吉豚屋吉列豬扒專門店 @ 九龍灣 ( 10-DEC-2015 )

和風汁吉列三重奏飯 ( $65 )

吉列豬柳泡菜湯烏冬鍋 ( $69 )

豚肉山泡菜鍋定食 ( $69 )

抹茶好立克特飲 ( + $10 )

( 10-DEC-2015  THU )

今朝又暖番 d 咁噃   真係唔好時冷時暖啦   我依家都仲未拎冬天衫出黎着   就咁着件外套就算   都懶得將 d 衫換黎換去呢 ~

早餐食奶油脆豬   睇下報紙又要番工喇 ~

菇場忙呀   又攰   勁想快 d 放假 ~

次次西瓜放完假就會分好 d 朱古力比所有同事   我今次就比哂家姐   等佢開 OT 可以食下 

難得有陽光   咁就出去行下   順便食埋 lunch   食完行多陣又番菇場 lu ~

忙呀忙   放工都即走喇   去醫院探媽咪呢 ~

感恩去到見到姑娘   話媽咪心跳都無咁快喇   聞氣由 4 變 2   再睇埋今晚情況   聽日可能唔駛用貓鬚 ~

見到媽咪都有胃口同埋精神   咁都好   我覺得佢仲精神過我添呀   哈 ~  

家姐話媽咪血管太幼   d 針插唔到手背   要插喺手掌對落位置   我都唔識點講   即係人地割脈嘅位置   所以次次要打藥水入去 check 住個心跳   但如果心跳快   部機就成日響   咁我今晚聽唔到部機響   仲同媽咪講話無咗部機   但唔明點解仲要唧藥水 check 住囉 ~   

媽咪話唧藥水會好痛   咁今晚姑娘同佢打藥水   我直頭見到支針好似比佢扯咗出黎咁   之後都見到流血啦   根本佢大力唧藥水   好心佢用手按住個針孔位置啦   咁媽咪唔駛咁痛同埋流血   之後有姑娘幫媽咪換膠紙   佢好細力換架   呢 d 咪有愛心同細心囉   起碼顧及病人感受 ~~~~      
家姐 7 點幾先到   咁又傾下計   之後佢話部 check 心跳機有無嘈   我話無咗啦   之後佢企喺身再睇下   部機都無拎走   嘩哈哈哈   我仲以為無咗部機添   可以我次次一入到黎就坐喺度   咁媽咪張床又遮住 d 視線   所以睇唔到呢   哈 ~

8 點走喇   又坐到 28B 落九龍灣 ~

今晚想食熱嘢   所以我話去吉豚屋呢 ~

食完都 9 點幾   咁我送埋家姐搭車就番屋企喇 ~

晾埋衫就沖涼   之後睇下雜誌   又打下機   居然打到成 12 點幾   但呢排勁攰   所以要比自己打機開心下   哈 ~