廁所家姐話之後再抱佢工人話 B 頭失禁又屙血其實都知乜事架喇之後開始無咩氣喺家姐懷抱走咗喇工人同家姐一齊送別 B 頭 ~

7 點打比善終服務中心 7 點 40 分都到咗屋企接走 B 頭喇 ~

勁唔開心呀不過我都預咗會有咁嘅一日因為家姐成日都話 B 頭氣喘情況同朱仔一樣咁囉 ~

10 點左右出門口估唔到佢地話到齊咁搭的士去喇 ~

我地 10 個人飲茶佢地要 2 盅飯 3 籠包 4 碟腸粉我真係頂唔順話點解食埋 d 咁飽肚嘅嘢架我覺得飲茶唔係咁囉所以我都無乜點食因為睇見都飽