客家好棧 @ 九龍灣 ( 13-DEC-2015 )

古法羊腩煲 ( 送菜) ( $198 ) X 2 - 好羶   所以我無食呢  

黑椒茄子牛柳粒 ( $78 ) X 2

梅菜扣肉 ( $70 ) X 4 - 里奧大人話我地呢枱鍾意食   隔離後生果枱未必鍾意   佢地可以叫第 d   唔需要我地呢枱加咩   佢地就加咩   咁事實又係嘅  

瑤柱花膠什菜煲 ( $68 ) X 2

客家煎釀豆腐 ( $58 ) X 2 - 百福豆腐好滑   不過無豆味       

臘味炒芥蘭 ( $68 ) X 2

東江鹽甑雞 ( $68/半隻 ) X 2

百花炸蝦皇 ( $78 ) X 2 - 居然兩碟擺埋一碟    

蒜蓉炒菜心 ( $58 ) X 2 - 炒埋都唔知布無 10 條菜心   呢碟菜真係勁好賺

瑤柱蛋白炒飯 ( $68 ) X 2

( 13-DEC-2015  SUN )

今朝居然 9 點就起身   咁又見幾精神   所以都唔再瞓喇   出廳睇雜誌   都唔敢睇飲食男女   唔係會越睇越肚餓呢 ~

10 點半鬧鐘響   但里奧大人話尋晚瞓得唔好   唔出去食早餐喎   要再瞓   咁我餓到暈啦   所以我即刷牙洗臉落樓食早餐喇 ~

食完去買蛋糕仔比媽咪   正想買麵包比里奧大人做早餐   點知佢就打黎話起身   起得正合時啦   哈 ~

我驚里奧大人食一個包唔夠飽   所以又買 d 蛋糕仔佢食   不過最後都無食到   留番聽日做早餐 

我沖埋涼就去探媽咪喇   感恩 11 點 55 分到   不過估唔到晏晝都咁多人探病呢 ~

見到媽咪種豆位於轉咗右手   咁就好啦   唧藥水入去無咁痛嘛   不過依家要試藥   所以點都要種豆囉 ~

坐到 1 點 15 分就走喇   咁家姐 whatsapp 我   問我係咪一個人黎   我話係   因為里奧大人嬲媽咪唔聽話   之後家姐話尋晚里奧大人都惡   工人都覺得佢惡   我想話咁都叫惡 ?! 又無鬧媽咪   不過我都費事再講咩   問心無愧算喇   其實一個人唔關心妳   真係理鬼得妳食乜咩 ~

家姐錫媽咪   但錫錯方法   唔係錯都要比佢做   有 d 後果係番唔到轉頭   到時唔好又怨天怨地怨自己   我覺得好煩囉   一早叫唔好咁   妳要丫嘛   ok   做飽去啦下 ~

去埋超市同街市買嘢就番屋企喇   抖唔夠 10 分鐘又出去食嘢喇   因為要順便去買嘢 ~

買比家姐嘅聖誕禮物   家姐話佢朋友同佢講   黑色阿婆好辣   所以我買比家姐試上   咁包后古力上次 $19.9   依家 $15.9   所以我要將佢 "鄧" 番勻   哈哈  

今日我要比自己開心   所以要食黃蘿蔔壽司同凍珍珠奶茶   里奧大人就食咖哩飯   咁可以坐喺 food court 食呢 ~

食完周圍睇下嘢   之後去 Ogawa 買按摩器   因為之前做特價 $4,790 無買   覺得都係貴   點知原價原來要 $5,990   我又覺佢唔太值   所以終於等到依家 $4,980   咁所以要買喇 ~

好在今日 mimi 幫我睇咗價錢   問清楚哂所有嘢   咁我又睇咗報紙係分期都係 $4,980   但原來要簽恆生同滙豐卡先係 $4,980 囉   職員無主動講架   我問佢係咪 $4,980   佢先講   mimi 又係話佢果邊無講簽呢 2 張卡先有優惠   我覺得佢地手法好古惑   d 人唔問真係會用原價買囉 ~

雖然要等三星期先有貨   不過我都照買喇   佢話可以插單   但我地心諗   有無咁多單呀 ~

買完去豐澤買碎肉機   之後再去買 Hand Cream 就即番屋企喇 ~

碎肉機 ( $428 ) - 個 sales 係咁 sale 另一個牌字嘅碎肉機   話做緊特價   刀片又夠利   又有打蛋器同唔知咩配件   不過我話唔需要囉   個牌字都未聽過嘅   同埋屋企都有呢 d 配件   真係唔想要囉        
   

$235/支   買夠 2 支   再買 d 其他嘢   因為想做會員   話依家買滿 $600 可做會員   之後要 $1,000 先做得會員呢   

$90/盒   送盒比家姐

番到屋企已經 5 點 40 分   所以要即燉肉汁   5 點 55 分就即去客家好棧喇   今日真係未停過   好攰呀 ~

今晚同里奧大人屋企做冬   17人分兩圍坐   限時 6 點至 8 點   食下傾下   好快都 8 點   但無叫妳交枱   因為出面都無人等位囉 ~

番到屋企即飲肉汁   之後就沖涼喇 ~   

晴晴好搞鬼   次次里奧大人叫佢做嘢乜都好   佢都唔嗲唔吊   所以次次里奧大人都要我出手   咁今晚要佢比個 schedule 我睇佢呢兩個月有邊日唔喺香港   我見到佢 2 月寫住 xx bday   咁我話仲有個人無寫喎   佢話唔熟嘅人先會寫   所以佢話媽咪都無寫   我唔信佢   係都要佢講我幾號生日   估唔到佢真係記得   仲記得里奧大人生日   開心到佢爆啦   哈哈 ~   

今日勁攰呀   所以 11 點半都瞓喇   雖然唔眼瞓   但聽日要番工   點都要瞓囉 ~~~~~~~~~~