越棧 @ 九龍灣 ( 11-DEC-2015 )

( 11-DEC-2015  FRI )

又 happy friday 喇   但我覺得好似過完無耐 friday 咋噃 ~

今朝陪里奧大人早 10 分鐘起身   所以 8 點 10 分已經餐廳   雖然我唔餓   但都要食個米粉餐啦   咁樣可以坐耐 d   哈哈 ~

菇場呀   可唔可以比我抖 5 分鐘呀   唔好 "枕" 唔停手先得架   個腦實哂喇 ~

Lunch time 又唔餓   所以求其食條能量 bar 算喇   有嘢落肚好 d 嘅   之後食埋杯乳酪   因為唔想乾爭爭   但就更加唔想飲水住   太病 feel 喇 ~~~~~~~~

忙忙忙忙忙忙忙   頭先明明記得 d 嘢點做   但再做嘅時候完全唔記得   所以我最驚太忙   將所有嘢塞有腦   之後就唔記得   慘 ~~~~

無啦啦勁餓   所以食埋包一月到期嘅 Potato Chip   呵呵    

放工探媽咪   等咗半個鐘巴士   又凍又攰又餓   撞鬼 ~~~~

6 點半先去到醫院   之後問媽咪食咩咁啦   我話喺醫院盡量食清 d   之後佢又話問咗醫生   醫生話食得叉燒   呢下又辣慶我喇   話佢唔好再同我講話醫生話食得叉燒   腎科醫生話叉燒切雞樣樣唔食得架   唔準出街食添啦   咁妳又唔講 ?!   妳唔好將自己想食嘅嘢就話醫院話可以食   咁妳有無問醫生知唔知妳腎唔好呀 ?!   下?!?!   

我成日都同佢講   妳如果戒口但有唔舒服入院   我會覺得妳好可憐   但妳唔唔戒口但唔舒服入院   我覺得好討厭   根本之前唔舒服就即入院   係都要拖   好鬼煩  ~

大佬   我番工好攰   又要探媽咪   呢排攰到夜晚係瞓唔着架   一係瞓到半夜醒咗   諗諗下又激氣到瞓唔到 ~

我同佢講   如果要洗腎   唔該妳話妳兩個女死咗   無人理妳   睇醫院點同妳安排   我一定一定唔會日日請假去醫院   呢 d 嘢係妳自己一手造成   一定要自己承擔番後果 ~

雖然我大份又大食   但其實身體勁唔好   每個醫生醫師都會成日叫我唔好咁緊張   放鬆 d   情緒最易影響身體   真係自問要做嘅真係做足   我唔似家姐   媽咪話咩就話咩   我同家姐講   如果佢夠本事就咩都自己搞自己整   唔好又驚又剩   當我有一日唔再緊張媽咪嘅話   我相信每星期一次食飯係例行公事   唔駛旨意我關心妳   有咩事真係真係唔駛同我講   最緊要唔好煩到我   妳咁巴閉嘛   okok   妳自己搞掂   話我死女包無所謂   我對得住良心呢 ~~~~~~~~

今晚家姐 7 點半先到   所以坐到 8 點都要走喇 ~

勁餓呀   又凍   我話要食越南嘢   之後家姐話今朝先諗   點解我呢幾日係都唔食越南嘢   點知佢一諗   今晚我就話食   哈哈   其實因為呢間越南嘢麻麻地好食囉   但今日勁想食牛肉河   所以先食咋 ~

食完都 9 點半   我送埋家姐搭車就番屋企 lu ~

里奧大人無啦啦話開機洗衫   咁鬼夜先開機   痴咗條筋定喇 ~

沖埋涼就 line   差唔多 12 點   里奧大人即去淘寶   雙十二有折喎   成日話我買嘢   佢咪一樣   呵 ~

今晚我都痴咗   1 點先瞓呀   聽日仲要番工   希望夠精神啦   哈 ~